影片
港鐵將軍澳站 C 出口
繼續閱讀
營業時間
星期一至五
11:30 - 15:30
18:00 - 23:30
星期六至日
11:30 - 23:30
公眾假期
11:30 - 23:30
以上資料只供參考, 請與餐廳確認詳情
晨早食個早餐行個早山，未到中午已又睏又餓啊！走到商場換套乾淨衫後路過麵屋大把位，快快坐低醫肚求鬼其啦。似乎剛開檔無耐，侍應們仍然忙於整理舖面及檯椅呢。自助即壓蒜蓉，有趣有趣！自磨芝麻、黑椒、芝士就見得多，新鮮蒜蓉既味道當然最鮮，辛辣中帶清甜。所以我一向煮餸都堅持要手切新鮮蒜蓉，拒絕罐頭貨。益力多芒果梳打，新奇什飲酸酸甜甜又有芒果味，非常消暑解渴。炸雞，食拉麵加錢有多份小食喎，梗係要啦！依排韓劇人氣高企，炸雞搞到成行成市。雞髀肉黎喎，嫩嫩彈彈無過熟。炸得金黃鬆化，薄薄脆漿更香口，雖然油了點，不夠乾爽。雞肉嫩，醃味濃，有少少過咸呢，免強頂得住。洒點鮮檸汁能減輕膩滯及煎炸感，還散發點清新味道。香煎餃子，食客三四個，師傅無需趕頭趕命出貨。煎得餃子面滑底脆，微微燋香，浸係甜醋打滾一下即原粒品嚐。豬肉清蔥雖然濕潤帶汁，餡料都滾熱辣，只不過肉太少呢，有點空洞感覺，味道又淡茂茂。半熟蛋，9 成半熟喇喎，味道合格，大路唔難食。雜錦豬骨湯拉麵，湯底特咸，太濃太嗆。叉燒用上五花腩，偏肥但肉質鬆軟，肥膏滑滑。紅燒豬軟骨沒什麼特別，醬油味濃，質地鬆散，麻麻地。辣味叉燒拉麵走蔥，居然有芽菜，真係估您唔到，我唔食架，仲要係生芽菜，就更加唔食。拉麵質地偏腍，不太喜歡。淺紅色的湯底微辣，都幾油下喎，都唔緊要，但好鬼咸呢！食完副作用強烈，想渴死我咩！小食比拉麵出色，雖然都未算好食。
繼續閱讀
本來想食別府但係太多人於是嚟左麵屋一平安，呢度都有得嘟soda card嘅，呢度嘅豬骨湯底聽講好濃嘅，但我無留意清楚叫左個溏心蛋拉麵原來佢係醬油湯底，個麵嚟到其實真系有d細，六十幾蚊唔太抵，麵好小，得塊叉燒同隻蛋，但係佢個麵好特別，同平時唔同，麵條幼d，硬身d，食落我都幾中意硬身嘅麵，溏心蛋做得唔錯，熟度適中，蛋黃係流同唔流出嚟之間，叉燒肥瘦間住間住一圈圈，入口即溶，好好味，呢碗麵係幾好食嘅，只係如果分量可以大d就更好啦，對於我呢d大食嘅人嚟講真系唔夠飽。
繼續閱讀
說來巧合，每次一到生病就特別任性，經常去做禁忌的事，最近兩次都吃了加重病情的雪糕，幸好每次的新嘗試都帶給我驚喜！宇治抹茶雪糕(4/5):有留意我的食評不難發現本人是抹茶控一枚，奇怪的是除了喝的抹茶我只愛抹茶的雪糕製品，其他的甜品不太受落，這次我嘗試的是拉麵店的出品，聞說此店的食物一般，可是這雪糕對我而言卻是超班之作！先說雪糕部分，那深綠色顯示了抹茶的濃度，不僅不過甜而帶有回甘，而且冰感比奶味重(也許有些人會嫌不夠香滑，可對我這討厭奶品之人卻剛剛好)；另外一個驚喜的位置就是那附蛋香帶脆的窩夫筒，不會太膩太甜，跟抹茶雪糕簡直是天作之合(其實我從來不認同紅豆綠茶的搭配~)。總結: 在這抹茶當道的時代，有名好味的抹茶雪糕不過30蚊簡直是天方夜譚，而這裡的出品之需23蚊，對我這貧窮的抹茶控是福音啊！希望這店的拉麵可以跟雪糕一樣好吃就好了！
繼續閱讀
叉燒飯叉燒were nice!!!sauce was nice!!!the lunch menu was quite cool有麵又有飯方便花心嘅朋友豬肉湯味濃but very 咸!!!!!!!!!!!!!!!豉油湯麵真係得豉油...DO NOT LIKE!noodles 彈牙but not very 正宗service was quite ok
繼續閱讀
嚟到將軍澳食乜好？原來一平安既tea好抵食嫁！四五十蚊就有一碗拉麵仔、mini咖喱飯同湯。 就算係呢個價錢出街食飯 相比之下 一平安飯係用珍珠米 都高質過一般茶餐廳 不過麵既湯底就好普通 比起可能轉食拉麵嘅特濃豬骨湯底就遜色少少 飲落冇禁濃 但都可以話係冇禁滯 因為個餐都仲有其他野食 至於雪糕 同Via Tokyo差唔多價錢 質素同Via Tokyo不相上下 個雪糕有分綠茶味同綠茶牛奶味 綠茶味食落都係有陣回甘嘅綠茶味 唔會話太甜 牛奶就當然有牛奶味啦 雪糕質感都夠滑 其中一杯有加配料 白玉同紅豆 哩兩個可以話係綠茶嘅partner 不過個紅豆泥就有少少乾 都似係罐頭 後來聽個fd講 原來一平安、拉麵Jo同Via Tokyo都係同一個老闆 用料都係甘上下 唔怪得質素都差唔多啦 其實又洗乜走到專店去wor
繼續閱讀