Thai Fire

Thai Fire (觀塘)觀塘開源道71號王子大廈9樓A號舖味道指數：⭐⭐⭐⭐⭐抵食指數：⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：豬頸肉炒金邊粉 $138，粉絲肉碎春卷 $68，(泰火醬)芥蘭苗 $108，椰奶西米糕4件 $65，泰綠斑斕茶 $38豬頸肉炒金邊粉：豬頸肉脂肪含量適中，質地嫩滑，數量夠多，炒熟後仍保持其肉質的鮮甜。金邊粉質地柔軟有彈性，搭配豬頸肉的炒製，再加入甜蛋、蔬菜和調味料，使得整道菜的口感更加豐富！😄😄😄粉絲肉碎春卷：春卷的外皮炸至金黃酥脆，咬下去時有令人滿足的聲音。春卷皮的香氣和酥脆的質感與內餡形成絕佳的口感對比。粉絲的軟嫩和肉碎的鮮嫩相互融合，吃起來既彈牙又多汁！👍👍👍(泰火醬)芥蘭苗：芥蘭苗的嫩葉和纖細的茎莖給人一種清脆的口感。芥蘭苗具有微苦的味道，與泰火醬的辛辣和酸甜結合在一起，形成了獨特而刺激的泰式風味組合！😍😍😍椰奶西米糕：西米糕的口感柔軟細緻，有令人愉悅的黏稠質感，加入椰奶後有濃郁的椰子香氣，變得香甜可口！😋😋😋泰綠斑斕茶：顏色青綠亮麗，賣相討好，帶著清新的茶香和芳香的花香，啖啖清爽怡人又解渴！❤️❤️❤️

觀塘係美食集中地, 呢間樓上餐廳喺開源道匯豐銀行樓上嘅王子大廈9樓, 裝修好有泰國典雅風, 粉色主調, 特色卡位偏向西餐廳嘅風格路線; 之前Lunch都同同事嚟食過幾次, 佢啲甜品飲品好靚, 啱哂打卡。菜式方面, 晚市除了一人及二人餐外, 還有多款單點菜式, 亦有很多酒精類飲品選擇。 海鮮冬陰功湯 - $168酸辣嘅冬陰功湯係泰國菜常叫的, 散發濃郁泰式香料味, 有少少香茅味, 湯頭椰香濃郁, 有惹味辣勁, 有鮮蝦和魷魚, 爽滑彈牙, 青口又夠鮮味, 仲有田螺等海鮮, 加有香菇及蕃茄, 淋上青檸汁更清新, 入口層次更豐富。紅咖喱豬配薄餅 - $128紅咖哩唔算辣, 可能因為加咗椰汁, 味道香濃惹味, 質地濃稠, 配上薄餅, 鬆脆味美。豬肉煎香過, 食落好香口, 辛辣味與雞豬肉完美結合, 沾上酥香嘅薄餅或是直接吃咖哩都好吃, 除了豬肉還有泰式茄子, 鮮甜爽口。姜汁炒芥蘭 - $68芥蘭有獨特嘅甘香, 跟香辣嘅姜一齊炒, 在味道上更加合拍, 而且炒得爽口翠綠, 姜汁清香撲鼻, 味道唔錯。泰式甜品彩虹椰汁糕 - $28色彩繽紛嘅彩虹千層椰汁糕, 一層層煙煙韌韌好軟糯富椰香, 手工椰汁彩虹糕賣

最近因為工作關係經常去觀塘食飯，同事就帶我去食地鐵站附近嘅一間樓上泰國菜一入去仲以為係打卡Cafe，裝修幾靚，幾fancy原來同事係特登係為咗食呢一個打卡甜品鍾意食辣嘅我，就嗌咗個💟泰式海蜇拼無骨鳳爪$98，味道唔錯，唔會過鹹過辣，幾開胃！💟泰火福袋$88，個名咁特別，原來係我最鍾意食嘅生菜包，呢度嘅生菜包值得一讚，平時好多時出去食，啲肉碎都會夾雜咗好多肥豬肉，而且味道會過鹹，呢度就完全冇呢個問題！好適合注重健康嘅OL！飲品方面，又係嗌咗佢嘅招牌打卡之選 💟泰牛$68係泰式奶茶沙冰，再加埋呢隻可愛造型嘅牛牛，可能係因為而家天氣凍，啲沙冰用得好慢，成杯嘢好似飲極都飲唔另一杯就嗌咗💟斑斕椰奶$48，同事因為唔食得辣，用嚟解辣一流！💟蝦油海鮮炒飯$138，飯粒炒得乾身，入口粒粒分明，而且有一種特別嘅香氣，同平時嘅炒飯有一啲唔同！💟彩虹椰汁糕$50/4件💟蝶豆細米飯$65/4件嚟到今日嘅重頭戲，打卡重點甜品，夠椰汁糕真係非常之靚，顏色好柔和，識落一啲都唔甜，但係有淡淡嘅椰汁香！而蝶豆西米糕相對就比較甜，但係佢上面有一個大鹹味嘅醬汁，中和左西米嘅甜膩，非常特別！聖誕節期間仲有小禮物送添！

約咗同事食飯，本來志在吹水，所以對食物本身已經冇特別期望，普普通通已收貨，但今次竟然都超出我沒有期望的期望⋯⋯真心差，連少少作為一般餐廳嘅誠意都冇！木瓜沙律已經係全個晚餐最可以，可能因為唔使煮，炸蝦餅好明顯唔新鮮，芥蘭苗，質素真係真心差，其實冬陰功湯如果有專利，佢真係唔可以叫佢地整果d做冬陰功湯，係一啲好稀嘅有辣味，有甜味嘅熱水⋯⋯豬頸肉金邊粉，個擺盤都話俾你聽佢係唔OK，而成晚最差最差嘅係豬手，鹹到根本食唔落，仲要係死鹹，封哂所有其他味，根本冇辦法食落去！真係好少食一餐飯會食到咁唔開心，本來同同事食飯吹水，食物本身唔係主角，但係佢嘅出品，水準差嘅程度，冇誠意到令到你唔能夠忽視佢差劣嘅存在，我真係覺得佢哋咁樣煮嘢食，根本係浪費，真係唔好煮，唔好再做落去啦，唔該，請尊重食物！我情願今晚係冇去過呢間餐廳！非常差嘅一餐！係免費都唔值得去食！

冇諗過泰國菜都可以整得咁難食⋯⋯⋯每道菜式又貴又唔好食，炒飯好咸、冬陰公湯好酸、金邊粉濕到不得了⋯⋯⋯仲要又貴量又少，$168既湯得個少少，2個人一人一碗都無曬⋯⋯問題仲要係唔好飲！唔明白點解值呢個價！！另外，服務都麻麻地！啲職員做野又慢，叫幾次先有人黎，一入到黎坐低，連最基本既紙巾同水都無！性價比奇低，完全唔值呢個價錢⋯⋯唔明白點解咁多comment，都唔知係咪水軍黎⋯⋯⋯大家一定要擦亮眼睛！！！！

商業大廈隱藏式美食呢排公司太忙，沒有好好地吃一頓正常lunch，同事大推了這間，佢話環境好relex。好彩我地早到唔駛排隊，觀塘食飯真係晏d都唔得，我地入坐無耐已經有人排隊。店員安排了寬敞的座位給我們。餐廳佈置得很泰式風，感覺很舒服。🎀 泰式無骨豬手飯豬手非常淋身，應該熬製了很多小時，伴碟的沙律菜也很新鮮，沒有忽略伴菜的本身，很值得加分。🎀 泰式紅咖喱飯辣度剛好，不是噴火的感覺，我們配的是牛肉，咬下肉嫩入味。🎀 泰式咖喱角啱啱炸起，好香脆，裏面餡料充足，唔會太漏，🎀泰火特飲為了隻熊仔而點的，好可愛，非常少女心。打卡都影多幾張🎀斑斕茶好fresh, 夏天的解渴良品。

好朋友生日，她喜歡食泰國菜就相約到這間泰國餐廳共進午餐。地方唔難搵，觀塘港鐵站附近，入到餐廳，地方唔算大，有些泰國裝潢配搭粉色的傢俬，行簡單嘅西餐廳格調，還有間高私隱度VIP房間，啱晒商務人士。員工推介泰火豬豬豬瀑布公仔麵$108，公仔麵賣相真係好似瀑㳍😂少少偏甜，豬頸肉夠腍滑爽口，還有串燒豬肉燒得香入味。泰火雞絲撈檬跟4件春卷$108，鋪上滿滿的蘿蔔絲、青瓜絲、雞絲還跟四件香脆春卷，淋上泰式酸甜汁，夏天食就夠哂開胃。必食泰式魚餅$32，魚餅鮮嫩富彈性，有好香濃金不換味道，蘸些泰式甜辣醬超惹味👍泰式無骨鳳爪$28夠晒爽脆，酸酸辣辣，配上沙律菜，開胃之選嘅小食。斑斕椰奶不但有香滑嘅椰奶味，成杯飲品粉綠色，視覺上也是一種享受😍泰式奶茶茶味香濃，上面還加上厚厚的cream，增加成杯茶嘅香滑度，但同時也增加了我的脂肪🤣這裏還有很多又好食，又吸晴的美食，三五知己上嚟食吓嘢打吓卡唔錯選擇👍

第一次去這間泰國菜感覺很好，味道不錯，食物新鮮冬陰功湯有爐保持溫度青木瓜沙律好味值得整體食物不錯，可以再次去食。今次再返食比上次差得遠冬陰功無爐保持溫度，又鹹又唔好飲唔夠熱，酸味唔夠，冇辣味。青木瓜沙律太多魚露好鹹冇酸味，冇辣味以上兩款不值得一試，總體嚟講唔值咁嘅價錢，豬頸肉，炸物拼盤味道尚可。總括嚟講唔抵食。其實這間餐廳價錢中上環境不錯，裝修好靚，但係對於食物質素下降真係太可惜希望佢能夠保持食物水準，今次去到味道真係去九龍城食，好過佢好多價錢又平啲

Thai Fire（觀塘）觀塘開源道71號王子大廈9樓A號舖觀塘一向多餐廳朋友生日 。揀咗呢間食泰國嘢叫左2人餐頸肉拼雞牛串燒豬頸肉燒到好香，加埋醬汁超級酸酸辣辣好惹味；串燒每款有三串泰式甜品：這次是七彩椰汁糕，色彩繽紛，打卡一流有軟綿綿的質地另外叫多左個碟豆西米飯顏色好靚，加埋椰汁同芒果肉啖，好味。整個糕點有濃郁的椰香味，味道香甜，當飯後甜品一流！泰式飲品：當然一定要叫呢杯有熊仔造形既特

之前見到有人post呢間餐廳嘅飲品好靚，今日嚟開觀塘就即刻嚟打咭啦。餐廳位於觀塘工廈，不過好近apm同地鐵站，好快就搵到。餐廳裝飾明高，開放式水吧仲裝飾左隻大bear bear。泰火特飲就係比呢杯特飲吸引嚟，隻bear實在太可愛，再加上紫紅色嘅飲品，成杯飲品嘅感覺都好幻。飲落酸酸甜甜，味道好好。水蜜蜜雖然冇左bear bear裝飾，賣相都幾靚，係水蜜桃加上奇亞籽，口感唔錯。泰式青咖喱豬仲叫左個午餐套餐，青咖哩都幾辣，好惹味開胃泰火喇沙豬頸肉好多配料，配上香濃嘅喇沙，食唔停口。酥炸粉絲肉碎春卷酥脆香口，配搭泰式雞醬啱啱好

同朋友兩個約食lunch 諗住試吓新嘢觀塘放飯一向多人 所以簡左間望落坐得舒服原本預左要等 點知去到無咩人 都覺得奇怪睇完餐牌諗住叫個 肉碎炒飯 實無死個飯黎到 我地都覺得個樣唔係好得望落去好乾 隻蛋又熟咗冇香葉冇辣椒冇油 勁似營養減肥餐食完第一啖 完全唔知咩嚟🥲叫佢豆角炒肉 比較貼切唔好話撈飯 就咁食餸都無味明明有肉 但淡到以為自己食緊齋🙃好欣賞佢 豬肉都炒到油都無😌佢午餐價錢都唔平架平均都$90 一位 真心唔值呢個價 我一向好少食剩野 真係食到一半就頂唔順第一次食咁難食嘅泰菜 難食到令我忍唔住 第一次係open rice 落comment

特登過黎行完開倉，個friend話帶我打卡兼食好西~喺商廈入面有啲咁高質餐廳，真係估佢唔到~🔹椰子雞湯🔹 一上枱就勁香~飲落好濃椰香，但又無失雞湯嘅鮮味~🔹香蒜甜酸汁蝦肉餅 🔹個名真係無改錯~蝦肉餅真係啖啖蝦肉~肉質比平時食嘅蝦餅實啲，但反而更加覺得好食有口感~兩個醬都有唔同嘅好味道~🔹泰式醬香蹄膀 🔹份量好大~泰式豬手味道無滷水豬手咁鹹~加埋泰式醬汁酸酸地，再用生菜包住黎食~好開胃~ 食到啲骨都”損”埋~🔹芒果糯米飯🔹熱辣辣即蒸嘅糯米飯~好香糯米味~芒果又好甜~🔹飲品🔹一開始就係為左佢哋而黎~泰火特飲- 藍色bear可愛到暈！碟豆花加荔枝梳打顏色超靚~飲到尾又唔會無味~班蘭椰奶-一飲就係泰國嘅味道~但班蘭味又好有新鮮感~加埋個菠蘿杯，打卡打得好開心~

家人聚餐，於是就係OpenRice 搵食，見食評好似唔差，胆粗粗就去試吓，食物款式不多，味道麻麻，特色飲品較多，但最基本既椰青都無， 服務態度平平，唔會有下次，失望！

莫稱自己是一間私房菜😩從未食過一間咁嘅泰國菜，我不在乎價錢，只享受環境和食物素質。如果大家真係想試，就去食吓啦。我只用四個字去形容呢間食肆（不知所謂）食物一：例牌雞，真係有雞，冇呃食客！不過，除咗見到一隻雞中翼係食得嘅，其他五嚿迷你雞胸。食物二：無骨鳳爪，柚子沙律。五隻唔新鮮有辣到你pK 嘅有骨鳳爪，又少又甜到冇朋友嘅柚子沙律。食物三：豬頸肉炒金邊粉。又濕又甜嘅金邊粉，完全食唔出係泰國菜，出色。食物四：一碟重口味嘅芥蘭苗，碎濕濕，都食得嘅😢成餐飯最開心嘅係，不停有幾隻蚊仔飛落你啲餸度做伴菜😩真係唔明白點解咁多人訂位食呢間餐廳？

第一次食到難食到要立即寫完差評先離開店既晚餐，炒飯淡而無味，咁多樣菜中竟然係蝦餅勝出，食物難食都算，價錢仲咁貴，青咖喱雞薄餅餐$138竟然只配兩塊薄餅，加兩塊薄餅竟然要加48個大元，真係一星都比多佢，但最低評分係一粒星，唯有掩住良心比佢一粒星。