西村日本料理

營業中

休息中

去不到日本，唯有在香港找家好點的餐廳食日式食品，於是選了試這間，位於Macro Polo 酒店內。可選卡位或bar 枱位，我選了卡位，環境寛濶舒服，有些位置更是可落住維港海景食飯（可惜我我挑了個鐵板燒海鮮晚餐、朋友則挑了個壽司餐share 食。我幾喜歡個鐵板海鮮餐，因d 海鮮幾新鮮，也燒得剛剛好，賣相也不錯。先是帶子、然後蝦，尤其喜歡個燒飽魚，很肥美。最後食埋很甜的蜜瓜、西瓜及波蘿，感覺很飽足及完滿。至於個壽司餐也不錯。

一間傳統嘅日本料理，啱啱過咗午飯時間， 1:30去到，唔使等位，仲咁啱可以坐到窗口位，裝修比較古舊，望到停車場仲有柔柔的陽光叫咗10件壽司定食，除咗滿滿嗰10件壽司，雖然有少少一般，件件都唔係太特別，勝在新鮮，仲有個海膽蒸雞蛋，簡直就冇得頂，海膽味濃郁，配埋滑滑嘅蒸蛋，兩個醃菜，一個係醋魚另一個係辣魚，兩款都好好味，超開胃，一個生果，蜜瓜超甜，同埋一個蒸豆，仲加倍一個麵豉湯，同埋一碗烏冬另外係好肉口前燒牛配韓國燒鮑魚，個鮑魚夠大隻非常彈牙，牛肉就一般啦，可能比較熟，好彩有脆蒜片，夾埋一齊食，配埋燒汁好味另外仲有一個濃湯主菜，一般啲味道怪怪地一樣，有麵豉湯，烏冬，一碗白飯，配個沙律菜好彩有優惠券，差唔多有半價優惠，如果下次食，一定要睇清楚個價錢，就會再抵食啲

心思思想食日本菜，緊係去酒店食，服務同食物都有保證。同友人喺海港城行吓街，一點鐘坐低食中午飯，點了兩個定食。西村便當 Nishimura Lunch Box $480 （包括刺身、壽司、鐵板、燒物、炸物）天婦羅好食，蝦好新鮮，好薄嘅炸漿，刺身全部都好鮮甜，一個定食滿足晒為食嘅我。燒牛肉，熟度剛剛好，日本京燒鱈魚被我秒清了。炸豬扒定食$250 朋友點的炸豬扒，炸得出色，豬扒厚而鬆脆，實屬高質。好滿足好飽的午餐，食完午餐再去繼續行街，完美的一天。

朋友想試所以陪佢去食，因為事前開左open rice睇到負評就抱住唔高的期望去，結果有驚喜1.朋友叫左天婦羅定食，熱辣辣上。我地影左5分鐘影入口仲係脆熱。我一向麻麻d天婦羅的蝦覺得d蝦肉無味又得層炸衣。但呢度可能本身d蝦ok，又覺得幾好食。2.我叫鰻魚飯，上枱個燒ge色澤勁靚。個鰻魚質素對得住價錢，惟一問題係份量對我黎講有d大，鰻魚汁偏甜我食到一半就開始食滯_(:з」∠)_3.外場個阿叔staff好醒水，我唔小心搞到袖口成pat鰻魚汁漬。我未出聲就見到個阿叔去拎濕毛巾比我。但個濕毛巾都捽唔甩d漬，阿叔拎左杯加左梳打粉的凍水比我，教我拎毛巾浸一浸d梳打水再濕敷個袖口，無諗到敷左5分鐘就去到漬！(不過個袖口濕Q曬😂整體可能我同朋友剛好遇到個好ge外場同內場，無論係食物定服務都好滿意，對得住個價錢，食得好開心🥳

二人限聚令下，朋友 book 了午膳時間12:30pm，我先到，見裏面十枱九空，門口扎辮子的知客找不到我們的訂位，亦對我說再沒有位了！我致電朋友，朋友再致電知客了解，原來訂位被誤註在另一天，知客在電話中向我朋友確認可補回他的訂位(不是再沒有位了嗎？)，把電話掛斷後，她一聲不響，亦沒多看我一眼，180°c轉身，把我帶到一桌坐下。 西村便當 $480一客，(我們當然是跟一般的食客一樣，用海港城的現金券啊！) 是尖沙咀五星級酒店日本餐廳的 Signature 便當，應該很靠譜吧！我們就點了兩份，很期待……但是:鐵板燒牛肉跟香煎銀鱈魚祗不過是微暖，沒有剛離鑊的鑊氣和香氣，還比不上旺角那些下價連鎖店的銀鱈魚定食。那麽天婦羅蝦呢？皮脆但硬，蝦肉是梅的，我吃了半隻便方棄。刺身及壽司則是微冷，切口亦顯示不夠新鮮。我們向穿西裝的男服務員反映，得到的回應是: "係牙！" ……耍我們，明白了！ 午膳完畢後才看見 Openrice 在去年十二月中有一食評跟我們的經歷十分相似。到底餐廳的管理層是沒有留意 Openrice 的食評，或是日本人看不明中文，還是像那服務員的回應一樣: "係牙！"……呢？ 既然這餐廳的

2020年唯一一次旅行就係日本最北點#北海道グルメ 落住大雪❄️ 睇住靚景🗻食住和食🍱 疫情關係，唯有 #俾個胃去旅行系列 ！試咗 #馬可孛羅酒店 嘅 #西村日本料理 午市套餐叫價@$330-360，配埋湯、烏冬、茶碗蒸，仲可以用 harbourcity coupon， 變相6折，都幾抵食。10件壽司🍣唔係自選，但用料都算唔錯，手握壽司手勢唔錯，食得出師傅嘅心機。自選三種魚生飯，份量多，食完真係飽全日。

今次又用海港城coupon 試新野，lunch time 可用！都幾抵！話哂酒店餐廳！閒日1點左右去到，因為無book位要等到2:30先有位。2:30 準時去到，在門口等左接近10分鐘先有人出黎帶位。到order個陣，侍應行埋黎粒聲唔出等我開口咁，茶餐廳阿姐都問下你「食d咩？」咁丫，呢度話晒都係五星級酒店，咁嘅服務完全唔合格，印象極差。😤食物方面算係豐富，叫左一個三併丼，料都幾多，但兩個set入面嘅麵豉湯，裏面有一啲類似豆皮嘅物體，已經一浸油益味，仲要係好益個隻🤢酒店餐廳出咁嘅食物真係扣晒分。另外，個丼飯嘅米飯都偏硬同凍。值得一讚係個便當真係幾抵食，一個便當有晒咁多種唔同食物，但最好食竟然係個蜜瓜，好甜又多汁！最後，唔知呢間餐廳係咪人手不足，叫埋單都等咗好耐。整體食物都係幾好，就算冇用coupon，響海港城呢個環境都唔算話好貴，但如果我用正價價錢食，服務咁差真係令人失望。

[🇭🇰香港- 尖沙咀].自選12件壽司set,選擇都算多,魚生都幾新鮮,可惜醋飯偏硬身同唔夠酸;個set仲有海膽茶碗蒸,烏冬同咖啡,都幾多嘢食;想食熟食嘅話就推介大家叫滑蛋炸豬扒飯.🔻🍽 西村日本料理📌 地址: 尖沙咀廣東道3-27號海港城馬哥孛羅香港酒店6樓602室.

今天又來到西村用商場優惠券食午餐, 平時來到多數叫魚生飯. 今天被安排坐吧枱位置, 坐位面前有一個燒烤爐, 見到燒魚🐟幾吸引, 所以決定轉轉囗味, 叫了一個鐵板燒午餐, 果然有新鮮感😅鐵板燒海鮮定食, 食物都很豐富&多元化-沙律, 新鮮沙律菜, 紅腰豆, 🌽粟米粒, 罐頭蜜桃&菠蘿🍍. 味道清新, 醒胃-煮野菜🥬, 用牛油來烹煮, 內有菇類🍄, 芽菜, 綠色野菜...... 蔬菜新鮮, 熱食都不錯-鐵板燒類有一隻大虎蝦🦐, 一隻帆立貝, 兩件魚塊🐟, 旁邊還有椰菜絲配柚子醋汁. 三種海鮮都不錯, 大虎蝦🦐&帆立貝size也很巨型厚身, 兩者都啖啖肉. 帆立貝外表煎香, 內裡還是刺身質地. 🐟魚塊煎香食-一碗細烏冬, 一碗白飯🍚&重料味噌湯自選三色飯定食, 選擇了海膽, 帆立貝&三文魚子-主食🍚, 大家睇相已知刺身夠新鮮, 海膽&帆立貝鮮甜👍 三文魚子脹卜卜, 亦唔會腥-套餐配有一碗細烏冬, 茶碗蒸& 重料味噌湯最後當然送上甜品和果子, 外表造型靚靚, 內是紅豆餡. 總結完美的一餐😋👍👍

早前到尖沙咀海港城馬哥孛羅香港酒店6樓CUCINA 餐廳食自助餐, 見到對面的日本餐廳西村很吸引, 就訂左星期日午飯時間. 當日安排坐在窗口位的梳化卡位, 非常舒適, 看看餐牌, 真的花多眼亂,  每一款賣相都精美, 有刺身/ 壽司, 燒肉定食, 鍋飯,天富羅, 最後選擇西村便當, 樣樣都有,  有三文魚, 吞拿魚,魚生及壽司, 銀雪魚, 燒牛肉,  天婦羅, 真的心心眼大滿足. 另外叫左西村特選魚生飯定食. 魚生飯既魚生相當新鮮, 尤其是鮑魚口感煙韌新鮮, 兩個餐都有烏冬, 麵鼓豉湯同蒸蛋. 下次再來可以試燒物及壽司套餐

朋友呢排又去海港城買包包勁多coupon用唔晒俾咗啲我咁就揀間日本野食下啦佢lunch都有幾多款式成個menu呢個最吸引 乜都有得食咁就揀咗佢-西村便當Um...係豐富嘅有刺身 天婦羅 蒸蛋 銀雪魚 牛肉 壽司 水果但除左蒸蛋 所有野都唔熱嘅？刺身同壽司普通野 天婦羅嘅皮係淋嘅銀鱈魚同牛肉都微暖...蜜瓜最好食囉唔知係咪勁多人嚟清coupon啲侍應忙到態度都麻麻地如果唔係有coupon我應該唔會食佢5百蚊要搵到食物同服務好過呢間唔難

與朋友們到尖沙咀海港城馬哥孛羅香港酒店6樓的西村日本料理吃晚飯， 星期日的晚上 餐廳特別多人， 店內環境舒適， 燈光柔和。 當晚我們點套餐和一支日本清酒， 套餐有刺身、壽司、天婦羅、燉蛋和麵豉湯， 每一款賣相都精美， 刺身很新鮮， 尤其是鮑魚口感煙韌鮮味。 壽司一個套餐有六件， 每件都新鮮甜美。 天婦羅炸得好鬆化而不膩， 燉蛋 好香滑。 清酒香氣幽淡，清爽甘冽。朋友是這餐廳的熟客， 這裏無論食物質素、服務和環境都是有水準的。西村日本料理地址: 尖沙咀廣東道3-27號海港城馬哥孛羅香港酒店6樓602室

今日適逢老公放半日，難得兩公婆可以放抵焦大王同焦二少，可以清閒自在一個下午，今次去食老公喜歡的日本菜，又是繼續去海港城，消費我那一曡的coupon😆。看看有什麼日本餐廳可以用，想不到Marco Polo 酒店中的西村可以用，所以今次就去了這𥚃。早在幾年前已經開始來，一來貪得坐得舒服😌，2⃣️來食物🍣的質素也好好。早一星期預訂窗口位，雖然境觀無天穴咁靚，但至少見到藍色的天空。之前已經食過北海道丼、三色飯丼和西村當，質素也好好，今次試自選壽司，我與老公每一叫了一份，非常開心🥳。自選壽司🍣定食- 包括熱湯🍲烏冬、麵豉湯、蒸蛋和12件壽司。壽司有36款選擇，上至拖羅、海膽、三文魚子，下至青瓜卷也有，款式也算多，當中最為驚喜竟然有明太子、鮑魚和醋鯖魚選擇。我選了相片中的十二件。鮑魚口感好好，用醬油炆，味道剛好，也好稔，一咬即可。其次是醋鯖魚，不是間間壽司店也會整，陣陣的醋酸味，女士最愛。另外，深海池魚配上柚子鹽，也頓覺清新。這裏的手握壽司🍣細細件，飯與魚生的比例剛剛好，魚生也很新鮮，最令人😍開心，就是兩件非常可愛的和菓子，會繼續😊支持！

早兩星期喺海港城買咗野，換咗一堆coupon，就book咗西村試吓，環境唔算十分之好，旁邊就係停車場，除咗一大堆汽車，根本睇唔到任何海景，兩個人叫咗兩個西村便當，食物質素唔錯，個燒牛肉最好食，全個餐一個人食晒都幾飽，餐廳的服務質素最令我回憶深刻，Book咗枱準時去到，但依然因為上一台客未走，要喺門口等10分鐘，入到去想問位女服務員拎杯水食藥先，點知佢黑口黑面毫無笑容話「i don't understand chinese 」 唔識中文唔緊要，俾少少笑容可以嗎，我可以轉英文問，我根本都唔知你成個亞洲人樣會唔識中文，之後轉另一位服務員落單，情況都差不多，說話沒有尾音，黑口黑面，唔會再去

入到西村, 坐低看餐牌, 簡直眼花繚亂,午餐種類選擇都算多, 每個午餐都吸引😍, 最後選擇西村便當🍱, 眼見樣樣都有, 滿足心多多的我🤭當侍應捧著大大個圓盆, 內有細細碟(前菜, 刺身, 壽司🍣, 天婦羅🍤, 銀鱈魚🐟, 汁燒牛肉🐮, 茶碗蒸🥚, 綠茶麵🍜, 麵豉湯, 生果🍈, 甜品), 可以用包羅萬有來形容, 見到都興奮😍最好味是銀鱈魚😋👍敗點是綠茶麵, 味道非常普通. 若然換上稻庭烏冬就完美了另外, 點了一個自選壽司定食12件. 可自由選擇壽司🍣, 每款只能點一件, 不能重覆. 定食套餐包括茶碗蒸, 綠茶麵&麵豉湯. 壽司味道不過不失, 普普通通😅最後送上一口的甜品, 外貌精緻, 外皮煙韌, 內裡是紅荳