火間土

營業中

休息中

今天是第一次來這邊，發現這邊的服務態度非常差，全程沒有服務用語，語氣極差，沒有積極溝通，不理人，且很難找到服務人員，按了呼叫鈴也沒有響應，整體就是點菜沒人負責的一個狀態！並且這邊的前台領位人員服務態度極差，食物上菜速度也極慢，落座後等待近1小時才上第一道菜，後面就過來問last order是否需要加點，可這時候我們僅上了一個刺身以及一個牛排，才上兩道菜就問我們夠不夠吃？！這邊試的幾道菜品都味道很一般，而且很咸！總體體驗極差，差評！

之前食過晚飯覺得性價比麻麻所以一路冇再食，今次朋友介紹話lunch set 相比起黎比較抵食。Lunch set 都多款，有兩頁我影漏咗一頁，配埋個靚景都係百幾蚊。壽司、天婦羅、刺身、豬肉定食 （$138）一個餐有齊唔同野食，仲有餐飲、麵鼓湯同茶碗蒸，可以滿足細食但又咩都想食下既人。啲魚生都幾新鮮，唔會俾cheap料。天婦羅同豬肉都有晚市既水準，百幾蚊算係好好👍🏻另外朋友叫左個蠔鍋，啲蠔都夠足料，係啲湯偏少，搞到好傑身。味道就唔差嘅但冇乜特別，不過不失咁。同樣都係百幾蚊變相就有啲唔抵食。整體黎講食lunch 都係唔錯既選擇，仲有得望住個海chill下💛

❇️環境私人海景包廂只要提前Book就可以有個私人空間（最低消費$800）兩個人 可以望下海景岩岩食岩時間仲會睇下幻彩詠香江.❇️食物叫左個2人套餐 $680 加兩個野飲就差不多$800套餐已包左：刺生、沙律、卷物、魚，天婦羅、熟食、甜品刺生新鮮，天婦羅都好食刺身可以揀三個款式👎🏼牛肉過分熟 因為要食得好快，食到最底下邊好硬甜品好好食，小丸子好煙韌天婦羅好新事物，脆口，個粉唔太厚唔太薄其他都唔錯，兩個人食到飽飽

之前見到海景餐廳推介有呢間，所以就去咗～ 打電話訂枱嘅時候，職員表示要海景要加錢加$600最後上去，都有近海景嘅位置，不過最近窗邊嘅都有其他客人，當係慳咗$600今次叫左個海鮮Pizza同埋兩個丼Pizza 除咗超邪惡嘅拉絲芝士，仲有蜜糖夾喺中間，真係又甜又惹味。兩個人分都可以，三人就會更加好～入面有啲海鮮、蝦仁，食落都真係唔錯！另外兩個丼就打卡okay，食落真係麻麻地。啲刺身嘅質素似係超市放咗勁耐嘅，吞拿魚蓉冇味，而且係室溫咁上海膽可以接受，唔會澀口。建議如果係食嘅話，都係揀熟食同埋食個景就可以，刺身真係不了。

今次係第二次來食，今次係有coupon所以吸引了我來食，間野平日唔平，所以都唔會成日去，只係有優惠就享受下，上到去，環境係幾好，又有海景，裝修又幾好，仲有啲獨立房，佢有啲二人area 係幾好的，要讚下設計師。食物都幾有心機處理，賣相幾好，同埋啲野新鮮，食物又唔會一次過上晒，一碟碟上，幾好，惟一我覺得個鍋賣相就差左啲，我自己整啲餸上來再影相先叫好睇啲，這個可以改善下，職員都算合格，不是特別好已是好了。

🟤位於尖沙咀北京道1號8樓的火間土已經是N次光顧，除了日本刺身外 ，食物亦算多元化、日式意式美式的Fusion 菜單，美食選擇多，令人一試回味。🟡室內地方設有不同的環境坐位，除了有私隱度極高的榻榻米外，更設有二人的望海位置 （非常適合小情侶）▪️▫️▪️▫️▪️▫️▪️▫️▪️▫️▪️▫️▪️▫️▪️▫️蟹籽沙律$48必叫前菜，為炎炎的夏天…打開味蕾。分量算合適▪️▫️▪️▫️▪️▫️▪️▫️▪️▫️▪️▫️▪️▫️▪️▫️特製玉子$48（4塊）厚厚的玉子，蛋味濃郁，外皮有點燒焦，有輕微嘅鹹味▪️▫️▪️▫️▪️▫️▪️▫️▪️▫️▪️▫️▪️▫️▪️▫️海膽三文魚腩卷$108（5件）三文魚腩冇雪藏味，鮮味十足。海膽份量足量▪️▫️▪️▫️▪️▫️▪️▫️▪️▫️▪️▫️▪️▫️▪️▫️燒石頭軟殼蟹 $98原隻軟殼蟹上碟，分量十足 ，炸到金黃色的軟殼蟹，淋上大量的蔥花及香滑的蛋汁、配上石燒到翠香的飯焦，香脆飯焦與殼蟹融為一體，香味十足▫️▪️▫️▪️▫️▪️▫️▪️▫️▪️▫️▪️▫️▪️▫️▪️刺身拼盤$208(五款）三文魚🍣、帶子、甜蝦、拖羅、北寄貝

多年前嚟過呢度食飯印象中食物質素係唔錯最近朋友約食飯提議嚟呢度雖然睇食評，食物質素好似差咗但見呢度坐得舒服可以傾吓偈決定多年後再訪朋友訂位嘅時候問可唔可以安排窗口位職員話要收Min charge所以我哋話咁唔坐窗口都OK後來又有職員打比朋友話可以安排窗口位而且唔收Min charge，以為咁好點知第二日朋友又收到職員打嚟話搞錯咗其實安排唔到窗口位座位安排嗰度真係好混亂🤷🏻‍♀️講返食物先我哋一行五人都叫咗十幾樣嘢食⬇️蟹肉芒果沙律所謂嘅蟹肉應該只係蟹柳，所以無咩蟹味芒果都甜嘅，份量啱啱好五個人分炸嘢算係比較出色，我哋叫咗兩款⬇️炸黃金魷魚圈⬇️香炸雞軟骨兩款炸物都炸得好香口唔會話好厚炸粉雞軟骨幾好食，有咬口，合乎預期小食我哋都叫咗兩款⬇️螢光魷魚鹽辛⬇️魚鰭乾呢兩款佐酒小食都發揮正常螢光魷魚好爽口，雖然鹽辛但唔會好咸魚鰭乾都好薄身，厚薄適中⬇️櫻蝦薄餅櫻花蝦份量算多，薄餅用埋芝士一齊煎所以食落會比較漏，不過味道係唔錯嘅卷物都叫咗兩款，但兩款都一般⬇️軟殼蟹沙律卷唔係好食到有軟殼蟹⋯可能得細舊喺入面面頭啲魚子都無咩味😅⬇️肥美海鰻卷一上枱，朋友第一感覺係：咁似煎堆嘅😂食落口，海鰻肥唔肥美我真係唔知因為只感

旅發局限量優惠（真係多謝晒🥲）搶過好幾間優惠食肆 間間都食得好開心 覺得搶到好好彩🍀唯獨係呢間「火間土」食完簡直有「破財擋災」feel有2道菜真心刺激到我要出食評✏️✏️日本香辣芝麻蠔鍋🍲 (原來常規menu係無架…大伏🤮🤮🤮）🚁🚁🚁🚁🚁🚁🚁🚁🚁🚁🚁🚁🚁🚁🚁店員聲稱 個鍋要20分鐘準備時間 ⏰心諗要咁耐時間準備 一定係即叫即整好新鮮🤤果然「無期望就唔會有失望」 個鍋黎到 真係呆X左 😑直情覺得係隔離枱食剩收番黎再比我地🤬材料有：幾片柴皮(豬) 幾條京蔥 4粒芝麻蠔 20小條金菇無啦 你無睇錯 我無數漏 係咁多啦😄個鍋唔見有芝麻 「芝麻」應該係形容詞黎 形容緊隻蠔 (好貼切😂)質素衰過街市啲細蠔仔 仲要穿晒肚 腥到嘔估唔到可以係甲級尖沙咀商廈既食肆到搵到👍🏻事後諗返 果20分鐘準備時間 應該係比廚房啲人將所有餸頭餸尾放落去煲20分鐘 然後出餐比我地😄精選壽司拼盤🍣(疑似)吞拿魚蓉小卷 唔知以為係白飯小卷🤭好彩有個圖參考下 先知原來食緊吞拿魚🙂連壽司飯 都可以整到爛飯咁 真心佩服 🙌🏻其他食物ok架……個樣 唔好放入口就得黎打下卡燒下錢係一個唔錯既選擇😊第一次食一餐飯 2個人可以飲晒一大壺水

7月底同朋友慶生完, 覺得餐廳有海景黎講又食日本野,食價比都幾高原來有lunch menu咁就決定同同事happy friday黎食下啦星期5都多人出去食lunch,所以想打去book位先由星期2打到星期4一係直接唔通, 一係完全唔聽電話係完全無辦法訂到位所以去到今日都諗定如果無位就要食第2間啦去到都算好早. walk in就有位女經理都幾大聲2,3,4 當堂有番d食日本野既氣氛坐低好快就落單角切魚生飯合理時間內到左但等左好耐同事既蠔鍋都未到樓面太少了, 好難先叫到人黎問下個餐點知突然一下, 一叫就有個半鹹淡廣東話侍應同男經理見到由於我同同事係對住坐既半鹹淡廣東話侍應同我同事對到眼, 當同事想講野既時候男經理突然迎面黎.一路大聲講 "催蠔鍋嘛, 整緊架啦"一路頭也不回地行過我地張台利申我地只係第一次追野食, 好佩服經理知我地想要d咩既不過佢既大聲同無禮貌確實令到我同同事都呆左兩秒先識問對方佢做咩咁無禮貌???食物方面~~角切魚生飯既魚生唔算好新鮮蠔(屎)鍋個湯底唔似泡菜煮,唔知似咩份量就好足夠既不過唔好再俾個海景呃左去了, 咁既態度同性價比唔會再黎食 

朋友生日又係頭痕，以前一般西餐廳就滿足，但朋友在你生日請妳食好些，今次請人揀的又唔好太差，某酒店餐廳要一個月前訂，就訂另一間海景扒房，然後再找有冇好的，因扒房食物款式選擇少，最後蛙蛙就揀此處，有海景，地點適中，食物多款式： 我問那一支係新瀉縣米酒，侍應（新來）問經理，經理話無咁仔细，指住酒牌邊幾款好，當然指的貴，選冷飲銀盤大吟釀 $390，用晶瑩玻璃綠色酒樽，中間可存放冰粒，但隣枱係原支装上-奇怪，此酒酒精度唔高，猶其我對米酒酒精度不放在眼內，香米也不錯。 點2人套餐$688,好抵食： 牛油果蟹肉沙律，牛油果多過蟹肉，好鮮味及清新，三款刺身：三文魚，油甘魚，帶子，好鮮味，魚有魚味。 另加5款刺身併盤$450，吞拿魚腩，劍魚，蝦，油甘魚。吞拿魚腩刺身好肥美嫩滑，蝦鮮甜，蝦頭如脆炸會更惹味啲。 三文魚紫菜卷，上面海膽真係我like,富鮮腥。天婦羅蝦，差的，肉冇乜鮮味，粉一般。石燒軟殼蟹飯，炸過香脆軟殼蟹細細隻，飯吸收蟹香加葱味，就如女人搽香水，滋味垂涎。 另加什錦串燒$208，牛舌宣，牛香，北寄貝也可，其他肉串燒就一般。燒銀雪魚也好香滑，有魚香魚味，但係個蛋黃汁好稠。 紅豆綠茶布甸，用磁蛊

黎食生日飯，非常之失望，圖片真係只供參考，貨不對辦，可一不可再，食物質素非常參差，我諗喺尖沙咀求其搵一間日本餐廳都一定好食過佢！真係一間一定唔會回頭嘅餐廳，人生第一次寫差評就係寫呢一間，所以真係好差唔建議大家去！每人比$500呢個價錢真係唔使去，重要食唔飽人

以前返工嘅時候好鍾意食呢間但係好耐冇黎因為lunch time去 上菜同埋單都真係好慢建議時間唔係太充裕嘅話就盡量唔好lunch time去好耐冇黎 發現佢成份lunch Menu都加咗價比大半年前貴咗2-3成個人覺得而家lunch set真係唔抵食三色海鮮丼魚生飯既魚生係幾新鮮覺得幾唔錯嘅但係個天婦羅 就真係食唔出係乜嘢我諗係類似蘿蔔絲烏冬就冇咩好評價個人覺得 佢呢個餐 其實除咗魚生之外其他都麻麻哋飲品就有普通咖啡奶茶嗰啲叫就叫咗檸檬茶 但係茶底就好澀今次再去 都係同樣地上菜同埋單都好慢希望可以改進下

🍲鵝肝牛扒石頭鍋飯 ($138)🥩平時鵝肝好貴，但係呢個飯只係$138，就算唔係好多我講都仲係平過自己煮。鵝肝啲油同嗰牛啲油流哂去個石頭鍋飯，再配埋佢啲汁，個飯充滿油香幾好食🤤。個石頭鍋飯一上嘅時候，啲牛係粉紅色，好吸引💗。平時習慣食完飯先食餸，但係因為個石頭鍋太熱，啲牛同鵝肝擺到最後膳食嘅話就有d overcooked🍱壽司豪華四種盛丼 ($178)🍣吞拿魚蓉，海膽，三文魚子，花之戀，魚生都算新鮮，係好食，不過就冇乜大impressed。女仔應該會夠食，男仔就可能要嗌多少少小食。食物都算好食，只要唔叫小食，價錢都算親民。🏠環境可以望到維港夜景，不過房同埋窗口位有最低消費。地方闊落。坐得舒服，又有靚靚海景睇，適合慶祝活動。🤵服務雖然適合慶祝活動，但係服務就一般般，唔知係唔係嚴重缺人，門口冇staff，入到去都係繼續冇人，想order要等好耐先等到有人過嚟，到埋單嗰陣就係好想俾錢但係冇人過嚟收錢😂😅🥲。

《餐廳大缺失》（1）包頭巾的服務生，上錯餐，我在他還沒離開前已經反應，結果他沒立刻把餐點拿走，還直接在我們桌旁邊對單，確認他沒出錯，是服務生點錯餐後，直接在我們面前罵’‘衰婆‘’！！！（2）後面上正確的餐點時，為一名穿西裝的男子送餐（估計是店面經理）很大力放下幾道餐點，還讓食物湯汁灑出來！！上餐完全沒有一句話，餐點放了就走！！！·餐廳還加一成服務費，完全是笑話··頭巾服務生及西裝服務生態度惡劣，素質低下·《好的部分》餐點對得起價格，符合水準有海景

親民價錢 ·性價比高·海景日本菜處於北京道1號地段, 望住海景, 日本菜 仲要有禮貌服務, 有榻榻米坐,有私人空間 ！即使係晚市 價錢都係咁親民！ 絕對會再去！ 食物味道同新鮮度都算中上👍🏻熟食pizza估唔到佢都幾好味😂唯獨記得係壽喜燒的牛肉比較老 同埋太少烏冬🥲同朋友聚會、二人拍拖都係good choice ! 消費滿指定金額 仲可以包房👍🏻送上自己影的食物相 同環境相