影片
港鐵牛頭角站 B6 出口, 步行約4分鐘
繼續閱讀
電話號碼
27830313
營業時間
今日營業
12:00 - 15:00
18:00 - 22:00
星期一至五
12:00 - 15:00
18:00 - 22:00
星期六
18:00 - 22:00
星期日
全日休息
公眾假期
18:00 - 22:00
以上資料只供參考, 請與餐廳確認詳情
有關獎賞計劃
相關文章
住開附近這間餐廳回訪多次，欣賞其廚師用心烹煮，對味道的追求和堅持，美食都有水準。而環境闊落寧靜，有充足私人空間，二人世界或是多人聚餐都好合適。二人套餐 $658餐湯：甘荀薑湯 +$0湯味清甜口感滑，飲落暖身。餐湯：龍蝦湯 +$38龍蝦湯咸鮮到極，少許龍蝦肉點綴，立體感增加不少。餐包餐包軟熟，餅條脆身，配上黑松露牛油甚為完美。凱撒沙律羅馬生菜新鮮爽脆，配搭芝士粉、煙肉碎和麵包糠，豐富了口感味道，簡單好食。香蒜薯蓉焗田螺 +$38火焰田螺連帶rosemary也燒著了，何其壯觀。螺肉鮮甜軟身，少少酒香，薯蓉幼滑，蒜香洋蔥味，份量都多，會飽肚點食主菜呢。西班牙海鮮飯 +$58飯色金黃粒粒分明，南瓜蕃茄底汁夠味，配料十足，有帶子、海蜆和青口，仲有辣肉腸粒多到呢，整體唔錯。燒美國BBQ豬肋骨豬肋骨有六條骨，厚肉超大份，用刀仔鋸到手軟，豬肋骨都係新鮮貨色，BBQ汁美味開胃，有香脆薯條和沙律菜，肚子相當滿足。意大利雪糕泡芙泡芙包住朱古力雪糕，甜點結尾係幾滿足的。飲品晚上不飲咖啡奶茶，沒有朱古力情況下，選擇了熱檸水凍檸水，味道正常發揮啦~
繼續閱讀
#性價比高 #半自助午餐 #跟住我食唔中伏 今日同朋友食lunch😆，係牛頭角地鐵站附近嘅工廈餐廳 non kitchen朋友好欣賞餐廳的自助沙律吧，有多種新鮮沙律菜和前菜，我就好中意餐湯，係好香濃西蘭花湯🥰今次我揀咗「香辣蒜片海鮮意粉」，意粉滑口有彈性，蒜片爆得好香，調味濃郁又唔油膩👍我朋友揀咗「燒美國有骨雞胸」，啖啖肉質鬆軟多汁唔鞋口，真係唔錯👌🏻另外加咗個小食「香辣蒜香雞翼」，係單骨雞翼，食得好方便！一口咬落去啖啖肉，外脆內嫩，調味再辣啲就仲過癮😆環境氣氛舒適，座位闊落坐得好舒服💕服務態度周到有禮。總結，呢度真係個驚喜寶藏，食物質素有保證👍#食評 #香港好去處 #觀塘美食 #牛頭角美食 #香港好餐廳 #香港餐廳 #香港隱世美食關注組 #hongkong #hongkongfood #hongkongrestaurant
繼續閱讀
疫情前已經有食開，覺得水準好穩定，次次都冇失望。最近踏入8週年晚市套餐八八折優惠（只限星期一至六），性價比好高！🍕京式烤鴨薄餅 $138鴨胸肉嫩彈牙，仲有少少鴨油香。餅底脆卜卜。估唔到甜甜地嘅烤鴨醬會同pizza咁夾。🥩炭燒紐西蘭西冷牛扒 $198燒得勁靚，真係做到勁靚嘅五成熟。燒到有少少焦香，肉味濃郁又多肉汁。+$98有套餐有🥗沙律(green salad/ Caesar salad)、餐湯、甜品(tiramisu/ profiterole)、飲品。比以前平咗$30，但份量同質素都冇變。我鍾意佢哋嘅凱撒沙律特別多醬、芝士、煙肉。Tiramisu又滑又重酒香，好啱我哋口味。🍗小食拼盤 $98有齊雞翼、薯角、洋蔥圈，簡直係comfort food合集🫢。雞翼似係自家製（度度都係CP食到悶🤫），皮脆又多汁。
繼續閱讀
地方寬敞，空間感足！叫左個二人套餐$658，包沙律、餐湯、1份PASTA/PIZZA、1份MAIN、甜品仲有野飲！👉🏻餐前包烘香味，麵包鬆軟，最中意個牛油黑松露醬！👉🏻南瓜湯入口順滑，質地creamy！👉🏻凱撒沙律沙律菜夠新鮮，落左芝士粉，好開胃！👉🏻炭燒澳洲草飼肉眼牛扒12oz，一格格網紋，散發炭燒香，肉質嫩！👉🏻忌廉汁魷魚墨魚汁意粉黑色嘅墨魚汁意粉，配濃郁嘅白色忌廉汁互相結合，大大隻魷魚，口感爽彈！👉🏻法式白酒煮蜆 (+$8)跟餐加$8就有一份，抵到不得了！份量多，帶有白酒香氣，蜆又好鮮美！👉🏻流心乳酪芝士蛋糕 (+$48)呢個甜品不得了！望住流心乳酪芝士湧岀好治癒！好香濃，蛋糕底下係曲奇，再配五顏六色嘅水果粒粒，口感豐富！👉🏻意大利雪糕泡芙唔會雪到太凍，温度剛剛好，朱古力雪糕好岀色！
繼續閱讀
係牛頭角番工，所以去工廠大廈食晏，non kitchen 係我其中最鍾意的一間。最鍾意佢嘅沙律bar!!!! Lunch menu 包咗任食沙律bar同埋餐湯。沙律bar有薯仔沙律、中華沙律、紅色同埋橙色嘅車厘茄、粟米、蓮藕薄片、羽衣甘藍以及各款嘅沙律菜～ 仲有熱辣辣嘅牛角包同埋牛油可以選擇，食完沙律bar已經好飽🤭至於toppings有我好鍾意食嘅提子乾、芝士粉、麵包粒粒，仲可以加各款嘅沙律醬，如果鍾意健康嘅你，可以揀黑醋及橄欖油作調味～平時落樓下超市買$50/salad box，晏晝有得任食真係好正👍西蘭花忌廉湯有少許洋蔥嘅口感，鹹鹹地嘅濃湯味道唔錯，我都飲咗兩大碗🤭辣蕃茄汁海蝦意式燴飯，四隻海蝦都幾大隻，而且爽口，每啖都好彈牙！茄汁帶有好輕微嘅辣味，加埋煮完好煙靭嘅risotto ，每粒飯都掛有豐富嘅醬汁，海鮮味令人胃口大開！Medium嘅炭燒紐西蘭西冷牛扒，伴碟嘅薯蓉份量唔少，steak house先整到嘅炭燒網紋令張相加分🤭因為表面鎖住肉汁，略帶粉紅色嘅牛扒咬落嫩口juicy。我覺得原汁原味更好食，因此都冇蘸過上碟嘅sauce🤭食完呢個晏晝真係充滿能量，飽住去返工😂
繼續閱讀