影片
更多
2024-02-01
758 瀏覽
💁♀️💁♂️ 31/12/2023(Sun), Dinner🍽每次想食泰國🇹🇭菜，總會想起九龍城，呢一區有大量泰國人主理嘅泰菜館，總有一間合你嘅口味。💁♀️為食妙妙同💁A先生就多數會去城南道嘅泰象館，呢度雖然裝修比較簡單，又唔算坐得舒服，但食物嘅味道就係我哋嘅喜愛，而且價錢合理，性價比都唔錯。今晚嚟到，門口已經有幾組食客喺度等位，我哋都等咗10分鐘左右先可以入座。而今晚我地💁♀️💁🧑👧order咗：🔆 生蝦🦐刺身（$98）每次為食妙妙食泰國菜都必點嘅食物，爽口嘅蝦🦐肉，再點埋辣汁，食落夠晒開胃。🔆 炸芝士🧀蝦🦐丸（$90）平時我哋多數都叫開蝦餅，今次見到menu有芝士🧀蝦🦐丸，賣相都唔錯，又叫嚟試吓先。上枱時蝦丸熱焫焫，每料都大過乒乓波，外皮脆而內裡彈牙，中間再包住芝士🧀。趁熱食芝士仲半熔，加埋外面彈牙蝦丸，味道同口感都好夾、好豐富🔆 薄餅（$27）、蒜蓉包（$27）食得泰國菜我哋通常都會叫咖喱，我哋習慣都會叫埋薄餅同蒜蓉包嚟點咖喱汁食。呢度嘅薄餅同蒜蓉包都烘得香脆又唔油膩，點埋咖喱汁更加唔好錯過。🔆 南瓜🎃咖喱軟殼蟹🦀（$238）挖空南瓜🎃之後裝入咖喱汁，而軟殼蟹🦀就炸得香脆咁放喺旁
💁♀️💁♂️ 31/12/2023(Sun), Dinner🍽每次想食泰國🇹🇭菜，總會想起九龍城，呢一區有大量泰國人主理嘅泰菜館，總有一間合你嘅口味。💁♀️為食妙妙同💁A先生就多數會去城南道嘅泰象館，呢度雖然裝修比較簡單，又唔算坐得舒服，但食物嘅味道就係我哋嘅喜愛，而且價錢合理，性價比都唔錯。
今晚嚟到，門口已經有幾組食客喺度等位，我哋都等咗10分鐘左右先可以入座。而今晚我地💁♀️💁🧑👧order咗：
🔆 生蝦🦐刺身（$98）每次為食妙妙食泰國菜都必點嘅食物，爽口嘅蝦🦐肉，再點埋辣汁，食落夠晒開胃。
🔆 炸芝士🧀蝦🦐丸（$90）平時我哋多數都叫開蝦餅，今次見到menu有芝士🧀蝦🦐丸，賣相都唔錯，又叫嚟試吓先。
上枱時蝦丸熱焫焫，每料都大過乒乓波，外皮脆而內裡彈牙，中間再包住芝士🧀。趁熱食芝士仲半熔，加埋外面彈牙蝦丸，味道同口感都好夾、好豐富
🔆 薄餅（$27）、蒜蓉包（$27）食得泰國菜我哋通常都會叫咖喱，我哋習慣都會叫埋薄餅同蒜蓉包嚟點咖喱汁食。呢度嘅薄餅同蒜蓉包都烘得香脆又唔油膩，點埋咖喱汁更加唔好錯過。
🔆 南瓜🎃咖喱軟殼蟹🦀（$238）挖空南瓜🎃之後裝入咖喱汁，而軟殼蟹🦀就炸得香脆咁放喺旁邊，食起嚟嘅時間一來可以控制點幾多汁，而且軟殼蟹🦀又唔會俾咖喱汁浸腍晒。金黃嘅咖喱汁入口香滑，味道唔辣嘅，小朋友都岩食。個南瓜🎃係預先煮熟咗，所以可以挖埋肉出嚟食。估唔到啲南瓜🎃肉咁軟糯香甜，我地不停挖呀挖，都食咗唔少香甜嘅南瓜肉。
🔆 蒜蓉炒椰菜🥬苗（$62）因為小朋友唔食得辣，所以炒菜我哋就揀咗蒜蓉炒。椰菜🥬苗炒得翠綠爽口無過老，帶點魚露嘅鮮味，唔錯👍🏻。
🔆 燒馬友（$168）平時食開都係燒烏頭，見到牆上面嘅推介有燒馬友，我哋又鍾意食肉質比較滑嘅魚，所以都點咗嚟食。
🔆 青檸梳打（$26）食住啲比較濃味嘅食物，叫返杯青檸梳打飲就岩晒啦，飲落酸酸哋，解膩又開胃。
🔆 勝獅啤酒🍻（$30）
食泰菜梗係飲返泰啤啦！
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：8.5/🔟
❤🙆♀️(為食妙妙)整體食評：8/🔟
👉🏻 味道適合港人口味，性價比不俗
A先生車友指數 🚗
🛣️ 交通容易指數：🚗🚗🚗🚗(4/5)
🅿️ 泊車容易指數：🚗🚗🚗🚗(4/5)
👉🏻 泊車喺九龍城嘅街邊都有唔少錶位🅿️，食飯時間泊唔泊到又係睇你運氣，停車場就要泊去九龍城廣場🅿️
👉🏻 有多線巴士、小巴途經，而家仲有埋港鐵，交通方便
🔆🔆🔆🔆🔆🔆🔆🔆🔆🔆🔆🔆🔆
張貼
