感覺屯門蘇媽蘇媽來得太遲，當其他的星馬菜早已站穩陣腳，真正主打馬拉菜的蘇媽卻姍姍來遲，而選址更是較為二線的位置。 對於蘇媽蘇媽的開幕，屯門友似乎興趣缺缺，果不其然屯門分店完全不用排隊，有違屯門分店人山人海的常態。 曾到訪過荃灣店及沙田店，而沙田店跟屯門店一樣，名字冠以「Toss」，原來是蘇媽蘇媽的新品牌，風格上比較型格華麗，但注意Toss肉骨茶是不能添湯的，店方表示由於肉骨茶質素提升所致，是故去開傳統蘇媽的定會相當失望。 論風格而言，個人較愛荃灣店哪種走傳統路線的馬拉餐廳，平實風格卻是真正的表裏一致。 而新路線Toss雖然型格華麗，但骨子裏就跟茶餐廳無異。服務而言大部分店員尚算親切，但專業度有待提升。留意到餐盤竟有破損，作為新店有點令人詫異，又加上蘇媽定價不夠親民，新店期間人流稀疏也是有跡可尋。 在沙田店嚐過麵食，食味上都幾有特色，今次再下一城，挑戰主打以外，二線卻又甚具代表性的「辣死你媽」。這是非常傳統的馬拉國民代表食品，基底是椰漿飯，配搭不同的配菜和肉食。 辣死你媽配烤雞脾($83) 賣相忠於傳統，一片翠綠的班蘭椰漿飯，班蘭比椰香更突出，可惜飯身偏軟爛，班蘭椰漿沒有拌勻下，賣相有點倒胃口，擱涼了的飯亦令口感差了一截。 配菜方面有花生、魚仔、烚蛋、青瓜片，花生可以再鹹香一些，小江魚仔夠香夠香，至於辣死你媽的靈魂一參巴醬，微辣帶甜又滲出海味馨香。可惜的是隨餐就只有一小舀，或許是為了忠於原著吧，但由於班蘭椰香飯本身就有缺失，再加上這辣死你媽配搭上，都是偏乾身的食材，唯有請店員多加一份參巴醬吧！ 較令人驚喜的是烤雞髀，烤雞能鎖住肉汁又保持雞肉的嫩滑，伴著班蘭椰漿飯同吃稍稍提升食味，再加上香料醃味相當特別，令烤雞髀「妹仔大個主人婆」，挽回了一點分數。若然店方能關注飯的質素，這道也許能力挽狂瀾的。 馬來西亞拉茶($29) 這拉茶的賣相真不敢恭維，難道拉茶就要如此豪邁奔放？但記得荃灣店的賣相並沒這麼不堪，其實這拉茶味道都幾驚喜，茶味濃重風味頗佳，比港式奶茶易入口。 屯門店初試水溫，似乎有不少改進的空間。馬拉菜作為非主流，所謂「正宗」的定義其實有誰知道？但「美味」就是個普世標準，就看蘇媽會否力求上進了。

今天帶小天使翻大角咀睇蝦故居，順便（主要目的）就係去食旁邊俾拉麵關註組推薦過嘅大丸ラーメン。努力趕在12點之前到達，但結果已經排左唔短嘅隊了[笑cry]本來有D擔心食唔到限定嘅貝丸，好彩到我地嗰陣仲有得order。
最後我地係一碗蝦豚骨拉麵，一碗貝丸蝦拉麵。雙倍海老快樂。
由於嚮門外等待嘅時候就已經落order，所以坐低之後大概喝左兩啖茶，睇完座位上D備註之後拉麵就送上黎啦。
當時我們記住左下面lee段神奇嘅話，後面真係嘗試左，體驗非常神奇！
我食嘅係蝦豚骨，櫻花蝦份量好足，湯底非常非常濃厚，但又唔會令人覺得漏。木耳絲非常清爽！！！叉燒偏軟綿，但非常入味，本來搭配麵份量好足夠，但因為湯太好飲，我不僅叉燒要搭配麵黎食，齋飲湯都會想要搭配叉燒，所以導致份量就有D不足了。因為這次攞到了印花，所以小天使話既然有印花至少要多黎食多一次湊夠3個印花得到一次追加！溏心蛋味道都很正，糖心軟綿但唔會很易漏。
貝丸同普通蝦豚骨比起身多左5只大貝殼，非常非常非常鮮美！！！食嗰陣我仲擔心會有腥味或者太鹹。但冇，少少都冇！搭配蝦豚骨湯底真係非常美味。雖然冇櫻花蝦但蝦豚骨湯底依然出色。小天使食得津津有味，恨不得打包一碗翻屋企繼續食。
吃完麵之後我就按照之前嘅tips搵店員加左少少昆布醋，神奇嘅化學反應出現啦！！本來我都唔覺得蝦豚骨湯底很heavy，但沒諗到加左昆布醋之後湯底居然變得清澈清爽！！！重新轉頭去小天使嗰碗喝兩啖蝦豚骨湯底，居然有D嫌濃厚添[笑cry]但好似話食麵嘅時候都係原味比較好，所以食完要齋飲湯嘅時候加昆布醋先更好。
我地係11點57分左右趕到大角咀博文街，12點開門。貝丸每日供應有限，一般第一輪嘅食客可能就會order曬[笑cry]要order趁早排隊！
100分滿分今次我可以俾95分！而且會額外俾3分昆布醋！所以最終分數可以有98分！

要攻要守 不顫抖 露營必須走 Soy Egg 🥚同9 Flag 🏳️ 就咁走左去啟德airside 一間主打露營風既café⛺️
我諗依家熱潮己過 成個商場都無咩人 好多餐廳唔洗點排隊 如果去行依頭 去airside搵餐廳都幾ok 🍽️

必試: 安格斯牛肉二人餐🐮 千層多士🍞

是但總結: 非常打卡able 📷 成個裝潢都好貼切露營依個主題⛺️ 野食又唔算差🍽️ 可一試


是但食評🌟💬
✰環境😍 市中心已經enjoy,到露營既感覺😍
露營風既裝潢 由枱到櫈🪑
由燈到餐具 都係露營用品⛺️
以木色 黑色 灰色為主 超級型格🌳⚫️
成個環境 氣氛都十分到位
打卡不二之選📷
但佢同你露營果陣一樣
坐得都唔係話好舒服
食野都唔係話好方便
你要烏到個身超低先食到野🍽️
一係就要拎住個碟食
但你露營就係咁嫁啦 所以都冇咩好怨😍


✰青醬慢煮雞肉意粉 🐔🍝 ($118) 濃郁😋
一黎到已經聞到超香 
食落好濃芝士味🧀
雞肉唔會嚡🐔
意粉掛晒汁 十分好
但主角青醬唔係太夠突出 可以再多D🌿
或者減D芝士味🧀


✰煙肉卡邦尼冬甩意粉🍩 ($68) 打卡食物 叫一次就夠🙂
出面d芝士焗到脆脆地 令到個意粉可以hold住個冬甩樣🍩
賣相一百分 打卡一流📷
食落好香芝士味 脆卜卜 
意粉個汁好香煙肉味同芝士味🧀
但唔知係唔係為左成冬甩形 好似焗過左小小 
d蛋熟晒 無左卡邦尼滑溜既感覺 扣小小分🥚
整體黎講係一個打卡食物 叫一次就夠
第二次可以叫返正常意粉🍝


✰安格斯牛肉二人餐 🐮($368) 份量十足 牛味濃 熟度剛好😍
包左2碗薯仔蘑菇湯(應該係) 
薯仔味好濃 好香蘑菇味🍄
好似仲要有d肉沫係入邊
係稀稀地 但味道上都濃味 都幾好味
個牛都幾好味 煮得岩岩好🐮
睇落以為會過熟 但食落又唔會喎
好有肉味 都幾juicy 🐮
蒜蓉包 外脆內軟 蒜味足夠🍞
薯條夠脆 夠熱
成個餐既份量都幾多下
食得幾滿足😍


✰千層多士 (燕麥雪糕) ($𝟿𝟾) 🍞 打卡able 味道上都唔錯 可試😍
燕麥雪糕好似小見D就叫左🍦
但唔係好重燕麥味 俾蜜糖搶晒味🍯
千層多士烘到好脆 好香 🍞
外脆內軟既感覺有d似炸饅頭
加埋蜜糖都幾好食🍯
雖然有小小似bbq燒方包 但都好食既😂
味道上幾好 加上都幾打卡able📷
我覺得第一次黎 可以一試

為食兵團近日發現利園三期地牢原來有間中菜館「淂記」，某網購平台會員可專享晚市七折優惠，閒日黃昏四點至八點仲有歡樂酒酒飲，收工可以直落唔洗轉場，蕃薯uncle吹雞即有十人附和，私人飲食助理當然係立即登記做會員啦！經商場內嘅正門進入餐廳，食客必先行落多級樓梯。小肥會建議大家從新寧道入口搭𨋢落去，安全方便得多。「淂記」室內面積堅大，除咗私人廂房之外，用餐大堂都分好幾區，洋式嘅裝潢及合拼式餐枱似係咖啡廳多啲。酒鬼們五點鐘先喺高半層嘅酒吧區暢飲歡樂頭輪。主飲品牌共有九頁。人多最抵就係點選指定樽裝紅酒或白酒，因為打完八折仲送兩客酒吧歡聚小食。小食最平都要$68/客，即係慳多百幾蚊㗎！脆脆薯條（$68）：粗粗肥肥嘅薯條新鮮炸出，外脆內腍。椒鹽魷魚鬚（$68）：小食層炸皮就好香脆，無奈魷魚鬚本身偏韌，牙力唔夠的話唔好亂咁試。乾煸豬大腸（$68）：食落麻多過辣嘅豬大腸仍有少少餲味，個人並不推介。晚市散點餐牌共有十頁之多，中英對照，並附插彩圖，簡單易明。茶位費$20/位；前菜$22/碟。每個位都有齊備嘅自用餐具。馬蘭頭百頁千卷（$80）：以百頁包捲住嘅馬蘭頭清新爽嫩，一口一件極易入口，完全唔會食得好遴迍。香芒沙律蝦球（$198）：唔知係蝦球層炸漿過厚定係黏上嘅沙律醬汁過多呢，蝦隻偏腍同濕，毫不爽彈，敗筆係個芒果味好似芒果布甸粉開出黎咁假，堅食唔過！烤北京填鴨（$230/半隻；$450/隻）：請留意，鴨鴨只有一吃，原隻叫的話個鴨殼係可以包走嘅，環保人仕可自備大盒，唔係就要收外賣盒或外賣袋錢。北京填鴨皮脆肥膏少，鴨肉柔軟香潤，招牌菜差不多枱枱都有點。十一人其實點咗一隻鴨，但因長枱難夾餸，Apple妹妹就細心安排咗廚房分兩盤上，下圖為半隻嘅份量。雪花日本松葉炸蟹鉗（$78/位）：脹卜卜嘅炸蟹鉗個蝦膠爽脆富彈性，真係打得好靚，無奈入面隻蟹鉗未為最鮮嫩，有少少似雪藏貨，不過$78再有七折真係冇得投訴。冶味蘿蔔糕蟹（$380）：席上嘅隱世廚神狠批菜式要用辣醬黎炒全因蟹蟹毫無鮮味，師傅應該係想個辣味可以遮蓋到，拌配嘅蘿蔔糕仲好黐口，完全唔掂檔！珍珠川椒雞（$118）：舖面嘅川椒葉芳香清脆，可惜啲雞肉出哂事！兩碟雞肉加埋都唔係好見到有雞皮嘅蹤影，黑肉白肉嘅肉質同樣乾嚡，老人家直頭想退貨。威士忌東坡肉（$198）：火焰上陣嘅東坡肉夠哂熱辣辣，溶喺口嘅五花腩肉腍滑非常，食落又唔會覺得好油膩，唯一冇人食得出有任何威士忌味。淮揚雞火煮乾絲（$168）：大家對雞火煮乾絲嘅意見不一，有人讚個湯夠清，亦有人話唔夠雞味，睇價錢做人嘅XO仔就嫌雞絲份量偏少，唔知個餸係咪貴在啲火腿絲呢？！嫩雞煨麵（$78）：好少見到嫩雞煨麵有咁多湯，因為通常隻碗冇咁大，啲麵又索哂啲湯。要讚嘅係碗中嘅麵條軟腍得黎完全冇糊埋一團或者係發到過脹，不過個湯底有少少苦，入面嘅菜粒同雞肉好似少咗啲。灌湯小籠包（$88/六隻）：小籠包皮薄餡軟嫩，而且都好夠湯汁。一客有六隻，中間一點紅嗰隻用上紅菜頭汁醃紅咗層皮，據悉係設計者想令賣相突出啲嘅手法而已。高力豆沙香蕉（$68/五件）：甜品熱力欠奉，相信因為個蛋白打得唔夠鬆，所以食落好似麵包咁實，加上餡心嘅香蕉量少，大人細路都話唔合格！楊枝甘露雪糕（$38/位）：正宗地選配芒果雪糕嘅楊枝甘露不單香甜滑溜，仲要係少少酸味都冇，大肥爸爸大讚此乃整頓晚餐之最，必吃也！銅鑼灣名牌商場新店「淂記」面積寬廣，環境企理，服務生誠懇好客。餐廳所提供嘅菜式集合咗不同種類嘅中菜，當中仲混入咗不少新潮元素，質素的確甚為參差，不過平均每人四百幾蚊由歡樂時光開始飲，仲包埋晚飯喎，價位好難有太高嘅要求囉，睇得出點解要用七折吸客嘅，所以結論係一試無妨嘅OK評，希望廚房團隊可以俾多少少心機作出改善。

西營盤 📌MOOJOO Lifestyle Cafe 幾個月無踏足西營盤，今日路經藝里坊 • 2號地下，見開咗間寵物友善 Cafe ☕ 以寵物為主題嘅裝修，地方寬敞亦坐得舒服，見有食評話d 野食唔好食，咁啲嘢食真係唔太好食 ~ 呢個都真係事實 😖 🥚雞蛋仔全日早餐 $148 ( 平日$128 • 週六日要加 $20 ) 呢個雞蛋仔 All day 早餐，除咗個雞蛋仔有啲新鮮感，擺得上枱之外，其他食材都好 hea。 [ 小兜仔茄汁豆 、 2條煙肉 🥓、 磨菇 🍄、 2 條腸仔 、2 粒太陽蛋 🍳 ] 。 ▫️雞蛋仔🥚上枱仲熱，外脆內亦算軟，內餡密度高，除咗外層，其他方面 & 味道上，都同一般雞蛋仔唔同，但味道又唔係唔好食，雞蛋仔嘅味道同 All Day 夾唔夾，鹹 vs 甜 match 與否，真係見人見智。 ▪️罐頭嘢茄汁豆~ 凍 & 腥腥地 ▫️2片煎得既唔香又唔熱嘅煙肉 🥓 ▪️2條熟咗，但唔熱嘅腸仔 ▫️磨菇 🍄冇菇味，又係唔熱 ▪️最okay 係2 粒太陽蛋🍳，煎得幾靚，上枱係熱辣辣 🍟黑松露薯條 +$25 上枱係熱辣辣，有薯條香味，如果炸香少少會更好; 而黑松露醬較稀，亦冇乜黑松露味。 ☕ Signature Cappuccino $38 由於我嗌咗 Set，所以咖啡跟餐係半價，即$19，半價嘅性價比係吸引，咖啡嘅味道亦都唔錯，淨係個喵喵🐱 圖案都令人賞心悅目。 ♦️題外話，店內有個戴眼鏡 男店員，行路跣來跣去，"撤check咁轉"，鞋同地板產生嘅聲響係好吵耳，其實有冇諗過 影響客人休閒嘅心情❓ 🔅 總括嚟講，飲品方面 ☕ 味道唔錯，但食物真係唔太好食，亦都唔太值，令客人有一種感覺好流又未到好伏嘅感覺，如果再幫襯，都可能都純粹淨係飲杯咖啡 ☕

好少出沒旺角東 今次發掘到一間都幾高質嘅小店cafe!!好適合大家去chill下 或者約會都唔錯😆
雖然地址係寫何文田 但其實係近旺角東🤣🤣

二人套餐 $388
二人套餐包左頭盤、烤肉或海鮮拼盤、主食 同埋兩杯$42嘅咖啡或非酒精飲品（$42以上飲品 以補差價收費）

頭盤我就揀左煙三文魚caesar salad🥗
沙律真係好大兜 生菜亦都好新鮮 煙三文魚份量都幾多下 面頭仲有好多脆脆麵包粒

拼盤方面揀左烤肉拼盤🍖
整個拼盤就有Parma ham牛油果芝士脆餅、美式烤豬肋骨、蜜糖芥末雞翼、日本雞骨腸
個人覺得Parma ham牛油果芝士脆餅 同埋烤豬肋骨好出色想特別介紹下！
Parma ham同牛油果蓉好夾芝士脆餅 好少係出面見到 好值得試👍🏼
烤豬肋骨燒汁好濃郁 而且肉質好嫩好易咬😋

Main dish就揀左香辣蒜片鮮蟹肉意粉🍝🦀
一上枱就香噴噴 見到面頭好多蟹肉同埋蟹籽勁吸引！！🤍
因為唔想食完好大蒜味 所以走左蒜片🙈但呢個意粉都真係幾唔錯 意粉份量都幾足！
而且因為本人唔係好食得辣 但係真係辣辣地唔係講笑 不過好惹味令人引唔住一啖接一啖咁食🤣🤣

草莓鮮忌廉芝士牛角包窩夫 配意大利雪糕🍓🥐🧇
螞蟻人表示冇甜品唔完滿 呢個甜品正正為我地一餐畫左個好完美嘅句號 牛角包窩夫烘到熱辣辣 上面淋左濃濃嘅士多啤梨醬同士多啤梨粒粒 岩哂士多啤梨星人 配埋雲呢拿雪糕好夾😆🍓
一碟就咁叫要$88 不過只要大家提早book位 而且消費滿$250就會送一份甜品🥹🤍
店員都好好人 我問下甜品可唔可以寫happy birthday 雖然實物唔算好清晰 但見到店員其實好盡力滿足我嘅要求👍🏼👍🏼

飲品方面就叫左Dark Chocolate Latte同埋Pink Rose Tea
兩杯都係補返差價$6就ok😆

推薦大家過黎食 不但食物高質 性價比好高 而且食飽飽就緊係要食個甜品 令一餐畫上完美嘅句號 呢間cafe小店 只要大家消費滿$250就會送一份甜品 真係良心企業益街坊咁！！🥹🫶🏼
🌟溫馨提示：甜品要一早預約先會送
另外想講一講成間餐廳大部分餐具都係用貓貓嘅餐具 勁得意！！！

2024 的第一行是烏蛟籐至荔枝窩。行山最大樂趣是置身郊野山徑，欣賞大自然景物，從而放鬆身心及調節心境，假如能夠配合美食，必然會是一趟滿分的旅程！烏蛟籐至荔枝窩途經三椏村，小小的村落裡開設了好幾家食肆，清爽天氣的假日顯得特別熱閙！

能夠坐在樹蔭下、草地上心擴神怡地進餐，相信只有「綠悠遊」，它一直是我 Wish List 的第一位。基於三椏村是一條客家村，而村內絕大部份食肆都很認真，所提供食物必包含幾味客家菜，絕非以餐蛋麵交功課。而「綠悠遊」也不例外，餐牌上除有小吃、炒粉麵，更載有十來道不用預訂的客家菜式。假如是用餐人數多，當然樂意為客人預早 Tailor Made 特別菜單。

「綠悠遊」餐牌上有不少令人心動的客家菜，經幾思量後，我們倆大膽要了三款客家主菜，點菜前已做好打包回家的心理準備，誰不知最後令溫文的侍應叔叔也大跌眼鏡，我們全吃光了，還加點了一碗白飯和一道甜品！

不熟悉此山徑的朋友或會想，山徑難度高？大大消耗能量？非也非也，從烏蛟籐走到三椏村很好走，才花了一個半小時，哈哈！不是另類版可口可樂，更不是本來要點的洛神花茶 (洛神花已過了季節)，而是自家製菊花茶 HK$20。這樣 Vintage 可樂瓶的裝置，實在富有驚喜！

自家製菊花茶花香清雅、極低甜度，非常合意，只是一瓶的份量不夠喉！製作需時，點餐後大家不防盡情融入周遭綠油油的環境、我們更與侍應，與及沿山徑同行，兼在同一地方進餐客人傾談，香港人、香港味，原本來就是這個樣子！Today Special 的墨魚餅 HK$160 來了。墨魚餅附帶自家製 XO 醬，溫文的侍應叔叔開玩笑：「所以老闆吩咐不能添太多 (XO 醬) 啊！」，這種幽默的招呼太討人了！

金黃香口的墨魚餅，質感彈牙，混合墨魚粒粒的同時，也散發出淡淡的果皮香氣，不錯也！至於 XO 醬，個人較欣賞原味，不過實際是一塊原味、一塊沾 XO 醬地品嚐著。烏卒卒的蒸豬肉砵 HK$140 是我的選擇，皆因坊間甚少找到的客家菜式。面層鋪滿密麻麻的豆豉，砵內是原條的五花腩！

豆豉的鹹香非常誘人，與鬆化不膩的五花腩同吃，譜出簡單、但與別不同的滋味！將豬肉砵變成生菜包的話，豆豉的鹹度與五花腩的配合，便來得剛剛好！再來滋補的黃酒燜雞 HK$180/半隻。雖說雞是主角，可是我們發覺薑片、紅棗和香甜的雞汁，反而是精華所在，要比雞肉更精彩！不來趟黃酒雞或豬肉砵汁拌飯，簡直是浪費！ 

P.S. 白飯爽身好吃！主菜後，還嘗試了香煎蕃薯餅 HK$20 作甜品！

蕃薯味不明顯，但煙韌質感與甜香的味道跟年糕有著相似的地方。即摘的有機小柑由「綠悠遊」送出，So Sweet，多謝！建議趁空檔時到「綠悠遊」背後的 「三椏手作仔」走走，「三椏手作仔」由一對有趣的夫妻運作，分享有機耕作、養生材料、天然手作物品等，挺有意思的！

最後回到食量驚人的原因，我想是大自然、人與人親切的互動，也離不開自然美味的客家菜式，實在叫人心廣胃口開！

期待組織愛山愛水愛吃的朋友同來大吃！

🥰 三年悠長假期, 試過 壽司刺身, 天婦羅, 燒肉 嘅廚師發板, 大開眼戒. 早前 “老友食家” 推介相對冷門嘅 “壽喜燒”, 點名 預約困難店 - “森” Sukiyaki Mori.

🤗 “森” 喺中環設三間分店, 邊間有位食邊間, 卑利街分店 有日本師傅坐鎮, 一位難求, 歌賦街分店 啱啱裝修休業, 今日相約即將去美國進修嘅 “小秘書”, 嚟到 荷李活道分店, 解鎖我未食過嘅 “關西壽喜燒”. 電話訂位, 可以選擇入座時間: 6:30pm, 7:30pm, 8:30pm, 唔使落訂.

📖 壽喜燒, Sukiyaki, 日本鍋物料理之一, 以少量醬汁烹煮嘅火鍋. 食材包括牛肉切片, 大蔥, 蔬菜, 豆腐, 芋絲, 冬菇等, 蘸生雞蛋食. Suki 意指農耕時嘅鋤頭, Yaki 意指燒烤, “壽喜燒” 又稱為 “鋤燒”. 關東版本 使用已調配好嘅湯醬汁, 放入牛肉蔬菜, 類似火鍋, 關西版本 先以牛油抺空鍋, 放上牛肉煎烤, 再分別加入砂糖及醬汁, 相對似烤肉.

📖 翻查資料: “天武天皇” 受宗教影響, 旨禁食用獸肉, “德川幕府” 時期, 人民喺值得慶祝嘅日子可以食 “壽喜燒”! 當時嘅食材其實係雞肉, 所以又叫 “雞素燒”. 明治維新 後, 日本人開始接受牛肉, 進而演變為 “壽喜燒” 嘅主要食材.

🥢 今晚點咗 Sukiyaki Set, $730+10%, 另加 牛舌, $100+10%, 清酒 (300ml), $250+10%. 師傅盤上牛肉同埋蔬菜, 然後逐一烹煮. 同步提供生雞蛋, 同埋少量白飯. 玩法少少似 Yakiniku Great 嘅 烤肉廚師發板.

前菜
茶碗蒸
牛肉: 肉眼, 西冷, 牛肩
牛舌
蔬菜
滑蛋牛肉飯
麵豉湯 
甜品🥢 講講環境, 餐廳門面和式設計, 木系趟門, 入門口右邊設一張八人方枱, 左邊設一張四人卡位, 直望一張L型十人吧枱, 室內擺位不規則, 哈哈. 今日被安排坐吧枱, 無論坐普通枱或者吧枱, 都有師傅煮埋俾你食.🍀 前菜: 蠶豆, 海老芋, 京人參, 黑豆. 炸芋頭比較出色, 外皮炸脆, 芋頭腍哂. 京人蔘, 即係紅蘿蔔, 爽甜.🦀 松葉蟹肉蒸蛋. 蟹肉鮮味湧出, 蒸蛋夠熱夠實淨, 加咗少少薑, 不俗.🐂 主角出塲, 第一片, 肉眼, 近江牛, A4 級別. 雪花紋平均, 入口溶化, 調味略甜, 就係 “壽喜燒” 嘅特色, 收貨!

📖 翻查資料: “近江牛” 係 滋賀縣 產嘅黑毛和牛, 400年歴史, 日本最悠久嘅食用牛, 與 三重縣 產嘅 ”松阪牛”, 兵庫縣 產嘅 “神戶牛” 並稱為日本三大和牛.🥬 蔬菜: 白菜, 豆腐, 麵筋, 冬菇. 蔬菜甜美入味, 又幫助解膩, 迎接下片牛肉.🐂 第二片, 西冷, 配兩粒 蒟蒻. 牛味升級, 調味濃厚, 開始覺得腬, 試下蘸生雞蛋, 味道拖淡咗, 相反, 配白飯相當出色, 問題係太飽囉.🧅 淡路島洋蔥. 據師傅介紹, 淡路島洋蔥冇咗辛辣味, 食落清甜.🐂 第三片, 牛肩. 醬汁繼續濃味, 肉味再重, 但分別不大. 由於脂肪比例少咗, 食落冇咁腬.🥢 蒟蒻絲. 類似粉絲, 入唒味, 掂!🐂 第四片, 又係牛肩, 理應最重牛味, 老實講, 不及打邊爐或者扒房嘅牛肉. 四片牛肉, 拉唔開層次, 缺乏變化.🐂 牛舌, 第一片較腍滑, 第二片較脆口, 味道大同小異, 由於簿切, 口感沒有預期中嘅驚艶.🍳 滑蛋牛肉飯. 新鮮炮製, 賣相吸引, 熱辣辣, 啱啱熟嘅滑蛋, 撈飯食, 可惜太飽, 食一半棄糊.🤗 麵豉湯. 加咗山椒, 用作解膩, 怪怪哋, 唔識欣賞.🍮 甜品: 果凍, 蕨餅. 完美結束!🤗 總結: Sukiyaki Mori “壽喜燒” 幾有趣, 值得一試, 但 $1000餐飯, 用餐體驗 交唔到功課. 可能人手不足, 服務唔夠溫度. 坐位逼夾, 貼實隔籬枱客, 加上油煙四起, 食完都坐唔耐. 烹煮模式相對單調, 視覺響受欠奉. 論食物, 牛肉質素不俗, 調味偏濃, Ok嘅, 但幾片牛肉層次變化唔明顯, 相反, 中間穿插嘅蔬菜新鮮, 種類豐富, 略帶驚喜. 最大問題係上菜節奏過急, 肥膩感令食慾驟降, 扣分. 下次再試其他分店.

用餐日期：2024/01/02
用餐時段：午餐
用餐費用(每人）：$107.5
餐廳環境：環境整潔乾淨 冷氣足 室內有不少座位 檯與檯之間闊落 坐得舒服
服務：服務員服務態度好 上菜出菜快 收碟及時 這家服務好的地方是每道菜是等桌上客人都食完收走碟後才出下一樣菜式 這是非常尊重客人的出菜方式 值得加分的地方
味道：點了轉轉燒羊肉配沙律+芝士圓薄餅+土耳其芝士糖絲甜品 午市沒包飲品 飲品熱/凍要另加$3/8

1-轉轉燒羊肉配沙律$75: 份量足 羊肉香口 這是可選沙律/飯/薯條 不好飯/薯條的可選沙律 沙律菜新鮮調味好 附上2款醬汁 也有另拿了2樽醬汁給客人自添 2款醬汁較推薦薄荷味的 如羊肉再熱些更好 整體味道好 推薦

2-芝士圓薄餅$72: 這個夠熱 餅底很薄 餅邊香脆 餅面有芝士番茄味道不錯 餅底如可厚些 餅面芝士多些味道會更好 上桌時發現有其中2塊的角缺了 觀感上很不好 也是這食物扣分的地方 希望店方會改善

3-加點的甜品 Kunefe土耳其芝士糖絲$78:
我在2009年一人去了約旦自由行 在首都Amman安曼當地人熱情推介下食了人生中第一個阿拉伯甜品Kunafa/Knafeh(Arabic：كنافة)對不好甜品的我是超級大的衝擊 因這甜品超級好味 鬆脆的薄餅面有糖醬+開心果碎粒 薄餅面下是有超多超多的芝士 餅切開時芝士成超長拉絲狀 味道是超級超級好食 是我在約旦自由行後至今14年最最想念的食物 可惜一直沒在香港找到一樣質素的 近來搜尋此甜品時發現了此店有提供同類甜品 便過來一試 我在門口特別問了服務員有提供此甜品才入內進食 這家的甜品名為Kunefe 外層夠甜脆 餅皮+餅底都不厚 餅面有不少開心果碎粉 餅中間有不少芝士 餅切開時芝士夠熱夠軟做到拉絲後果 味道不過甜芝士夠香軟整體味道很好 是較接近我在安曼時食的味道 如餅內的芝士再多些更好 推薦
總結：這家環境舒適 服務態度好 室內有不少座位 有播放土耳其音樂 午市客人不算太多 也沒限時 午市選擇不少也在同類餐廳中價錢合理 食物味道好 羊沙律和芝士薄餅選擇推薦羊肉沙律 這家午市價格沒包括飲品 如午市價格有包括熱飲品更好 是值得推薦的土耳其餐廳

自從11月歐遊回來持續發病了20多天最後竟然還要進廠休養修理😥，幸好冬至前身體勉強恢復可以與家人一同過冬，真是不幸中之大幸👍。

今天家中長嫂吹雞一同到故宮博物館4樓的「璟瓏軒」共進午餐，只因她和長兄剛剛於昨天來過吃午餐，感覺環境非常開揚，有落地大玻璃設計，還有270度的全海景，非常漂亮，所以希望與家人一同分享，家中有如此長兄長嫂感覺真的很幸福🥰。「璟瓏軒」 位於故宮博物館4樓， 從地下可以乘搭升降機直達，酒樓門面闊大，樓底甚高，頗有氣勢👍；而且酒樓室內間隔四正，呈倒轉L型，全部向海，視野寬廣；部份更新面向西九藝術公園連維港景色；內裡還有一個大禮堂可以作為讌會場地，環境確實一流，從這個角度欣賞海景比在101所看到的漂亮得多😍。由於我早到，所以先點了兩壺茶，普洱🫖和鐵觀音🫖，但服務員把兩壺茶放上枱面後我發現兩壺茶完全沒有識別的名字，於是我詢問這位服務員那一壺是普洱？那一壺是鐵觀音呢？如何分別呢？ 難道每次斟茶都要打開茶蓋看？(因為一般較高級的酒樓都有把茶葉名稱印在一個紙圈上並套在每壺茶的茶蓋部位，令客人容易識別)。

令我驚訝的是情發生了，這位服務員的回應竟然是：「對不起，我不知道那一壺茶是普洱或是鐵觀音，因為我從來沒有喝過茶的😱。」我還要教導她較深色的是普洱茶，較淺色的就是鐵觀音， 而且還要重複好幾次，最後這位服務員還是拿了一個白色的紙圈出來(上面巳印了其他茶葉名字的)， 我把這個紙圈反轉套在普洱茶的茶壺蓋上，好讓我們容易識別。這代表其實這家酒樓也有這個服務，我真的很奇怪普洱和鐵觀音這麼普通的茶葉為何紙圈都不足夠，而且欠缺基本訓練的服務員會令客人覺得不被重視😣。

而且那位服務員在未有太多客人到來前不停幫我們斟茶，我茶杯內已有九成滿，只喝了一口她馬上幫我斟，令我的茶差不多滿瀉， 我還要提醒她不用再幫我斟茶了；用膳途中請她在茶壺內加熱水，她竟然把我們枱上的白開水倒進茶壺內，不是應該拿入茶水間加入熱滾水嗎😤？暖暖的茶甚難喝哦😫！

午市有一人套餐(有三種價錢，分別$398/$538/$888)；另有假日美饌(價錢由$58至$438) ；還有聖誕餐，索價$1,288，不過我覺得這個餐單完全不吸引；午市點心紙一版過，種類包括有：蒸/燉；腸粉；煎/焗/炸；甜點；江南風味小吃；廣東燒味和午市粉麵等等。
這間酒樓主打新派粵式點心和創意菜色，所以相信酒樓花了不少心思在設計點心的名字上，點心紙內的點心名稱頗為奇怪，單看點心的中文譯名完全不知道是什麼？例如：藍天餃子(其實是雜菇素菜餃)；荷香鮑魚蝦乾鴛鴦米(是珍珠雞形狀的鴛鴦糯米飯)；龍鳳燒賣(是鮑魚燒賣/鱘龍魚子醬燒賣各一粒)；如意金魚餃(其實是豬肉蝦餃)；有雞先有蛋(是炸芝麻餃子及芒果布甸)… 等等，要細看英文名字才知道食物的真正材料。

曾經問過另一位服務員藍天餃子是什麼？這位服務員竟然回覆說：「對不起，我今天只是第一天上班， 我不知道。」O.M.G. 又是另一位欠缺基本訓練的服務員。今天一行八人，主要吃點心，再加上一些午市粉麵及廣東燒味。

前菜是一般酒店或高級酒樓都有提供的琥珀合桃，每碟$28，不過每碟份量都不是太多，因為我和二哥較早到達， 吃不到幾口已經差不多吃完。

假日茶位每位$25 (平日每位$20)
~ 鮑汁鳳爪(五隻)$78
首先上枱的是這一道鮑汁鳳爪， 看樣子非常不錯，有光澤，入口口感不錯，炆煮時間相當足夠，夠諗而且又不會炆煮過度而令鳳爪皮爛開，不過花生有嚼勁表示炆煮時間不足，但這一個鮑汁鳳爪仍是有很高分數，二哥不捨得吃剩的鮑汁，特意留下來作為其他食物的蘸料呢👍；~ 花旗蔘湯蝦餃 (兩件) 推廣價$56
第一次吃浸在湯內的蝦餃，寫食評看見點心名字才知道那些是花旗蔘湯， 可惜花旗蔘湯卻沒有任何參的味道🙁，只有一些鹹味，與上湯煎粉果的上湯味道差不多；蝦餃的顏色淺綠色頗為有趣，但吃進口內與一般蝦餃沒有分別，不見得有任何突出，而且把蝦餃浸在湯內根本是多此一舉，$56兩件還說是推廣價😲；~ 龍鳳燒賣(兩粒) 推廣價$52
一粒鮑魚燒賣，一粒鱘龍魚子燒賣，味道也只是一般而且燒賣size比一般酒樓的細，又是推廣價😲；~ 鱘魚籽蘆筍餃(兩件)$68
因我未能吃到，所以不知道味道如何，看樣子是不錯，應該味道也可以吧；但是看看這一個蒸籠，放了這兩件蘆筍餃還有那麼多空位，可以想像得到這個蘆筍餃的大小程度😤；~ 上湯鮮淮山肉球(三粒)$58
牛肉球偏細，反而配菜鮮淮山應該不錯，我看見不吃牛肉球的妹妹也把裏面的鮮淮山吃光啊；~ 黑毛豬叉燒包(兩個)$52
叉燒包相當迷你，而且只得兩個🙄；叉燒包裏面的餡料甚少，肉汁不夠，最差是叉燒包的皮入口竟然黐牙，完全不合格，甚至負分👎； ~ 璟瓏燕窩流沙包(每個)$38
我不喜歡吃流沙包，吃過的家人反映味道非常一般，燕窩份量當然很少，與黑毛豬叉燒包一樣細細個，包皮咬落黐牙，竟然自稱招牌流沙包，還收取$38/個，簡直離譜！😡
 (半山「川粵樓」的熔岩流沙包$48/3個， 視覺/味覺/價錢各方面都比這個好很多倍， 可參考我21/9/2023 關於「川粵樓」的食評)；~ 荷香鮑魚蝦乾鴛鴦米(兩件) $68
這個名字真的會誤導客人是粉絲加米粉，原來這是一個外貌與珍珠雞一樣，但內裏是兩種糯米飯，包住一粒像指甲般細小的鮑魚和一小塊冬菇，再用荷葉包裹着蒸熟的一道點心(蒸鴛鴦糯米飯)而已。

媽媽、長嫂 和妹妹相當喜歡， 覺得這一個點心沒有肉汁比較健康，但是長兄和我的老公卻更喜歡傳統的有肉汁的珍珠雞。而我自己覺得糯米尚算軟糯，不過那些紅色米卻有點硬，有沒有肉汁我覺得沒有所謂， 不看價錢，這個點心算是合格過關👌。~ 藍天餃(三件)$58
餃的外皮有帶有淺藍色，所以叫藍天餃 (辛苦曬想出這個點心名稱的同事👍)，其實這是一個雜菇素菜餃，是我喜愛的點心之一，餃子外皮晶瑩漂亮，味道也不錯，有三件算OK啦👍；~ 蔥油元貝鮮雲吞(五粒)$68
這一個雲吞賣相也可以，而且有五粒，在雲雲點心當中算是抵吃😅；~ 翡翠鮮蝦腸粉$68
鮮蝦部份入口欠鮮味，亦不覺彈牙，非常一般，且份量少；~ 翡翠A4和牛肉腸粉$78
即是牛腸，這一家酒樓很喜歡賣弄一些貴價食材以收取較高的價錢，所以這一個A4和牛腸粉就比鮮蝦腸粉貴$10一碟；因份量太少所以我沒有機會享用；~ 自家製一口蘿蔔糕(四件)$68
這四件蘿蔔糕的份量就等於其他酒樓一件蘿蔔糕分開四件的份量一樣，蘿蔔加粉都只是很平價的食材， 雖然蘿蔔糕上面有一些XO醬，不過再一次證明這家酒樓的小家程度😩；~ 避風塘脆炸魷魚鬚$108
普通炸魷魚鬚又不是太突出，味道亦不夠，不覺得可以收這個價錢$$$；~ 椒鹽九肚魚$128
同樣不夠味道，椒鹽味多一點會更好，份量亦偏少；~ 璟瓏招牌炸子雞(半隻) $268
不知道是否這個炸子雞因為去了骨所以感覺份量很少，招牌炸子雞也不見得有什麼特別，吃得出應該不是新鮮雞😖；~ 荷香金蒜龍躉頭腩蒸飯$248
這一個飯其實很多港式屋村茶樓都有的荷香籠仔班/龍躉頭腩蒸飯，只是這裏價錢貴了一倍，這一個飯份量算正常，可惜蒸飯的口感太硬，幸好不太油膩；~ 蝦頭油海皇炒鴛鴦米$238
這碟炒鴛鴦米 (粉絲加米粉) 口感不錯，而且不油膩，味道可口，只嫌廚師把蝦仁開了邊，原隻大蝦不是更漂亮嗎？帶子也是薄切，份量不多，另一小家的表現😣；~ 西班牙黑豚豚肉叉燒皇 $288
這是今天午餐最後一道菜，出乎意料的好吃，竟然是今天做得最好的而且全家人都滿意的叉燒。一整條叉燒，厚厚切開成為12件-13件，剛剛燒起熱辣辣，肥瘦均勻，入口鬆軟，夠軟夠腍，相當好味，可以媲美已結業的和昌飯店的鎮店之寶 - 炭燒叉燒，是全日之冠😋👍；「璟瓏軒」 這個名字很容易令人與四季酒店的米芝蓮三星「龍景軒」 混淆🤔，但前者食物質量卻表現太差，只會利用一些噱頭來收取貴價的費用，在遊客區，當然預計到收費一定貴，不過收得到這些價錢也應該提供一些高質的食物給客人才是；雖然廚部的出品較為正常，但可惜價錢偏貴，即使好味也覺得不值；而且服務員完全不合資格，沒有受過訓練，好像隨便請一些替工回來應付客人似的，以這個價錢在尖沙咀區實在可以有更好的選擇！

總的來說「璟瓏軒」 食物質素相當參差，做得差的食物比屋村酒樓更差，而且點心一般只有兩件，份量少而且 size 全部比一般酒樓提供的細了一個碼，對比五星級酒店收費，確實不值。貴價酒樓/酒店的中菜，我也吃過不少，如四季酒店的「龍景軒」，鷹君酒店的「唐閣」，香格里拉酒店的「香宮」，灣仔的「灣悅.賞」/「明閣」 ，半山的「 川粵樓」 或已結業的「和昌飯店」，價錢也是貴價，但是食物的質量、味道和服務都遠遠勝過這裏很多。

由於位於故宮博物館4樓，地理位置極佳，環境亦相當舒服，方便參觀完博物館的遊客到此用膳，莫非因為遊客沒有回頭，所以這家酒樓的食物質量如此差勁呢？相信來過一次的客人也不會再回頭，我本想給一個劣評，不過這家酒樓在環境方面的確取勝，而且叉燒皇得到滿分。這家酒樓確實有很大的改善空間， 期望將來會有更好的表現，可以幫香港挽回一些面子。希望不會在小紅書和大眾點評看見這家酒樓的負評😖。

幸好今天只是一般家庭聚會，否則若是因為節日慶祝或生日飯，大家都會非常失望；結帳後趁着有溫暖的陽光天氣也不是太冷，一家人一同前往西九藝術公園內的聖誕市集逛了一會，也在聖誕樹🎄下共同合照，高高興興的迎接聖誕🎅的來臨🥰。

土瓜灣這個地方真的鮮有到訪過，因為早前學車的關係多來了這個地方，順道把收藏良久的餐廳吃個夠，這間以懷舊主題，主打和牛的就是其中之一


火炙燒肉定食 $348
來這店就是衝著她的石垣牛而來！店家嚴選沖繩石垣雌牛極上優質部位，而且標榜牧場直送保證新鮮！這款牛的口感更加細緻，和牛切成薄片再用火炙方式處理班半熟狀態，上菜時仍是粉嫩的，店員千叮萬囑要快手打卡不然就錯過最好吃的時機！事不宜遲要放入口，完全入口即溶，雪花分布均勻油脂豐腴，牛味濃郁也多肉汁，火燒過令味道更突出！白飯也絕對不能錯過，全因石垣牛的肉汁跟油份滲透到飯中，令平凡的白飯變得香口惹味！怕膩嗎？細心的店家早已準備了柚子汁一併奉上，酸甜的味道中和了油膩感而變得清新啊～ 除了石垣牛丼飯，定食還有薯仔沙律、蕃茄漬跟味噌湯，味道絕不馬虎每款味道獨特好吃，薯仔沙律加入玄米脆脆增加口感、番茄漬用話梅醃製更開胃，味噌湯亦帶微微酒香！吃得出廚師對每款食品的用心，不過份量方面說實話是偏少，加上定價不便宜，想要來光顧就要看大家覺得是否值得了


【季節限定】士多啤梨楊桃鮮打冰茶 $56
想喝一杯但沒有想法，店員就推薦這杯季節限定～ 用上新鮮的士多啤梨跟洋桃製成的水果茶，沒有添加糖份但味道清甜，士多啤梨味偏重相反沒有太多洋桃味（應該是我太少吃洋桃的關係對它的味道沒太大印象），加上啖啖果肉，配和牛定食非常適合！想到訪這店的另一個原因就是店家懷舊又滿有特色的裝潢！位置來說稱不上便利，距離地鐵站有點遠，巴士站也要走一段距離，所在位置就是一堆老舊樓宇的最外圍，門外裝潢也跟著一起的古舊，有點像五、六十年代的西餐廳一樣，走進店內就像去到另一個星球、宇宙般，店內一事一物都有其獨特的美學跟歷史，完全是老香港古典色彩，是滿滿優雅又充滿時代感的氛圍！每樣裝飾品都想好好欣賞，單是收集跟保養這些舊物已經不得了～ 甚或連食物的用碟、擺盤都非常精緻，想打卡的話絕對沒來錯，不過用餐的話的確需要認真考慮

Soy Egg 🥚同9 Flag 🏳️有屋企人生日🎂 緊係要食餐好啦😍 社交平台見到好多人介紹依間隱世🌍精緻性價比高💲既文苑飯莊🍚 雖然價錢唔平 但睇相片同comment 好似都幾好咁😍 為左屋企人食個開心生日飯 貴一貴都俾啦💸💸💸

必試: 桂花片皮鴨🦢 文苑飯莊炒飯🍚 陳皮紅豆沙🔴 懷舊芝麻卷🖤

價錢💰：人均$800

是但總結: 食之前俾D隱世呀🌍 精緻呀 性價比呀💲 推到個期待值去到天花板🏠 入到去裝潢又幾靚咁 心諗一定無死錯人啦🤔
點知D食物唔係好回應到個期待值😟 火侯🔥食材都處理得唔錯既 但調味👅真係弱項 一係過甜一係過咸😟 整體唔係難食 但CP值絕對唔算高💲 短期內應該都唔會回訪😟

是但食評🌟💬
✰環境😍古風 寬敞 舒服😍裝潢唔錯 係有種奢華感💃
樓底好高 即使吊晒D大燈籠燈都唔覺壓逼🏮周圍都係木色同白色為主 🌳⚪️
成個感覺典雅得黎不失modern 感
成個環境簡潔企理 枱與枱中間好寬敞🪑
坐得好舒適😍
staff 都好好禮貌 會主動跟進我地上菜速度
問我地對食物既意見 感覺好良好😍

✰蘋果蜜餞雞肝撻 ($128 /4件) 🦆 小小過乾🙂雞肝小小乾😟
撻皮係脆脆果隻 都幾夾成個菜🥧
如果厚既撻皮可能就會有飽膩感🥧
雞肝下邊有D青瓜同青蘋果粒 中和雞肝既膩感 幾好🙂

✰龍眼蜜餞金蠔 ($218 /4件) 🦪 甜到蓋過左金蠔既鮮味😟金蠔本身處理得幾好👍
唔會腥 外邊夠乾身 入邊濕潤💦
可惜個人覺得D蜜落得太多🍯
遮左金蠔本身個鮮味🦪
食落得個甜字🐝

✰蜜汁叉燒皇 ($138/5件) 🐷 咸左小小 甜左小小 可惜🙂半肥瘦 岩岩好🙂
燒得幾好 有小小焦香🔥
食落唔會乾噌噌仲係好juicy💦
口感十分好😋
但又係調味有小小重手 有小小過咸同過甜😟
唔係好食到豬肉本身既肉香🐷

✰桂花片皮鴨($560) 🦆 烤鴨 配料同包皮都做得好出色 😍隻鴨烤得好好 一上枱 每一片鴨都閃閃令✨
咬落去 D油香爆出黎 超級香😍
每一片都酥脆鬆化😍
佢既配料除左基本既青瓜🥒 大蔥絲同烤鴨醬🦆
仲有哈密瓜🍈 韓式醃蘿蔔🥕 蒜泥🧄同桂花糖🌸
桂花糖唔係好feel到有桂花味 得甜味🐝
哈密瓜可能唔當造 唔係好香 包左入去都無咩特別🍈
反而蒜蓉既香辣味🧄 同片皮鴨夾埋一齊又幾驚喜😍 
同醃蘿蔔一齊食都好好 中和左d油膩感 感覺幾新鮮🥕
包鴨既皮都厚薄適中 保留小小彈性 唔會過乾 十分好😍

✰崧子仁金蠔鴨肉生菜包 ($168) 🦆🥬 乾 乾 乾 乾 乾🤢生菜剪到一口size🥬
D肉已經放晒係生菜上邊
唔洗好似出邊食生菜包咁
食一半 跌一半😋
但係唔知做咩炒到D鴨肉十分乾💨
金蠔既味唔係好食到🦪
好似食左一個生菜兜住一堆好乾既肉乾咁🤢

✰九層塔酥炸金沙廣島蠔 ($208) 🦪 九層塔搶晒咸蛋味既風頭🙂每隻蠔都飽滿 大粒🦪
食落唔會腥 都幾鮮
火喉掌握都岩岩好🔥
外脆入邊juicy💦
咸蛋味好似俾九層搭搶晒🥚🌿
完全唔夠咸蛋味🥚

✰陳皮欖角脆鱔球 ($268) 🐟 甜 甜 甜 甜 甜 甜😟廚師既火喉掌控功力係幾好🔥
鱔球炸得好好 外邊夠脆 掛晒D汁🐟
咬落去好嫩滑 魚油香鎖住左係脆衣入邊👍
但味道上都係唔多岩我胃口😟
陳皮唔夠香 食唔到陳皮果種甘香醇厚🍊
欖角味都唔出 無咩欖香味🌿
成碟菜得蜜汁既甜味🐝
味道上完全無層次可言😟

✰蒜香海蝦粉絲煲 ($338) 🧄🦐 粉絲唔夠味🙂海蝦好爽彈 鮮甜🦐 
單食蝦好好食🦐
粉絲都炒得幾乾身 幾好😋
但係粉絲完全唔夠味😟

✰家鄉艇家常炆豆腐 🍲 ($158) 咸香惹味😋豬肉幾香 唔知係唔係加左D粉落去D豬肉到🐷
食落有小小似牛肉球既口感
入邊仲有D蝦肉 成個菜既口感都豐富既🦐
本身淡味既豆腐配個惹味既汁係幾正😋
但食多2舊，就會覺得個汁太咸🙂

✰文苑飯莊金牌小炒皇 ($208) 超級蝦 好鮮味但同時好咸🙂一上枱已經超香😋
都幾足料 入邊好多蝦球🦐 蝦乾🦐 櫻花蝦🦐
每一啖D蝦味都湧出黎🦐
蝦球爽口彈牙 熟度剛剛好😋
D韮菜都好嫩🥦
但唔知唔係太多蝦乾同櫻花蝦既關係🦐
成碟菜都幾咸下😟


✰文苑飯莊炒飯 ($338) 🍚 好食 終於有碟咸度岩岩好😍一個炒飯要賣到三舊水 係要有D gimmick 既🎩
個staff會推架餐車出黎🚗 上邊有晒所有配料同一大個砂窩🍲之後就會係你面前炒下炒下👋👋
大家唔好expect 有D咩好睇 佢就係會係到密密炒👋
唔會有D咩互動 唔會落酒著晒火咁🔥 又唔會拋鍋果D🍲
個人覺得幾無謂 心諗做咩唔炒完先拎出黎😂
咁樣唔係仲有鍋氣 仲好食咩🔥
雖然個表演係無咩睇頭😂
但個味道係成晚平衡得最好既一碟⚖️
食落有瑤柱味🐚 蝦米味🦐同金華火腿味🍖
咸度岩岩好之餘仲幾有層次
D飯粒粒都金黃色 食到蛋香🥚又夠乾身
入邊仲有蝦🦐 帶子🐚 櫻花蝦🦐 瑤柱🐚
好食又足料😍

✰陳皮紅豆沙 ($38) 小有起沙紅豆沙😍個紅豆沙起晒沙 好正🏖️
甜度個人覺得可接受
食食下D陳皮味會慢慢出黎 好食😍

✰雲石馬豆糕 ($37/3件) ⛰️ 濃椰香 好滑 好食😋好鬼靚 整到有D雲石花紋係面😋
食落好濃椰香味 都幾滑溜🥥
馬豆可以再腍小小
但overall都好食既😋

✰擔仔砵仔糕 ($39/4件) 🍵 香滑 大大粒紅豆😋香軟黏滑 唔會太甜😋
唔會實的的😋
D紅豆大大粒 軟硬岩岩好🌱

✰懷舊芝麻卷 ($37/4件) ⚫️ 芝麻味超香 簡單直接既好味道😍佢係香滑既芝麻卷⚫️
唔係煙韌果隻😋
一食落去 濃郁馥香既芝麻香充斥住成個口腔👄
唔會太甜 食多舊都唔會太膩😍

🎐幾耐無同過阿妹出街食飯，梗係搵返間就佢個頭㗎啦。荃灣商場食肆林立，荃灣西的商場迷宮連接左四五個大型商場，真係有排揀。最方便梗係荃灣西地鐵站上蓋連接的「海之戀」商場啦！📌地鐵站電梯一出入海之戀商場就見到呢一間咁大間的日式西餐廳《Peko Peko Eatery》，熊妹最鍾意餐廳坐得係舒服。📌餐廳環境真係好大，有分室內同室外。室內嘅設計用上木系裝潢，再加埋中間仲有樹木花草🌴做襯托，成件事係行田園風🎋，感覺好清新活潑，在綠油油的環境進食，感覺都特別醒神✨。📌而室外就係一大片露台，環境比較摩登，以銀色白色枱凳製造時尙嘅效果，室外的環境比較開陽，望住出面汀九橋的景色🌇，環境已經加晒分，食慾都為之一振🫠。📌餐牌有各款美食嘅提供，有前菜小食到沙律到主菜到意粉飯類同甜品乜都有，用着西餐嘅材料配合日本美食文化細膩的烹調，確實係一間好精緻的日式西餐廳。布里芝士配酸種麵包，$138
📌先點個餐前小食，熊妹望到餐牌，一見到呢個布里芝士配酸種麵包，二話不說一定要點。
呢款布里芝士配酸種麵包味道真係歎為驚人！首先個白色布里芝士上面擺放住用紅酒醋烹調的櫻桃茄🍅，再以四塊酸種麵包做襯托，同埋一大堆唔同種類雜田園野菜做伴碟，成個賣相七彩繽紛🎨，已經令人食慾大增🤤！呢個布里芝士真係不得了！外面嘅芝士皮包實入邊熱熔芝士🧀保持住半熟狀態，輕輕切開，半熟嘅芝士已經慢慢流出，但仲係保持一個半凝固嘅狀態，而唔係水狀。切開八分一件半熟布里芝士放上酸種麵包上面，淡淡的布里芝士連埋用紅酒醋烹調嘅櫻桃茄🍅係非常之夾，加入咗蜜糖汁🍯大大降低櫻桃茄的酸味，更能調出芝士嘅鹹香味，食落係偏甜帶丁點茄酸味，再連埋硬身的酸種麵包🍞一齊食，各款材料都係完美配搭，係一款超級美味的餐前小食。另外伴碟有一大堆炒熟嘅田園野菜🥗，入邊有西蘭花🥦、椰菜花、紅蘿蔔🥕、蘆筍🫛、蕃薯頭等等五齊種顏色的蔬菜，蔬菜選材好新鮮，食落去好爽身，好新鮮嘅菜味，加入調味料炒到好香，食到五六種不同的營養素，再加埋含有多元不飽和脂肪酸的核桃，各大類食物營養素都有齊，呢款小食美味又健康，真係每次嚟都要encore。香烤挪威三文魚配青豆薯蓉，$238
熊妹同阿妹好鍾意食三文魚，閒時喺家裏都會自己買塊三文魚扒嚟煎做晚餐。
比起鋸扒，三文魚🐠更高營養價值，有豐富嘅Omega-3，可以降低膽固醇，預防心臟病，有助腦部發展。呢份三文魚嘅擺款簡直係一份藝術品，一條橙色鮮艷嘅三文魚柳，旁邊擺放着一條紫蕃薯根，然後有一堆炒香嘅粟米粒🌽，跟住就係青豆薯蓉🫛，橙橙黃黃綠綠，好切合餐廳嘅主題-田園風🌾。三文魚煎到好熟透，熊妹就係喜歡呢種熟度。三文魚表皮煎到有脆面，煎開三文魚的熊妹知道，成塊三文魚魚柳係慢火煎烤的過程中，會煎出三文魚油，所以表面可以煎到金黃脆面，而且令到成塊三文魚都好零身，食落去啖啖肉，好香嘅魚油味，好似食緊啖啖Omega精華。伴碟的粟米粒炒香過好有調味，青豆薯蓉打到好細膩，好重草青味，感覺纖維質超高，呢款煎三文魚又一健康之選。👍🏻蒜香海蜆意大利麵（忌廉汁），$128
食完小食，食完主食，再食多款麵食，夠飽滿喇。
蒜香海蜆意大利麵可以揀忌廉汁🍼或者茄汁🥫，阿妹話忌廉汁奶油味比較襯啲，好，一於聽佢話！忌廉汁真係好杰身，每一條意粉都掛上滿滿的忌廉汁，食到成咀都係，就算食到最後啲意粉食晒，都仲有一堆忌廉汁係碟內。
意粉份量都幾多，意粉的質感唔係硬身嗰款，所以比較容易入口。蒜香同忌廉汁嘅味道好夾，鹹鹹的蒜香同奶油忌廉汁配搭，再出海蜆的鹹味🦪，食到阿妹舔舔脷。👅Matcha Latte，$42
📌作為抹茶熊的熊妹，又點會放過Matcha Latte呢？
驚喜喎！首先，係用上京都山政小山園抹茶粉，京都呢個抹茶之都出品的抹茶肯定有保證，而呢個牌子出名都不用多說。果然抹茶味道甘醇，抹茶苦澀之中撞落淡淡的牛奶味，有點回甘茶味留喺口腔中，所以名牌真係名牌，無可挑剔。而驚喜的地方係呢杯抹茶面頭重鋪滿咗啲士多啤梨乾碎同開心果碎，酸酸甜甜的士多啤梨乾🍓放喺面頭，入口嘅時候連埋一呷抹茶拿鐵飲帶多少少酸甜味，喺苦澀嘅抹茶拿鐵中帶點甜味，綠中一點紅，苦中一點甜。Hojicha Latte，$42
📌阿妹見熊妹揀咗抹茶拿鐵，自己就揀咗杯焙茶拿鐵，比拼一下。🆚
咦！呢杯Hojicha Latte真係同Matcha Latte有唔同喎！Hojicha Latte可能係因為焙茶嘅苦澀味太重落多一點甜變成比較甜一點，焙茶嘅茶味比較濃，而唔係抹茶嘅回甘味，焙茶即使沖牛奶🥛都繼續有好重嘅茶味，係一個好重茶味的茶味拿鐵！📌圓滿啦！這三款美食加兩杯精緻的飲品，就形成西式同日式結合的化學效果！讚！

😱 近期工作瞎忙, 返 6am 放零晨12am, 第二日又返 6am, 仲有一晚 2am 離開公司, 6am 返到公司, 剩抵半條人命, 與老友 “意大利長介” 約定嘅 “廚師發板” 由復活節改到中秋節, 又由中秋節改到聖誕節.

🥰 忙完, 就緊係病, 同埋還飯債, 今日帶病上陣, “長介” 選址 “鮨定山”.

🥢 餐廳位於上環商廈一樓, 主館設一張正L型十人壽司吧枱, 裝修格調和諧舒適, 另設一間細房. 晚餐一款 $1,788+10%, 包括 6款刺身, 11貫壽司, 卷物, 湯, 甜品. 另加清酒 $680+10%. 今晚 Bxx 師傅一打四.

🐟 刺身
秋刀魚
海鰻魚
香箱蟹
鮟鱇魚肝
生蠔
剝皮魚剝皮魚肝

🍣 壽司
石鯛
金目鯛
赤貝
中拖羅
車海老
鰤魚
海膽
O-toro
喜之次
鯖魚
太卷
玉子燒

🦀 大閘蟹焗飯
🐟 魚湯
☕️ 咖啡🍪 鱈魚乾. 佐酒小食, 夠乾夠脆, 配屈機醬, 食唒!🐟 秋刀魚. 非常肥味, 魚味濃郁, 以細切蔥粒調味, 絕配秋刀魚, 又冇薑蓉版本咁搶味, 有今生冇來世, 出色!🐟 海鰻魚. 魚皮燒脆, 肉質唔夠爽彈, “長介” 解釋: 海鰻係咁㗎喎! 🦀 香箱蟹. 賣相攪笑, 蟹肉蟹籽冇乜味, 要撈埋蟹膏一齊食, 調味偏弱, 相對失色.

📖 翻查資料: 香箱蟹即係松葉蟹乸, 主要食內子同埋外子, 內子即係蟹膏, 外子即係蟹籽. 傳統懷石料理中, 師傅先取下內子外子, 再連同蟹腳蟹身嘅肉一併釀回蟹殻供客人享用. 由於貌似寶石箱, 取名香箱蟹.🤗 鮟鱇魚肝. 忌廉口感, 味道濃郁, 配酸醋啫喱, 冇咁腬, 結合芥茉, 加咗層次同埋複雜性, 驚喜之一.🦪 生蠔. 中度蠔味, 冇乜海水金屬味, 唔係大隻, 但夠厚肉, 一咬落去, 嘩! 非常清爽, 口感細緻, 十個讚!🐟 剝皮魚剝皮魚肝. 據師傅介紹, 剝皮魚即係沙鯭, 本身冇乜味. 剝皮魚滑捋捋, 黐唒魚肝, 味道豐郁, 一流.🍣 石鯛. 少少膠口, 煙煙韌韌.🍣 金目鯛. 油香油脂非常豐富, 咀嚼時慢慢滲出, 十分精采.🐚 赤貝. 大隻厚肉, 口感澎湃, 一陣海水鮮味, 不俗.🍣 中拖羅. 柔潤肥美, 醬油甘香, 魚味濃郁, 我鍾意!🦐 車海老. 半生熟, 火候啱啱好, 表面係生蝦滑捋捋嘅口感, 咬落爽身彈牙, 一啖入口, 非常澎湃, 蝦味湧出, 贏晒!🍣 鰤魚. 微微炭燒, 香味撲鼻, 油脂滿溢, 入口略帶酸味, 有趣喎! 係我食過最好食嘅鰤魚版本. 師傅介紹: 食鰤魚就係要食呢種酸味.🐚 海膽, 北海道黃馬冀. 份量慷慨, 忌廉口感, 冇怪味, 哈.🍣 O-toro. 野生拖羅, 熟成處理. 出奇地, 雖然脂肪多, 魚味唔弱, 又唔肥膩, 十個讚!🐟 喜之次. 師傅話喜之次冇乜魚味, 主要食油脂. 係喎, 經過炭燒, 魚油豐富, 肉質嫩滑, 真係一件夠了, 多件搞唔掂.🍣 鯖魚. 超級厚肉, 魚多過飯, 唔玩醋漬, 玩炙燒, 逼出油香, 魚味突出, 原來鯖魚可以咁肥美.🦀 大閘蟹焗飯. 大閘蟹季節, 以公蟹膏肉焗飯, 誠意之作. 一路食一路懷念 “成隆行” 嘅 “禿黃油撈飯”, 鮨定山嘅大閘蟹焗飯調味簡單, 有飯香冇膏香, 比下去了.🍙 太卷. 鮨定山招牌太卷, 材料多樣豐富, 京蔥味道跑出. 🍮 玉子燒. 口感軟綿, 正常發揮.🐟 魚湯. 遠距離已經聞到魚湯味, 少少渴身, 呈奶白色, 熱辣辣, 飲落超強魚味, 掂!☕️ 咖啡. 完美的結束!🤗 總結: 今晚兩枱客, 服務貼心到位, 感受到誠意同埋溫度. 魚料食材新鮮高質, 調味烹功一流, 某幾道菜唔識欣賞, 但多款驚喜菜式, 包括 鮟鱇魚肝, 剝皮魚, 中拖羅, 車海老, 鰤魚, O-toro, 鯖魚. 上菜節奏舒適, 師傅有問必答, 用餐體驗愉快.