影片
電話號碼
91368016
57903967 (WhatsApp)
付款方式
以上資料只供參考, 請與餐廳確認詳情
識食梗係去鯉魚門食海鮮，唔止海鮮特別新鮮，仲有無敵海景，好有風味🤩同朋友揀左尊貴海鮮套餐 $449/位，一於黎個超豐富海鮮大餐!!👏——✧台灣花尾龍躉片肉質爽脆，油脂豐富，果然係魚中之王💯✧加拿大野生海蝦肉質彈牙，好有鮮味🤤✧台灣九孔鮑魚 口感厚實, 比個size驚艷到😳超大隻！✧韓國斧山珍珠蠔 最鍾意食蠔，蠔肉質肥美，蒸得剛好🥰✧蟹皇大元貝 元貝肉質飽滿，加入蟹粉滋味滿滿😍.✧大西洋野生青口彈牙帶點咬口，有少少海水味更顯青口鮮味😚✧紐西蘭刀貝蚌肥美鮮甜，嫩滑爽口🤪.✧澳洲青年龍蝦一食落去已經感受到鮮味，估唔到仲有滿滿蝦膏，超濃郁滋味👍✧野生奄仔蟹 最期待係呢隻蟹，有啖啖蟹膏，蟹肉都好多，再拆埋蟹腳食，超滿足~~淨係食蟹同龍蝦都值回票價啊～🤩✧有機蔬菜籃有娃娃菜、粟米同唐生菜，新鮮翠綠，為大餐解一解膩~.✧粟米排骨粥 加入左各種海鮮嘅精華，粥底濃郁鮮甜! 我就覺得唔加蔥同菜甫都好好食~鍾意濃味嘅都可以隨意調較口味😋.✧椰汁雪燕 甜度剛好，又滋補，為晚餐劃上完美句號🤤--我地仲加左一樽竹蔗茅根$74 share飲，清熱解渴，係開胃之選☺️蟹仙海鮮蒸氣石碢唔止海鮮新鮮，店員仲好熱心服務，幫忙蒸海鮮之餘又會細心介紹每樣海鮮特色之處，服務100分!
繼續閱讀
老友外地回港說在外冇啖好食，就約定我星期日去食番餐好嘅。佢book 左位於#鯉魚門 的#蟹仙華舫 海鮮專門店，說相當掛念原汁原味的蒸海鮮☺️。老友點左至$418/人尊海鮮套餐，但店員都會視付當天貨源，略為調整一下食材，也會負責蒸煮部分，店員會在旁說一下海鮮特色，我哋就輕輕鬆鬆傾下計等食，相當寫意呀💃。加拿大野生海蝦🦐，蒸熟的海蝦拼成心型很有心思，沒有點上醬汁，因要品嘗鮮蝦真正味道，蝦肉鮮甜爽彈，好美味呀。台灣花尾🐠龍躉片，魚皮爽口略有膠質感，肉質則鮮嫩結實，很有魚味。九孔鮑魚，蒸出來原汁原味，不會硬身，入口軟淋好有咀嚼感。韓國斧山珍珠蠔，蒸完都有咩縮水，有蠔🦪味且柔軟可口。奄仔蟹🦀，肥美多膏，望見肉身都知佢哋新鮮，蟹膏甘香、蟹肉鮮甜。野生琵琶龍蝦🦞，琵琶龍蝦好有驚喜，龍蝦頭的膏很香，身型中等肉質很有彈性，我哋真係食到舔舔脷啊😋。大西洋野生青口、紐西蘭刀貝蚌、免費升級～蟹王元貝，款款都各有特色，略帶咸香味亦不錯。蒸蔬菜籃🧺，蒸後多水份更健康。海鮮粥底，海鮮精華融入其中，好快都比我地清晒啦。最後送上一碗椰汁燕窩糖水，可滋潤吓，甜度適中。海鮮樣樣新鮮、鮮甜又好吃😋，真係滋味無窮，加上面對海景飲番杯-嘆住食，真係令人心情愉快。
繼續閱讀
星期日同家人預祝母親節，訂座時May姐知道我哋有狗仔，特登留咗一間海景VIP房俾我哋等狗仔可以隨意走動，間房好大坐得好舒服，仲有無敵海景同私人洗手間，環境一流！May姐同同事好熱情好有禮貌，一開始已經好詳細咁同我哋講解menu，之後仲有專人幫我哋蒸海鮮，每一道海鮮職員都有介紹同埋教我哋點樣食為之最好食，啲海鮮都好新鮮，個粥底吸收晒海鮮嘅精華超甜，最後仲有甜品送，服務同食物都一流！好多謝May姐同同事的招待，我哋全家人都食得好開心，下一次一定會再嚟幫襯！😋
繼續閱讀
喺香港食海鮮有好多地方可以選擇，但如果想食靚料同埋價錢超值真係唔多。今次特登走入鯉魚門食海鮮，梗係因為有又平又靚又正既餐廳，我先去啦。鯉魚門港鐵站一直行落去行十幾分鐘去到海邊，見到餐廳光猛嘅招牌，仲喺係海邊真係別有一番風味。呢間餐廳主打套餐形式，咁你就每款海鮮都食到其實好方便。店員好細心會介紹邊一款海鮮係今日新鮮運到佢哋對海鮮熟悉嘅程度係你問佢乜嘢佢地都識答架。我哋兩個都算係大食嘅人，見到有個二人餐都擔心唔夠食仲想加啲海鮮，但係千祈唔好咁樣做，你哋黎食過就知㗎啦。我食海鮮通常最鐘意清蒸，咁先食到佢既鮮甜好味。二人套餐有10款海鮮，而且仲會有肉同埋丸最尾食到尾聲嘅時候其實海鮮嘅精華已經靜靜地滲到落去蒸鍋下便嘅粥底入邊，加埋菜脯同埋蔥花，簡直係一流，試問咁多嘢食，點會唔夠飽？講返今晚食過啲咩海鮮先蟹粉大元貝元貝上面嘅蟹粉醬係由師傅親手拆蟹膏蟹肉炒過和調味再放到大元貝上邊蒸紐西蘭刀貝蚌刀貝好大隻彈牙軟熟野生虎蝦野生虎蝦其實好大隻，清蒸完之後食得出啲肉好結實彈牙九孔鮑魚鮑魚好厚肉，起碼要分三啖先食得晒野生青口和珍珠蠔野生青口最怕就係污糟邋遢，但師傅清潔得好乾淨，食唔到有苦澀味，只有鮮甜可口。重頭戲琵琶蝦都比較少食琵琶蝦，除非係自助餐嘅地方，但係自助餐嘅通常都係冰鮮，通常都冇乜味。而今次食嘅係新鮮琵琶蝦，肉質介乎大蝦和龍蝦中間佢會俾大蝦清淡。龍蝦龍蝦味道如何，取決於新鮮程度。餐廳嘅龍蝦喺養魚缸度拎上嚟即刻清潔即刻蒸非常鮮味。而且店員係會預計時間，所以絕對唔會有過老嘅情況發生。饅頭蟹饅頭蟹細細隻其實好可愛但肉容量唔多，但係食得出係鮮甜而且饅頭蟹非常罕有今次試到真係好開心。重中之重，估唔到最好食嘅竟然係奄仔蟹，切開嘅時候已經見到好多膏，金黃色都有啲期待。蒸完之後出嚟簡直係不得之了，蟹膏香甜可口，又鮮又甜。唔好睇佢細細隻其實裏面好多肉，淨係食隻奄仔蟹我都已經食半個鐘。每一啖都唔想浪費。就連蟹鉗都係啖啖肉，香甜彈牙，不在話下，強烈建議不要落任何調味料，否則會影響鮮味。其實食到呢度已經好飽，店員仲會蒸肉同埋包心丸，其實都食唔落。不過我哋都堅持食埋每一款海鮮流出嚟嘅精華所煲嘅粥，份量好多，起碼每人有兩碗，入面會有粟米芋頭等等材料加埋海鮮的鮮味好夾。最後只要你用八達通或者現金付款就會有甜品送呀。所以帶定現金過嚟啦。今晚真係好滿足好耐冇試過食咁多款嘅海鮮，而且鮮甜好味。
繼續閱讀
為了和朋友慶祝生日特意到鯉魚門吃海鮮大餐我們點了二人套餐$1099（可以根據人數再升級 每位加$550）海鮮非常新鮮店員非常熱情 對每款海鮮的介紹都十分詳細朋友生日 店家還送了壽包最後用轉數快/現金付款再送每人一客椰汁燉雪燕
繼續閱讀
您可能會有興趣的...