為食龍 (已結業)

超開心～终於嚟試到呢間新派日式料理。一入到餐廳即刻好似走進奇妙森林一樣。好彩一早訂咗位，聽到前面兩位朋友 walk in ，但職員話今晚冇機會有位，結果佢哋今次白走一趟了。下層主要是接待處及廚房。至於餐廳座位則在上層。行上紅磚牆嘅梯間，裝飾已經好有古老大宅 feel，充滿著神秘感覺。到達樓上，整體佈置直頭係侏羅世紀恐龍世界。周圍都是叢林及恐龍，超得意令人十分興奮。至於食物方面係日式料理，主打以腐皮壽司為基礎，然後以新派手法、加入不同魚生食材製作的壽司。目測其他客人都必食呢個腐皮壽司及壽司卷。我哋試咗幾款腐皮壽司，本人最鍾意其中「柚子左口魚」，覺得很出色，左口魚被輕輕燒過表面，魚油脂釋放出來，入口很甘香。第二款喜歡的係蟹膏甜蝦，蟹膏超香濃，甜蝦又鮮甜。最後呢兩款壽司都再 encore 多一件。至於其他各款壽司其實都好好味。另外，當然要試試佢嘅招牌壽司卷「為食龍卷」啦，一份有八件，炸蝦卷上面配上不同魚生及生蝦，既好睇又好食。最後加多份熱食「銀雪魚西京燒」，味道十分不錯，魚肉香滑入味。據說一般西京燒做法不簡單，需醃製兩天才烤焗，所以醃料味道一定要調較得精準，否則可能味道過咸又或者不夠味。飲品