本炭火燒鳥

原本打算同閨蜜到西營盤食下串燒聚下見到店舖裝潢，應該唔會差可惜卻失望了串燒味道不突出更加可以話係比較乾身同外表係焦黑的我的串燒最愛： 免治雞棒月見都十分失望，但佢個汁唔錯，全晚留起左沾伴其他串燒為其他串燒帶點一點色彩

和朋友們已到訪過數次，每次都能盡興回訪率高快變成老地方見。吸引之處除炭燒海鮮外，環境舒適--加分，特別留意此店的坐椅，坐得很舒服。贊！亦很喜歡店長推介嘅sake！每次都要預訂燒龍蝦，鮑魚，海魚同肥鱔，因為手快有手慢冇只能爭取緣份。龍蝦同海魚每次都有分别，今次的比上次大隻老板話每天海鮮食材係當天早上從海鮮艇家採購，不夠好不上枱態度堅持怪不得每次燒海魚品種都不同另外串燒水果豚肉係必點厨師不斷變化食材組合，用心之處值得一贊

串燒味道、種類一流！最大推是「自家制月見雞棒」！雞捧入面材料比例mix得好好，配生蛋+醬油一絕！！我哋encore咗3條🤣！另外推介的有厚切牛舌芯(好淋同牛味超濃)、果物豚肉卷(入面釀咗梨好清新)、黑豚五花腩（一放入口好正油香)、燒明太子飯團(呢個配搭唔會輸🤣)、味淋魚乾(送酒一流) 、燒粟米(牛油味超香)、茄子田樂(味增醬+上面有啲肉碎)👍🏻👍🏻明太子雞翼(冇骨釀咗明太子喺入面好好食😋)餐廳環境是日式居酒屋風格，是三五知己聚腳閑談的好地方！服務態度亦非常友善，侍應多次幫我哋調校冷氣都唔嫌煩好有笑容。同行友人生日，侍應上生日蛋糕時十分配合氣氛，又一邊幫我哋切蛋糕一邊同我哋傾偈，問下覺得啲嘢食點👍🏻我一定會再帶其他朋友嚟，係friday night嘅好選擇！very good vibe!

這家日本烤串居酒屋給人一種簡潔而舒適的感覺，非常適合與朋友一同品嚐美食和暢飲。他們的菜單非常豐富，提供各種口味的烤串，包括雞泡魚魚乾、燒雞肉、燒牛舌心和燒魚燒雞軟骨等等。這些烤串都經過精心燒烤，外酥內嫩，口感十分美味。此外，這家居酒屋的啤酒選擇也相當多樣化，我品嚐了他們的生啤酒，清涼爽口，與烤串相得益彰。整體而言，這間日本烤串居酒屋給我留下了深刻的印象。他們的食物精心製作，味道鮮美，而且能夠觀賞到廚師即場燒烤串的過程，增添了用餐的樂趣。如果你喜歡日本料理和輕鬆的用餐氛圍，這家居酒屋絕對是一個值得一試的好地方。

今晚試咗忠正街藝里坊新開嘅居酒屋，comment : 可一不可再。所有野都好失望，可以稱得上唔好食，我未試過咁難食嘅居酒屋燒白鱔，腥，肉不彈呀牛脷關東煮，啲湯非常唔好味，牛脷味道亦唔好月見雞肉棒，好唔掂明太子飯團，味道可以，口感唔得，燒外邊唔係脆，只係硬茄子勉強可以接受廚房部真心有問題，感覺上冇心機煮，好港式，係咪開嚟呃新香港人？其實去開日本嘅香港人就知咩事呢間舖頭只係開張一個月，佢哋真係要好好反省一下，認真咁試吓菜，試吓味，否則再咁樣真係唔會有客人。我係附近住，膽粗粗去試吓，請支持下小店，但覺得間店冇心去煮

極無禮貌嘅侍應，晚飯時間入座，成班侍應係門口煲煙，話想入座個侍應好驚訝咁，可能阻住佢呼吸啦，黑晒面慢慢揀位俾我地，仲要成間野9成9位都係空嘅，好啦話唔食，出翻餐廳，俾個侍應用粗口對待

之前喺社交平台見到開咗喺屋企附近，有日夜麻麻諗住睇吓佢收咗舖未，即刻上OpenRice睇，上面寫收舖時間係12mn，我同老公即刻飛過去，去到大概10:50pm，點知店員話平日係收11pm，weekend 先收12mn，最後只好喺附近求其食咗粉麵 🫠🫠🫠🫠 (update 返OpenRice 個營業時間真係咁難？)星期日再訪，今次醒啦😎，先打電話去餐廳問閂舖時間，店員回覆11:30pm (其實都覺得奇怪，點解唔係12mn，不過諗住可能係last order時間就冇再追問)，老公10:30pm首先到達，點知店員話俾佢聽今日係收11pm，原因係做大清潔 🤷🏻‍♀️，仲要話今日一定冇人回覆過係會閂11:30pm，問返我轉頭係邊個人聽電話 我好firm 咁話我係同日晚上7點幾打電話詢問，佢哋先轉軚，突然變咗係壞雪櫃、冇食材wor (可信程度備受質疑！)其實疫情後少咗好多深宵夜店，都好想佢哋做得成功keep得住，等我哋依啲貓頭鷹都有啖好食，但此店做法實在不敢恭維，食物幾好食都假。希望這篇食評店家負責人或老細會見到，而且正視問題，更希望這兩次handle 嘅都係打份工做又36唔做又36嘅員工，而唔係

今晚去咗西營盤忠正街一間好有日本風情嘅居酒屋食晚飯，位置雖然喺橫街，但環境同食物質素都唔錯，開放式廚房可直接見到師傅用炭火處理串燒食物，值得推介，家庭或同朋友聚會另一好選擇👍👍👍