影片
港鐵荃灣站 A1 出口, 步行約5分鐘
繼續閱讀
營業時間
今日營業
08:00 - 20:00
星期一至日
08:00 - 20:00
以上資料只供參考, 請與餐廳確認詳情
相關文章
店舖貨品種類繁多而且價格親民，由港式麵包、手工曲奇、人氣敲敲生日蛋糕、甜品、零食甚至賀年食品(例如手工蛋卷、笑口棗、牛耳、角仔等）都一應俱全，一站式搞掂晒早餐下午茶零食同特別日子，夠曬方便。-🌕開心果麻糬QQ球 $18激推！麻糬QQ球質地真係冇得頂，煙煙韌韌好𡁻口，而且size較一般連鎖店大，唔會唔夠喉！面層塗上一層開心果醬之外仲沾有滿滿開心果碎，非常足料。🌕肉鬆怪獸波 $15另一大推！表層沾滿紫菜肉鬆，內層有拉絲芝士，麵包鬆化有咬口，配料鹹中帶甜唔會膩，沙律醬唔會太多，食落又唔乾﹐口味大眾化，連屋企老人家都話好食。🌗麻糬曲奇🍪 $58曲奇共有八種口味，分別為伯爵茶、焙茶、泰式奶茶、抹茶、開心果、特濃朱古力粒粒、朱古力榛子脆脆及芝士味,每盒有四件曲奇, 口味隨機。今次我試嘅係伯爵茶、開心果、朱古力榛子脆脆、芝士味，當中較為推介伯爵茶味，一打開就聞到撲鼻而來嘅伯爵茶味，食落口味清爽，唔會太濃太甜。麻糬曲奇最緊要嘅就麻糬！呢個麻糬夠曬軟糯，搣開嘅時候有拉絲效果，買完放左一日依然Keep 到！🌗朱古力麻糬布丁蛋糕 $48朱古力蛋糕味道稍甜，適合多人分享；布丁偏流質，切開時會流到蛋糕表面，令蛋糕更加濕潤，味道唔會太甜，如果想食較為挺身嘅布丁質感，可以考慮先放雪櫃待其凝固（未知是否成功，因為蛋糕瞬間清空）；麻糬份量較少，主要集中放中間部份，口感上同蛋糕唔太夾，不過麻糬沾滿布丁醬黎食係幾唔錯。🌖手工蛋卷 $55蛋卷每層較厚﹐質感偏向蛋撻嘅牛油皮，充滿牛油香同蛋香，味道簡單純粹。🌖焦糖爆谷🍿 $28內有蝴蝶型同蘑菇型爆谷，以蘑菇型為多，每粒爆谷都沾有焦糖，而且全部都充份爆開，唔見有未爆開硬磞磞嘅粟米粒~如果可以推出海鹽焦糖味，令味道嘅層次更豐富，相信會更加令人欲罷不能，一口接一口停唔到落黎。
繼續閱讀
行完「南豐中心 」，就順便穿埋過去行埋「荃錦中心」 ，途經呢間包餅店「Fresh Fresh Bakery」，見企滿人，就睇吓咩料，原來除主打好些麻糬波波之外，仲有好多聖誕產品，睇落唔貴，今晚又約咗屋企人食飯，咁就啱晒啦。先晌鋪面嘅凍櫃望望，擺放咗好多蛋糕、凍餅，賣相漂亮，更不乏慶祝聖誕嘅款式，非常吸引。而側邊就喺寫到明「做到抽筋」嘅手工曲奇，同樣又喺款式多，口味特別，有大盒裝，亦有小盒聖誕裝，啱晒當小禮物送俾人。其實晌外面都見到裡面人頭湧湧，都好難先等到人少啲影番幾張環境相，一次過影晒有咩產品俾大家參考吓。主打喺啲麻糬波波，口味眾多，佔擺放範圍最大，其次仲有好多個裝麵包、聖誕產品、戚風蛋糕、卷蛋、冬甩……等等，琳琅滿目。揀吓揀吓，結果揀咗兩大袋，樣樣都要啲，有曲奇，有冬甩，有麻糬波波，又有麵包，可謂滿載而歸！雜錦曲奇禮盒 $128呢一盒大大盒雜錦曲奇只賣$128，覺得抵，買嚟送俾老友當聖誕禮物真喺啱晒，或者開派對一齊共享亦喺好選擇。一共有9款口味，睇見都開心，包括腰果咖啡、抹茶杏仁、伯爵茶南瓜籽、朱古力杏仁、薑味杏仁、烏龍茶腰果、Oreo柯華田、手唧開心果、M&M朱古力豆，除味道各有特色之外，口感有啲喺鬆化嘅，有嘅喺脆口嘅，而且，甚富牛油香。聖誕派對焦糖爆谷 $28呢個唔使講，一定喺買嚟𠱁小朋友最好不過啦，小熊造型加埋冷帽，外型已經好搶鏡。偷偷試番粒，真喺幾得喎，一來卜卜脆好脆口，二來充滿焦糖香。聖誕曲奇 $28 細細盒聖誕老人外形，又喺啱晒送俾小朋友，而呢個喺一盒有5塊色彩繽紛嘅曲奇，各有不同造型，聖誕樹呀，雪花呀，雪人呀……等等，非常可愛，脆口少甜，其實，味道都變得其次。聖誕迷你蛋糕仔冬甩 $50 / 5個大包圍人人都有份收禮物，迷你冬甩仔就喺絕佳之選，一來每個獨立包裝，更易分開送俾人，二來個包裝完全喺聖誕樣，更具氣氛，原來$12/個，$50/5個，當日促銷仲有買5送1。每個冬甩仔嘅味道同賣相都唔同架，又加咗好多裝飾上面，口感亦唔錯喎，微微濕潤唔會太乾，又帶點煙韌口感。開心果麻糬QQ $18除咗當聖誕禮物，亦揀啲自己食，開心果口味嘅嘢，喺老婆嘅至愛，買番去當下午茶。烘焗番，包身更加軟熟，而面頭嘅開心果仁更香口，味道突出，開心果仁底下嘅麻糬果然QQ。拉絲芝士波波 $25另外，因為見到佢哋主打麻糬波波，亦試咗好幾款，不過，揀嘅時候無為意，呢個芝士無麻嘅，不過翻熱番，裡面嘅芝士溶透一樣好拉絲，仲混有粒粒芝士粒，芝士味極之香濃，好食。南瓜麻糬波波 $25 呢個南瓜波波就有麻糬喇，而且，好足料，南瓜蓉又多又清甜，麻糬亦多，煙煙韌韌，加上包身好軟綿綿，烘番熱真喺超好食。抹茶紅豆麻糬波波 $25抹茶、紅豆喺另一組唔好錯過嘅組合，包身加入抹茶，咬落確喺有淡淡抹茶香，而裡面有超多紅豆蓉，清甜軟滑，跟煙韌QQ嘅麻糬都好夾喎。裸麥合桃提子歐軟包 $21 揀呢個就專登作為第二日嘅早餐，包心睇落唔算話有好多提子及合桃，然而，咬落好有煙韌口感，包心密度高，所以，唔似港式或日式包咁，行鬆軟路線，一陣風咁就食完，沖泡杯咖啡，食佢幾片，當一頓早餐啦。 今次一口氣試咗店家多款產品，除咗大個裝蛋糕之外，都算喺試得全面，整體而言，包餅都做得出色。
繼續閱讀
放工時見到很多人排隊購買，忍唔住入去睇吓，想不到我在麵包店一樣買到失心瘋🤣🤣。🔸拉絲芝士波波芝士餡中還有芝士粒，芝芝不停🧀🤩香軟得來鹹香味十足，芝士控必愛。🔸朱古力麻糬波波真係冇得輸‼️叮熱2秒，朱古力流心醬滿瀉，配上煙靭的麻糬，口感十分豐富。🔸OREO麻糬QQ球新口味味道不錯😍Oreo 配麻糬，真的好Q軟🔸隕石髒髒包 佈滿朱古力粒粒、朱古力醬及朱古力粉，多料到必然會弄髒，唔怪之得叫髒髒包🤣髒髒得嚟幾開心。味道濃厚，食落層次非堂多😍。🔸肉鬆怪獸波爆多紫菜肉鬆鋪面，內有拉絲芝士麻糬餡，鹹甜交織，超級美味。🔸開心果 /榛子脆脆/ 芒果/芝麻糯米糍糯米糍皮薄爆餡，芒果流心😍，芝麻及開心果香氣十足，真的好食到停不了手。🔸焰燒芝士蜂蜜蛋糕軟綿綿得來帶點濕潤，非常鬆軟，有淡淡的甜味，下午茶時間食一件配上靚咖啡，一流。🔸焦糖布甸蛋糕驚喜度十足。外面係焦糖布丁，入面有煙靭麻糬，再配埋餅底的朱古力蛋糕，一次過滿足你三個願望，正‼️🔸曲奇禮盒 做到手抽筋的手工曲奇，超多口味可供選擇，最啱心大心細的我🤣。我選了斑斕、士多啤梨、朱古力豆、開心果、咖啡、燕麥、紫薯合桃及抹茶杏仁味❤️。鬆化又不油膩，食多幾件都冇負擔。最緊要包裝勁靚，用來送禮也不錯。🔸帝王蛋捲（香濃咖啡味）咖啡味濃厚，蛋卷鬆化，甜度剛好，屋企人超鍾意。🔸奶茶早餐需要醒神奶茶，以優惠價加配，質素不俗。整間店洋溢着溫馨親民的氣氛，產品設計很可愛，如此高質，必須推介大家。
繼續閱讀
近來香港烘焙麵包店熱潮不斷，不少主題特色的麵包店亦推出招牌甜點，甜品蛋糕為人所追捧，眾人紛紛投入烘焙麵包店的懷抱。本土更有多間特色烘焙推介，其中來網絡大熱麵包店 - Fresh Fresh Bakery 簡品堂，為一眾麵包迷歡呼！😋身為麵包迷，點會錯過本土精緻烘焙麵包店。😆我哋私心推介🔹曲奇禮盒：。🎁一盒中包含九種口味曲奇：原味牛油、香滑咖啡、Oreo曲奇、朱古力粒粒碎、心心士多啤梨、斑斕、南瓜籽開心果同m&m等。口味繁多，讓大家能夠感受多重美味的樂趣。大愛禮盒包括鬆脆可口的「南瓜籽開心果」、鬆脆濃郁的「Oreo曲奇」，牛油香味好濃郁。🔹🍫隕石髒髒朱古力包😍：香滑甜味的濃厚朱古力，朱古力迷必試，注入香滑濃厚的朱古力餡料，配上外層oreo碎同可可粉是完美配搭，讓香脆嘅朱古力包變身成為甜點，為你帶來絲絲甜意，口感層次更加提升🔹糯米糍開心果、🌰榛子脆脆口味糯米皮軟熟煙靭，外皮口感滑溜，少甜唔會有太大罪惡感🔹朱古力麻薯QQ球濃濃朱古力風味，外脆內軟Q口感讓人忍不住一口接一口~好好吃～🔹朱古力瑞士卷美味的冷凍蛋糕卷，質地濕潤，朱古力香醇🔹原味小蛋糕口感鬆軟的杯子蛋糕份量適中，味道香甜又不會太膩，當作早餐或下午茶亦是不錯的選擇。🔹 帝王蛋卷酥脆微甜的💚抹茶蛋卷牛油與蛋香相互融合，獨特滋味讓您一試難忘🔹飲品🥤港式奶茶茶香細膩充滿層次感，奶香濃郁，口感絲滑帶有獨特絲絲苦澀味，不會死甜荃灣分店喺荃錦中心，地點好方便～ 店舖好多人，放工要買就快手。
繼續閱讀
話說因為屋企有幾日都唔會煮飯食🥹所以就買咗一大堆麵包翻去充飢幾日😂😂係荃灣行街見到Fresh Fresh麵包舖😮心諗點解咁熟口面先記得原來好耐之前佢係喺南豐中心入面 喺南豐中心舖嘅時候我都已經好鍾意佢哋嘅蛋糕同麵包😋 之後見到冇咗間舖都喺度諗緊點解會無咗㗎🥹俾我發現咗原來佢唔係冇咗係搬咗去荃錦中心😮見到勁開心即刻掃咗勁多麵包翻屋企充飢😂所以呢幾日比麵包包圍着咗😂😂之前妹妹食過佢嘅麻糬波波話好好食即刻試吓 介紹幾個我食過覺得好食嘅俾大家🤣📌開心果麻糬QQ球妹妹冇介紹錯真係好好食喎🤤因為我本身都好鍾意食啲煙煙韌韌嘅嘢🤤呢個麻糬QQ球真係勁鐘意🥹佢size仲要係大大粒👍🏻麻糬球上面除咗有一層開心果醬之外仲滿滿嘅開心果碎，食落去真係勁滿足又唔會太甜🤤🧀🧀🧀🧀+0.5📌 肉鬆怪獸波呢款都好好味呀！個怪獸波面頭滿滿嘅紫菜肉鬆，入面仲有芝士餡🥹🥹 本身驚咁多肉鬆會食太乾，但因為佢面頭有啲沙律醬所以食落啱啱🤤 就算佢俾咗好多配料 但食落唔會太膩太鹹，個個食完都話好食🤤🧀🧀🧀🧀+0.5📌 隕石髒髒包朱古力控嘅我見到面頭鋪滿晒朱古力醬和朱古力波波碎，已經決定要買食佢😂雖然食到隻手污糟晒😂 但係鍾意食朱古力嘅真係要試吓🤤🧀🧀🧀🧀+0.5📌開心果同榛子糯米糍佢嘅糯米糍都好好食🤤 榛子糯米糍入面有勁多榛子粒，食落味道好似金莎咁，開心果糯米糍入邊好多開心果碎，而且糯米皮唔會厚，食落口真係啖啖都係餡，同埋唔會太甜👍🏻🧀🧀🧀🧀📍 荃錦中心2樓186-187號舖#食乜cheese #香港美食 #香港旅遊 #荃灣美食 #美食 #飲品 #甜品 #麵包 #hkfoodies #香港好去處 #港女 #打卡 #港女日常 #照騙 #荃灣必食 #餐廳 #荃灣好去處 #荃灣美食地圖
繼續閱讀