影片
更多
2023-07-07
1503 瀏覽
剛於上星期六，經朋友推介去左中環一間樓上的日本餐廳食lunch， 一睇餐廳名就知係專門食天婦羅，食完確實有種搵到隱世餐廳，大隱隱於市既感覺！🕵🏼🍤🔮今次幸運地係朋友推介，仲有機會試到個Secret Dish ，淨係時間心機都值回票價，滿分誠意推介！💯 ㊙️留到最尾再講🔜！👫放假同女友一齊去，大家就可以試多啲唔同野食。Lunch Set 選擇都好吸引，又係選擇困難症既時候，最後佢揀左胡麻漬吞拿魚飯加牛肉烏冬，我都好奇點解揀呢樣？因為佢話胡麻漬飯好似好少見，講一講又確實好似係，試完味道都幾好食。😋不過我就梗係食特上天婦羅御膳😂⭐️天婦羅第一道菜係海老天婦羅，已經感受到用料新鮮的高品質，食到蝦既鮮甜，蝦頭配咖喱鹽就好似小食咁，脆卜卜好味！前菜係豆腐配柚子，非常清新。刺身有拖羅、魷魚、帶子，三樣都係favourite，特欣賞魷魚既煙韌口感ichiban！⭐️第二道係和歌山香魚(稚鮎）、沙䱦，踏入夏至到秋分都係品嚐既好時機💫，麵衣非常薄脆，入口能食到魚既油香，而且味帶回甘，頓時有驚喜。至於沙䱦魚肉厚實，炸完食落都非常滑嫰多汁。⭐️第三道係日本䱽魚同瀨尿蝦，呢個最緊要係肉質彈牙唔會削身，食材水準既重要性，
🔮今次幸運地係朋友推介，仲有機會試到個Secret Dish ，淨係時間心機都值回票價，滿分誠意推介！💯 ㊙️留到最尾再講🔜！
👫放假同女友一齊去，大家就可以試多啲唔同野食。Lunch Set 選擇都好吸引，又係選擇困難症既時候，最後佢揀左胡麻漬吞拿魚飯加牛肉烏冬，我都好奇點解揀呢樣？因為佢話胡麻漬飯好似好少見，講一講又確實好似係，試完味道都幾好食。😋
胡麻漬吞拿魚飯 + 牛肉烏冬
151 瀏覽
0 讚好
0 留言
不過我就梗係食特上天婦羅御膳😂
⭐️天婦羅第一道菜係海老天婦羅，已經感受到用料新鮮的高品質，食到蝦既鮮甜，蝦頭配咖喱鹽就好似小食咁，脆卜卜好味！
特上天婦羅御膳- 天婦羅蝦
81 瀏覽
1 讚好
0 留言
特上天婦羅御膳 - 前菜
69 瀏覽
0 讚好
0 留言
特上天婦羅御膳 - 刺身
52 瀏覽
0 讚好
0 留言
⭐️第二道係和歌山香魚(稚鮎）、沙䱦，踏入夏至到秋分都係品嚐既好時機💫，麵衣非常薄脆，入口能食到魚既油香，而且味帶回甘，頓時有驚喜。至於沙䱦魚肉厚實，炸完食落都非常滑嫰多汁。
特上天婦羅御膳 - 和歌山香魚、沙䱦
36 瀏覽
0 讚好
0 留言
⭐️第三道係日本䱽魚同瀨尿蝦，呢個最緊要係肉質彈牙唔會削身，食材水準既重要性，贊👍🏻
特上天婦羅御膳 - 日本䱽魚、瀨尿蝦
26 瀏覽
0 讚好
0 留言
接住就係天婦羅蓋飯（食左一半先發覺唔記得影相😮💨），雖然我心繫最尾個secret menu，但係都忍唔住食晒成碗飯，天婦羅雜菜蝦餅仲食到彈牙蝦肉，熱騰騰既珍珠米加埋個醬汁，恰到好處🤙🏻
去到個Set結尾就有日本蓮藕、意大利青瓜、粟米仔。青瓜食落非常多汁，最岩食完晒清一清refresh下，但我最中意係日本蓮藕，炸完後加埋少少咖喱鹽一齊食，真係好似食緊薯片一樣😋✨
特上天婦羅御膳 - 日本蓮藕、意大利青瓜、粟米仔
28 瀏覽
0 讚好
0 留言
終於到左最後係壓軸登場既Secret Dish!!🥳
登登登登！！安納芋天婦羅🍠 ！係Chef Eric師傅自家創作菜式！用上來自鹿兒島產既安納芋（番薯）去過都知道安納芋係當地名物！
安納芋天婦羅
27 瀏覽
0 讚好
0 留言
安納芋天婦羅
31 瀏覽
0 讚好
0 留言
制作過程費時⏱️，需要將原個番薯🍠烹炸超過1小時，相當花心機同工夫👏🏻！！
同身邊果個一人一半岩岩好😍成個炸完連皮食，外脆內軟，師傅會配埋白蘭地同白沙糖，用手拎住先醮一下白蘭地，之後點少少沙糖，入口酒香四溢🥃 至於點沙糖呢個小魔法，食落去就唔會有酒精既苦味，同埋會有啲焦糖香，加上番薯本身甜度十足，酒香和甜味成個變奏令菜式再昇華，為今次午餐成就絕佳既結尾！✨
安納芋天婦羅
34 瀏覽
0 讚好
0 留言
安納芋天婦羅
29 瀏覽
0 讚好
0 留言
食完仲有個雪糕🍦真係超級滿足～中意薑味既朋友可以試下個薑味雪糕，夠薑！不過我唔係薑既朋友，身邊果個叫我試一啖，真係「好夠薑」😂所以我都係食番海鹽雪糕～
(Openrice最多post12張相，無法盡錄🙌🏻🥲)
📍總結，絕對值得去試💯：
1. 隱世餐廳，價錢合理，喜歡鬧市當中尋找美食岩晒！
2. 食材新鮮，師傅好高水準
3. 有機會一定要試安納芋天婦羅！
4. 服務出色，師傅友善
5. 聽講晚市更多唔同既創意菜式，下次搵時間要再去
張貼
