The Joomak (已結業)

去左轉韓國番黎，已經完全地愛上左韓食，番黎之後唯有望梅止渴，去黎間食開既韓國餐廳～上枱時冷麵煙霧四出，猶如仙氣一樣，估唔到冷麵都可以咁吸睛xd先將冷面放入碗中，再加入自選醬汁，然後同牛肋骨､泡菜､水梨､青瓜及糖心蛋等等一齊享用，口感豐富，醬汁令人更開胃，麵球比較大，可以分兩次食。韓牛伴飯，每次食開韓食最中意就係佢地既伴飯，多蔬菜之餘又有辣醬調味唔會寡，食落去既健康又美味，不過呢間既伴飯的確太貴了..伴飯精髓就係紫菜！加左紫菜之後，口感同味道簡直兩個唔同世界，味覺昇華起碼三倍XD所以我咁中意食伴飯係有原因~~青檸牛油果麻藥炸雞，炸雞沾滿牛油果同青檸醬汁，而每件炸雞都相當大件又抵食，食落去味道偏酸，青檸味較濃，而且醬汁好容易沾到面上，炸雞外脆內軟，芝士粉做到調味昇華作用，不過相對上牛油果味道完全被覆蓋，呢方面希望有更好既改進～水果柚子茶，同冷麵一樣上枱時有煙霧效果，所以大家影相都要影到及時！價錢相對上貴，但呢個份量足以令二人飲上兩杯，而且同樣係仙氣之選～柚子茶包括有柚子、檸檬、士多啤梨同薄荷葉，柚子同薄荷葉都可以去油膩感，食炸雞既時候就要飲番杯，淡淡柚子香，加上酸酸甜甜口感，清新開胃。