The Joomak (已結業)

氣氛舒適的韓國餐廳，設有向著維港海景的位置，令人下次來想訂枱呀！韓烤牛肉4℃冷麵168擺盤好好看，配上薑柚豉油汁的手拉蕎麥面，份外彈牙清新，令甜甜的烤牛肉吃上去沒那麼肉膩感，而牛肉切得厚薄剛好，燒得色澤要好，拌匀配菜半熟蛋紫菜絲泡菜等同吃更是爽口清新。韓式辣豬肉 4℃冷麵168五彩繽紛的眼色，令人食指大動，這個用冰塊保持冰凍溫度呈上的冷面，十分消暑怡人，加入傳統豆花醬汁的手拉麵，豆味濃縮令面條更清爽。主角豬肉用經典的韓國辣醬加洋蔥掩過，半肥瘦，肉質入味。牛肉海帶湯78熱騰騰做起，食材主要有牛肉海帶菇菌翠玉瓜椰菜絲等，滾出來的湯帶有陣陣清甜，那麼熱的鍋子，肉質都沒有靭😍湯頭具肉香呀！韓式松子仁吞拿魚飯卷9810塊的飯卷用胡蘿蔔絲吞拿魚松子青瓜等材料卷好，口感細軟又不失脆身，而且紫菜亦沒有變淋呢！巔峰狀態68由羽衣甘藍牛油果芒果香蕉打成的杰身飲品，香蕉味道最出眾，味道香甜，羽衣甘藍超健康，喝完肚子飽不少。藍莓無酒精馬格利58賣相一流，打卡超漂亮可愛的。藍莓味不重，冰感很強，吃完全餐飯還可以保持冰冷呢！食後感：人客蠻多，職員忙得不可交加，叫了很多回，都忙得沒有把我留意囉！

朋友每星期一次食素食為主，帶我嚟The Joomak食新豬肉？！素水晶豬肉冷麵配傳統豆花醬汁OMN!pork $168新舊食品混搭，素泡菜、甘筍絲、青瓜豆花汁打到起泡泡咁，厚身d口感。黃豆粉同芝麻醬加左更香麻，芝麻個麻。素水晶豬肉有似淆肉既上層，肉身豬肉碎整成咁，味道好似用配上微豆味。勁真，幾可亂真！韓烤牛肉冷麵配薑柚豉油汁Korean bulgogi beef $168泡菜、甘筍絲、青瓜、溏心蛋薑柚豉油汁中，柚子味好重。要跟steps食，先放麵、汁、料等等。冷麵爽口有口感。青瓜幾多又多汁，泡菜好少辣，入醬汁後香口d。韓烤牛肉係得我食，甜度適中，肥肉不算多，份量比想像中多。忍唔住口飲左兩啖薑柚豉油汁，柚子味清新再加返d咸咸地豉油。冷麵搞散d食會冰d掛汁d。牛油果開心果炸雞 $188 (素)Vegetarian avocado pistachio fried chicken上枱樣貌唔似素食，多多牛油果醬多又粗。反而開心果要係底先見到多d。第一口咬落去脆皮？心諗唔係叫左真雞肉呀嘛！之後再食係嫩雞肉咁，哈哈。脹卜卜咬到肉絲咁，幾好味道。原來素肉都可以咁香口，又creamy！芝士粉提味。水果柚

岩岩中秋節過左，天文台就話係幾十年黎最熱既中秋，天氣熱辣辣，有時都唔係好想食好多野，食凍同辣既野就最適合不過啦。呢間餐廳都有健康菜式，星期一仲有素菜自助餐＄208九十分鐘，不過今日試散叫先。韓國烤牛肉冷麵$168呢度既冷面俾你DIY，配料、麵、肉全部捲好一堆堆放在盤到，之後你可隨個人喜好，mix and match牛肉冷麵配似甜豉油冷面汁，幾開胃的。素水晶豬肉冷麵$168呢個冷麵就配豆乳同黃豆粉，含豐富既蛋白質，好健康味道就比牛肉既清淡，要多落泡菜先提到味不過兩個冷麵都好有睇到，上菜時一陣煙，引來唔少目光。牛油果開心果素炸雞$188炸雞今天我地選擇素既，因為傳承健康概念，我地選擇炸素雞。出面係豆卜咁，入面包住麵根食落都有咬口，食緊肉咁，幾得意酥炸芝士魷魚筒$68呢個推介小食，每舊魷魚都塞左水牛芝士，好飽滿出面脆脆，入面軟軟能拉絲！韓國仙人掌果酒$158酸酸甜甜，味道開胃飲到最底既酒味先重d巔峰狀態$68上次黎都飲過，唔洗驚有草青味，飲落有牛油果味咁，綿綿，帶蘋果香，健康之選呢度係正海前面，有無敵靚景，岩情侶黎！

未黎過，趁同朋友聚會試下新野！四個人食四樣野，每個人夾返都係$170，係尖沙咀都幾算ok! 韓烤牛肉冷麵！最特別係個醬汁，個醬要先倒落啲冰度，然後將麵放入個醬！未試過一定要試！不過份量比較少，四個人分好似每人一啖就食完，叫多過又好似太多。呢個牛油果開心果炸雞最有驚喜！平時都唔食炸嘢，驚熱氣，但係呢個炸雞因為有凍嘅牛油果開心果醬係個面度，所以食落去一啲都唔覺得油膩！青蘋菠蘿羽衣甘藍煎餅，呢個combination聽落怪怪地，不過又出奇幾好食。紫菜卷相對冇咁特別，不過都係好食既！

星期四既晚上，係OpenRice 睇緊有咩好食，突然間見到有OpenRice 網上訂座限時優惠「全單七五折」，即刻Book黎試下～兩個人叫左個牛油果炸雞，韓式牛肉伴飯同啤酒，食到好飽～炸雞有六舊，比想像中大舊，如果每舊細舊D會開心D。炸雞好多芝士粉，加埋牛油果醬好香好好味～不過每人食左兩大舊之後就覺得好漏，食唔落，同埋因為好難短時間一下子食晒，所以之後個兩舊d皮淋左就冇咁好味了，所以如果有半份叫或者細件d上就好了！幸好叫左杯一番揸既麒麟啤送住炸雞，咁先可以慢慢飲慢慢食。伴飯好多料，比想像中大碗，加左三份一既辣醬岩岩好，唔辣，鐘意辣既可以再落多D呀～

雖然秋天已到但總覺得食透心涼嘅韓式冷麵，感覺超爽呀!前晚同朋友去咗尖沙咀LCX 3樓間「The Joomak」，食咗個正宗韓式冷麵，望住海景嘆住涼浸浸嘅美食，真係人生一大樂事。冷麵是手拉製造，keep住4°C，上擡時仲有仙氣，配菜有青瓜絲、甘筍絲及泡菜。韓式辣豬肉冷麵配薑柚豉油汁，醬汁可加上冰粒再放麵後進食，或不加冰亦可，除個人喜好。薑柚豉油汁，薑味帶出微微辛辣柚子味清甜，豉油輕微少鹹，一個醬汁三種層次。辣豬肉不算太辣，肉質腍嫩惹味，夾上泡菜一齊食，更加過癮。素水晶豬肉冷麵配傳統豆花醬汁，水晶豬肉似中式肴肉，清淡得來帶點豆香味。豆花醬汁淡淡有濃厚豆香，似豆漿不甜，再加埋黃豆粉同麻醬，非常健康。韓薑菠蘿雪沙，薑味夠香濃，菠蘿不酸帶甜，呢個雪沙夠曬透心涼。

今日黎到The joomak食晚飯，之前都黎過幾次，見到呢排出左新菜式又黎試下~仲有一個素菜menu, 有好多選擇。點左夏天限定既手拉冷麵，揀左燒牛肉同辣豬肉，冷麵一上枱個setting好吸晴，出哂煙好特別！配料都好有特色，醬汁係豆花醬汁，仲配左麻醬同黃豆粉。呢個配答幾special。而Vi就中意燒牛肉多d, 配紫菜同柚子豉油汁，呢個汁好味，好清新好岩夏天食。另外點左素食系列既松子紅莓煎餅，煎餅微脆好香口，味道唔錯，只係油分略嫌太多。另外小食芝心魷魚筒幾正，魷魚筒入面塞滿拉絲芝士! 飲品方面點左2人分的仙人掌果酒，果道酸酸甜甜，帶有小小酒精。整體呢度既菜式好新穎！

超喜歡Joomak的黑糖麻藥粟米，最近胃口不好想吃得清淡，又想起這個了。晚上從餐廳看出去還可以看到動人的維港景色，如果早點到來還可以看到幻彩詠香江呢～～韓食通常都是配搭肉類居多，這裡卻有大量素食選擇，就算大班朋友都可以各取所愛～看到鄰桌點冷麵，端上的時候還有一縷輕煙上，賣相相當精緻，決定叫兩款不同口味試試～每款冷麵都會配上不同醬汁，素豬肉揀左配傳統豆花醬汁（花生粉及麻醬），除了麵條旁邊有蘿蔔絲、青瓜絲、泡菜等等～ 水晶素豬肉，外貌與口感都與中式肴肉幾可亂真，口感比真豬肉來得清爽且沒有豬肉腥味 傳統豆花醬汁質感比較濃郁，間中有少量豆花碎，食法是把配料及麵條加入冰碗，再加上醬料拌勻一齊食，幾好玩又吸睛，但醬汁味道就略為淡。個人覺得辣豬肉配搭比較出色，因為有少少辣味不會太過清淡，而配搭的薑柚子醬汁少少酸感覺幾開胃。當然少不了 黑糖麻藥粟米 清甜粟米外面灑上黑糖麻藥粉，甜甜地好易入口，正～下次要帶素食妹妹來試試素炸雞，好多款都好吸引呀！

和朋友在尖沙咀逛街，經過海港城，原來商場都有挺Modern的韓式餐廳，見下午茶都挺便宜的，便一試了～點了豚肉拌飯和炸雞。一上菜，嘩！份量真的好大，除了飯多，連豚肉都好多，夠兩個女生的下午茶了。而拌飯的辣汁有另上，可以依個人喜好來加醬汁。不錯的拌飯～而炸雞是這家餐廳最有名氣的，即叫即炸，而且充滿肉汁，不會好乾身，十分好吃～

聽講joomak係一個中西日韓國fusion 菜，仲有得食素，所以黎試下。裡面環境唔錯，如果好彩可以坐到窗邊位仲可以欣賞到超級維港景色。我地total叫左3款菜色。首先係健康藜麥沙律($128)依款沙律幾推介，唔知係咪落左麻油，有別其它酸酸甜甜既沙律， 但食落好開胃， 好香。上面鋪滿藜麥，有芒果，都幾甜。然後就係韓式辣豬肉4度冷麵（$168)岩岩上菜個下真係勁有仙氣可以選擇2種汁黎塔配，分別係薑柚豉油汁同傳統豆花醬汁。而我地揀左傳統豆花醬汁試下。個味好淡，有點類似豆乳味，其實樽汁都幾多，撈唔哂個面，最好我地仲每人一匙當左豆乳黎飲😂😂食法係放個手拉素麵係碗冰上，然後按個人喜好加入配菜，倒入豆花汁仲有少量麻醬同黃豆粉調味，之後攪拌黎食。個程係幾得意，不過味道其實我覺得一般，因為係攪拌埋d冰黎食，一黎太凍d 味唔會太突出，二黎個冰溶左d水，又會溝淡左d味。同埋有一樣野可以改善係，佢有3 啜面，咁岩我連埋朋友3個人一人一啜岩岩好，但佢只係俾2 碗冰，咁好難平均分。依款菜色我覺得係睇得玩得不個味道就好一般啦。最後一樣係川香麻辣炸雞（$228)對於我鍾意食辣同食得辣既人黎講，都覺得係超勁辣。十級辣

呢日係海港城行街,就試左呢間韓果素菜.餐廳部分座位可以看到維港,景觀5錯.呢日試左牛油果開心果炸雞,口感ok冷麵就比較特別,是要自己加冰撈,同平時吃開的5一樣,比較新式.不過略嫌分量較少,5多較飽.仲有韓式烤鰻魚,仕應姐姐幫我直接燒埋,而且有幾款配菜,都ok好吃.

身為韓迷，韓國菜又點少得我！今次食呢間韓國嘢係同事帶我黎，可能因為係平日夜晚，都坐得幾舒服，又唔多人，加上佢本身都間隔闊落，唔會太迫！個饅魚有staff幫我地燒埋，食落啲肉都幾嫩唔鞋，好少食韓國野有staff serve(唔計燒肉）呢個비빔밥 就嫌佢有些少太貪心，擺太多料，所以好容易散，都係喜歡傳統多d呢個炸雞，食到我就黎噴火～～～超勁辣，不過啲芝士都幾好味！加埋個景，綜合呢講都食得開心，韓國菜黎講算係比較新派。

呢間韓式餐廳我間中便會幫襯，雖然侍應服務真心差，不過佢嘅炸雞飯又真係好食，午餐我通常都係食佢嘅炸雞飯，另外可以一試嘅就係佢嘅牛肋骨，其他嘅嘢我建議大家都係唔好試。呢間餐廳特別嘅地方係佢推廣素食，但係佢啲素食真係難食到爆，如果你唔信，建議你叫個素炸雞，然後叫返個正式炸雞，比較之下你就會知道分別真係大成咁。另外最過癮嘅地方就係佢個辛辣麵都竟然做得唔好食，真係非常難得架！仲有一樣野要睇下大家，就係佢啲侍應嘅服務真係差到無倫，唔夠人手係一件事，啲侍應愛理不理係第二件事，有時仲會黑面添。好彩佢個炸雞飯同埋牛肋骨真係好好食，如果唔係我諗真係好難比多一次機會佢。

Joomak is located at the harbour terminal youth section #lcx, with its modern take of hip Korean food and impeccable night view of the Victoria harbor, the joint filled up at a rather late time at 8pm. The dry ice can be excessive at first glance, but it does give ample opportunities for foodbloggers alike to have their cameras eat first. The cold noodle with beef and pork are great delight with the vinegar and soy milk sauce. My squad do prefer the vinegar sauce, but it's only because it matche

Eat Green, Live Green, Act Green! 素食同減炭的環保生活，近幾年來，在香港推行得好好。好多跟上潮流的食肆，都好響應 Green Monday 這一個活動。餐廳會在週中的一天，推廣素食，或在他們的 menu 內，夾含許多選擇的素美食。海運大廈的《The Joomak》推出了一個週三的素食放題。在4月的一個週三，我同太太的一班素食好友相約在尖沙咀，一起來 "吃到飽"。星期三，來食素食放題的人潮很多，我們就算一早訂了位，也需要好有耐心地在門口等待。如果沒有 book 檯的，基本上，係唔會有位俾到你坐。等了良久，大家亦開始發脾氣，才有個位安排到。說只有90分鐘，我們一坐低就急不及待的把喜歡的食物點上，以及要求把預訂好的食物先上。極速出現的，是素芝士紫薯粟米。芝士不是主角，主角就是灑上了紫薯粉的粟米。粟米本身已經甜，加埋更甜的紫薯粉，是一個甜上加甜的東西。羽衣甘藍煎餅，把羽衣甘藍打碎再混入煎餅粉一起。這一個煎餅，每一啖都擁有羽衣甘藍的菜香。相比起來，原味煎餅就只是一片沒有什麼味道的韓式煎餅。用上伴其他食物，不錯。單件食，就真係冇乜大味道。韓式辣年糕是一個很傳統的韓