影片
更多
2018-08-20
237 瀏覽
要係充斥住拖喼遊客區中搵食, 想食得輕鬆又唔會限你幾耐要交枱, 選擇幫襯小店都未嘗唔係一個明智決定! 呢間又點睇呢?店內面積唔大, 昏暗燈光配合一室走工業風嘅裝修, 牆上以"We Pick The Best"作點題, 簡單又型格!打開餐牌, 分別點左呢幾樣食物 :沙律代表 : 慢煮鷄胸牛油果藜麥沙律配紅酒油醋汁 ($108), 份量等於減肥人士一份正餐, 相當抵食! 食材全部都係健康減肥之選鷄胸慢煮再以黑椒調味, 有味道之餘亦唔嚡口; 牛油果腍滑; 藜麥有咬口之餘增加飽肚感, 配埋紅酒油醋汁, 無一般沙律醬咁肥膩, 酸甜味道令人開胃口呀!小食代表 : 軟殼蟹生菜包配咖喱蛋黃醬 ($98), 一客四件以生菜包住炸至金黃色嘅軟殼蟹, 再唧上蛋黃醬加咖喱粉!一口咬落去, 感到熱辣辣 (即叫即炸), 脆口炸漿與腍身軟殼蟹口感互相揮動, 加埋滋味蛋黃醬嘅調味, 用生菜包住食食得夠方便, 亦為呢客炸物加添了濕度, 中和"熱氣"!澱粉質代表 : 龍蝦意大利飯 ($168), 半邊龍蝦配以蕃茄醬汁煮成嘅意大利飯, 賣相簡而清!龍蝦肉質夠彈牙, 味道幾鮮甜意大利飯煮得夠入味, 口感有少少嚼口但又唔會
店內面積唔大, 昏暗燈光配合一室走工業風嘅裝修, 牆上以"We Pick The Best"作點題, 簡單又型格!
打開餐牌, 分別點左呢幾樣食物 :
沙律代表 : 慢煮鷄胸牛油果藜麥沙律配紅酒油醋汁 ($108), 份量等於減肥人士一份正餐, 相當抵食! 食材全部都係健康減肥之選
慢煮鷄胸牛油果藜麥沙律配紅酒油醋汁
19 瀏覽
0 讚好
0 留言
鷄胸慢煮再以黑椒調味, 有味道之餘亦唔嚡口; 牛油果腍滑; 藜麥有咬口之餘增加飽肚感, 配埋紅酒油醋汁, 無一般沙律醬咁肥膩, 酸甜味道令人開胃口呀!
小食代表 : 軟殼蟹生菜包配咖喱蛋黃醬 ($98), 一客四件以生菜包住炸至金黃色嘅軟殼蟹, 再唧上蛋黃醬加咖喱粉!
軟殼蟹生菜包配咖喱蛋黃醬 (
8 瀏覽
0 讚好
0 留言
一口咬落去, 感到熱辣辣 (即叫即炸), 脆口炸漿與腍身軟殼蟹口感互相揮動, 加埋滋味蛋黃醬嘅調味, 用生菜包住食食得夠方便, 亦為呢客炸物加添了濕度, 中和"熱氣"!
澱粉質代表 : 龍蝦意大利飯 ($168), 半邊龍蝦配以蕃茄醬汁煮成嘅意大利飯, 賣相簡而清!
龍蝦意大利飯
16 瀏覽
0 讚好
0 留言
龍蝦肉質夠彈牙, 味道幾鮮甜
意大利飯煮得夠入味, 口感有少少嚼口但又唔會似"半生熟", 以蕃茄入饌味道酸甜開胃唔膩, 成碟食晒都無難度!
肉類代表 : 香煎英國豬扒配燒新薯. 洋蔥汁 ($178), 呢客香煎豬扒一上枱時發現"亮點", 係連埋豬皮架!
香煎英國豬扒配燒新薯. 洋蔥汁
10 瀏覽
0 讚好
0 留言
睇落好似好肥, 但切開見到又唔係咁肥, 加埋D黑椒同香草碎, 肉質鬆化又帶肉汁, 而肉汁仲帶點甜味, 肉味香濃! 再食埋連薯皮嘅新薯, 真係"薯"不簡單!
黎到咖啡室, 又點可以唔叫番杯咖啡試下店嘅水準, 呢杯Cappuccino ($39), 綿細奶泡上送上一個拉花, 第一啖先飲到奶泡嘅滑感, 跟住咖啡香味衝向味蕾, 餘味仍繞在舌頭上, 熱度又夠, 最怕係一入口已變暖, 感覺怪怪!
Cappuccino
8 瀏覽
0 讚好
0 留言
友人選擇呢杯Matcha Latte ($39), 又係送一個拉花, 色澤非常"抺茶", 入口有濃濃抺茶味, 甜度稍為減D會仲好, 鍾情抺搽嘅友人表示滿意!
Matcha Latte
9 瀏覽
0 讚好
0 留言
呢度嘅甜品原來全部都係自家製, 誠意滿分, 夏天最岩食西瓜, 呢客西瓜草莓杏仁蛋糕 ($58), 紅白雙配, 賣相可愛!
西瓜草莓杏仁蛋糕
7 瀏覽
0 讚好
0 留言
上層係士多啤梨加啫喱, 以鬆軟海綿蛋糕作"間場", 底部以西瓜"壓場"! 西瓜蛋糕都係第一次食, 夠甜咬落多汁, 但又唔會整到個底層蛋糕"淋"晒, 唯唔多食到杏仁味! 幾清新!
呷一口咖啡, 同友人輕鬆傾計, 過番一個慢活星期天晚上, 以迎接新一星期嘅來臨!
張貼
