影片
港鐵上環站 E1 出口, 步行約2分鐘
繼續閱讀
電話號碼
90590468
營業時間
今日營業
16:00 - 22:00
星期一至二
16:00 - 22:00
星期三
全日休息
星期四至日
16:00 - 22:00
以上資料只供參考, 請與餐廳確認詳情
朋友仔個幾月前已經約咗去食呢間私房菜，整整4頁嘅menu真係令人花多眼亂，樣樣都想食😆最後我地揀咗呢6個較為熱門嘅菜式，真係碟碟都有驚喜，味道超讚👍🏻食完已經再book埋下次再黎食😋金牌爵士湯金黃色嘅湯底材料非常豐富，有大量花膠、響螺、瑤柱、金華火腿、鮮雞、木瓜，味道鮮甜有雞味，經過多小時嘅熬製將食材嘅精華都滲入雞湯之中，飲落真係有媽咪煲湯嘅味道，而最出色之處係煲湯料全部都仲軟稔入味，一啲唔會乾同柴，點上辣椒鼓油更加正，成煲都比我地清晒😆真材實料份量十足，一行六人每人都飲到兩、三碗👍🏻百花炸蟹鉗呢度炸蟹鉗與別不同之處就係咬落去食到啖啖蟹肉，同坊間用蝦膠製成嘅唔同，夠晒足料👍🏻外面炸至金黃色，酥脆香口，裏面滿滿嘅蟹肉鮮味無比，再點上店家特製嘅酸甜醬味道層次更加提升椒鹽鮑魚相比之下鮑魚較為普通，因為口感上比較靭，可能炸得過咗火，但味道係唔錯嘅花雕雞油蒸花蟹推介👍🏻有兩隻大大嘅花蟹，其中一隻仲有膏添😋蟹夠新鮮，肉質非常鮮甜，食落花雕味唔太重反而雞油味較突出，最正係底下嘅陳村粉，口感 滑溜又掛滿醬汁，必食紅燒石岐乳鴿乳鴿嘅個頭亦唔細，火侯控制到家，肉質依然保持juicy，不需要再用淮鹽調味都已經夠入味棟篤雞推介👍🏻一定一定要嗌棟篤雞，店員會放上枱比我地影相先之後就會攞去斬件，隻雞係超級嫩滑，連雞胸部位都係滑身，皮脆肉嫩，雞油滲透出黎，色澤誘人，乙入口有淡淡嘅煙燻香味，雞肉亦非常入味，試過就知咩叫功架十足蜜汁鱔魚鱔魚先炸過再用蜜汁翻煮，魚肉肥美充滿油脂，皮脆香甜，每件食落去都啖啖肉，再架上白芝麻同合桃就更加香口冰鎮咕嚕肉提提大家食之前一定要攪勻，等啲咕嚕肉冰鎮一下，先可以食到脆卜卜嘅外皮，炸粉厚薄適中，醬汁味道酸酸甜甜，配上菠蘿、青椒、紅椒，色彩繽紛，越食越開胃📍鬍鬚佬私房菜 (上環)上環永吉街21號誠興商業大廈5樓A號舖人均消費：$600食物：⭐️⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐️⭐️
繼續閱讀
見到呢個勁足料爵士湯，又係去鬍鬚佬私房菜嘅日子😋 以響螺頭，雞，花膠同哈蜜瓜煲成的爵士湯，呢度加入咗南瓜令個湯底色澤更加誘人~哈蜜瓜喺熬湯過程中融化，每一啖都清潤芳甜。 基本每枱到必叫。黃金魚皮魷魚,魚皮脆鮮魷爽。鹹蛋好足料有滿滿蛋黃香，邪惡嘅美味。大良鮮奶龍蝦，一味菜包含咗細滑嘅炒鮮奶同埋彈牙嘅龍蝦肉。食落同時有海鮮嘅鮮甜加埋松子仁嘅香氣~温和而唔搶~芋頭炆鴨，覺得芋頭先係個重點，軟腍入味吸收咗鴨肉嘅精華,yum~盤龍鱔2食1- 豉汁蒸蟠龍鱔肉厚軟嫩，魚油味甘香無泥腥，魚皮帶膠質，豆豉醬濃而惹味，好好食2-蜜汁脆鱔球🍯鱔球炸到卜卜脆，炸粉不厚。食落口味偏甜好有蜜餞風味。加入合桃口感更加多元（兩食比較個人覺得蒸嘅更加出色）金銀蒜生焗桶蠔🦪用上砂鍋上枱，熱辣辣夠曬鑊氣。桶蠔比濃濃嘅蒜香味包圍，大隻又夠厚肉一啲都唔老，蠔味濃得嚟夠鮮香，惹味開胃得很~鮑汁花膠仔炒飯見到都知道足料，姐姐會即場幫大家撈起，碗碗都有花膠唔洗爭。花膠食落嫩滑。炒飯底香加埋啲鮑汁用嚟撈飯好滋味鮮蝦濃魚湯浸菜🥬食到好飽急需清一清。蝦新鮮，菜浸咗湯更鮮甜。(埋單一人唔洗500，超値抵食）
繼續閱讀
有冇人同我一樣係中菜愛好者 仲要係超級鐘意飲中式湯個種🙋🏻♀️🙋🏻♂️之前喺OpenRice見到有人介紹爵士湯🥣好似好濃好足料 即刻忍唔住約朋友一齊去試一試😋🥢🥢招牌爵士湯🫶🏻 5/5🌟超級鮮甜足料嘅爵士湯材料非常豐富 有雞，花膠，瑤柱，螺頭，哈密瓜🍈，金華火腿🍖等等嘅材料有咁多材料煲出嚟嘅湯當然係好濃厚，唔同一般餐廳嘅燉湯或者係清湯 飲得出所有食材嘅精華都去晒碗湯度 直頭覺得飲完有家嘅感覺🙂↔️🫶🏻份量亦都非常之多 一行六人每人都分到兩碗之餘仲有剩 而且湯渣螺頭同花膠亦都冇失色 非常推介俾鍾意飲湯嘅你👍🏻🉐🉐🉐🥢鍋貼蝦 4/5🌟鍾意香口食物嘅你一定要試呀😋咬落多士超鬆脆有ASMR效果 新鮮鮮蝦肉亦非常之爽滑彈牙 完全係味覺享受啊🙂↔️🥢百花炸蟹鉗 3.5/5🌟同樣都係炸物 但係就冇蝦多士食落咁有驚喜 好似同一般酒樓食到嘅冇咩分別 但係份量都好足 食落都冇任何雪味所以都值3.5分嘅😚🥢豉汁蟠龍鱔 4.5/5🌟肥美鮮甜 係我除咗爵士湯之外最鍾意嘅菜式😋💕 火候同埋醬汁都控制得啱啱好 唔會蒸過龍令到啲鱔肉變老 醬汁亦都冇蓋過本身鱔嘅鮮味 鱔肉厚亦都非常之嫩滑 魚皮帶膠質 食落難免有少少滯所以扣咗0.5分啦 整體嚟講都係十分之推介👍🏻🉐🉐🉐🥢煙燻太爺雞 4.5/5🌟一上枱已經聞到好香嘅陣陣煙熏味🙂↔️食落雞肉都好嫩滑 鬍鬚佬上菜嘅份量亦都非常之多 所以隻雞當晚根本係食唔晒 唔做大嘥鬼嘅我當然係打包拎返屋企🤪 就算隔咗一日食就咁放入微波爐叮翻熱嚟食 一打開依然煙熏香味十足 雞肉亦都冇因為返熱而變柴 完全係出乎意料嘅高水準👍🏻🉐🉐🉐🥢奶油津白 4/5🌟一般出街嗌碟菜都係非常之貴 所以我通常都係只會選擇蝦醬/ 腐乳炒通菜 或者係奶油津白好似要花少少功夫整出嚟嘅餸 咁樣先對得住個價錢㗎嘛😌 呢一碟奶油津白完全嗍晒上湯嘅汁 非常惹味 應該係唯一一碟餸上枱之後最快清碟 除咗味道之外 果然大家都好注重健康喎😝 要食多啲菜啊～題外話 除咗食物之外喺鬍鬚佬呢度食飯會有一個好搞笑嘅環節🥳 餐館會突然間播放香港小姐最經典嘅配樂 然後老闆拎住酒杯出嚟逐一向每一台客人打招呼 場面非常搞笑將全場氣氛推到最高🤪 老闆仲會關心菜式啱唔啱客人口味 亦都好樂意同每一台客人打卡影相 睇嚟除咗食物好味之外 老闆親切嘅態度 亦都係呢間餐館吸引人嘅地方☺️ 希望下次再可以約埋朋友試其他菜式 好似花膠仔炒飯 冰鎮咕嚕肉等等嘅都好想試😋 另外自己帶蛋糕去餐廳食都係免切餅費㗎 係一個好好嘅地方同朋友慶祝生日☺️自費🙂↔️ 全單$2800 每人大約$466💰
繼續閱讀
之前見到IG好多人吹捧+推薦，於是2個月之前預訂左，一直好期待試⋯ 只可以講，太令人失望🥲 呢個價錢（人均$522）唔係話好貴，但係有更多好嘅選擇，甚至更划算⋯只可以講無心整，啲得出係偷懶 / 唔足。因為有最低消費所以試左咁多道菜，但無一道係覺得OK嘅⋯ 有好多其他朋友之後都有話試過但「非常麻麻地」、「無下次」。1. 砵酒焗生蠔 $3202. 新疆孜然辣炒羊肉 $3203. 欖角黑毛猪(檸檬角拌上) $3684. 西檸煎白蟮甫 $2605. 避風塘炒脆皮大腸 $2406. 烟薰太爺鷄 $3307. 爵士湯 $5808. 鮮奶燉花膠 $192
繼續閱讀
其實我都係應朋友邀請過到嚟食飯呢度嘅格局係類似上樓舊式菜館嗰種格局今晚嘅菜都十分之豐富雖然呢度好出名爵士湯，但係我哋就叫咗個燉湯翅仔，嚟到每人一碗好大碗，我哋個個都好震驚，燉湯翅好足料，一排排嘅翅粗過牙籤，另外佢嘅湯底都係偏濃厚嗰種，而唔係清湯嗰種。講到最出色，就係個奄仔蟹肉餅所有蟹嘅精華都去晒個肉餅度，呢個肉餅用嚟撈白飯一流！花膠炒飯都係名菜之一，雖然我係一個女仔唔係好鍾意食飯，但係我都食咗兩碗，真係好好食！佢係類似福建炒飯嗰種汁炒飯，但係個鍋底都會有少少飯焦，正！我哋仲有叫到羊腩煲，白切雞，回鍋肉，上湯菜⋯ 其實我哋七個人，有五個女仔，都唔係好大食，不過個阿姐係咁叫我哋嗌多啲嘢食呢度有啲餸，都係偏鹹嘅，但係就真係鑊氣十足同埋好大碟👍🏻👍🏻👍🏻最搞笑係老闆會出嚟同所有食客敬酒，佢係會用香港小姐嘅音樂去襯托自己出場，真係好搞笑！令全場氣氛為之一振👍🏻👍🏻另外甜品我哋食咗即磨杏仁糊，呢個杏仁糊真係好足料，而且好香濃。總括嚟講我哋雖然食唔晒好多嘢仲打埋包添，但係為返都只係六百幾蚊人均，而呢個食物質素真係幾抵食👍🏻👍🏻
繼續閱讀