唐坊火鍋私房菜

港式火鍋好多地方都有，但要有特色、有記憶點、食完會再三回味嘅真係比較少，係旺角嘅唐坊火鍋私房菜就係少數真係高質嘅港式火鍋👏🏻👏🏻佢嘅極濃蝦湯底真係好正😍😍餐廳位處大廈高層，望住彌敦道，環境雅致，入到去以為自己去咗好decent嘅西餐廳🤣今次叫咗$788嘅2人餐，有齊刺身、矜貴海鮮、牛肉、餃子、糖水等，豐富之餘品質都幾高。同一幢大廈好多餐廳都結業🥹高質餐廳買少見少，真係要大力支持🙌🏻2人套餐🍣2人刺身拼盤有墨魚、三文魚、希靈魚、油甘魚，放喺盒中好精緻，刺身每款都好新鮮，難得地平時怕腥嘅我食希靈魚竟然完全唔腥👍🏻👍🏻🦐極濃蝦湯鍋底湯底可以四選一，蝦湯底真係超正超推薦🥰🥰入面有勁多隻大隻又結實嘅蝦、菇以及番茄，蝦味非常香，唔係最濃郁但飲落順喉，打邊爐前可以飲多幾碗，即使加湯之後味道依然夠，配烏冬簡直係世一😋😋🍤2人海鮮盤幾款都係高質海鮮👍🏻有超級巨型嘅珊瑚蚌、貴妃蚌、大大隻鮑魚、脆肉鯇以及大蝦🤩🤩蚌類彈牙鮮甜，鮑魚都好有嚼勁。脆肉鯇中間有少少骨要小心啲食。🥩手切特級牛（細）肉類可以揀牛肉／豬肉，見到店員砌得靚一靚😆牛肉採用牛肩胛部位，肉味濃有嚼勁。🥟韭菜餃及蟹肉餃韭菜餃正常發揮，蟹肉餃有驚喜