影片
更多
2024-02-24
20 瀏覽
今晚約朋友食飯，我想食清清地，但朋友又想食得豐富啲，於是選擇左火鍋放題，鐘意食咩就食咩，可以各取所需。去左佐敦倫敦廣場大鍋口海鮮火鍋店，任飲任食每位都係$228再加一，都算幾低食。火鍋店內好闊落，坐得都算舒服。先黎個麻辣雞煲，雖然辣辣地但好香好惹味，雞肉厚嫩滑。食完雞煲就揀左個椰子雞湯底打邊爐，椰子雞湯味道香濃又夠甜。火鍋配料極多，因為我想食清啲，所以多數點菜、萵筍、茶樹菇、鮮冬菇、雞脾菇、豆腐、冬瓜、秋葵..其中萵荀好爽口好新鮮。雖然我冇食牛，但朋友話呢個安格斯肥牛牛味重，而且見佢紋理色澤都好靚。點左四寶丸，佢啲丸係手打，好彈牙海蝦鮮甜，脆脘魚腩肥厚爽脆，鵝腸都一樣係爽口，總括黎講係非常抵食
去左佐敦倫敦廣場大鍋口海鮮火鍋店，任飲任食每位都係$228再加一，都算幾低食。火鍋店內好闊落，坐得都算舒服。
先黎個麻辣雞煲，雖然辣辣地但好香好惹味，雞肉厚嫩滑。食完雞煲就揀左個椰子雞湯底打邊爐，椰子雞湯味道香濃又夠甜。火鍋配料極多，因為我想食清啲，所以多數點菜、萵筍、茶樹菇、鮮冬菇、雞脾菇、豆腐、冬瓜、秋葵..其中萵荀好爽口好新鮮。
雖然我冇食牛，但朋友話呢個安格斯肥牛牛味重，而且見佢紋理色澤都好靚。
點左四寶丸，佢啲丸係手打，好彈牙
海蝦鮮甜，脆脘魚腩肥厚爽脆，鵝腸都一樣係爽口，總括黎講係非常抵食
張貼
