影片
電話號碼
35202118
營業時間
今日營業
08:30 - 22:00
星期一至日
08:30 - 22:00
以上資料只供參考, 請與餐廳確認詳情
難得的平日可以係街食個下午茶，難得地可以下午茶食到個平平地的班尼迪蛋.係附近辦事一想好似好耐無去南豐行下，順便看下有乜食，search到呢間新開的餐廳，前身係韓國餐廳Kim‘s Poon時都偶有幫襯，喜歡那時的海鮮豆腐湯，唯獨呢間整得最好食，執咗都有小小可惜！下午茶時段都近乎8成滿，看來生意還是可以，班尼迪蛋一邊係配搭煙三文魚，另一邊係煙火腿，幾有創意，而三文魚有兩條都幾意外，畢竟下午茶呢個價錢很多都將貨就價！正價餐牌配圖，想知個餐大概係點可以看下餐牌再決定，見到全日早餐其實都好足份量，而且下午茶價錢都係$68，當時很糾結應該食邊樣🤯🤯☕️咖啡是熱拿鐵，可以正價減$20 ，份量很夠，讓我食完都可以繼續飲hea多一陣😃總體環境舒適，一排玻璃窗光猛坐係度都精神d，有煩惱都暫時可以拋開，享受這片刻的時光！
繼續閱讀
就係荃灣地鐵南豐中心，地鐵過來不用3分鐘 。今日約朋友即興食lunch，12:30冇乜人，有卡位坐，空間感幾好，份量足夠，價錢合理。我們二人點了兩個午餐，包湯/沙津同熱飲；我點了1號餐蟹棒牛油果香芒紅菜頭藜麥沙律跟湯，朋友點了3號餐香煎有骨豬扒飯跟沙津，豬扒份量十足，總共有成3塊，超級飽肚。餐湯蕃茄湯，不過不失。 我份1號餐沙律不過不失，我覺得紅菜頭不夠多牛油果份量十足，啱晒健康一族，想減肥一定要食呢個。朋友每次嚟親，每次都必定加$25點窩夫，即整，熱辣辣，香口好脆，仲有埋雪糕喺上面，喜歡甜品的一定要加$25試試。因為每一個套餐只限加一個，由於我正在減肥，所以我讓埋我個餐嘅額俾佢，佢一次過食晒兩個窩夫🧇睇嚟真係好好食 ！！
繼續閱讀
荃灣小店，非集團式經營💁🏻♀️上年開始每月就來品嚐休閒早餐，4 0幾圓已經大大份，沙律菜、雙蛋、兩塊煙火腿、如果order 扒類，亦是雞扒兩塊、魚柳兩塊👍🏻。茶餐廳都要這個價錢，但非茶餐廳品質。基本上已經係一個brunch🤭普通flat white, 十分香濃（比較nutty)👍🏻👍🏻👍🏻。老闆話採用本地烘焙咖啡豆，亦可以單獨外賣咖啡。甜品亦不俗，waffle 都有質素。希望可以繼續經營落去💪🏻
繼續閱讀
性價比高，晚餐牛扒，嫩滑咖啡香濃好飲。另外一日試食個早餐質素比較高，荃灣高性價比。餐廳座位舒服。食早餐就有啲曬，不過有窗簾遮光。地理位置喺荃灣新之城即係南豐中心2樓，地鐵去好方便。
繼續閱讀
自從食過Let it be的開心果麻糬bagel後🥯就有開心果狂熱🔥，好想食唔同款式的開心果甜品，而最近好想試的就係呢間餐廳的開心果心太軟！周末諗住同狗狗爸爸嚟食早餐🍽️。平日早餐供應到1130，就校啱時間到餐廳，點知原來星期六、日早餐時段提前1100結束添😔！（午餐）沙律🥗：普通，芝麻醬多，有啲漏~（午餐）炸魚柳漢堡薯條🍔：賣相普通，味道平凡；魚柳睇落平平無奇，雖然切開有煙出，但狗狗爸爸話唔算好熱。我試咗個麵包🍞，烘得唔太好，咬落有啲靱（午餐）凍奶茶🥤：麻麻地，係英式奶茶（我哋鍾意港式多啲）；凍飲加$4，幾貴開心果心太軟：賣相清新，有少少日系feel；尺寸係出乎意料的細，呢個價錢（$68）夠食餐飯，期望佢係正常size，估唔到咁迷你（蛋糕係正常心太軟的1/2-2/3大，而雪糕球~1吋直徑）；影相冇對比可能唔覺細；餐廳提供的甜品勺🥄亦好迷你，似攪拌棍。心太軟一切開，流出的熔岩都幾澎湃🌋🌋，食第一啖時覺得甜度適中，但到尾聲會覺得輕微過甜；雪糕係雲呢拿味🍦，平時唔太喜歡雲呢拿味雪糕的我哋覺得但佢香味足，幾好食整體嚟講，食物、飲品一般，價格略高💸💸（份量可大番啲）；餐廳闊落，透過玻璃望出去個街景幾開揚，座位舒適🪑，適合同朋友食啲嘢，傾下計💬；侍應招呼一般，可能人手少（但食客都唔多），冇話好主動留意客人的需要（例如：2個人食甜品得1隻甜品羹🥄）。另外，電子落單時，我哋見到開心果心太軟係「售罄」❌，勁失望，問侍應係咪賣曬，佢先通知同事開番個選項俾我哋落單，覺得餐廳管理啲stock同落單系統麻麻地。我應該唔會再嚟，因為覺得餐廳啲食物原材料質量唔高，係普通嘢，煮法亦非常住家，但mark up咗價錢；個開心果甜品雖然滿足到我的開心果狂熱🔥，不過同區、開喺附近的Yumo的開心果巴斯克芝士蛋糕🍰就跑贏佢成條街（同樣流心），諗起佢$68/件再加一，試1次就算lu~另外，聽到隔離檯有回頭客向朋友推薦話咖啡☕好飲，我冇試，但餐廳的咖啡唔算貴，正常cafe價，或者大家可以試下~~
繼續閱讀