香港永年車仔麵茶冰廳

營業中

休息中

永年係我每次去元朗都會買外賣嘅車仔麵舖～佢哋嘅辣汁真係世一，每次都係外賣兩份豬腸、豬紅、魷魚加奶茶紅豆冰！而家終於等到新城市有永年啦！永年係pet friendly 餐廳，下次一定要帶埋我兩隻法國老虎仔過嚟先❤️奶茶紅豆冰+抹茶紅豆冰唔係好甜，有奶茶香味同埋抹茶嘅苦澀味!見到永年新開咗鐵板餐牌，有鐵板一人套餐梗係要試一個美國安格斯封門柳（～10oz）啦！跟餐會配沙律或者餐湯、炸麵同埋一款醬汁，醬汁有三款：包括永年，招牌辣椒汁，黑椒汁或者洋蔥汁店員先用兩個洋蔥圈墊住封門柳，防止煎燶洋蔥圈🧅加埋黑椒汁，透過鐵板剩餘嘅熱力煎熟，所以都好好味封門柳嘅肉質鮮嫩，店員將火候tune得啱啱好，一切開個橫切面，入邊全部都係粉紅色作為avocado lover，牛油果薯仔蝦沙律🥗係一個好開胃嘅前菜，有熟蝦，橙色同埋紅色嘅車厘茄以及牛油果加埋薯仔沙律，份量都幾足個人覺得橙色嘅車厘茄比起紅色仲甜👍車仔麵小食：豬三寶有 豬腸、豬紅、豬皮，唔係好多餐廳有好食嘅豬腸，清洗同埋烹調都好花功夫！而豬腸就係呢度嘅招牌，好有細個去廟街食街邊檔嘅感覺我同老公叫咗永年大碗麵+男神麵～豬腸加埋永年嘅秘製小辣辣汁湯底，又有豬腸嘅油

終於考完試了！接完女兒放學，奬勵她用功溫習，她選擇了永年餐廳，原因係可以食牛扒！裝修環境有別於其他車仔麵茶餐廳，環境舒服之餘很有香港80年代的特色裝修，令我女兒大開眼界呀！美國封門柳配洋蔥汁餐廳食的牛排我最喜歡，D汁淋下去高溫鐵板時「炸」一聲很有氣魄，感覺很有鑊氣呀！看到沸騰的汁加上濃濃肉味，女兒已經急不及待要吃啦！牛排7成熟剛剛好，外表煎炸金黃，內部粉紅色並且稍微有點嫩紅，較嫩的肉質也不會過於柔軟。牛肉的紋理可能會更加鬆軟，隨著咀嚼會釋放出一些肉汁，加上美味的洋蔥汁，配合得恰到好處。男神麵聽名字就覺得很厲害了，原來配料有豬大腸，牛柏葉，牛腩，牛丸！配上幼麵，我食到了小時候車仔麵的味道，麵很彈牙，豬大腸和牛腩都很很入味和很琳，無比享受呢！女神麵名字都特別優雅，有花膠，冬菇，菜，非常健康的配搭！很適合愛美的女生補補骨膠原！又夠飽，味道還非常不錯呢！大女想食雞翼，叫了三隻南乳雞翼，香脆可口！女兒帶著滿足的心情回家😬

🥢🍜【 香港永年車仔麵茶冰廳 】🍜🥢⋄ —————⧫♟⧫————— ⋄30年老字號，以車仔麵聞名的永年車仔麵最近進軍沙田開設茶餐廳，保留車仔麵之餘，更增添港式美食，加入懷舊鐵板餐、滑蛋叉燒系列、番茄豬扒蛋飯等食物，款式種類多不勝數😚👏🏻「永年車仔麵茶冰廳」結合車仔麵及冰廳嘅概念，主力推介男神及女神麵，前者有多款牛內臟，後者則有花膠及豬手🤤🍜永年大碗麵呢碗麵有滿滿嘅配料，湯頭濃郁，滿足晒我對車仔麵嘅期待❤️蕃茄湯底配上永年招牌辣汁，香辣惹味🌶️搭配米粉，掛湯力極強，味道豐富😋👸🏼女神麵女神麵則以鮑汁燜花膠最吸睛，軟腍嘅花膠以鮑汁燜過，仲配上其他豐富配料🫶🏻搭配清湯、麻辣汁，同樣滋味滿滿😜套餐仲附送餐茶或咖啡，非常抵食👍🏻🥩紐西蘭肉眼扒 配 炸麵及黑椒汁肉質鮮嫩多汁，配料搭配得宜，旁邊嘅炸麵炸得香脆美味，配上黑椒汁一齊食好美味😋🥄周打蜆肉魚湯（升級酥皮湯）酥皮香酥美味，浸湯食超yummy❣️周打蜆肉魚湯包含蜆肉、薯仔等配料，值得推薦😚🦐懷舊蝦多士蝦嘅鮮美、酥脆嘅外層，配上爽滑蝦膠，非常美味，係不能錯過嘅懷舊美食😍🍍菠蘿冰菠蘿冰冰涼清新，解渴一流！🧋樽仔奶茶樽仔奶茶茶香味濃，奶味幼滑👍🏻⋄ ┄ ┄

呢一編應該係我2024年內最後一編香港餐飲介紹我將會展開新既旅行人生今日約左朋友係沙田,順便係呢一區食原來沙田新城市商場已經變左好多\變了很多,而家連國內品牌酸菜魚都入場,剩下既餐廳都人流不多今次選擇到訪香港永年茶餐廳因為佢菜單選擇夠多,有扒食又有車仔麵,一次過可以滿足唔同既選擇同行幾人,有人食車仔麵有人食淨送有人食扒,各有各食,選擇多就係茶記既特色我們點了一客5成熟既鐵板牛扒,配酥皮紅湯,配脆麵,燒汁牛扒用上特選部位,同高級扒食既肉質一樣,牛肉味特濃,5成熟半粉紅夠嫩滑,再飲埋個酥皮湯,大滿足車仔麵,招牌麵,魷魚,紅腸,魚蛋,菜,蘿蔔,豬紅,滿滿的車仔麵配料幾乎都見唔到麵底~魷魚爽口,豬紅帶點甜,好好食,每一樣食材都有自己既味道,車仔麵既精彩之處就係咁樣,而家出面車仔麵少左咁做,好多食材都係差不多味道~再黎牛三寶,份量超多,牛腩牛筋牛肚滷到好入味女人麵,花膠係主角,其他都係素食類,走健康路線,加埋配一碗紫菜湯麵底有河粉,幼麵等唔同選配,蘿蔔夠淋身夠甜,花膠滋補,成碗份量女仔食都幾乎食唔曬,份量夠多夠好食#永年車仔麵 #永年車仔麵茶冰廳#永年茶餐廳 #沙田美食 #香港美食 #沙田搵食

今日去沙田踩單車梗係要填飽個肚先出發食返碗車仔麵先啦永年車仔麵出名正啲餸夠晒入味湯底又濃揀咗一碗男神麵一碗至尊麵一碗大碗麵豬腸豬紅豬皮，夠晒入味牛腩都好正仲有魚蛋同雞翼菜心都夠晒淋加埋個煎釀三寶梗係唔少得啲辣汁啦

約左朋友去沙田行街，食個車仔麵先，永年大碗麵，乜都有，唔洗揀，豬腸、魚蛋、蘿蔔、豬紅、豬皮..有曬青菜，面底揀左油麵，清辣湯好濃鬱，粗麵好挂汁，大滿足；朋友食果碗男神面就係牛雜錦，牛百葉、牛肚等，揀左河粉，叫左清湯麻辣汁，小小辣，湯底好好味，好開胃，如果可以加多d湯就更好了。

下單後提早5分鐘到已經有得取，食物和以往一樣好好味，最鍾意豬紅很甜，可惜是現在改用紙兜裝麵和湯，令到湯會漏晒出嚟，整到成個膠袋都係建議大家可以堂食會更好更方便(⁎⁍̴̛ᴗ⁍̴̛⁎)！

之前喺尖沙咀永年士多食過佢啲車仔麵覺得唔錯，今日喺沙田新城市廣場見到呢間叫「香港永年車仔麵茶餐廳」，原來除咗車仔麵，仲有好多茶餐廳都有嘅嘢食，所以入去試吓餐廳係商場裏面，環境寬敞、舒適，用上懷舊嘅食品和玩具做裝飾，兒時嘅回憶即時返晒嚟。美國安格斯封門柳用上鐵板上，當黑椒汁一淋上去，濃郁嘅黑椒汁撲鼻。廚師十分細心，將牛柳放在大大塊嘅洋蔥上面，令其不會過熱。而且好足料，絕對超過10安士以上。用刀一切開就見到肉中間微微嘅紅，感覺鮮嫩多汁，絕對符合我哋半成熟嘅要求。食起來不會入口即溶，但絕對唔靭，沒有筋，牛肉肉味濃郁，呢個價錢絕對超值。酥皮周打蜆肉魚湯酥皮牛油味濃郁，夠鬆脆，跟周打魚湯一齊飲，10分匹配。男神麵配料有牛柏葉、牛肚、豬腸、牛丸、牛腩、蘿蔔和時菜，絕對啱晒我口味。每一樣餸都高質素，尤其係啲蘿蔔，真係超甜。食車仔麵個湯底都好重要，呢間嘅味道絕對冇令我失望。女神麵配料有鮑汁炆花膠、酸齋、枝竹球，冬菇、紫菜、蘿蔔和時菜。朋友話啲花膠好入味，而且夠厚身。

-餐廳內外佈滿舊香港特色的擺設 充滿舊式情懷🖤👨🏻‍🦳👵🏼相信老一輩應該好多人識永年⋯近年變得更有特色佢哋嘅車仔麵好多人都食過😋朋友都大讚好食除咗車仔麵之外仲有懷舊鐵板餐 熱辣辣既酥皮湯都好令人懷念今次去咗沙田分店食晚飯🍚想兩樣都試吓🤭小朋友才做選擇我全都要.▶️女神麵 $108 令人永遠年輕既秘密🤭(鮑汁花膠、枝竹球、冬菇、酸齋、紫菜、蘿蔔、時菜)套餐原來仲跟多碗紫菜湯🥣好耐無飲過⋯略嫌咸左少少😳第一次見車仔麵有花膠 仲要2大塊肉🤌🏻滋補養顏仲有4大粒厚厚的冬菇 好爽😋▶️永年大碗麵 $108勁多料入面有成10款餸咁多(蘿蔔、豬紅、豬皮、雞翼、豬腸、魚蛋、雞翼尖、魷魚、紅腸、時菜)😎雞翼滷得好入味👍🏻陳皮魚蛋都好爽口🍡蘿蔔好清甜入味又腍身其他料就唔一一列舉 都好味㗎🤤▶️永年雜扒 $198鐵板餐可選餐湯- 牛尾羅宋湯 / 周打蜆肉湯 我地+$15要埋酥皮湯 童年回憶返哂嚟😆周打蜆肉湯內有蜆肉同薯仔粒 好飽肚🐷🐮🐔雜扒有齊豬牛雞三款 份量都唔細 鐵板同肉中間有兩大舊洋蔥隔住 令到肉質唔會過老😎聰明

3個人食飯，因為屋企人腰痛，坐個陣見到有個單丁客坐左個4人卡位，佢已經食完，響個位到snapshot, 想同待應阿姐問下可唔可以幫我地同個邊調一調位，個阿姐好大聲咁話：唔可以啊！我地呢度係唔會幫客咁做架！ 我心度諗，唔換咪唔換，駛唔駛咁大聲夾惡。我地坐低叫左3個麵加蝦多士，3杯野飲，買單411，但最令我不滿既就係佢上左碟牛筋腩撈，個辣汁不哂落d菜心度！係全部辣汁擺哂落菜心度！我就叫個侍應阿姐來，話點解你d辣汁不哂落菜心度，叫人點食呢？佢竟然話佢地撈麵加辣就會落辣汁，全部都有架，唔係只係菜，我就話你自己睇，牛腩，牛筋，同d麵係一滴辣汁都冇，你淨係不左d辣汁落去d菜心度，叫人點食呢？ 最後我叫佢俾番兩條菜我，佢先死死地氣換俾我，經過今次，唔會再來呢間，劣質服務！幾好食都冇用！香港就係俾你地d劣質服務搞wrong哂！

難得過嚟睇完迪士尼展覽見好耐無黎，就過黎食下車仔麵用QR code落單，非常方便永年車仔麵嘅配料選擇一向多到有選擇困難症所以有好多款人氣配搭嘅車仔麵唔洗自己揀永年大碗麵有豬大腸，魚蛋，蘿蔔，豬紅，雞翼，雞翼尖，魷魚，紅腸 湯底加咗微辣，辣得過癮滷水雞翼飽滿厚肉，肉質嫩滑男神麵配料有牛柏葉，牛肚，豬腸，牛丸，牛腩，蘿蔔，時菜，每一種配料份量都不少牛筋炆煮腍滑富骨膠原，牛腩牛味濃郁同樣出色屋企人叫左個鐵板燒，仲有配搭炸麵美國安格斯封門柳 肉質軟淋，肉味濃的確不錯酥皮湯都夠哂鬆化每次嚟到都會飲佢個奶茶紅豆冰茶味好濃，又唔會過

之前已經好鐘意去元朗食車仔麵，因為配料湯底都係入味好食！依家開多左分店，唔指食車仔麵，夜晚仲有扒餐！首先都係唔少得叫車仔麵，叫左個永年大碗麵（$108），叫得大碗麵真係好豐富，有豬腸、魚蛋、蘿蔔、豬紅、豬皮、雞翼、雞翼尖、魷魚、紅腸同菜，每款都調好味尤其係豬紅、魷魚咁，入味又軟熟仲加左個腐乳通菜（$26），腐乳鹹香味濃郁，個醬厚身同生菜好夾另外叫左個永年雜扒($198 ），牛雞豬都有真係啖啖肉，仲要質素都唔差，肉質嫩滑有咬口。仲加$12轉意粉，鐵板再加埋洋蔥汁嘅意粉更加好食飲品就加左+$15試奶茶紅豆冰，係依到嘅特飲，奶茶香濃幼滑，紅豆都夠綿滑，幾好飲！開咗分店都冇令人失望！

沙田永年經典鐵板餐車仔麵都滿有心思✨💛🥩🦥《永年雜扒》$198是此點這款有齊三款肉類的扒餐。包括了美國頂級西冷牛扒、嫩滑雞扒、厚切豬扒，以鐵板上餐，倒上洋蔥汁。滋滋的聲音和煙霧彌漫的視覺聽覺享受，真令人懷念！配搭升級酥皮湯，充滿著港式經典回憶的特色餐湯，外層的酥皮果然是酥脆，把它浸在白湯內，特別惹味好喝。👍🏻《砵酒燴牛尾》$48跟餐配搭懷舊小食，牛尾的肉質很軟滑，很易離骨，咬下去很軟綿綿，很入味！👍🏻《男神麵》$108車仔麵餐，已定好餸菜，包括有男士喜歡吃的牛柏葉、牛肚、豬腸、牛丸|、牛腩、蘿蔔和時菜，非常豐富！另外可自選麵底和辣度！👍🏻《女神麵》$108女士喜愛的餸菜，包括了鮑汁燜花膠、酸齋、枝竹球、冬菇、紫菜、蘿蔔和時菜，簡直是美顏食材聚於一齊，這款選了清湯。👍🏻飲品有港式茶記特飲，點了菠蘿冰和凍檸樂。充滿經典回憶的懷舊餐飯廳👍🏻

香港永年車仔麵茶冰廳，位於沙田沙田正街18號新城市廣場一期1樓113號舖。 相信很多港人對永年車仔麵都熟悉， 餐廳以車仔麵揚名， 沙田分店座位舒適， 店員服務有禮。 餐廳除了車仔麵， 亦有不少港式美食可選擇🤤。晚餐🥢 ～ 美國極佳級封門柳$238、 酥皮周打蜆肉魚湯$15 、男神麵 $108 、抹茶紅豆冰 $15、女神面油麵 $108 、奶茶紅豆冰 $15 生菜魚肉 $20、樽仔奶茶$28、樽仔烏龍茶$28。    📍美國極佳級封門柳 ～ 鐵板封門柳五成熟， 淋上香濃惹味的洋蔥汁，口感極為軟嫩，烤起來鎖緊肉汁，每口都有濃厚的牛肉味， 配上 香脆可口的炸麵， 非常美味。 📍酥皮周打蜆肉魚湯 ～ 濃郁忌廉湯與酥皮纏在一起，加上蜆肉鮮味， 口感好creamy。 📍男神麵 ～ 有牛柏葉、牛肚、豬腸、牛丸、牛腩、蘿蔔、時菜，以牛為主， 非常豐富， 最喜歡豬腸口感肥美和Q彈的牛丸， 配上油麵和永年清湯配辣汁， 推介。 📍女神麵 ～ 有鮑汁燜花膠、酸齋、枝竹球、冬菇、紫菜、蘿蔔、時菜， 叫得女神麵， 就當然有女士至愛的厚切花膠，滿滿膠原蛋白又養顏， 仲有酸酸甜甜的酸齋，好開胃，其他配菜都是素食，很適

之前去銅鑼灣或尖沙咀，想起車仔麵都會去永年食。今日落大雨，於是想起入沙田。這裏也有一間永年。於是毫不猶豫就去食。坐底望到餐牌，才發現這間永年跟之前去的不一樣。餐牌上除了車仔麵外，還有其他茶餐廳見到的食物。 而且價錢也比較進取。最終叫了四個餸嘅車仔麵。記得在銅鑼灣的豬紅蘿蔔都屬於係$9餸。 但這裏要另外加錢。 只好說自己沒看清楚餐牌。因為這一間好像沒有三個餸，局住叫了四餸。價錢應該係$68。 另外這間永年會也收加一服務費。 連嘢飲一碗車仔麵成為$84。 比起銅鑼灣的六十多元貴了差不多$20。以車仔麵來說，80幾蚊連嘢飲真的好像貴了一點。 😅在服務方面，這間的服務態度也相較差。所以今次之後，應該在沒有下一次了。（另外在此聲明，這次用餐本人並沒有得到任何用餐款待或優惠。）