麵屋一平安

營業中

休息中

餐廳位於美麗華，採用日本各地嘅材料，提供拉麵、沾麵、丼飯、壽喜燒、特色小食等多元化嘅日式料理，裝潢以木系為主，環境闊落，座落舒適，平日夜晚都坐滿，質素應該有保證🤣主食有和風炒飯，混合蝦、蜆同叉燒，飯粒粒分明，調味適中，份量比想像中多，性價比高！建議可以搭配炒野菜一齊食，菜品新鮮，海鮮鮮甜，感覺健康，適合多人分享～ 值得一讚嘅係呢度嘅小食，個人最鍾意大板燒，外皮微微酥脆內裏鬆軟，點埋甜甜哋嘅醬汁同美乃滋真係好match！炸八爪魚球都唔錯，同樣外脆內軟，外皮夠薄，食完唔會覺得好膩！明太子煎蛋有六小件，賣相可愛，鹹甜搭配，煎蛋微嫩，可以一試。雞肉好大塊，四大件，炸至金黃酥脆，完全唔油，肉質嫩滑，有驚喜！薯仔沙津入口綿密，好開胃、鐵板豆腐咬落滑溜，整體味道偏鹹，適合配飯。