164
0
4
| 餐廳: | 花楽 (北京道1號) |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
營業時間
今日營業
11:30 - 23:00
星期一至日
11:30 - 23:00
*Lunch Menu 供應時間: 11:30-15:30 (Last Order: 15:30)
Tea Set 供應時間: 14:30-17:00 (Last Order: 15:15)
晚市供應時間: 18:00-23:00 (Last Order: 22:30)
Drink Menu 供應時間: 全日供應
最後落單時間: 22:30
以上資料只供參考, 請與餐廳確認詳情
有關獎賞計劃
優惠
| 餐廳: | 花楽 (北京道1號) |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
相關文章
地點非常方便就係位於尖沙咀北京道1號，踏入餐廳就見到無敵大海景，夜景真係眼前一亮，同朋友邊食飯邊傾偈，真係非常舒服，仲要係睇到維港嘅景色，餐廳非常有情調，用好多花花嘅佈置來裝飾吞拿魚壽司盛盒$208大拖羅，中拖羅同埋赤身，最肥美當然係大拖羅脂肪分布好像雪花一樣，顏色較為偏白，有入口即溶嘅感覺，赤身係吞拿魚嘅背部位置，所以脂肪含量都唔多，肉質較為結實有咬口 ，兩款我都非常喜歡松葉蟹肉海膽甲羅燒石鍋飯$238石鍋飯帶有飯焦嘅焦香，又夠香脆，又有口感，非常多嘅松葉蟹肉同埋海膽，每一啖都非常豐富，攪拌後一齊食味道仲好鮮甜，夠晒味道，非常滿意羊架兩件$136羊架份量相當多，入口唔會太油膩，肉質鮮嫩，厚度適中又夠多汁肉味濃郁，唔會有so 味，燒到剛剛好，令人食慾大增中華風燒賣壽司四件$118賣相非常似燒賣，用咗蒸籠來上枱，上面放有一些蟹子，然後用紙包住，而入面係吞拿魚蓉嘅壽司，味道鮮甜，入口即溶嘅魚蓉，夠晒特別，係吞拿魚嘅fusion 菜，好似係食緊非常大件嘅吞拿魚軍艦，啱晒打卡嘅朋友
繼續閱讀
寶貝生日出佐去尖沙咀北京道high tea,以花花燈飾設計嘅日本居酒居,景觀開揚,可以望住文化中心天星碼頭海景😍🏵️花樂熱氣球~天空之森(二人下午茶套餐)飲品我哋揀咗杏仁焦糖薰紅茶,套茶具好elegant,飲落去個味幾香,奉上蜜糖,方便喜愛甜可加入茶中🫖🍄餐前先來三款咸點小食燒鱈魚乾香口配上日式沙律醬,更滋味,炸蟹鉗金黃香脆,三文魚刺身厚切,油脂分佈平均😘🌹主角熱氣球時令海膽,,色澤金黃,濃郁鮮甜,嫩滑細緻😋拖羅,油甘魚,入口油脂豐富,好鮮味！甜蝦鮮甜彈牙又爽口😋 巴馬火腿芝士卷,火炙粟米沙律甜而清新！吞拿魚蓉配上小撻仔,味道好夾。雜錦魚生卷有2款魚生卷,都好特別！🌸甜品放入好似玻璃首飾櫃入面好靚,一層層好吸引,有櫻花水信玄餅、日本和菓子(整得好 精緻,味道唔會太甜,軟軟的好好味)日本蛋捲,芝士蛋糕,蛋捲都好鬆軟,芝士餅香滑濃郁,生果有新鮮香甜哈密瓜,士 多啤梨同香印提子。熱氣球籠及玻璃櫃全部以花花蝴蝶裝飾,,食物精緻好靚又好味,打卡一流📸係度high Tea真係好好relax！
繼續閱讀
愛美是人的天性，有人追求樣貌美，衣著美，而我覺得心情靚最重要。今日去食下午茶，太開心❤了，真係享受左一個靚爆鏡嘅下晝。北京道1號有好多食肆， 大門口裝修非常省鏡，雖然已經過左春節好耐，但係喜慶嘅裝修依然未拆，大紅福字同燈籠將整個環境裝點得喜氣洋洋，令人心情開朗。🥳🥳 一條好長好高嘅扶手電梯帶你去到輝煌大堂，🎢只見大堂樓底超高 ，裝飾新穎，簡單得來又不失氣派，高貴而且帶有青春的活力。搭電梯上到8樓，一個花花世界展現眼前，【花樂】就是我們今日下午茶的餐廳 ，餐廳非常光猛闊落，大片玻璃窗對正文化中心，前面就係1881商場，隔離係YMCA，右邊係天星碼頭，👀望哂整個維多利亞海港🏞，這裡真是最好的打卡點。餐廳名叫【花樂】，LOGO就係有一朵花，🌸門口的裝飾別具日本特色，粉紅色的字樣帶出溫暖的感覺，天花和墻身都是花葉裝飾，圓柱形的大酒埕給人豐足富裕的踏實感，一排蘆葦桿分隔了門口和餐廳的區域，又多了一種環保原始的自然美。🪺🍀🍁今日的下午茶非常豐富，淨係睇餐牌就已經可以開心半日，內容豐富度超出我的想像力。第一個呈上是生鮮食物熱氣球，分開幾層放食物，裝飾用了不同的鮮花為食物扮靚，第二個是各式甜品水果的晶瑩通透玻璃櫃，第三個是鹹點盆。一個美食與鮮花融合的下午茶正式開始。🥁🥁前奏曲🎼🎵🎶🎹藍莓果粒茶在漂亮的瓷具中發出誘人氣味，紫藍色的茶在潔白的茶杯裡呈現高貴的美感。主題（一）鮮生組合先清後濃，先鹹後甜是飲食的規律，我們從沙律開始：微微炙焦的粟米，清香多汁，香醋沙律開啟了期待的味蕾。時令海膽，拖羅，油甘魚🐠，甜蝦，盈油光亮，鮮甜可口，配一朵黃菊花，吸睛之作。👀🌼巴馬🐴火腿芝士卷，豐年的巴馬火腿，卷起濃香軟糯的芝士，吃在嘴👄裡，香味久久不散。磯之雪雜錦魚🐠生卷，用海苔卷著魚生片，與壽司🍣飯共融出和諧的美味。主題（二）鹹點組合厚切三文魚🐠，紅白相間的三文魚片，點上芥末醬油，就得到滿足幸福的感覺。日式炸蟹鉗，和港式炸蟹鉗不同，金黃的外表，雪白的蟹肉，外脆內嫩，蟹香揚溢，點些醬汁更是錦上添花。鱈魚🐠干，淺褐色的鱈魚干貌不驚人，味道卻是出奇的鮮香，從第一片吃到最後一片沒有停頓。😂🫣主題（三）甜品水果櫻花水信玄餅最漂亮，一朵粉紅色的璀璨櫻花🌸，綻放在水晶體的糕餅中，令人愛不惜手，不想破壞了美麗的容貌。🌸🌸🌸🌸🌸芝士蛋糕🎂和芝士蛋卷，一朵鮮紅的玫瑰🌹，放在雪白的芝士蛋糕旁，紅白互相輝映 ，簡直是一幅最美的圖畫。鮮紅草莓🍓，甜到漏的哈蜜瓜🍈，晶瑩剔透的波波提子🫒🫒，碟豆花，月季🌹花，菊花等再組成另一幅圖畫，令靚到爆表的下午茶更加完美。有點遺憾的是，不能把全部靚相上載 ，美麗的畫面自能自己欣賞。😂😂
繼續閱讀
今晚朋友找到這間位於尖沙咀中間道的日本菜，一踏進餐廳便被餐廳的落地大玻璃所吸引，原來餐廳是可以看到維多利亞港的景色。今晚我們叫了幾樣特色日本菜▶️ 海老野菜天婦羅盛盒師父把天婦羅炸得酥酥脆脆，火侯剛剛好，海老有三隻，每一隻都很新鮮。其餘蔬菜亦炸得很清爽，完全沒有油膩感。▶️ 茗荷黑松露吞拿魚腩芝士卷吞拿魚腩十分新鮮，配芝士卷口感很豐富，黑松露的味道非常濃郁，略微有點蓋過刺身的味道，但整體來說是不錯，讓人很滿足。▶️ 中華風燒賣壽司這個燒賣很有特色，外層是用千張（豆皮），內裡是蟹肉跟吞拿魚。一口咬下去啖啖肉，非常特別。▶️鯖魚一夜乾鯖魚的魚油十足，調味剛剛好，可配搭柚子酸汁一起吃。▶️安格斯牛肉鍋物牛肉鍋的肉和蔬菜份量十足，鍋物是壽喜燒湯底，牛肉可配搭生雞蛋 / 麻醬，風味十足。整體而言，吃得出這裡的廚師製作十分用心，環境舒服而而有無敵海景，是一間可以選擇到來慶祝生日/ 紀念日的好地方。📍花楽 (北京道1號) (尖沙咀)尖沙咀北京道1號8樓801室
繼續閱讀
創意日本料理 - 尖沙咀 花楽今日去花楽餐廳食嘢，真係驚喜好多🎉！首先係鹽水紫菜芝士三文魚蟹肉卷，真係好有創意！三文魚同蟹肉，配埋芝士同埋紫菜，味道好層次，每口都好滿足😋！仲有個酒盜芝士，味道好豐富，鹹香十足，用嚟送酒真係一流，唔怪得叫做酒盜！另一個小食係昆布螢光魷魚，魷魚口感好軟糯，加埋微微嘅海草香氣，味精特別，都係佐酒小食🦑！然後嚟到日本燒牛肉石鍋飯，燒牛肉好鮮嫩，石鍋底部煮到香脆，每口都係一種享受！加啲醬汁同配菜，味道更加豐富，飯食得好滿足🍚！特式中華風燒賣壽司🍣，係吞拿魚蓉壽司，但係有中華燒賣嘅外表，好特別。呢次係好特別嘅用餐體驗！菜式創意多元，味道出眾，環境舒適，服務周到🌟，不錯！
繼續閱讀