玉桃軒酒家 (鱷魚恤中心)

營業中

休息中

放大假就最鍾意周圍同屋企人去飲茶。鱷魚恤中心其實有好多選擇，但係唔知點解屋企人成日都會諗起呢間。我個人就鍾意去啲潮州酒家飲茶，因為可以食啲打冷嘢。屋企人就比較鍾意去啲中式嘅。平日唔爆場，選擇就比較少啲。食咗咁多樣嘢比較有驚喜嘅係個豉油王炒麵，炒得好乾身又唔怕肥淋淋。亦都有我最鍾意食嘅炸鮮奶，但係而家啲師傅用塊麵包捲起來炸，唔似得以前會落脆漿，個奶又唔會溝蜜瓜汁落去，不過呢間都算做得唔錯。起碼識落睇落都係用新鮮油。糯米飯都好軟糯。比較遜色少少嘅話就係個叉燒酥雖然個皮做得好好大個餡實在太少喇，個珍珠雞仲要冇蛋黃嘅添，呢啲都係比較扣分嘅位置。另外如果粒蝦餃佢會有少少麻油調味，帶番起出蝦嘅味道就好啦。燒腩卷都唔錯，唔會太肥。