影片
以上資料只供參考, 請與餐廳確認詳情
上次經過還有紅紙蓋招牌，有6人左右等，未知咩食店，兩日後見電視介紹爆汁生煎包，店又近，去試吓。星期一好多長者排隊等位，天氣熱又曬，等咗約45分鍾，好多長者等，好彩有4張櫈坐，食店無限時真係好，令食客消化系統都好d。生煎包的底部脆真係好吸引人食，包內湯汁真係好多又熱，食時小心燙傷舌頭喔，包內的肉味不太濃 （佢好似話用本地豬，可能呢個原因所以無豬臭味），整體係唔錯。對我來說這是應有做食市的態度。讚～12粒小雲吞，內饀的肉應該與生煎包相同，瘦肉較多，雲吞皮都滑，個雞湯好濃雞味，本人感覺有點騷味不太習慣，但湯面真係太厚油，他們可能太忙吧。朋友食個炸醬拌麵，佢話咸咗d，但整體佢話係好食，佢都食咗4個生煎包都話好食哦。可能需節省成本和回枱要快，加上地方較窄，所以食店選用即棄餐具，不過真係對地球環境唔係太好。大家出門口或入門口記得順手關門喔～別讓冷氣逃之夭夭喔～要有心理準備，大圍店比較窄。服務方面還有空間改善。等外賣都要等40分鍾。客多便有收入，服務好客人便會回來。三大食店必備：品質，價格，服務餐S3 HKD54 鮮雞湯小雲吞12粒+兩隻生煎包 跟餐 +8元 coke炸醬拌麵HKD34 四隻生煎包HKD30一罐可樂HKD10。
繼續閱讀
2024年4月29日 星期一最近大圍新開咗呢一間生煎包店，試業幾日已經有好多人排隊，仲有電視台嚟採訪添，咁啱今日早咗收工就決定嚟試吓一入到餐廳就已經見到呢一個告示，寫住生煎包如果冇爆汁可以免費更換，好明顯係對自己嘅食物好有信心，令到我更加期待佢哋嘅爆汁生煎包餐牌分開咗套餐同散叫，套餐比較經濟實惠同包咗一杯豆漿，價錢唔算太貴，比較貼地，而且食物選擇都幾多，我哋就點咗一個套餐同一啲小食，店員點完餐都話一定夠我哋兩個人食由於生煎包係一底底咁煎，所以當一底夾晒之後需要等一段時間先至可以煎好另一底，咁啱我哋嘅生煎包就要等一段時間，所以就食咗雞絲粉皮先，份量都唔少，啖啖都食到麻醬，啱晒老婆口味，而且雞絲幾嫩滑，同粉皮好夾終於嚟到期待已久嘅生煎包，大小一樣，上面撒咗黑芝麻同蔥花，一咬落去真係爆曬汁出嚟，唔會熱到入唔到口，真係冇諗過裏面有咁多湯汁，生煎包嘅外皮仲要脆脆地，口感一流，每人食兩個都完全唔夠喉再嚟呢一個係蟹黃生煎包，同樣地一咬落去已經即刻爆汁，便可以見到蟹粉同豬肉撈埋一齊，真係食到有蟹味，仲要幾濃郁添最後我哋仲要咗生煎雞扒，外皮炸完之後脆卜卜，咬落去雞扒好多汁，夠晒Juicy，而且份量都唔少，又夠晒厚身，原本淨係諗住食少少嘢當下午茶，依家真係連晚餐都可以唔使食埋單兩個人百零蚊左右，應該會成為大圍近期最多人幫襯嘅上海餐廳之一！！
繼續閱讀
呢期最多人講嘅生煎包，竟然開咗黎大圍，所以今晚黎咗呢間試下。個人冇食過佢其他分店，亦都好耐冇食過生煎包，聽大家讚到咁，都有啲期望。舖頭寫收9點，當晚8:30左右去到門口都仲有好多人排外賣同當食，見時間有啲趕，就問下店員仲有冇得排堂食，點知都仲有得排，大約等咗10分鐘就有枱。店內嘅位好細好窄，完成係手貼手，脊背貼背脊咁坐，再加上所有碗碟同餐具都係用即棄嘅，所以係就係食完就走嘅感覺。我地兩個人叫咗兩個生煎包餐，散叫咗一隻蟹黃生煎包，拌麵，炸排骨同豆沙鍋餅。生煎包其實普通，係即叫即煎，所以好熱，咬落都真係爆湯，肉都大粒。仲講明食到唔爆汁嘅生煎包可以同店員講，換過一隻比你。麻醬手撕雞粉皮同蔥油拌麵都好食，但酸辣湯就比較水，覺得麻麻地。總括黎話都真係一間普通嘅生煎包店，如果真係要排隊食就唔會排，同埋店內環境都唔係十分好坐。但價錢都真係抵食，尤其係佢啲餐全部都係一個主食連生煎包。如果冇人排，經過平平地考可以食下。
繼續閱讀
今日過嚟見到門口有人排隊，原來係等外賣中。。。佢哋嘅食物係用環保餐具，所以份量唔多，我叫左個葱油拌麵葱油夠香，麵條彈牙，食落唔油膩。上海排骨菜飯套餐生煎包、凍豆漿上海排骨湯麵套餐生煎包、凍豆漿原味豆漿冇加糖，飲落有豆香味。炸排骨外皮炸得香口，肉質唔乾。生煎包湯汁鮮，豬肉嫩唔乾，而且細細隻容易食。菜飯飯粒夠乾身，飯內亦多菜。湯麵麵條滑溜似烏東，味道較清。蟹黃生煎包生煎包入口食到蟹黃嘅鮮，生煎包外皮夠香。
繼續閱讀
近排介紹得比較多嘅人氣食店，其實我在附近成日都經過，都見到要排隊，主打就一定係生煎包.今次我叫咗油豆腐粉絲湯，排骨菜飯，豆漿當然唔少得就係招牌生煎包啦！排骨菜飯不過不失，不是太大驚喜。又豆腐粉絲湯都係不過不失，另外就到豆漿，豆漿都幾濃郁嘅豆味唔太甜。當然主角就係生煎包啦！百分百爆汁，寫到明如果三天包唔爆汁的話包換，第一啖，咬落去真係噴咗啲汁出嚟🤣🤣肉味香濃，包底很脆，我亦都非常之推介大家試吓！生煎包就必點的！
繼續閱讀