影片
更多
2024-05-06
68 瀏覽
呢間居酒屋本身都好出名，我自己一直bookmark左想黎食，今次終於坐言起行去食番餐好架啦😄上到餐廳佢既燈光比較暗，都係一般居酒屋既日系裝修，店員介紹黑板上有d時令刺身既餐牌，可能係睇季節而有咩食既，全部從日本入貨，不過我地黎就想食d日式料理多過刺身類🎌汁煮左口魚裙邊（$148）件左口魚裙邊卷成一團，面頭加上三文魚籽同魚籽醬，個樣有d似花之戀，件左口魚裙邊好肥美，充滿油分，食落口感滿滿既🤩蓬松玉子（$108）呢件玉子係其中一款佢地既名物，玉子整得好滑，蛋味好濃，裡面仲有芝士，撈埋滑蛋好正，隻蛋一食就食得出係靚蛋，面頭既醬就似平時食章魚燒既醬，同個玉子好夾🍳🧀🥚洋風雞肉卷（$148）雞肉卷釀入左平時用黎做前菜既漬物牛蒡同蘿蔔，連埋雞食口感一流，雞肉都整得好滑，呢味雞卷感覺好特別同創新👏🏻三重芝士吉列千層豚肉（$238）作為芝士控真係必點之選，豚肉裡面充滿芝士，佢既豚肉口感小小似豬扒，實際係用豚肉片卷成一件件整成既，食落啖啖肉😋飲品依家餐廳做緊買一送一優惠，好抵飲‼️巨峰提子Highball（$78）Highball係一款酒加梳打水既飲品，酒味唔算濃，好易入口，帶有微微既巨峰提子味🍇西尾抹茶
上到餐廳佢既燈光比較暗，都係一般居酒屋既日系裝修，店員介紹黑板上有d時令刺身既餐牌，可能係睇季節而有咩食既，全部從日本入貨，不過我地黎就想食d日式料理多過刺身類🎌
汁煮左口魚裙邊（$148）
件左口魚裙邊卷成一團，面頭加上三文魚籽同魚籽醬，個樣有d似花之戀，件左口魚裙邊好肥美，充滿油分，食落口感滿滿既🤩
蓬松玉子（$108）
呢件玉子係其中一款佢地既名物，玉子整得好滑，蛋味好濃，裡面仲有芝士，撈埋滑蛋好正，隻蛋一食就食得出係靚蛋，面頭既醬就似平時食章魚燒既醬，同個玉子好夾🍳🧀🥚
洋風雞肉卷（$148）
雞肉卷釀入左平時用黎做前菜既漬物牛蒡同蘿蔔，連埋雞食口感一流，雞肉都整得好滑，呢味雞卷感覺好特別同創新👏🏻
三重芝士吉列千層豚肉（$238）
作為芝士控真係必點之選，豚肉裡面充滿芝士，佢既豚肉口感小小似豬扒，實際係用豚肉片卷成一件件整成既，食落啖啖肉😋
飲品依家餐廳做緊買一送一優惠，好抵飲‼️
巨峰提子Highball（$78）
Highball係一款酒加梳打水既飲品，酒味唔算濃，好易入口，帶有微微既巨峰提子味🍇
西尾抹茶熱鮮奶（$52）
用日本既西尾抹茶沖，濃厚既抹茶味配上幼滑鮮奶，非酒精類飲品既首選🍵
呢間居酒屋既野食全都都好特別，係其他餐廳食唔到既做法，夠曬獨特有創意得黎，食物係好味既，加埋個飲品一送一優惠，過黎食飯吹水真係好正🥰
張貼
