ROJO

營業中

休息中

事緣舊老細生日，佢係呢頭返工，所以我就揀咗呢間餐廳同佢慶祝生日。當日我哋兩個嚟食lunch，見到set lunch價錢好抵，亦都有好多唔同嘅款式可以選擇。我舊老細揀咗pasta，而我就揀咗燒豬鞍。叫完郭個set之後就上咗湯同埋麵包，麵包幾好，但係個羅宋湯就好似茄汁開水咁樣。成件事係稀，又冇味。我舊老細係英國人，佢飲咗兩啖之後就放低咗。我問佢，做咩啊唔好飲？佢話唔係呀 ’It’s delicious’，但係佢從此冇再掂過嗰碗湯一下。之後我飲落去就覺得哦，我明白點解佢唔再飲個湯啦。之後佢碟意粉就上左，我見佢都食咗¾，應該質量係OK嘅，但係我見到啲蝦係非常之透明，即係代表係超級急凍嘅蝦。輪到我嗰碟，我必須要讚，我自己叫個碟煮可以話係有95分，要煮到個豬鞍熟得嚟，又有肉汁，又唔會太老，呢間餐廳真係做得好好。而且唔淨係個豬鞍，連旁邊嘅燒雜菜，同埋薯蓉都係完美。我要求非常之高，但係可以話呢間餐廳我個人嗌嘅豬鞍係冇乜嘢可以挑剔嘅。希望留低呢個食評，比其他人可以作為參考。