影片
更多
2024-04-27
337 瀏覽
聽講尖沙咀開咗間最近大熱的夏威夷碗，好食又抵食，是晚同朋友嚟試下先😋重慶大廈旁的商場重新規劃，改咗名做慶方Heath，有不少新食店進駐，是晚要黎是的叫Peek A Poke。素描枱上的qr code落單，直接付款或者到櫃枱付款都可，餐點會由店員送上，可自行攞餐具同埋斟水等，呢個薄荷檸檬水幾好飲喎。⭐夏威夷風味幾個指定餐都好似好好味，最後自己揀咗夏威夷風味，因為貪佢有海帶芽😋除咗指定嘅餸菜外，個base可以揀要沙律菜或者飯，甚至乎二合一，想食菜又怕唔夠飽，呢度又幾好喎，本人仲貪心要咗多菜，點知嚟到超大碗，早知要埋少飯啦。滿滿一大碟，香口又新鮮，個鰹魚醬汁好味，珍珠糙米飯有咬口但唔會太鞋，感覺健康又飽肚😆另外仲加咗牛油果添，原來一加有半個牛油果，又綿又香滑正呀😋⭐自選雙併碗朋友話佢每樣嘢都想食，所以揀個自選雙拼碗，咁雙併嘅魚生就要咗吞拿魚同三文魚，個base就要咗壽司飯加糙米飯，朋友話佢琴晚到而家都冇食過嘢，差唔多斷食24小時餓到爆喎，所以要要多飯😂配料就揀咗雞蛋絲、紫洋蔥同蟹子，調味料好似樣樣都好啱食，朋友就一次過揀曬全要，有紫菜絲、芝麻、果仁、木魚絲、脆蒜片、海鹽同辣椒粉，調味醬汁就揀
重慶大廈旁的商場重新規劃，改咗名做慶方Heath，有不少新食店進駐，是晚要黎是的叫Peek A Poke。
素描枱上的qr code落單，直接付款或者到櫃枱付款都可，餐點會由店員送上，可自行攞餐具同埋斟水等，呢個薄荷檸檬水幾好飲喎。
⭐夏威夷風味
幾個指定餐都好似好好味，最後自己揀咗夏威夷風味，因為貪佢有海帶芽😋除咗指定嘅餸菜外，個base可以揀要沙律菜或者飯，甚至乎二合一，想食菜又怕唔夠飽，呢度又幾好喎，本人仲貪心要咗多菜，點知嚟到超大碗，早知要埋少飯啦。滿滿一大碟，香口又新鮮，個鰹魚醬汁好味，珍珠糙米飯有咬口但唔會太鞋，感覺健康又飽肚😆另外仲加咗牛油果添，原來一加有半個牛油果，又綿又香滑正呀😋
⭐自選雙併碗
朋友話佢每樣嘢都想食，所以揀個自選雙拼碗，咁雙併嘅魚生就要咗吞拿魚同三文魚，個base就要咗壽司飯加糙米飯，朋友話佢琴晚到而家都冇食過嘢，差唔多斷食24小時餓到爆喎，所以要要多飯😂配料就揀咗雞蛋絲、紫洋蔥同蟹子，調味料好似樣樣都好啱食，朋友就一次過揀曬全要，有紫菜絲、芝麻、果仁、木魚絲、脆蒜片、海鹽同辣椒粉，調味醬汁就揀咗青檸辣醬，嚟到真係超大盤勁滿，點知轉頭店員話佢原來唔記得咗落蛋絲，於是又畀咗一盤我哋😆百幾蚊咁大份量，真係好抵食😋醬汁惹味，果仁同芝麻又香口，加上咁多配料，味道同口感都好豐富，入口完全唔覺得寡，見朋友食得超快，即係好好味啦😆
⭐炸雞
朋友話見兩個碗都冇乜肉，所以叫個炸雞，點知嚟到兩個碗原來咁大份，即刻怕咗個炸雞食唔曬，個炸雞用咗香料醃過，有些少東南亞風味，附上的辣味沙律醬夠惹味，雞件炸得香口唔油又嫩滑，好味嘢梗係食得曬啦🤭
⭐香蕉奶昔 & 玄米茶
朋友話佢嗰碗咁豐富，飲品就清清地要杯熱玄米茶就夠喇，自己就要咗香蕉奶昔，香蕉奶一向都係最愛嘛😆叫咗少甜好啱口味，入口有淡淡的香蕉味，奶又勁滑，好好飲喎😍
小店係自助模式落單同搵位，晚飯時期一度爆滿要等㗎，不過食客都好自律，食完就嚟離座，所以都唔算等得耐嘅。
張貼
