CARAT Fine Indian and Mediterranean Cuisine (盈豐商業大廈)

營業中

休息中

今日專登去尖沙咀食印度美食，不過唔係去重慶大廈，去食咗到高級啲，一入到餐廳都見到好多外國人同印度人，翻開個Menu，我同老公每人揀咗個咖喱再配一個烤餅做晚飯。傳統印度菠菜蓉咖喱雞$138菠菜蓉融入咖喱醬汁，都好多，真係可以用嚟送飯，而我地就佐印度薄餅。每件雞都好大件而且好滑，食落我覺得有啲辣，出奇地唔食得辣嘅老公完全冇事，仲話淨係食啲菠菜蓉都好好味。果亞椰香咖喱大蝦$168都好多隻蝦，蝦肉爽口，食落有啲奶油同椰汁香，有啲果香味，個咖喱唔辣帶甜，質地幼滑，不過除咗蝦，就冇其他配菜，如果有少少配菜就好喇。皇室烤餅$52同平時食既印度烤餅有少少唔同，外脆內軟腍，上面有啲一粒粒罌粟籽。我哋蘸唔同嘅咖喱食，好滿足。印度Fine Dining呢度望落啲嘢食係比較細碟啲，我就啱啱夠飽。呢度坐得好舒服，老公就話陣間約咗朋友飲嘢，會再食小食。