越北牛肉粉

營業中

休息中

星期六到柴灣，下午3點在興華廣場經過，吸引我的就是有酸辣鳳爪撈檬下午茶餐，價格合理，半滿不用搭枱便入座。環境乾淨衛生，燈火通明。撈檬份量大，配料豐富，酸酸地十分開胃，而鳳瓜可以，皮爽骨軟，好咬口，但辣度過微。

公司附近的外賣選擇不多，這天即管試試越南粉麵點了河內香茅烤雞扒撈檬雞扒香茅味十足，燒得香口，加上整塊厚切啖啖肉，吃得滿足菜絲及檬粉份量也足夠，配上撈檬酸汁吃非常開胃下次可以encore👍🏻

試過 “越北” 多間分店🍽今次到柴灣店食晚飯, 有幾款晚餐選擇🤔食物質素不錯😋價錢親民💰越北牛肉牛腩片湯粉👍👍👍👍路邊烤雞肉串撈檬👍👍👍西貢咖喱牛腩米飯👍👍會安蓮藕蝦餅👍👍👍酸辣無骨鳳爪👍👍👍👍魚露生菜👍👍

和朋友來到柴灣Y廣場附近 聽講座， 趁著還有點時間， 在附近尋找美食， 原來興華廣場 現在都多了很多選擇， 之前在其他地區吃過的 越北餐廳， 原來這裏也開了分店😍😍晚市都有套餐可以選擇， 真係平靚正性價比高， 一個主食＆小食 ＆特飲， 都係幾十蚊有交易， 而且座位很舒適 乾乾淨淨。越北生牛肉牛腩片河粉牛肉和牛腩片的份量頗多的， 牛肉片肥瘦均勻肉味濃郁， 牛腩很鬆化， 河粉質地彈牙滑捋捋， 而且湯頭很濃郁， 加埋青檸和辣椒 會更加美味。越式炸春捲越南春捲質地紮實材料豐富， 木耳絲 ＋蘿蔔絲＋粉絲＋豬肉， 配搭了香料味道頗為特別， 包著新鮮的生菜一起吃， 記得畀埋醬汁。三色檸檬七喜新鮮黃檸檬 ＆新鮮青檸 ＆醃製咸檸， 加埋雪凍的七喜， 清新解渴消除油膩感， 特登選擇不要冰底， 檸檬的味道可更加突出。

晚上在青年廣場睇表演，在附近揾野食。平時食開西灣河的越北，今次試吓柴灣店。晚餐小食-海蜇沙律爽口，味道剛好，小小酸，開胃菜，但海蜇唔多。晚餐主食-生牛肉牛腩片湯河一上枱，原來和我平時食開的份量差得遠，咁大碗嘅。味道好，牛肉份量多，肉質不會鞋。晚餐餐飲-薄荷青檸梳打普通，無特別。茄湯蟹檬，我記得平時食開冇蟹的。雖然蟹好瘦冇咩肉也冇鮮味，但裝飾吓也好。湯滿滿茄味，粉量多，蝦丸扎肉也好味。估唔到食一間熟識的餐廳會有驚喜。

柴灣興華商場一樓有一間食越南菜的鋪頭，每次午餐同埋下午茶行過嘅時候，都差唔多坐滿人。今日入去和朋友一起吃了兩個下午茶套餐，朋友叫咗三寶飯，有鬆脆的雞翼，香茅豬扒，同埋扎肉，雞翼同埋豬扒味道鹹甜適中，份量都唔少，抵食。加8元就可以要青檸薄荷葉梳打，用優惠價換咗春卷，春卷脆卜卜，好味道。我就叫咗雞絲扎肉河粉，鍾意吃清清淡淡的湯河，湯河好滑，健康有益。河粉嘅份量都好多好大碗，雞肉鋪滿個碗，認真抵食。我哋用優惠價換咗個蒸粉包，粉包裏面係豬肉餡，剛剛蒸出嚟嘅粉包好軟滑，一口就吃完。增加纖维，叫了白灼生菜，爽甜。熱滴漏咖啡有特色，香濃好味。人均消費$100左右，性價比高。

嘢食分量同價錢都非常合理係可以值得下次再去（心裏話：如果冇嗰個服務員的話） 但服務態度真係好差！！（只係嗰個服務員）雖然價錢唔係話貴但我覺得態度差真係連幾廿蚊都唔值得俾,唉～希望下次去唔好再遇到佢真係會令人心情好差～

越北已經食過好多次，佢啲下午茶超級大份同抵食！蝦餅春卷撈檬，58蚊，蝦餅好大塊，彈牙有蝦味，春卷脆薄博，佢嘅撈檬入邊有好多生菜絲，加埋酸甜撈檬汁，清爽惹味。香茅豬扒雞翼扎肉飯，65蚊，肚餓食肉獸必點，有三種餸，豬扒同雞翼嘅香茅調味甜甜地幾好食，仲有豉油同蔥油撈飯食。加咗小食蒸粉包同埋雞翼，粉包好好味，入面好多料。飲品有好多特飲揀，芒果沙冰嘅芒果超甜，仲有爆爆珠喺入邊，椰青好大個，又唔使喺屋企自己開好方便。

幫襯開其他區越北食物質素好穩定， 但今晚冇體驗非常差， 一家人叫咗個二人餐加雞翼。 撈檬粉好好味， 馬拉盞通菜最遲黎， 一嚟到太太食一啖就話有浸味， 作為一個好有衣食嘅我， 嗅兩下個通菜有浸臭味， 立即叫咗個後生哥哥仔服務員嚟反映， 佢拎咗去服務台問個白衫男職員， 唔夠幾秒就話係正常， 我坐係cashier 隔離卡位全程望住， 心諗隔住個口罩點會咁快聞到， 後生哥哥仔話無問題， 最後同佢講掉左佢。 哥哥服務都算係咁， 但間餐廳完全冇諗過再整過俾我， 或者講聲唔好意思， 就咁算左。 。。 真心唔高興， 希望你地服務質素提升一下

❤️ 難以忘懷的味道 🧡喺香港要食越南菜不難，但要揾到一間肯用心制作，永遠可以保持水準的卻不容易，越北牛肉粉我又嚟探你喇 !未知是否有段時間無嚟，今次竟然比我喺餐牌發現新大陸，一個對酸辣全無反抗能力的我，簡直雙眼發光。好 ! 今晚就試吓你 🔽峴港蝦頭膏酸辣海鮮湯檬呢個套餐名叫清新配搭 A+B+C，顧名思義你可以叫 3 樣野。A 類 我就選擇佐上述嘅湯檬B 類 我就揀佐 越北炸春卷C 類 我要薄荷青檸梳打等候了大約五分鐘，食物就源源奉上。海鮮湯檬 湯頭好鮮甜，可能加入佐蝦頭膏嘅原因，令到整個湯底昇華不少，碗內的海鮮亦不少，包括有 小墨魚仔，蜆肉，青口，海鮮丸，以上海鮮不過不失啦，不過個湯就係好正，辣得有後勁，正 ! 👍越北炸春卷 肯定係即叫即炸，我冷不提防一上枱就馬上放入口，即時燙到，好彩我功力深厚頂得住。可能春卷餡切得很碎，所以層次感頗為名顯，好味。🤤薄荷青檸梳打 我真係無揀錯，又係我嘅至愛味道，甜甜酸酸。🤣全單只係 $92，我就覺得非常抵食，咁你覺得呢？😉

咁啱今日係柴灣工作 收工好肚餓就即刻穩下附近有咩食興華廣場有越南菜食😎 即刻走左入去食餐廳好光線充足 而且坐得好舒服😌清新配搭 A+B+C可選一個主食 小食 同 甜品/甜品成個套餐好抵食😎 呢度嘅主食好大碗路邊烤雞肉串撈檬 $88 小妹最鐘意嘅越南菜之一 點少得撈檬 🤓由其是 而家咁熱嘅天氣 食返碗撈檬 就係爽!有三串雞肉串 都幾大串下🥰雞肉串醃得好入味 烤完更入味🥰檬粉好爽口☺️峴港蝦頭膏酸辣海鮮湯檬 $92喜歡酸酸辣辣嘅朋友就唔好錯過 可以過下呢個辣癮🥰入面啲配料好豐富😍 有青口 蝦丸 墨魚仔等等墨魚仔食落爽口彈牙☺️酸辣無骨鳳爪 無骨鳳爪作為小食 酸酸甜甜好開胃小妹覺得唔算好辣😎越北炸春卷好足料嘅炸春卷炸到好金黃😋仲好脆口😍三色鹹檸七青檸 鹹檸 檸檬三隻唔同嘅適量檸檬🍋加埋七喜汽水🥤飲落更過癮 更爽😋仲好醒神添😎.薄荷青檸梳打夏天必飲✨✨ 薄荷加青檸 好清新飲完透心涼❤️ 啱哂炎炎嘅夏日🌞🌞

香港有好多越南餐廳，但唔係間間都係好食為食貓前幾日就試左越北牛肉粉，覺得佢既質素唔錯之餘，價錢都幾抵食為食貓叫左2個晚市套餐峴港蝦頭膏酸辣海鮮湯河+酸辣無骨鳳爪+凍椰青糕($92)個湯河好濃味，好大陣蕃茄味(都幾辣下，唔食得辣既要注意)而且d峴同河粉好多，為食貓一個人都食唔哂而d鳳爪都好多，又酸又辣，好惹味街頭香茅豬扒湯河+越北炸春卷+薄荷青檸梳打($86)個豬扒好大份，而且炸得好夠味，又唔會太乾身。個湯河又夠哂入味至於個春卷都超大舊，好足料總括黎講，係屋企附近都可以食到d咁抵食同高質既越南河真係幾好

越北牛肉粉，餐廳位於柴灣興華商場，鄰近地鐵站，交通非常方便。餐廳以越南菜式為主，座位寬敞舒適，間隔分明，疫情漸退，食得安心又放心。餐廳推出晚市多款自選套餐，配搭彈性而且亦有一人套餐/二人套餐，豐儉由人，值得一讚。一人之選，街頭香茅豬扒可選配米飯或粉，酸辣無骨鳳爪，三色鹹檸七。香茅豬扒味道出色，肉汁非常豐富，肥瘦適中，而且配有蘿蔔醃菜，蝦片，重點是餐廳自制的醬油，咸甜合適配白飯一流。三色鹹檸七，原罐汽水+檸檬，青檸，鹹檸，一杯飲品有三種不同檸檬，確實用心制作。

柴灣地鐵站 ...興華 廣場...越北牛肉粉, 綠悠悠充滿田園風味裝修， 座位寬敞舒適， 下午茶套餐 份量足夠，送飲品一杯， 每一份下午茶套餐 ，可以以半價優惠點 一份 小吃。生牛肉湯河粉 .....HK$50生牛肉 軟滑可口 , 河粉份量足夠飽肚, 香料撲鼻 ,令人食慾大增 ,回味無窮, 贈送奶茶一杯,份量 大大的 ,茶味濃郁, 香滑可口.扎肉雞絲湯河......HK$50非一般的紮肉， 肉質 香濃 超級 彈牙，配以幼滑雞絲， 洋蔥，加上各種香料， 令味道特別清香， 份量足夠飽肚， 加8蚊可叫一杯特飲， 我叫了一杯椰汁三色冰的非常好味。炸春捲四件 ....HK$48春捲配生菜 ，包裹著吃香口脆卜卜， 越南風味， 濃郁而不油膩。😄😄蒸粉包..HK$23（ 半價優惠）粉包脹卜卜， 皮薄用料豐富， 配以魚露， 酸酸甜甜 ， 美味又開胃。💓💓豬頸肉......HK$28 （ 半價優惠)炭燒豬頸肉, 肥瘦均勻, 肉質爽口嫩滑, 這是必選的 小食之一👍👍

📍#越北牛肉粉專門店 #MFJ柴灣 #MFJ越南菜人均消費: HKD130本來想試 @northvietpho.ig 堂食，但食外賣食到好悶，結果就先試外賣啦！⭐️北越生牛肉湯粉🍜$70食河粉梗係試淡湯頭先啦！味道唔錯，真係有啲越南風味！牛肉都幾多片下，不過送到嚟都變左熟牛肉，好彩唔會韌！不過份量就少咗啲🆗順化湯檬🍜$85賣相幾靚而且都幾足料，有牛腩片，扎蹄，扎肉，牛肉丸！其他唔算越出色，不過牛肉丸就真係幾好食！順化湯底一向都出名濃，不過佢就濃得濟，加上湯檬比較硬，$85碗份量都幾少下，性價比較低🆗軟殼蟹米紙卷🌯$75幾驚訝米紙卷咁粗咁大條！其實裡面只係好多好多配料，軟殻蟹當然唔大件，所以變相口感差咗！其實有少少美中不足，因為味道其實幾好食🆗蜆港炸蝦餅🍤$70炸蝦餅同平時好似有啲唔同，好似本身有調過味！蝦餅都爽口，味道不俗外賣質素算係中等柴灣區算不錯，不過價錢加成20-30%一碗，仲要細碗咗就有小小肉痛😂#mfoodjournal #instagfood #foodstagram #hkfoodstagram #foodie #hkfoodie #foodblogger #hk