道

營業中

休息中

復活節連假，選擇留港消費的我，與友人一行二人早上11時45分到達屯門的#道 排隊。聞說這家拉麵店前身是吃廚師發辦的，現在則是主打雞湯為主的拉麵小店。小店十二時才營業，早到的我已是排第十八位。由於店內只有約十二個的吧枱位置，所以，要待第二輪才可入座。最終，於下午1時入座及立刻點菜。一般坊間拉麵店的流轉很快，客人大概等待30分鐘便可入座，但是，當我入座此家「道」拉麵店後，便會明白為何要等上一小時了。是日點了 #醬油清雞湯拉麵 $98 、#雞白湯拉麵 $98、#唐揚炸雞 $48、#波子汽水 $38 及 #蘋果梳打 $38。店舖有3名職員，烹調拉麵及迎接客人的是同一位師傅 ; 落單、結帳、清潔枱面及料理湯底、叉燒是另一位師傅 ; 還有一位師傅是負責炸物。由於坐吧枱中間位置，目擊師傅整過製作過程，不禁讚賞他們的用心，大概20分鐘後，其中一位師傅端上拉麵，並詢問客人是否第一次光顧，若是第一次到訪，便會作詳細介紹。#醬油清雞湯拉麵 ：第一啖喝到湯底帶麻油味及清甜，不過，吃到一半會嫌略鹹。麵條得一款，亦不可選軟硬度，如果喜歡爽身麵的會是你杯茶。而叉燒是用上九州華味鳥的雞叉燒，有微焦味的凍叉燒。味玉帶少

道，一間位處屯門的拉麵店，以雞作為主題，只推雞白湯同醬油雞清湯兩款拉麵，今日終於遠赴屯門一嘗。閒日時段依然大排長龍，等待多時才得以入座。店鋪裝修精美，完全唔似一間拉麵店，更像一間高級壽司店。長枱比左廚師席前料理既舞台，從煮麵，備料等步驟都一一映入顧客眼中。師傅只有一個煲煮麵，每碗都由師傅心中計算時間，不需要計時器，而每個碗都會用熱水加熱，確保拉麵既温度。雞白湯拉麵一端來，侍應就詳細講解拉麵既特色，食法，完全係高級料理店既服務，由裝修，煮法至服務，未食就感受到店鋪既用心。雞白湯呈奶白色，一啖湯下口，除左濃稠既口感，就係雞既鮮甜味，每一口都衝擊我既味蕾。麵條煮得偏硬，以配合濃湯既威力，切得細粒既紫洋蔥剛好調劑湯既濃味。店員推介食到中段加上香菜粒，即時感到一股清爽，不過份量偏少，很快就比湯底蓋過。雞叉燒又係一大出色之處，食材採用九州華美鳥，食落口一股雞肉既鮮甜味溢出，絕對係佳出，附上既味玉淡淡醬油香，內裡做到糖心效果，值得一讚。從裝修，每個烹調細處到最後的拉麵都感到店主既匠人精神，唯一美中不足之處係湯底搶過麵條味道，麵條存在感稍缺，不過是湯底太出色所致，確是矛盾。

四戰道拉麵，今日品味最新作品鹽雞清湯拉麵，為菜單最後一道拉麵，前三次每碗拉麵都令我眼前一亮，未知今次可否再比驚喜我。拉麵上枱呈現出一種潔淨感，雞湯淡黃色而清澈，每條拉麵，每種配料都清晰可見。食麵前先品嘗一下湯底，想不到一口湯過後就驚艷非常，一股濃烈既雞湯味在口中爆發，香濃而清爽，單單飲湯都好滿足。跟手到食麵時間，每一條麵都沾滿湯汁，每一口都係滿滿既雞味，估唔到清湯底都咁掛湯，配上雞叉燒食又係一種享受，叉燒肉質滑嫩，煙燻味十足，食完雞既鮮味係口中徘徊，回味無窮。要留意拉麵附上的流心蛋蛋味濃厚，如果蛋黃唔小心流入湯底會破壞雞清湯既純粹感，食用時要注意。今次一樣加點了唐揚炸雞，炸雞外皮金黃色，雞肉炸得剛剛熟，鮮嫩多汁，係一道上佳之作，不過炸漿既調味會破壞雞清湯既潔淨感，所以不建議一起食用。鹽味拉麵一直係拉麵既功夫菜，要做得好非常考驗師傅既功力，道拉麵稱得上實力派，可以呈現一碗咁純粹既鹽味雞清湯拉麵，一碗絕對要飲哂湯既拉麵，期待下次再來享受。

—預習去日本要排隊嘅戲碼1815去到已經入咗一輪人前面仲有10幾人坐櫈仔排隊最後等咗一個鐘入去 再等多20分鐘食🐓雞白湯拉麵(98)叉燒/味玉/紫洋蔥/青蔥/香葉碎因為第一次嚟食 店員會簡單介紹製法雞湯以日本雞大火熬煮8個鐘 並打泡增加濃稠口感 食咗一半可以加香葉碎🍜濃醬油雞清湯拉麵(118)叉燒/味玉/紫菜/大蔥/青蔥雞叉燒以九州華味鳥自家卷製煙燻嫩滑不在話下 淡淡燻香很有驚喜🍗唐揚炸雞(48)4塊大大件雞扒 肉汁四溢芥末沙律醬 有助解膩———————————————道 Michi屯門青菱徑7號華興大廈地下H號舖

是日落雨出面排隊排得耐都唔係問題 想試 所以等係心甘情願不過排得耐 成45分鐘 然後入到去先講好多味賣哂得返醬油同濃醬油 咁點解一早排隊mark位果陣又唔早講？寧願佢早講我及早轉場🤷🏿‍♂️🤷🏿‍♂️🤷🏿‍♂️🤷🏿‍♂️🤷🏿‍♂️🤷🏿‍♂️🤷🏿‍♂️🤷🏿‍♂️🤷🏿‍♂️🤷🏿‍♂️水杯又冇俾 開口拎左個杯 但水壺d水又唔會refill個麵嘅口感係好食 但湯底又好咸除左個麵底 同衛生ok 其他都👎👎👎👎👎👎👎👎👎👎👎👎👎冇下次

今日三顧道拉麵，為的是一碗濃醬油雞清湯拉麵，今次一開店就來訪，得以首輪入席，無須在外日灑雨淋。目的明確，一坐低就點好拉炸雞，靜靜等待美食，道的店員比上次三個人加了一個，烹調備料的速度好像紅彗星三倍速般，未幾拉麵炸雞就左眼前。店員依舊細心講解拉麵的用料，食法，得知濃醬油拉麵除左以慢煮雞湯作基礎，配以一層烤過既雞油，原來還加入煮干提鮮，而醬油殊不簡單，由五種醬油混合而成。一啖湯入口，醬油香混合雞湯味衝擊味蕾，細細品味下會有一股鮮味，湯底果然無令人失望，拉麵今次煮得剛剛好，有彈性之餘唔會失去麵粉味，奈何湯底太出色。另一驚喜係雞叉燒尤勝上兩次，入口煙薰味好強，肉質細嫩，雞味依然保持，外皮呈棕色，有如火雞般的顏色。店員建議食到中段可以加黑胡椒改變口味，添加後湯味鮮甜感增加，不過黑椒味太強烈，蓋過湯底細膩的地方，所以個人不太喜愛。炸雞依舊大大舊，不過水準有啲下降，雞肉無左嗰種嫩滑感，感覺有啲為快而失去質素。整體食感都係相當滿足，一碗拉麵就可以令人回味無窮，道拉麵暫時係我心目中既頭幾位。

第一次看到長長的人龍時，放棄左等候。今次特登早少少11:50am 到達排隊，可惜已是隊尾🥲 即是排第13個，要等頭圍12人食飽先到我們。 不過幸好拉麵店準備好椅子給客人等候，相當細心。 點了兩款口味：🍜雞白湯拉麵 $98 看見師傅用心製作已值回票價，預先用熱水座暖拉麵碗，這一點在香港拉麵店并不常見，可以令到拉麵保溫到最後一啖。👍🏻👍🏻欣賞！雞白湯質地非常濃厚，不會太膩，麵質偏硬，口感不錯，叉燒非常出色，肉質鮮嫩。 🍜濃醬油雞清湯拉麵$118 貌似清淡的濃醬油雞清湯都幾特別，比起雞白湯我更喜歡這款，喜歡清湯的順滑口感，比較清新。另外還附上香草碎可以後加，可品嘗到兩個口味。🍗唐揚炸雞 $48 炸雞是必點的，師傅為每位客人即叫叫炸，炸雞香脆多汁，而且份量很多。值得推薦😋👍🏻

没想到他能又轻又浓，又鲜又腻，很复合酱油鸡清汤拉面 第一口先喝汤，是直冲云霄的香醇清澈，🍝爽滑Q弹的拉面带着紧实的口感和汤底相辅相成，但是越吃越腻💦，后面就得靠辣椒面增加点风味了‼️虽然他们家一次只能接待12个人，每等一轮都要很久，做菜很慢，而且还一定要现金支付，但总的来说味道还是不错的

再遠征道拉麵，今次店鋪新推出鹽雞清湯拉麵，濃醬油雞清湯拉麵都成為常駐，不過今日試既係醬油雞清湯拉麵，下次先試新菜單。坐低點餐後，欣賞師傅專心煮麵，平時拉麵店都係用直身拉麵網煮麵，道既師傅係用圓身平面網，技術需求更高，煮好既麵會好細心咁放係碗到，排列整齊，每一碗都擺盤精美。拉麵一上枱，就急不及飲一啖湯，一層熱辣辣既雞油係最上，香而不膩，醬油味淡淡咁滲出來，雞湯既清甜同醬油完美結合，唔會比醬油搶過風頭，拉麵麵質有啲粉團感，係清湯下顯得麵粉味較濃。當中香草葉有解膩作用，雞叉燒對比上次顯得雞味無咁濃同有少少柴。另外點了一道炸雞，師傅每一舊炸雞都會甩走多餘既油，然後放係隔油紙上，所以上枱後熱辣辣之餘唔會油淰淰，炸雞食落外皮微脆，感覺係用油慢慢咁煎好，雞肉嫩滑，份量十足。雖然雞叉燒相對失色，不過湯底絕對係上品之選，必定再揾時間來會一會其他兩款拉麵。

屯門紅橋一向多野食，今次呢間拉麵店長期排隊，有次閒日排隊見冇哂雞白雞湯果斷放棄。今次一早5:45就排隊，第一批入去包食到。入面位置唔多大約12個位左右全BAR枱。每碗麵都係逐碗逐碗煮。食前仲有詳細介紹，有誠意！ 雞白湯拉麵 $88★★★★☆麵底適中唔硬唔淋，煮前、煮個陣都有不斷整散個麵底，食落唔會痴埋一舊。雞白湯底勁濃郁，好重雞味，冇味精！湯底仲會用機打得更綿密啲，飲落勁CREAMY有黏口！雞叉燒上前有用火槍燒一燒，逼啲雞油，雞肉嫩滑得黎仲係有彈性。唔覺意都差唔多飲哂成碗湯。 濃醬油雞清湯拉麵 $118★★★★☆拉宧底同雞叉燒同上唔再重複，店員有介紹呢個用左5款日本醬油製成，湯落個湯底唔係死咸有層次。個人更喜歡加左黑椒之後個味道，帶少少辛辣味。隻流心蛋好香，比較流心，我個人係超鍾意，直接成粒食！炸雞 $48★★★☆☆炸雞有4大舊，新鮮即炸熱辣辣。上枱冇圖片所見咁深色炸到，但都係脆口，不過個人覺得個炸皮厚左啲，如果薄脆會更好。雞肉仲係嫩滑有肉汁，沙律醬加左WASABI點完都冇咁膩。🌟總括：除去要排隊呢件事，睇得出碗拉麵好有心製作，麵底、湯底、雞叉燒到上枱嘅介紹，每樣都好用心機。誠意超加分

可能係因為疫情嘅關係，開始咗喺香港唔同嘅地方去尋找隱世嘅美食，而我相信好多時日本菜都係大家嘅首選，就我個人而言亦都係一樣。拉麵，可以話係融入我嘅日常生活，大約喺兩年前，我開始喺香港周圍去食唔同嘅拉麵，雖然有好多人話香港嘅拉麵同日本冇得比，但係其實只要你用心去搵，依然有好多值得嘗試嘅小店，就好似我今次去屯門食嘅呢一間「道」一樣，之前已經喺拉麵關注組見到好多人去食，一直都好想試，但奈何未有機會，今次終於扚起心肝去到一試究竟！當日3:30去到，前面大約有六個人排隊，最終我同女朋友4:00就坐低咗，由於我哋太晏去嘅關係，雞白湯同炸已經賣晒，所以就同女朋友一人一碗分別叫咗醬油雞清湯拉麵同埋濃醬油雞清湯拉麵，先試一啖醬油雞清湯拉麵，湯底非常清爽，面質亦都軟硬適中，而家佢嘅湯入面食得出有魚乾嘅香味，非常之順喉。雞叉燒嘅炭燒味好重，好食！糖心蛋亦都控制得唔錯，食得出淡淡嘅味醂酒香，而另一碗其實分別不大只係湯底魚乾嘅香味更加濃烈，醬油嘅味道亦更加豐富。總括嚟講雖然道去唔到我心目中嘅第一名，但係依然值得下次再嚟！

平日有時間黎到屯門呢頭諗住搵下有咩特別野食睇到呢間拉面，去到見到幾個人排隊諗住應該幾快入座之後完留意到餐廳門口寫住係按一輪一輪咁入既者係唔係有空位就可以即刻入去食等左成半個鐘入到去， 大約十個鬆d 座位叫左基本既雞白湯師傅一碗一碗咁住都要等一段時間感覺好似廚師發辦咁 食落雞油好香， 好錦密成個雞湯唔會好油好流反而一啖一啖咁好快飲完雞叉燒都好香好軟滑好果d 料多d 就更好啦overall 係好食既拉面不過真係要預多d 時間排隊and for 師傅製作

整體上太建議，先講食方面肉太油膩、熱度不足、食材錯配、鹹味太重、拉麵口感差有味。服務方面還ok但整體環境衛生極度欠佳，人自然吾會有食慾。價格高其實唔係問題但至少要配得上，相同環境我可以去冰室茶餐廳。

虹橋一帶有好多野食就係人都知，但呢間拉麵就位於虹橋比較隱蔽既位置，都要行入少少先搵到，當日7點左右去到，門口已排至少10幾人~因為店內只喺得12個座位，所以每入左一輪之後，就要等一段長時間先入得，7點幾開始等，開始食既時候已經9點幾了，而且仲係店內最後兩三位客人。入到去之後可以坐低望住廚房整拉麵，今次試左濃醬油雞清湯拉麵，見到店員會預先浸熱個碗，所以碗拉麵上枱後仲熱辣辣，食之前仲有口頭既詳細介紹，食得出呢碗拉麵係誠意兼心機之作，雞叉燒好嫩滑，流心蛋都非常香，食到湯都飲埋😋唯一缺點係試唔到炸雞，可能下次要早啲黎啦🤣🤣

住係屯門，成日聽到街坊話呢間隱世拉麵🍜今日終於抽到時間去試一試佢😎😎😎餐廳環境：呢間餐廳個地址比較難搵，喺啲大廈樓下，仲要唔近馬路，如果要泊車就比較麻煩，嚟到呢頭可能都要問人先會搵到間餐廳😂😂😂入到餐廳之後，位置都比較迫，唔建議帶小朋友😂😂食物方面：一個人食可以食咩都得👍🏻今次我就叫咗一碗拉麵再加一個小食濃醬油雞清湯拉麵🍜佢哋嘅拉麵真係好彈牙，唔似其他一般舖頭咁會好淋，食落去真係好似係日本食緊拉麵咁🤩🤩🤩而且仲有兩大隻溏心蛋，咬一啖即刻流晒出嚟😋😋😋😋個湯底都十分濃味，但絕對唔係好鹹嗰種👍🏻👍🏻👍🏻值得推薦😎😎😎屯門 道屯門青菱徑7號華興大廈地下H舖