Here Thai Market

營業中

休息中

餐廳門口看到售賣泰式飲品，有木茶壺烹調熱茶中，飄着熱騰騰的蒸氣，很有風味。看到餐廳内有不少廚師的相片和介紹呢！原來餐廳的廚師很有來頭，是泰國的米芝蓮廚師。另外我非常喜歡餐廳的裝潢，用上深綠色作主題，配上木系列桌椅和綠色植物，背景是泰國的水上市場，充滿特色和泰國風味啊！入座後，職員送上一壺熱茶，同樣很有泰國味道呢～而桌面上的金色樹葉枱墊，金光閃閃且是有質感的，觸感很好唷~這裏的食物擺盤都很有心思，有裝飾的食用花和樹葉香茅等，很有東南亞風味。♡免治牛肉洋蔥$28啖啖肉配上泰式風味的醬汁，肉味香濃，帶點肉汁。♡椰奶蟹棗$108外皮炸得香脆，餡料是滿滿的蟹肉，附上的不是一貫的甜酸醬，而是甜甜的白色椰奶，沾來吃感覺很特別呢~♡蟹肉炒飯$168蟹肉份量十分多，而且每一粒蟹肉都很大粒！加上蘿蔔粒和蔥花來到炒飯，口感更豐富。♡羅氏蝦炒金邊粉$108這款比較辣，有花生碎、辣粉、青檸，芽菜在旁作調味，味道香辣惹味，很有層次感唷！♡泰式牛奶咖啡$28以竹藤編織成的杯墊靜，很有東南亞風味啊！是帶有泰式味道的牛奶咖啡，口感幼滑。♡鮮椰子水$38味道清甜，感覺新鮮多水~椰子成熟度剛好，內裏的椰肉肉質很容易就可以起

沙田新世紀廣場呢邊開咗一間新嘅泰國菜，由米芝蓮泰國廚司主理，即刻去品嘗下。🇹🇭安格斯牛肉船麵 $128俾小朋友食，所以點了走辣。果然名不虛傳，船麵湯底味道超級濃郁，但係唔會咸。除咗有安格斯牛肉片，仲有牛丸，牛筋同牛肋條炆得軟腍，非常好食，湯都飲晒。如果加啲辣一定更加惹味。🇹🇭蟹肉炒飯 $168外面嘅蟹肉炒飯只有幾舊蟹肉，但係呢間正嘅喺蟹肉炒飯係超多蟹肉，覆蓋一整個飯面。炒飯同雞蛋火候掌握得非常之好，金黃色粒粒分明。🇹🇭雞全翼兩串 $48必須要點串燒，雞翼用胡椒粒同香草調味，燒得剛好唔會嚡口。🇹🇭泰式椰奶咖啡 $34泰式咖啡特飲，醇厚好飲。🇹🇭燕窩芋圓斑斕奶凍 $68特登點呢一款比較特別嘅甜品，出邊餐廳未試過。底下係白色椰奶凍，加埋斑斕漿，有芋圓同埋燕窩，非常適合女士食。總括來講，餐廳好大，座位闊落，新派泰國style靚裝修。食物好食有特色，好值得推介。

一田行完上電梯就見到哩間餐廳好多人, 而且裝修幾靚幾有特色就入去試下。原來係泰國米芝蓮名廚主理, 裝修以水上市場做藍本,。安格斯牛肉船麵$108安格斯牛肉腍香, 另外仲有Q彈既牛筋同埋牛丸。湯底濃而不咸, 有淡淡牛骨甜味。瀬尿蝦炒飯$168出面好少食到瀨尿蝦炒飯, 雖然瀬尿蝦唔算大隻, 但佢拆哂殼啖啖肉好岩我哩D懶人。炒飯夠乾身帶有少少蒜味, 幾香口的!免治牛肉洋蔥 $56哩個又幾好食喎燒得表面焦香, 咬落去入面有肉汁, 加埋洋蔥香同口感, 點埋酸辣汁幾惹味。雙芒椰奶西米冰 $58芒果味夠濃, 質地厚身creamy, 自己mix 埋D冰落去凍D仲好食!!幾中意佢野飲杯套~~ 香茅青檸冰沙同埋龍眼冰, 清爽!!

今日嚟到沙田食泰菜，餐廳位於新城市廣場三期，非常易搵。裝修方面，餐廳充滿泰式風味，而且又大又靚，坐得好舒服，都適合一大班人嚟聚餐～安格斯牛肉船麵 $128船麵係泰國特式美食。依度嘅湯底味道濃郁，帶少少辣，幾惹味。面頭仲有炸豬皮、香蔥、蒜同芫荽。我同朋友揀咗寬河粉，超好味。寬河粉好滑身，帶點彈牙，都幾掛湯。另外仲有安格斯牛肉同牛筋，牛肉好重牛味，牛筋充滿膠質。雞腿炒金邊粉 $88依碟賣相好靚，面頭有大大隻炸雞脾。雞脾外皮香脆，充滿油香，內裏肉質好滑，好juciy! 炒金邊粉好惹味，甜甜地，辣辣地。金邊粉晶瑩剔透，裡面配有芽菜、炒蛋、豆乾等材料。燒原隻魷魚 $58燒魷魚超香，大大隻，食落有驚喜。魷魚好新鮮，燒得啱啱好，唔會韌。泰式香蕉煎餅 $88甜品就食左去泰國必食嘅香蕉煎餅。香蕉煎餅比一般嘅大塊，而且較酥脆，睇到有好多層。薄餅裡面有蛋同香蕉，配搭住忌廉/ 煉奶/ 朱古力醬食簡直一流！鮮椰子水 $38椰青大大個，仲雪到凍冰冰，好fresh。泰式奶茶（凍） $28 泰式奶茶茶底好香，而且唔會太甜。

位於沙田新城市廣場一田對面，新開了一間泰菜餐廳，主打由2位米芝蓮泰菜廚師主理，聽起來來頭不小，一於試試好唔好食先餐廳裡面比想像中寬敞，裝潢摩登以泰國水上市場為主題。🔸燒原條魷魚 $58魷魚軟腍爽口，醬汁甜甜的，2人分享剛剛好🔸海鮮炒闊河粉 $128賣相看出用心，海鮮有蝦、魷魚、帶子、芥蘭、粟米芯，醬汁甜甜辣辣很惹味🔸泰式墨魚粒蝦餅 $88蝦餅加入墨汁，爽口彈牙，仲食到粒粒墨魚。外皮微辣炸得香脆，推薦✨🔸泰式海南雞和燒雞雙拼飯 + 湯 $128海南雞嫩滑、燒雞香口皮脆，不同口感！油飯乾爽不油膩。配搭的椰子雞湯，椰香味濃，又幾好飲喎～🔸芒果沙冰 $48 ｜ 🔸凍可可 $28泰菜必飲芒果沙冰，清爽透心涼。而我就太多野唔飲得，只好偷偷點了凍可可飲（手動走冰🤣）可可味恰到好處，不會很甜也不會淡好可惜孕期期間未能一嚐以瓦爐煲茶的Lung Ngen Coffee🥴 仲有甜品🥲 下次一定要再來試試！

早幾日同老公撐枱腳，去左沙田新城市買野，順便食飯見到間泰國餐廳，入左去試下😙環境好舒服，我哋試左幾款都唔錯🥰❣️安格斯牛肉船麵(金邊粉)超足料船麵🍜湯底好濃，安格斯牛肉，牛肉丸，燉牛腱肉，熇牛筋，好入味😋仲加左小小辣醬，超正，金邊粉索晒汁，好足料❣️泰式海南雞拼燒雞飯海南雞好肥美，咬落啖啖肉，嫩滑。燒雞皮好脆，個醬汁好唔錯，撈飯一流❣️蟹膏蝦多士呢個必食啊，星級制作，多士勁多蝦肉，香酥黄金，蟹膏超多，點埋醬超級正，食完又食😍兩種食法都滿分❣️燒原隻魷魚原隻燒魷魚，都頗大，燒到邊位有小小焦，點埋自家製醬，好惹味💕❣️凍式奶茶+ 仙草好濃奶茶香，加埋仙草，少甜少冰啱啱好❣️青檸梳打水酸酸甜甜解膩，好飲

Here Thai Market主打高質泰國菜，由兩位泰國米芝蓮名廚主理，空間感寬闊，餐廳格調七彩典雅，舒適藤櫈配上民族風的壁紙，呈現泰國繁華的水上市場，散發濃濃泰式風情。湖水綠為主調，以常綠植物為點綴，很適合放工後Chill下，與朋友相聚。海鮮炒闊河粉 128闊河粉即叫即炒，充滿鑊氣，海鮮配料豐富: 大蝦、扇貝、魷魚，扇貝厚身圓潤，肉汁鮮甜，胃口大開。蝦肉彈牙，和煙韌的魷魚圈，傳來陣陣鮮香。河粉入口爽滑，每條粉都掛滿油潤醬油香，配上清甜粟米和菜心，香濃又惹味。蟹肉炒飯168炒飯粒粒分明、乾身，配上一絲絲蟹肉，細嫰柔順，入口滿咀鮮香，啖啖甘甜。椰奶蟹棗 108脹卜卜的蟹棗，厚身酥脆，吃到啖啖蟹肉，沾上香稠的椰奶，惹味中帶蜜甜，令人意猶未盡。牛柳 56牛柳串燒油光亮麗，慢慢咀嚼，豐潤肉汁散發，愛好濃味的，可沾上秘製醬汁，微微香辣，帶出牛肉汁的餘韻。鮮椰子水 38清澈的椰青水，清甜潤喉，慢慢挖出嫰滑椰子肉，沁出天然椰子幽香，十分消膩解渴選。 龍眼冰仙草 36杯中鋪滿龍眼桂圓肉，呷一口冰爽清甜，十分滋潤，加上滑溜仙草，令人清新味蕾。

係沙田行完街經過見到呢間餐廳好多人食就一於試下～味道好地道.💎$108 羅氏蝦炒金邊粉羅氏蝦肉質鮮甜彈牙帶黎豐富既海鮮風味金邊粉好有彈性同柔軟呢道菜味道豐富🥰有蝦既鮮甜同金邊粉既嚼勁.💎$168 蟹肉炒飯蟹肉肉質鮮嫩帶有淡淡既甜味蟹肉既香氣同味道充分融入飯中味道鮮美而濃郁蟹肉既甘甜同飯既香氣完美結合🤩每一啖都充滿左海鮮既風味.💎$48 雞腿肉兩串雞腿肉口感多汁嫩滑每一口雞腿肉都帶有微妙既炭烤風味吃入口非常滿足😍.💎$78 泰式烤豬頸肉茄子沙律豬頸肉肉質鮮嫩多汁而茄子就好軟嫩呢道菜口感結合左脆嫩同爽口豬頸肉同茄子既清爽搭配非常適合帶黎酸辣開胃既口感😇💎$28 龍眼冰入口好有清涼感同時帶龍眼既甜味好適合夏天享用🤩口感清新.💎$28 cocoa可可可可口感順滑帶有濃厚既可可味道同香甜既滋味😆

沙田新城市廣場內有間泰菜以米芝蓮廚師主理作招徠.裝修有設計,而且非常闊落好坐.餸菜偏向巧小精緻.望住泰式小艇佈置,令人不禁更懷念曼谷街頭地道小炒味道～🔸泰式香茅燒乳鴿($68)🔸燒豬肉丸($44)乳鴿表皮燒得乾身,但內裏仍有肉汁.香茅味不算突出.旁邊兩粒鵪鶉蛋伴碟非常可愛,以鹽焗煮成,入口鹹鹹香香.豬肉丸有兩串,表面燒得炭香,沾上醬汁增加惹味～🔸牛肉船麵 ($108)除肥牛外,其他牛肉配料亦份量十足.有牛筋,牛腱肉及牛丸.湯底濃郁,配上寬河粉掛汁又順滑🔸瀬尿蝦炒飯($178)瀨尿蝦們圍圈擺上炒飯上,非常吸引.飯粒炒得乾身入口充滿炸蒜香味🔹泰式牛奶咖啡(+$8)🔹泰式椰奶咖啡(+$12)跟餐加飲品大杯抵叫!兩杯配搭味道同樣與咖啡合襯.前者牛奶順滑,後者椰香味濃

嬲到要寫食評 見佢新開 IG又有人介紹就嚟試吓 晚市等咗四張飛就入得 環境大 坐得都幾舒服 心諗應該唔差 叫咗六樣嘢加一杯野飲 蒜蓉炒西蘭花苗 瀨尿蝦炒飯 羅氏蝦粉絲煲 同埋串燒 分別係豬頸肉 牛柳同燒魷魚 第一個蒜蓉炒西蘭花苗 蒜蓉炒咩都好食㗎啦 但嚟到一咬落去凍嘅 嘢食凍已經大打折扣第二樣瀨尿蝦炒飯 瀨尿蝦冇咩味 暖暖哋第三樣羅氏蝦粉絲煲 咸到傻同油到癲 唔明點解煲上都可以唔熱 其他串燒一律唔出色同溫度都係接近凍 講真好失望 話就話米芝蓮大廚 但對食物質素都冇乜監管 更加係冇服務可言 兩個人埋單$644 真係絕對唔會有下一次

d侍應叫極沒反應，坐低杯都唔識拿過來。有個長頭髮後生靚妹，叫佢多兩次拿杯拿碗就黑面。俾說話我地聽。最後埋單，張單係丟係張臺上。茶餐廳都好過佢仲收加一。味道亦都好普通，偏油偏鹹。餐牌上好多食物都沒。串燒係燒定，上來唔熱，但係等左勁耐最後先上。鹹蛋魚餅外面燶曬，個醬亦都好咸。炒通菜幾有鍋氣，牛柳炒河粉味道都OK，但係都超級多油。原本係俾佢門口甜品個poster吸引入來，點知午市沒甜品，要下午兩點半後先有。總之一句，服務實在太差，唔會再去。

同老婆放工諗住試下新野， 點知伏左…門面及場內裝飾唔錯， 但門口帶位好似唔知自己要做乜咁， 帶位又唔同客人過， 自己拎住第二台客張單行左去， 轉身仲要黑我面。講返食物， 全部擺盤都好靚 好有心思， 但食落就唔太對版…埋單先發覺又有加一又要收茶錢. 認真試一次就算！紅咖喱牛面肉$148.0一個字鹹， 配米線球幾特別， 但個米線痴埋一球點整都唔散泰式香茅燒乳鴿$68.0炸乳鴿， 炸得很脆， 但味道好單一，食乳鴿返上一層食唐宮好過冬陰功湯$68.0普通無特別雞全翼兩串$48.0雞翼連皮都燒走埋而且得個鹹字.小辣椒兩串$36.0全餐呢個最好食🤤，個汁都唔錯小魷魚兩串$56.0呢款魷魚唔係我杯茶香茅青檸冰沙$48.0人地叫果d 有條香茅葉只有我果杯無

呢間嘢話米芝連喎，裝修好嘢咁喎，見入面冇乜人就中入去啦，坐低用qrcode 點餐，ok，新常態冇乜所謂，點知點點下傳嚟講笑聲，原來係班侍開心些牙，可能唔使中幫啲客落單好得閒卦！作為打公仔，本人非常羨慕🥹呢個自由嘅工作環境！點咗個青咖喱，船麵。咖喱好一般，收成一百蚊，頂多值60。船麵先經典，筷子🥢一夾起，係一大舊金邊粉，攬到實一實，永不分離！搞咗好耐都仲咁黐纏，惟有叫部長換過，仲加咗句，碗麵係小辣。換過之後，金邊粉終於分開哂，但就辣到飛起，完全係地獄級辣🌶️🌶️🌶️大佬你玩嘢咩，明明張單寫小辣，你一係就唔辣，一係就超級辣，再向部長表明碗麵辣到食唔落，不過唔使換勒，你點估所謂嘅米芝蓮嘅廚師下次點煮法？😳結果成碗嘢放返響度，發呆之際，遠處又傳來笑聲，原來又係啲員工三五知己，理鬼得你。但係其他做嘢嘅伙計就不苟言笑（千祈唔好話黑口黑面呀），碟嘢啪一聲放低就走，做嘢認真專業到呢，仲要全程企響你後面監察你食嘢，真係有心！臨走問企咗5分鐘冇郁過軍訓都冇咁專業嘅果位女侍應，響位畀錢定出去畀，佢木冇表情隨手一指，答咗你啦，態度冇得頂呀🙏🏻🙏🏻🙏🏻攞張單望望，茶位收10蚊，連加一報務費，果然係米芝蓮級享受😎既然話

好地道 又抵食.《安格斯牛肉、牛肉丸、燉牛腱肉、燉牛筋船麵》船麵非常幼身 嫩得黎好爽口 索晒啲湯汁 好惹味同時有齊哂唔同部位 呈現不同質地安格斯牛肉質肥嫩 牛肉丸彈牙可口燉牛腱肉夠哂腍 入口即化 燉牛筋就夠Q彈.《瀨尿蝦炒飯》瀨尿蝦剝晒殼整齊鋪喺炒飯上邊不得不讚嘆炒飯配料粒粒切到好細 同米飯完美融合 粒粒分明又乾身口感層次豐富.《免治豬肉大蔥泰式串燒》有啲似日式嗰啲免治雞肉串而呢度就用咗豬肉 肉質鮮嫩燒完個外皮帶微微焦脆感 內裏充滿肉汁配上大蔥清脆嗆口 令整個串燒更添風味.《串燒烤麵包》枱枱都叫呢款甜品小食 麵包烤到外表金黃鬆脆 根本就係吐司一樣 內裡綿軟鬆柔 可以點但蛋黃煉奶/朱古力醬仲有大量鮮奶油 極度邪惡 正啊.《鮮椰子水》大大個椰青 食泰菜必備椰子水清甜可口 入面又有嫩滑椰青肉食.《香茅青檸沙冰》好靚 用籐織裝住玻璃杯入面既沙冰係青綠色 一座冰涼既小山丘清新爽口 帶出微微香茅香 酸酸甜甜既青檸滋味 消暑解渴

💠安格斯牛肉船麵（米粉）湯底超級濃郁惹味😍配料都好豐富！有安格斯牛肉、牛肉丸，燉牛腱肉、燉牛筋……安格斯牛肉牛味好濃郁，牛腱肉牛筋柔嫩入味💠蟹肉炒飯🦀好多蟹肉，鮮味十足🤩每啖飯都幾乎食到蟹肉，炒飯炒到粒粒分明，夠乾身亦都唔會太油膩，我幾鍾意食👍🏻💠牛柳串燒，牛肉味香濃，配埋特製嘅醬汁一齊食，好惹味💠芒果糯米飯，新鮮清甜嘅芒果🥭配埋糯米飯同埋椰漿😛糯米飯比較軟身，食完真係好飽！💠鮮椰子水🥥清甜清涼又解渴，呢啲天氣飲真係一流😍🎀😊餐廳舒適好寬敞，裝修充滿泰國風味，空間感好充足😊而且上菜速度都快！