中村藤吉香港店 (已結業)

星期六去I square睇完戲有啲餓，就決定去對面嘅中村藤吉食杯雪糕醫肚。因為第一次幫襯，咩味都想食，所以叫咗宇治金抹茶+焙茶軟雪糕，一次過試哂兩種味，雪糕可選杯裝或甜筒。$53一杯雪糕有啲貴，但份量比想像中多，不論抹茶還是焙茶，雪糕的茶味都好重，香濃不澀，感覺十分足料，而且唔會太甜。軟滑的雪糕同埋脆卜卜的甜筒一齊食，口感一流。另外，仲有兩粒煙煙韌韌嘅白玉丸子同軟綿綿嘅紅豆蓉做配料，味道好夾，食完好飽好滿足。