影片
港鐵大圍站 A 出口, 步行約4分鐘
繼續閱讀
電話號碼
28891699
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
最愛台式小食，尤其係夜市，真係可以食過不停～而家香港都好多台式舖頭，今日入大圍接老細收工，就搵到間幾骨子嘅台式小食店，梗係要試下啦！！主食梗係要叫牛肉麵啦～不過既然呢間有我至愛嘅冬粉，就叫個紅燒牛肉冬粉！！原來佢仲有好多湯底可以揀…麻辣呀～胡麻呀～真係任君選擇！！除咗平時食開嘅台灣香腸，仲有好多唔同嘅嘢可以揀……無骨鹽酥雞：雞肉外脆內嫩，灑少少淮鹽真係好惹味！！旗津黑輪片：黑輪片即係魚肉片，不過比較薄身，炸完幾彈牙，醃製得幾好味！月亮蝦餅：之前響第二間都食過，係用春捲皮定餃子皮夾住啲蝦膠嚟炸，呢度嘅比較大塊，但係就薄身啲，所以好脆口！蝦膠夠彈牙～爽口～點泰式甜辣醬好好味！！台南海鮮卷：有啲似潮式肉捲，不過入面包嘅係墨魚膠同蝦膠，仲有啲細細粒嘅墨魚肉，又係好香口！台式飲品梗係唔少得啦！！我不嬲飲開奶綠，少甜少冰，個綠茶味好出，少少澀口，但我鍾意！老細要台式奶茶，但係唔係跟波霸珍珠，反而跟紅豆蓉，一樣咁好味！呢度價錢經濟實惠，食到飽飽肚都所費無幾，難怪坐一陣就全場爆滿，仲有人響門口等位添！
繼續閱讀
【沙田區】【+886台味飯桌仔】好耐冇同震華哥食飯，唔講以為佢嬲咗我呀。大家都係沙田友，嚟到大圍搵嘢食就見到呢間好似開咗唔係好耐嘅台灣嘢，二話不說就入去試吓佢。佢試碗 $68 嘅「川味牛肉麵」，要正常麵量嘅拉麵，我都要咗少少嚟試，係有啲辣，不過牛肉同埋麵都可以嘅。我就試 $40 嘅「招牌米糕」，佢係源自台灣地攤、夜市嘅地道美食，係由台灣嘅糯米、鴨肉同薑片蒸煮而成。店家仲預備埋台灣人中意加入嘅地道甜辣椒醬嚟提升糯米嘅味道，令到米糕好食而不辛辣，達至接近台灣本土風味，食落我都覺得加咗醬係好食啲嘅。我哋試埋 $25 一碗嘅湯，我試「地瓜雞湯」，佢試「麻油雞湯」，都幾女好飲嘅。小食方面就試各 $28 嘅「香滷米血」同「無骨鹽酥雞」，前者幾特別，後者鮮嫩又好味。試埋 $34 嘅「吮指鴨翅」同 $13 嘅「小愛文芒」，前者香濃，後者清甜，都係可以嘅。跟住講吓啲嘢飲，我試加 $13 嘅凍「日式烤奶」少甜少冰，佢係奶茶嚟，點都會再加要埋波霸珍珠，幾好飲嘅。震華哥就試加 $9 嘅凍「炭焙烏龍茶」少甜正常冰，佢都話唔錯，同埋佢都有再加 $4 試埋波霸珍珠。埋單 $291，咁食法都唔使三百，唔貴。。。（地址：大圍積德里15-17號龍鳳樓地下A號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am沙田區 #大圍 #+886台味飯桌仔 #台味飯桌仔 #川味牛肉麵 #麻油雞湯 #招牌米糕 #地瓜雞湯 #香滷米血 #無骨鹽酥雞 #吮指鴨翅 #小愛文芒 #日式烤奶 #炭焙烏龍茶 #1am1392 #1ambackup
繼續閱讀
又來到大圍剪髮的時間！這次剪得有點久，本打算趁著已過午飯的繁忙時間可以一嘗想吃已久的麵包店可惜再度無緣；飢腸轆轆的我只能繼續找吃的，這次找上的是快開業一年的台灣小店紅燒牛肉冬粉 $68很久沒吃紅燒牛肉麵，可店家有提供冬粉可選就想這款了！紅燒的湯頭色澤偏紅，帶濃郁微辣的味道也無味精但藥材味欠奉，冬粉煮透吸收了湯頭精華不會不好吃；蘿蔔切成小粒夠入味，半筋半肉的牛𦟌肉比外邊吃到的一塊薄近一半，無論色澤跟味道都淡，有𡁻勁但不夠腍滑，也許是個人喜好問題，因媽媽炆的牛𦟌肉比外邊吃到的還要好吃！整碗對我來說就中規中矩啦熱台式奶茶 +$10（波霸珍珠 +$4）飲品選擇較少，簡單來一杯加入波霸珍珠的台式奶茶～ 下單後才知道有半價優惠耶！（但menu沒有寫）熱飲跟凍飲一樣大杯，味道就跟台灣喝到的差不多，去甜關係喝起來不會太濃厚茶味也少一點，珍珠煮得軟糯但沒有太多的甜味紅糟肉 $32較少見的紅糟肉店家有供應，這道菜的傳統做法很花功夫，主因是紅糟醬製作繁複；不過現今社會要做這道菜就易多了！以紅糟醬及其他調味醃製五花肉至少一個晚上，再沾滿地瓜粉後油炸至熟透就大功告成！淡淡酒香與桃紅色澤是這道菜的特色，店家這款是將五花肉切條再以上述步驟製作，加入地瓜粉令外層的脆口程度變得不一樣也更有口感，肉質爽腍帶因發酵而出現的微酸，風味比夠獨特，略嫌炸得太乾身而且肉的油脂感不太高，吃起來較硬店家在去年3月開業，由台灣人主理，門面充滿著台灣風味，簡約的水泥牆搭配木系裝修，最特吃的是充滿壓花紋理的玻璃；座位不多，如坐滿的話會有點擠擁。食物方面種類方面以小食為大多數，主食相對少，某程度會令部份潛在客人卻步，小店始終不易做，這店的食物質素不錯，有興趣的話不妨一試
繼續閱讀
發現大圍有一間台式小店，以木系裝修為主，座位唔多～但食物都幾經濟實惠❣️🔅 奮起湖拌麵本身係一個便當🍱，但價錢可以轉做拌面～估唔到都幾豐富🤭 有微甜薄豬扒兩件又有海鮮卷同菜🥰粗身Q彈嘅關廟麵拌埋靈魂肉燥味道唔錯～🔅 紅燒牛肉麵台灣野一定會叫一份牛肉麵🤭 係一碗半斤半肉牛肉麵湯底唔算好濃，微辣，冇乜藥材味，反而蘿蔔嘅清甜味，適合一般大眾～ 牛肉份量都唔少，而且幾大塊都幾入味🔅 黑蒜頭杏鮑菇雞湯好大碗湯，淡淡黑蒜味，仲有湯料雞件及杏鮑菇～吃起來味道偏近清燉湯🤭應該冇味精，因為飲完冇口渴😂🔅 月亮蝦餅外層香脆，裏面包住厚厚的蝦膠，吃起來又脆內裏又有蝦膠嘅爽口Q彈～ 食起來沒有油膩感🔅 紅糟肉因為用酒糟醃肉，肉條呈粉紅色～少少酒甜味🔅 甜不辣地道甜不辣配埋椒鹽味道更捧
繼續閱讀
個人最愛台灣小吃知道大圍有間台灣野呢晚就過黎試下餐廳地方小小，座位不多用手機QR Code落單家鄉肉燥乾拌麵刀削麵軟硬度適中，滷肉份量多，滷肉肥瘦適中紅燒牛肉麵湯底不油膩，有鮮甜嘅牛肉味道麵底可揀拉麵、刀削麵、冬粉、烏冬揀左拉麵，吸湯力強牛肉都幾多 而且好腍招牌米糕入面有薑片同鴨肉絲，幾特別小食叫左煙燻豬耳朵，煙熏味好突出，豬耳有咬口好食！仲有燙高麗菜同牛蒡絲飲品炭焙烏龍茶 茶底好香濃，好解渴仲有朋友杯台式奶綠加紅豆
繼續閱讀
您可能會有興趣的...