最近去咗太子呢間餐廳The Steakhaus，以食扒為主打，亦有唔同嘅小食，主食同甜品🍧 一入去個氛圍已經好鐘意，裝修懷舊復古風，微昏嘅燈光顯得格外有情調。而食物價格亦都唔貴！ 牛扒揀咗安格斯Prime西冷🐂牛味好濃郁，而質感真係好嫩👍🏻有驚喜，尤其是邊位有啲油脂，特別香。旁邊有個烤大蒜，增加風味~另外有唔同嘅配菜可以加，我就加咗半隻芝士龍蝦，見到金黃色嘅芝士，個樣已經好吸引🤩肉質都夠爽彈🦞仲有一款叫做奧斯卡，即係蟹肉加露荀，都係牛扒良伴，露荀燒得好香啊！ 朋友點咗滿滿蜆肉蝴蝶粉，滿滿蜆肉絕對冇呃人😂勁多啊，個汁類似忌廉汁帶少少辣味，好creamy，會食唔停口~如果鍾意食蜆嘅，仲可以order雙倍蜆肉！ 士拉差雞翼都好惹味，炸得香脆又辣辣哋🌶️ 而飲品都好多選擇，有酒精同冇酒精都有，我就點咗杯cocktail green apple mojitos，fresh得嚟帶有淡淡薄荷味~朋友就飲熱朱古力🍫呢度嘅餐具杯碟都幾靚，同間舖嘅裝修好夾~

呢間平價正宗台灣料理係由兩位台灣媽媽主理，雖然係中環而言環境比較簡陋，但其實係連續7年米芝蓮必比登推介❗️可惜將會係6月8日結業🥹大家要食就要快啲去啦🥹 ————————————————⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣ ▪️外省牛肉麵（半筋半肉） $89 湯底無藥材湯嘅感覺，牛筋牛肉都燜到好淋，用筷子都可以夾得斷，再帶有少少紅燒味🤤🤤而且好足料麵條彈牙有口感，唔會好易斷，再加上酸菜同蔥花調味，讚(˶‾᷄ ⁻̫ ‾᷅˵) ▪️滷肉飯 $35 滷肉份量好多！食曬成碗飯都仲有滷肉剩，肥瘦比例都岩岩好🥰 ▪️鮪魚蛋餅 $43 同樣都係招牌之一❗️蛋餅外皮煙韌，加上鹹鹹嘅鮪魚肉，甜甜鹹鹹咁幾入味🫶🏻 ▪️鹽酥雞 $49 新鮮炸好熱辣辣嘅鹽酥雞，炸皮好薄所以唔脆，岩曬唔鍾意食咁多炸皮嘅人❗️ ————————————————⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣ 吃什麼 地址：中環雲咸街75-77號嘉兆商業大廈地下A號舖 營業時間：星期一12nn-3pm;星期二至五 12nn - 15pm;6pm - 9pm; 星期六 12:00 - 21:00; 星期日休息 ————————————————⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣ #hkfoodie #hkfood #香港美食 #中環美食 #中環 #中環餐廳 #食在中環 #台灣 #滷肉飯 #牛肉麵 #台灣料理 #台灣菜 #bellyin中環

第一次嚟試甜記 收工即刻過嚟，大約18:20嚟到，都有6-7檯的客人用餐中，幸好唔駛等位。 長沙灣店都幾大，又有啲面壁位比一人用餐 地方企理乾淨，仲係寵物友善店，整體感覺唔錯 煎餃：洋蔥牛肉餃 賣相 正正常常 可能因為有洋蔥，非常之咁juicy，幾乎隻隻都有爆汁，大家食嘅時候要小心啲 第一次試呢個組合的餃子，有新鮮感，呢款口味應該煎比湯合適 湯餃：西洋菜豬肉餃 （配雞湯） 因為本身唔太喜歡蕃茄，所以揀左雞湯 湯嘅口味偏淡，係咁咦飲左2啖算了 西洋菜餃尚算不錯，隻隻都好飽滿，足料 豆腐：正常嘢 今次冇試韭菜餃，下次有機會再嚟試。 至於服務方面，基本上都冇咩需要服務，都係自己搵位，QR code落單，跟住就職員送餐，用餐完畢就去收銀付款。

グリル滿天星 (尖沙咀) 之前每次經過都會大排長龍 但而家已經唔洗排隊 原因可能係CP值唔高 食身質素同環境可以 但價錢偏貴 同樣價錢會有更好選擇 滿天星咖喱嚴選日本雞扒蛋包飯🍛 金黃的蛋皮包裹著白飯 上面鋪著一塊份量十足的日式雞扒 雞肉鮮嫩 雞皮香脆 澆上濃郁的咖喱醬 香氣四溢 味道層次分明 不會太辣 明太子大蝦意粉🍝 大蝦鮮嫩多汁 每一口蝦肉都飽含鮮味 配上細膩彈性適中的意粉 口感豐富且層次分明 明太子醬的濃郁鹹香為意粉錦上添花 細膩的明太子顆粒在口中爆開 微辣的口感在口中蔓延 グリル滿天星 (尖沙咀) 尖沙咀廣東道3-27號海港城海運大廈3樓OT301-301A號舖

星期六和老公到AEON的龍平沾麵製作所吃晚餐。 這間沾麵店是新開的，有一個專屬的座位區域，下單後去找位置，等部機響的時候就去拿食物回座位吃。 每碗沾麵都有兩片龍平自家製叉燒片、半熟蛋、竹筍、蔥，只是湯底不同。 極上3L廣島蠔龍蝦沾麵龍蝦湯底味道濃郁，有點像西式龍蝦湯，而且有不少龍蝦肉吃，吉列蠔大大隻，外皮炸得香脆。豚肉魚介沾麵 湯底是傳統的味道，滾燙著上碟，一定夠熱去把沾麵蘸來吃，而且沾麵份量十足，一定夠飽。

上次食完雞煲，發現石門好多嘢食。今日專登再去試吓其他餐廳。燒肉店好多人，店面都坐得舒服。 一嚟到枱上已經有好多前菜，都可以免費在添加。我地叫左PA五花肉同豬頸肉五花肉油脂均勻。店員似係由韓國人主理，有人會幫你燒肉，服務加分👍👍又唔洗驚燒得唔好食，燒完會剪埋，每塊都口感十足又煎到金黃色，用生菜包住食，口感一流。豬頸肉就冇咁邪惡冇咁肥，我同朋友就各有所好。 第一次食雞蛋羹，一上台係咁噴煙，好得意😍😝有芝士，粟米，蘿蔔粒等等係蛋上面，石鍋令佢keep熱，食到尾都暖既，啲雞蛋好滑。 最後係韓式炒飯，有專人幫你炒埋，最後竟然仲用沙律醬畫公仔，佢就畫左隻多拉A夢，都幾似既。炒到有少少焦香，配埋紫菜，有得睇又好食。

「NATA - Steak, Wine & Cocktail 」是位於觀塘巧明街工廈區的一家西餐廳，主打牛扒、黃油雞、各式的意粉、疏乎厘班戟、各式各樣嘅特色飲品、仲有愛飲酒嘅朋友絕不要錯過，這裏裏更有free flow 只需要每位 $ 158 就可以無限暢飲紅白酒，今日就和朋友來食晚餐，差不多全場爆滿非常人氣👍🏻 🥣▪️薯仔大蒜煙肉湯 $ 58 濃湯口感Creamy ，每一啖都食到打碎咗嘅煙肉、蒜頭和薯仔，味道相當濃郁 🥖▪️鬆脆法包配香蒜希臘芝士醬 $ 48 烘至香脆的法包，淋上橄欖油，塗上味道相當濃郁的芝士醬及蕃茄乾，非常美味，芝士控絕不能錯過 🍟▪️黑松露薯條 $ 68 份量會唔會太慷慨？超大份的炸薯條，品種是幼身，炸得香脆可口，淋上大行其道的黑松露醬，是薯條的最佳拍檔 🥩▪️美國1855 安格斯肉眼 $ 283 差不多每台必點的牛扒，此品種的牛扒只有15%左右的牛隻可以達到，油花特別豐富，而且是黑安格斯牛種，肉質與脂肪分布均勻，入口肉味牛味相當濃郁，五成熟外焦內軟又Juicy ，餐廳分別提供三款醬汁，燒汁、泰式香草汁和岩鹽，不同醬汁，各有風味 🍝▪️蒜香蟹肉意粉 $ 148 一絲一絲的蟹肉份量亦多得過分，基本上包圍住每一條意粉，味道充滿蒜油香，而且意粉做得好彈牙，味道幾清新 🥞▪️榛子朱古力焦糖香蕉梳乎厘班戟 $ 113 出色的甜品，疏乎厘班戟充滿蛋香，非常鬆軟，配上榛子朱古力醬和粒粒榛子，充滿口感，再可以淋上楓糖漿增添甜美風味，香蕉表面充滿焦糖的香氣脆卜卜，仲配埋Haagen-Dazs 比利時朱古力雪糕，超級美味，誰人能抵得住引誘？ 🧉▪️Baileys Coffee $ 50 當百利甜酒遇上咖啡，就是天然酒味的甜美，再加上咖啡的濃香，面層淋上鮮忌廉，入口是多麼的醇厚順滑 🍵▪️鮮奶玄米茶 $ 42 拉花相當靚，味道就像Green tea latte差不多，用的綠茶粉味道非常天然，伴上鮮奶比例剛好，飲到底茶味仍然好濃郁

放咗工之後，同另一個去啟德新開嘅商場食飯，當中有一間韓式燒肉，相當吸引，大約7:00嘅時候已經滿晒啦 小編今次就叫咗韓式燒肉同埋粉絲share： 首先，職員會為我哋準備前菜，當中都有幾款韓式嘅前菜，另外仲放咗粟米芝士+泡菜蛋，放喺爐嘅側邊燒，職員仲推介如果燒豬肉嘅話，就會擺塊鐵板上去個網嗰度，出嚟嘅效果會更加好 - 冬柏牛肉盛合（和牛牛五花，安格斯牛外裙肉、厚牛舌、牛小排、牛胸爽肉），當中包括咗五款嘅嘢牛肉部份，相當高質，當中和牛牛五花肉質鮮嫩多汁，入口即溶 - 醃製一級韓國豬肋骨 經過醃製嘅豬肋骨再去燒，肉質嫩滑，口感豐富，別有一番風味 - 韓式炒粉絲： 係韓國嘅經典菜式，QQ彈嘅韓粉絲再配上雜菜同埋肉絲咁樣炒埋一齊，正！ - 甜品：焦糖布丁+芝士蛋糕配雪糕 焦糖布丁睇小編嘅至愛嘅甜品, 焦糖的獨特風味再配上奶香味嘅布丁，另外，職員仲好細心咁樣喺個芝士蛋糕碟上面寫住”happy anniversary” 好有驚喜，芝士蛋糕配雲呢拿雪糕😝 - 柑橘梳打+青檸檬梳打 兩款梳打都好適合配韓式燒肉，相當清新，冇好甜嘅感覺😝

行過附近第一次幫襯, 見有下午茶諗住試下, 叫了一個豬扒撈檬加凍飲外賣, 回家後竟然發現檬粉變咗米粉,而且份量極小, 如果無檬應該同客人溝通, 而唔係自己轉咗第二樣就算, 真的可一不可再沒有下一次, 不會再幫襯, 失望😓

尖東人氣餐廳，主打泰越料理，以紅綠色為主調，仲有半露天座位，整體甚有情調。 ✨炭燒香茅西冷牛肉 好好食！大推！西冷牛捲係香茅上，又香又嫩又多汁，味道好有驚喜！可以選蘸沙嗲醬和泰式辣醬辣，都一樣好味。旁邊有啲越式濱海。 ✨串燒沙嗲 雞、牛、豬各兩串，伴以沙嗲醬汁。各款肉質都好嫩滑，但我始終更喜歡個西冷牛🤭 ✨原隻炭燒魷魚 一上菜已經聞到好香。墨魚大大隻好彈牙。蘸上泰式辣醬夠哂惹味。 ✨菠蘿海鮮炒飯 以原個菠蘿上，飯粒乾粒分明，配料十足，有魷魚、蝦、提子乾、菠蘿、腰果、粟米粒肉鬆等。 ✨大蝦冬陰功湯 味道好濃，酸味辣味都好夠，香茅味頗濃，好開胃。仲有兩隻大蝦。

- 旺區高質扒房· 激推中午semi buffet 難得週末想出去食個晏 乜都想食下/有節目慶祝/happy friday都幾推依間lunch semi buffet 有湯、主菜、飲品（自助bar有冷盤、沙律、炸物、甜品）🥗🍤🍰 1）是日餐湯係蘑菇湯🍄‍🟫 蘑菇湯好濃郁 仲有少少蘑菇粒粒 有啲咬口 2）主菜 （燒紐西蘭10安士肉眼扒+薯條） 建議嗌5成熟 中間呈粉嫩 熟度岩岩好 肉質唔錯 牛肉香氣足夠加埋炭烤味😋 中間位都幾juicy 抵讚 都唔太需要點醬汁 配菜薯條炸得好香口 唔會過分調味 岩岩好🥩🍟 2）主菜 （香煎法式雞卷-》因假日轉左烤春雞+薯蓉+西蘭花苗） 雞肉juicy 非常嫩滑🍗 啖啖肉😍 調味夠哂惹味☺️ 薯蓉好滑 唔會太漏 3）自助bar (🥗🍤🍰) Salad比較多選擇😋 長通粉、唔同款式沙律菜、各種配料/醬汁 仲有個大盤比我地自己撈🤣 沙律菜草綠 食落都爽脆👍🏻 配料一啲都唔馬虎 有哂麵包粒粒 煙肉粒 炸物🍤🍟都唔錯 熱辣辣 最中意係炸單骨雞翼😍 越食越想食 勁上癮 甜品有豆腐慕絲蛋糕、朱古力蛋糕 唔會過甜 蛋糕鬆軟 為午餐劃上完美句號

灣仔最近新開咗一間意大利餐廳，睇見門面就已經覺得幾有氣派同埋高尚，入面啲傢俬枱凳都係全新，lunch同幾個同事一齊入去食，我哋叫咗2個Pizza 2個意粉仲有2個甜品，Pizza比較驚喜，系正宗嘅意大利pizza餅底!!! 非常之煙靭，平時唔食pizza邊嘅我就算好飽都食晒佢 ，正宗嘅意大利粉係偏硬，食唔慣嘅人可能以為煮得唔夠熟，甜品叫咗個Tiramisu同埋椰子手工雪糕，Tiramisu果然冇令我失望又係正宗嘅做法，唔會太甜入口即溶淡淡嘅咖啡味留喺口中，我哋都比較滿意呢個甜品。椰子雪糕食落有新鮮感，不過對比Tiramisu就比下去了。 服務員態度非常專業友善貼心，我哋有同事唔食牛，服務員都會逐樣話俾我哋知係用咩肉類做出嚟同埋問廚房確認有冇牛喺裏面，唔會嫌我哋煩呢一點比較滿意。 最後人均消費$300左右，聽講樓上仲有一間酒吧有live Band，收工可以上去飲兩杯輕鬆吓。

OT完諗住快手食個飯 去左希慎地庫嘅food court 試左呢間泰國菜 🌟招牌泰式沾麵（$88） 沾麵可以揀青咖喱雞🐓同紅咖喱蝦🦐 我就試左青咖哩雞 咖哩嘅香料惹味香濃 配料除左有好多雞仲有魚蛋同豬紅 芽菜都夠肥又爽口，好食😆 至於麵就幫你捲好晒 麵質問題所以夾上嚟會痴到實曬唔會散 不過一浸返落咖哩就即刻散返開 麵嘅口感有少少煙煙韌韌嘅感覺，非常之掛汁 美中不足嘅係雞肉🐔為咗辟雪味用咗紹興酒醃 但紹興酒味太濃，食落去似醉雞加咖喱🥲 同埋啲椰菜應該一早切定，乾曬水仲有少少變色氧化 🌟碟豆花青檸汁（跟餐+$15） 青檸味ok，唔會好酸 飲落都幾清新 飲品冇冰提供，但佢隻杯幾保冷 食完個沾麵杯嘢飲都keep住凍👍🏻

昨日同班友仔終於去咗想試好耐的阿閒泰，位於銅鑼灣的繁華地段。行過門外，就見到一班又一班的食客，入出佢嘅門口，真係非一般的熱鬧👀。朋友之前試過，向我推介佢的虎蝦冬蔭功湯🍲，我就即刻叫咗試試。湯底煮得剛剛好，用料實在。虎蝦肉厚，而且湯同虎蝦的味道絕配！完全驚艷！ 店員見我十五十六，就推介佢的烤椰菜花配青咖喱醬🔥，原來泰式餐廳都可以做出咁有創意嘅菜式！烤得香香嘅椰菜花配埋青咖喱醬，一試便知，味道係咁嘅搶鏡！ 我自己就千挑萬選，終於點了自己喜歡的蟹肉芒果牛油果他他🍣，呢個就真係夠講究啦！清新嘅蟹肉，香甜嘅芒果，再加上有營又好味的牛油果，真係夠開胃！我推介🔥！ 至於燒澳洲羊架紅咖喱，就真係冇得彈啦！羊架肉嫩，配上佢哋自家製的紅咖喱，口口都是美味😍。我就愛佢透透底嘅滋味。
佢哋的食物不單止好味，更重要的是讓人感覺到每一款菜式背後的细緻配搭。憑味道、色澤、氣味等等，一切都令人讚賞就是，絕對唔會後悔嚟食。

當然，佢的服務亦無馬虎。店員親切，答問甚詳，仲時不時會細心的教我哋欣賞佢們菜餚的獨特之處。呢點，我真係買單！好彩我們來得早，唔洗等位！

離開的時候，我真是對佢滿滿的感激。食物味道一流，朋友介紹無誤。我一定會再次來臨，享受阿閒泰的泰國風味，再一次感受到呢種美食的喜悅。快啲約埋班友仔嚟試下啦！👍

果日星期六晚去舖頭得2枱客 同朋友各點咗開心果心太軟同朱古力心太軟同一個冰 原來雪糕得乳酪雪糕無其他揀🫣感覺同心太軟唔多夾 而且2個心太軟入面一啲都唔熱. 連暖都稱唔上🫠好明顯未焗夠時間 開心果味亦唔出. 得甜味 嘢食都算..但服務態度真係.. 呢度負責樓面果位女店員好似完全唔多想serve 我地咁🫠 食物嚟果陣叫佢俾多隻匙羹我哋佢完全無理. 再叫多次應完隔咗好耐先拎嚟. 重要俾一隻裝唔到嘢嘅匙羹我哋用😂係無咩弧度. 一畢個心太軟就會跌 重點嚟..我地叫佢俾一杯水我哋..又係好耐之後先有. 而且得少少🤏🏻 如果唔俾得水你可以出聲話無. 但俾得果少少係咩意思呢？ 果一下真心覺得無回頭 因為良心小店先山長水遠揸車嚟支持下. 但店員真係好趕客. 只怪自己無睇咗食評先過嚟