影片
營業時間
今日營業
10:00 - 22:00
星期一至日
10:00 - 22:00
以上資料只供參考, 請與餐廳確認詳情
是日經過莊士倫敦廣場，見到好可愛嘅熊貓標誌，發覺原來係賣小雲吞嘅餐廳，見價錢唔貴就一於買返屋企做晚餐。雙拼雲吞 :叫得做熊貓小雲吞，又點可以唔食佢地嘅雲吞呢？呢度有四款雲吞可以揀，20粒都唔駛50蚊，相當抵食。我地揀咗粟米豚肉及鮮蝦豚肉雲吞，小雲吞一口一粒，食得相當方便。湯就揀咗蕃茄湯，味道好濃郁，仲有輕輕嘅芫茜味，食完雲吞飲埋碗湯就啱啱好。麻辣雞絲涼皮 :涼皮煙韌有咬口，吸收晒麻辣醬汁，辣得好過癮，雞絲份量都幾多，配料有花生、脆豆、菜脯及青瓜絲，全部撈埋食非常豐富。椒麻豬耳手作涼麵 :賣相相當精緻，五格盒分別放咗麵條、豬耳、青瓜、海帶絲及菜脯，條理分明，幼麵條入口彈牙，豬耳好爽口，加埋其他配料，味道辣辣地食得十分開胃。芝麻手撕雞 :以密封形式包裝，一打開包裝已經聞到陣陣麻香味，雞肉保持鮮嫩彈牙，一d都唔鞋，味道唔會太鹹，食埋底層嘅青瓜絲，感覺更清新。冷泡洛神花茶 :加$12有冷泡茶，味道唔太甜，飲落減辣解渴。餐廳仲有自家製醬料、菜脯及花生脆豆賣，見今晚有波睇，一於買樽花生慢慢歎。
繼續閱讀
今早去咗莊士倫敦廣場欽完茶，落到地下有間專賣四川食品嘅 "熊貓小雲呑"，係店舖堂食又得，外賣都得，那我就外賣咗涼麵同雲呑，返屋企晏少少食 ~入到店裡覺得地方闊落，座位都幾多，有大凍櫃擺放餐盒、小食、飮品等，以及多款醬料選擇，亦設有自助付款服務，都好方便。芝麻鹽焗雞川式涼麵 $55依款好開胃嘅拌麵，幼身麵條，Q彈爽滑，鹽焗雞鹹香味足夠，肉質軟嫩，與自家製醬汁、脆花生、黃金豆、芫荽拌勻一齊食，更滋味。配備青瓜、海帶、菜脯，翠綠爽口。啖啖肉豬扒油葱酥熱撈麵 $55豬扒都幾大塊，肉質鮮嫩，食落去好juicy，無骨啖啖肉 ; 呢款係熱撈麵，特色嘅油蔥與麵條同花生、黃金豆撈埋一齊，味道香濃，另有一番風味。配菜有風琴豆卜、蔬菜、五仁菜脯丁，全盒份量好足。芝麻鹽焗手撕雞 $38另單點一份手撕雞，雞肉同樣地爽嫩，不乾身，咸咸香香嘅味道，配合翠綠嘅青瓜絲，呢個用嚟撈麵或小食都咁美味。一口韭菜豚肉雲吞 $28/10隻 細細粒雲呑，一口一粒，方便食嘅。韭菜豚肉餡料，每粒份量都唔少，韭菜味特別濃，與豚肉很配，鮮甜美味，肉汁豐富，嫩滑嘅雲吞配合清甜湯底，好味道。孜然椒麻炸雞翼 $24/3隻雞翼炸至金黃，外脆內軟，雞翼嫩滑，香脆可口，麻辣同孜然味好出，辣辣哋好惹味。另外，見到店舖門口擺放多款醬料以供購買，我揀咗五仁菜脯丁 $22，微微辣，食起嚟好爽脆，用嚟炒餸、撈飯或送粥都咁惹味。
繼續閱讀
🇭🇰熊貓小雲吞·雙拼招牌一口豚肉雲吞(20隻)$48 l 紅油抄手$50 l 重慶酸辣粉$35 l 芝麻手撕雞$39佢呢度既一口雲吞都唔錯 好大粒 而且個皮都算滑 不過我自己就覺得就咁湯雲吞好味啲☺️紅油抄手啲雲吞會乾身啲 口感無咁好🤣🤣之後佢個酸辣粉都唔錯 佢個酸辣粉好Q 質感好好 個手撕雞都大份🐤不過我自己覺得佢雪得有少少太凍 無咁好味🙊🙊·#rbyeat#rby餃子#rby佐敦·📍佐敦彌敦道219號莊士倫敦廣場地下G04-G05號舖
繼續閱讀
逛街經過了這裡，看到了這家酸辣粉，決定試一下。地點都很方便，佐敦地鐵出來走幾分鐘就可以到了，店面很乾淨，因為就在商場裡面，環境特別好！原來可以選擇的食物也很多！單人套餐68選了水餃系列-芹菜豚肉餃，+3升級魚湯，還可以選擇涼拌皮蛋配可樂！很划算，水餃分量很多，有十幾個，而且每個水餃裡面的肉也很多，可以每口都是肉！皮蛋選了bb辣，是大皮蛋！分量也很多，味道很足！金菇肥牛酸辣粉 52升級了酸辣魚湯，味道很鮮甜！酸辣味道適中，肥牛也不怕很柴，要讚一下它家的泡菜真的味道很不錯！+蒜香唐生菜+炸雞翼（蜜糖芥末味）這幾款味道都很不錯，但要稱讚一下他的蘿蔔小菜，有辣味，很爽口哦！
繼續閱讀
專賣多款口味一口小雲吞，座位寬闊舒適韭菜豬肉雲吞可以選擇上湯/紫菜湯/辣湯。 另外呢我就加咗唐生菜🥬真係一粒粒好細粒，個皮呢好多好薄滑，入邊呢好香韭菜味豬肉都好新鮮。湯底唔錯好香紫菜嘅味道又健康，食落呢應該係唔係多味精嘅湯底幾清。外婆紅燒肉面（上海麵上湯湯底）紅燒肉好多好大嚿，好容易入口，上海麵煮得啱啱好。新鮮雞絲，芝麻鹽焗手撕雞新鮮手撕雞，好香麻鹽味。泡椒雞腳雞腳都好爽滑。最特別係佢嘅飲品，可以拎走，好方便。特製自家製西柚茶—西柚香味好特別，好清甜，平時飲品好容易會好甜好假，但係佢做得幾真。自家製青蘋果茶青蘋果香茶味，清幽茶香仲有呢好多醬料買，可以帶返屋企煮飯食，除咗有花生粒，仲有五仁菜甫丁等等，各種四川辣醬。
繼續閱讀