影片
更多
2020-12-23
225 瀏覽
今次介紹嘅係一間喺旺角嘅居酒屋，店主親自去日本向一個申子婆婆拜師學做料理，之後就開咗呢間餐廳。男店主特別聘請一啲更新人士，因為自己都係過來人。 店舖主打炸物、丼飯、串燒等，好多食材都係日本直送，而且仲提供任飲清酒嘅套餐。-預約🧍🧍🧍如果係食晚市基本上都一定要book位，當日係食星期日夜晚，大概係星期五打電話去book位，但餐廳都接近full，答覆我只有夜晚6:00或9:00有位，所以如果食晚市建議大家早啲book位。而餐廳午市都會營業，會有啲比較經濟啲嘅餐單。-環境🪑裝修以深啡色為主，都有日本居酒屋嘅感覺。有兩層，首層有吧枱，大概有六個位，第二層就有兩張卡位同埋幾張枱，大概有30個位。環境偏暗，如果影相會比較唔夠光。-1️⃣極上鹽燒牛舌芯 💰 108 （👅: 8.5/10）牛舌非常爽口彈牙，因為係攞牛舌嘅芯，如果係牛舌既側邊嗰啲會好韌，牛舌芯先會有舌頭嘅脂肪喺入邊，所以一定係最軟嫩嘅部份，而且每粒牛舌芯個份量都夠大，真正既厚切，食落口感非常滿足，牛味充足但唔會過鹹，聞到牛嘅香味，將牛舌芯既油脂燒到入哂味。個人覺得係成間鋪其中一樣最好食嘅菜式。已側邊都有提供檸檬同海鹽、葱粒去自行做調味，加咗
今次介紹嘅係一間喺旺角嘅居酒屋，店主親自去日本向一個申子婆婆拜師學做料理，之後就開咗呢間餐廳。男店主特別聘請一啲更新人士，因為自己都係過來人。 店舖主打炸物、丼飯、串燒等，好多食材都係日本直送，而且仲提供任飲清酒嘅套餐。
-
預約🧍🧍🧍
如果係食晚市基本上都一定要book位，當日係食星期日夜晚，大概係星期五打電話去book位，但餐廳都接近full，答覆我只有夜晚6:00或9:00有位，所以如果食晚市建議大家早啲book位。而餐廳午市都會營業，會有啲比較經濟啲嘅餐單。
-
環境🪑
裝修以深啡色為主，都有日本居酒屋嘅感覺。
有兩層，首層有吧枱，大概有六個位，第二層就有兩張卡位同埋幾張枱，大概有30個位。
環境偏暗，如果影相會比較唔夠光。
-
1️⃣極上鹽燒牛舌芯 💰 108 （👅: 8.5/10）
極上鹽燒牛舌芯
$108
30 瀏覽
2 讚好
0 留言
牛舌非常爽口彈牙，因為係攞牛舌嘅芯，如果係牛舌既側邊嗰啲會好韌，牛舌芯先會有舌頭嘅脂肪喺入邊，所以一定係最軟嫩嘅部份，而且每粒牛舌芯個份量都夠大，真正既厚切，食落口感非常滿足，牛味充足但唔會過鹹，聞到牛嘅香味，將牛舌芯既油脂燒到入哂味。
個人覺得係成間鋪其中一樣最好食嘅菜式。
已側邊都有提供檸檬同海鹽、葱粒去自行做調味，加咗海鹽更加帶出牛本身嘅味道。
-
2️⃣水母刺身 💰 88 （👅: 6.5/10）
水母刺身
$88
56 瀏覽
2 讚好
0 留言
質感有啲似海蜇，但比海蜇硬少少。
味道本身就冇咩，係要點嗰個柚子醋先會有味。
個人覺得係一個體驗菜，唔可以稱得上係好食嘅菜式。
-
3️⃣吉列千層豚肉卷(三重芝士) 💰 228 （👅: 7.5/10）
吉列千層豚肉卷(三重芝士)
$228
11 瀏覽
2 讚好
0 留言
用好多塊豬腩片疊住包住啲芝士一齊炸，以我嘅理解就係千層綿，店主話係一個日本婆婆將個秘訣話俾佢知，然後店主自己領悟研究整出嚟。
炸衣唔算厚但係一夾上碟之後會見到同肉分離。
吉列千層豚肉卷(三重芝士)
$228
23 瀏覽
3 讚好
0 留言
芝士多度可以拉絲，但同時我覺得最大嘅敗筆係落咗芝士，芝士實在太多食唔到豬肉嘅味，豬肉雞肉味完全比芝士蓋過咗，做法好花巧但係味道唔係驚人。而可能因為份量大而且落咗好多芝士，食落會有啲油膩感。
碟上都有提供日式炸豬扒醬汁同埋美乃滋。
我有喺香港食過類似嘅不過冇落芝士，但係好食好多而且嗰間嘅千層豬肉好食到豬肉嘅味道。
-
4️⃣明太子芝士山藥 💰 58 （👅: 6.5/10）
明太子芝士山藥
$58
32 瀏覽
2 讚好
0 留言
山藥質感似蘋果，咬落係爽口，但味道唔算好特別。
明太子係黑魚子，芝士係經過火炙燒到熱熔熔，入口會食到芝士味先然後食到明太子味，配搭好特別但味道唔算有驚喜。
-
5️⃣燒油楊腐皮 💰48 （👅: 6.5/10）
燒油楊腐皮
$48
13 瀏覽
2 讚好
0 留言
會食到醬油味，表皮係脆口，但個人覺得味道未到好有驚喜。
-
6️⃣海膽炒飯 💰178 （👅: 7/10）
海膽炒飯
$178
17 瀏覽
2 讚好
0 留言
海膽係採用北海道根室海膽，份量係足夠攞海膽去食每啖飯。
因為我個人唔係話非常之鍾意食海膽，所以我只可以接受非常新鮮嘅海膽，食落去覺得唔夠新鮮，係比較普通嘅海膽。
而炒飯係比較粒粒分明不過偏濕，飯嘅上面有啲鹹鮮嘅蟹籽、香菇，再加上醬汁，食落去偏鹹。
-
7️⃣鰻魚天婦羅 💰168 （👅: 8/10）
鰻魚天婦羅
$168
10 瀏覽
2 讚好
0 留言
鰻魚係好少用來做天婦羅，係比較創新嘅菜式。
炸粉厚度適中，唔會話係食緊炸粉，揸得非常香脆，但食落又唔會好重油膩感。
雖然係炸但係入邊嘅鰻魚質地保持到嫩滑，而唔會因為炸令到入邊冇晒水份，鰻魚本身已經有醬汁先再攞去炸，所以味道係足夠而且係juicy。鰻魚本身都厚身唔係薄切，所以食落口感都滿足。
上面有蘿蔔蓉可以點，個人覺得都係店舖其中一樣好食嘅菜式。
-
8️⃣千層蛋糕 （👅: 6/10）
千層蛋糕
24 瀏覽
2 讚好
0 留言
味道係抹茶味，好普通嘅味道，唔算特別好食嘅抹茶，抹茶味都唔算濃。
但敗筆係千層蛋糕唔似千層，咬落似石頭，有啲似Donki嘅千層蛋糕，完全唔會識到每層嘅層次感同埋鬆化嘅餅皮。
-
9️⃣抹茶心太軟 💰78 （👅: 6/10）
抹茶心太軟
$78
34 瀏覽
2 讚好
0 留言
抹茶嘅味道冇問題但係比較普通，但敗筆係心太軟個外皮太硬，唔係外脆內軟，而個流心亦都冇做到出色，溫度唔夠而且味道唔夠。
-
🌟個人覺得最推介嘅菜式係極上鹽燒牛舌芯同鰻魚天婦羅，其他嘅菜式比較一般而且價錢唔平，建議除咗呢兩個菜式試吓其他嘅菜式，比較多人叫嘅有牛柳粒、玉子、蟹粥、串燒等。以今餐來講價錢有啲對唔上個味道，要好識叫先可以值返個價錢。
-
👅味道: 7.5/10
🍴環境: 7/10
💰消費: $350人均 (服務費: 10%)
張貼
