影片
更多
2017-06-24
111 瀏覽
呢日又約朋友食晚餐～呢排都係去開尖沙咀，就腳丫嘛～之前有朋友介紹過呢間Urban Coffee Roaster，一於就去試下～佢嘅位置好易搵，喺尖沙咀N5出口出咗去之後向後行幾步，去到街口轉左就見到架喇～對面就係一間連鎖咖啡店，但UCR喺對面都一啲都唔輸蝕～ 外面裝修好有格調，好特別。行幾層樓梯，推開趟門就入到去暗暗地、好有氣氛嘅餐廳內部。裝修好有格調，睇得出比咗好多心機。裝修圍繞住「咖啡」，「We pick the best」，俾人感覺呢間餐廳整咖啡真係好pro咁。每張枱都擺咗蠟燭，仲有一大支水，唔駛好似一啲餐廳咁要問先有水飲。侍應一坐低就就會比本書你，原來開到中間就係份menu，好新奇，好特別，哈哈～慢煮雞胸牛油果藜麥沙律 配紅酒油醋汁 ($98)首先就上沙律～抵讚嘅係佢雞胸同牛油果都好多！唔會話淨係得菜加少少肉咁～菜同牛油果都好新鮮，不過牛油果好似有少少未熟透，咬落有啲硬。Quinoa就都係咁啦～成個沙律配上酸酸地嘅紅酒油醋汁就特別開胃紐西蘭青口 - 西班牙辣肉腸/時蘿/洋蔥碎/忌廉汁 ($118)第二個前菜，青口～青口一啲都唔腥，配埋個忌廉汁好入味～本身以為辣肉腸係平時pizz
之前有朋友介紹過呢間Urban Coffee Roaster，一於就去試下～
佢嘅位置好易搵，喺尖沙咀N5出口出咗去之後向後行幾步，去到街口轉左就見到架喇～
對面就係一間連鎖咖啡店，但UCR喺對面都一啲都唔輸蝕～
外面裝修好有格調，好特別。行幾層樓梯，推開趟門就入到去暗暗地、好有氣氛嘅餐廳內部。
裝修好有格調，睇得出比咗好多心機。裝修圍繞住「咖啡」，「We pick the best」，俾人感覺呢間餐廳整咖啡真係好pro咁。
每張枱都擺咗蠟燭，仲有一大支水，唔駛好似一啲餐廳咁要問先有水飲。侍應一坐低就就會比本書你，原來開到中間就係份menu，好新奇，好特別，哈哈～
慢煮雞胸牛油果藜麥沙律/紅酒油醋汁
$98
9 瀏覽
0 讚好
0 留言
抵讚嘅係佢雞胸同牛油果都好多！唔會話淨係得菜加少少肉咁～
菜同牛油果都好新鮮，不過牛油果好似有少少未熟透，咬落有啲硬。
Quinoa就都係咁啦～
成個沙律配上酸酸地嘅紅酒油醋汁就特別開胃
紐西蘭青口 - 西班牙辣肉腸/時蘿/洋蔥碎/忌廉汁
$118
7 瀏覽
0 讚好
0 留言
第二個前菜，青口～
青口一啲都唔腥，配埋個忌廉汁好入味～
本身以為辣肉腸係平時pizza上面一塊塊嗰啲，但原來係一粒粒嘅，擺咗係青口入面，估唔到味道都幾夾喎～
另外係忌廉汁入面有我最鍾意嘅洋蔥碎～～正！
跟住就到主菜啦～ 我哋叫咗個意大利飯同魚柳+龍蝦
黑松露野菌意大利飯
$138
3 瀏覽
0 讚好
0 留言
不嬲都好鍾意食意大利飯，去到呢到都嗌咗～
黑松露味好香，又多菇，正 不過個汁好似有啲唔夠杰，有啲水～
同埋自己比較鍾意硬啲嘅飯，呢個對我嚟講有啲太淋～
燒本地鮮魚柳/燒波士頓龍蝦(半隻)/香蒜牛油汁
$228
3 瀏覽
0 讚好
0 留言
呢個好抵，因為同一碟入面可以又有魚柳又有龍蝦～
兩款海鮮都好新鮮
首先講下個龍蝦先～
正嘅位係佢一早拆咗比你，唔駛自己拆肉出嚟。
超多肉，仲有蝦膏！正！
跟住就到魚～
正！好入味！特別配個牛油汁～
個皮煎得好脆，入面嘅肉又嫩，外脆內軟好有口感！
另外蝦同魚下面有幾條蘆筍，係我好鍾意食嘅，所以都要提下 牛油汁又係好入味
跟住就到甜品喇～
見到前面嗌咗咁多嘢都知我哋食到好飽，但都想試下佢嘅甜品，所以叫咗一個share～
抹茶慕絲朱古力蛋糕
$62
11 瀏覽
0 讚好
0 留言
我特別鍾意呢個，因為係其他地方都無食過呢款蛋糕，而且我哋又鍾意食抹茶～
首先賣相好靚，一上枱已經吸引咗我哋眼球
上面有抹茶慕絲，下面果層係朱古力蛋糕，面頭有啲果碎，幾清新～
味道嘅話，如果抹茶味可以濃啲當然更加好，但而家已經好好味！真係好鍾意！
至於飲品 -
Iced Mocha
$44
12 瀏覽
0 讚好
0 留言
呢個係我朋友叫嘅，所以我都只係試咗一啖。
但係唔會太苦唔會太甜，岩晒啲唔係好飲得咖啡味嘅人～
我自己就想飲咖啡嘅，始終呢到咖啡係最出名。
但因為食到好飽，就叫咗伯爵茶，諗住茶可以清下腸胃
相就唔記得影，但係係沖茶包嘅，味道好香～
總括嚟講呢到係我近排最喜愛嘅cafe小店，朋友叫我介紹餐廳嘅時候都介紹咗UCR比佢哋～
大家鐘意咖啡或者想同朋友傾下計都可以揀UCR啊～
下面擺返menu：
張貼
