麵屋一平安

營業中

休息中

上星期放工去尖沙咀美麗華麵屋一平安醫肚😋 環境不大，但坐得好舒服，裝修以淺色木為主。見到晚市有2人餐都幾抵!! 包括有兩份主菜、兩款小食同兩杯飲品!! 我地就叫左:.🍜雞白湯拉麵呢個湯底好得! 雞白湯好香好好味，好濃郁既雞肉精華，但又唔會好鹹，除左拉麵，仲有3片大叉燒、2片雞胸肉同溏心蛋，好足料! 所有野都係剛剛好.🍜特製低溫叉燒麵 (醬油豚骨)呢個一到，賣相好震撼! 碗邊都係大大片既叉燒圍住哂！湯底係醬油豚骨味，多左份醬油香但又不膩，叉燒有6大片，而且都有溏心蛋，食完好滿足!.🥩鐵板安格斯牛扒呢碟真心香! 安格斯牛扒燒得剛剛好，肉香味濃，加埋脆脆的蒜片好香口，另有薯角，特別在旁邊仲有炒芽菜，超香! .🍗炸雞翼明太子 (3隻)釀到脹卜卜既明太子炸雞翼，炸得好香! 不過原來裡面都幾辛辣下，明太子幾濃郁，好惹味!.🍹 凍杞子紅棗蜜呢杯好適合女士飲，好滋補又足料，味道好清甜!.🍓士多啤梨益力多梳打賣相好靚! 成杯粉紅色咁，味道好清新，好香甜既士多啤季味，有汽好解渴!

✨✨✨尖東•麵屋一平安 ✨✨✨💥 晚市二人套餐｜HKD 298特製低溫叉燒麵 +$10 ▶️叉燒嘅擺設好刺激眼球，非常適合打卡。肉味十足的叉燒將麵條提升到另一個層次。湯頭濃郁，滋味醇厚，但唔會太咸。我最鍾意拉麵好爽嘅口感。鰻魚飯 半條 +$20 ▶️鰻魚汁嘅味道調教得非常之好，而且唔係好杰個種口感，所以非常之送飯😆清哂烤油甘魚鮫 +$20 ▶️油甘魚的肉質柔嫩，烤得好香脆，非常適合沾著酸酸嘅檸檬汁。 蝦餃子 ▶️同一般嘅煎餃子唔一樣，唔係豬肉係完整嘅蝦！每一啖都係蝦，口感好正！而且係海鮮，所以感覺唔會肥，哈哈☺️總結 套餐好抵食❗💥蔥花牛舌 $70 牛舌肉質鮮嫩多汁，薄切，所以口感唔會好難咬，食下食下就食哂成碟😂 搭配上適量的蔥花，讓整道菜色香氣四溢，口感豐富。💥益力多蜜桃梳打 $28我好喜歡飲蜜桃嘅飲品☺️好開胃，而且唔會死甜。 餐廳環境：💚💚💚💚💚服務質素：💚💚💚💚💚食物味道：💚💚💚💚💚消費 HKD 480（連加一）💸💸💸地址：麵屋一平安尖沙咀彌敦道132號美麗華廣場1期2樓203號舖

👩🏻喺美麗華商場行完街，搵到間性價比好高嘅日本嘢。二人餐好抵食，而且主食嘅質素好高。晚市二人套餐 $328✨滑蛋豬扒飯 雞蛋又甜又滑，仲有唔少煮得軟腍嘅洋蔥。豬扒新鮮炸起，浸喺滑蛋仲keep到脆皮，肉質仲好鬆軟！✨雞白湯拉麵好少喺香港食到咁濃咁稠嘅雞白湯！配料嘅雞肉同叉燒份量好多。塊叉燒仲好食過上星期食嘅博多一幸舍總本店⁉️✨御好燒望落去好少醬，不過都好夠味㗎。仲要有唔少八爪魚粒。✨鐵板安格斯牛扒 +$20肉味幾濃，用鹽同黑椒調味已經好正。不過要記得早啲夾起，燒得耐會好嚡🤣。套餐有包埋飲品。仲可以加錢轉燒酎/啤酒/日本酒。✨雪糕set - 烘茶+開心果 $48兩款都好濃郁，而且甜度好低，反而有啲食完肥膩嘢清下口嘅感覺。

麵屋一平安 (尖沙咀)晚市2人套餐 $328安格斯牛扒溫泉卵蛋飯 🥩 +$20 安格斯牛扒入口好淋，牛味重，溫泉蛋汁撈埋日本飯真係無得挑剔🤤雞白湯拉麵 🍜超好食！推介！🤤湯底濃郁唔會太鹹，雞肉夠嫩，叉燒夠淋又多肉🤩麵質口感正，硬度剛好，又入味！鹽燒油甘魚顎 🐠 +$20火喉剛好，魚肉嫩滑多汁，吱埋檸檬汁令整體味道更加鮮甜😉炸八爪魚球明太子沙律醬 🐙明太子沙律醬好惹味，章魚燒細細粒，一啖放入口超滿足😚鮮檸生薑蜜 ☕️ +$8咁凍嘅天氣，飲呢個一流😋薑蜜甜度啱啱好，有淡淡檸檬味，飲完暖粒粒😝Coke Ball (Whisky + Coke) 🍸 +$19好好飲嘅coke ball, 酒味幾夠濃，唔會太淡😍加埋可樂又唔會太難入口，推薦大家試吓❤️地址：尖沙咀彌敦道132號美麗華廣場1期2樓203號舖整體評分：5/5味道：5/5環境：4/5抵食：5/5

餐廳星期一至日有不同的折扣優惠，正。牛肉壽喜燒有菜有肉有豆腐，可以感受一下居酒屋的氣氛。如果有串燒就正了，因為我不太好炸物，但我都有叫鐵板豆腐、大板燒、明太子玉子燒等。兩個人傾下計，慢慢坐下食下。薯仔沙律好好味，其實就是薯仔容加上少量蔬菜，加少量鹽及黑椒，但日式的薯仔沙律就是好吃，另配上一隻雞蛋。鐵板豆腐上枱是熱的，不想有燶底的就快快吃好了，上面加了一點醬油蒜泥，咸咸香香的，好吃。明太子玉子燒的明太子卷在中心，微微辣味，加上嫩嫩滑蛋，又有味道又有口感。大板燒是滿滿的菜、麵粉及蛋醬，加上沙律醬，燒汁。外脆內軟，煎得剛剛好，不會過火過硬。炸明太子雞翼把明太子放進雞翼中間，有明太子海鮮辣味，又有雞肉香，炸起來非常可口。豬骨湯蒜油拉麵湯底有濃濃的豬肉香及蒜味，有三塊肥瘦適中的叉燒及兩舊豬腩肉，叉燒及豬腩肉的味道不錯。拉麵好像比一般拉麵店的幼一點，可以更好吸收湯底的香濃豬肉香及蒜味。有趣的是店家加了一隻鵪鶉蛋。

特製低温叉燒麵🍜醬油豚骨滿滿都是叉燒，薄薄一片唔油唔肥膩好好味，拉麵係幼身吸晒d豬骨湯好好味，湯底又夠濃。滑蛋豬扒飯🍚由細到大都好鍾意食，滑蛋撈飯真係一流，豬扒又夠厚身正呀喂。炸雞翼明太子🥢明太子好足料，啖啖都咬到，雞皮炸到脆卜卜，小食正呀….炸八爪魚球明太子沙律醬🥢一啖一口加左明太子醬特別惹味。一平安柚子沙律🥗沙律菜新鮮就唔在講，加左腐皮同豬肉片好開胃。飲品點左益力多梳打同埋日本啤酒🍻

今日同朋友一齊去TST想食拉麵 ，朋友就介紹我哋去一平安拉麵 ，其實自己十分喜愛拉麵,咁朋友就介紹咗我哋入去呢一間一平安拉麵試下。雞白湯拉麵:這碗雞白湯拉麵讓我驚喜不已。湯底清澈透明，散發出濃郁的雞肉香氣。拉麵本身彈牙有嚼勁，配上滑嫩的煮雞肉片和新鮮的蔥花，簡單而美味。這道湯麵給我一種舒適和滿足的感覺。熊本蒜油豬骨湯拉麵:熊本蒜油豬骨湯拉麵給我朋友的口感和風味帶來了全新的體驗。湯底濃郁豐富，帶有豬骨的甘甜和蒜油的香氣。拉麵筋道有嚼勁，加上豬肉片的軟嫩口感，相得益彰。明太子煎蛋:明太子煎蛋是一道充滿驚喜的小菜。蛋煎得恰到好處，外層金黃酥脆，內部鬆軟滑嫩。明太子的鹹香味與蛋的濃郁口感完美結合，帶來了令人愉悅的口味享受。鐵板豆腐:豆腐煎至外層金黃，內部保持著豆腐的綿軟口感。配料上面豐富多樣，經過鐵板煎烤後，各種食材的風味相互融合，帶來了豐富的口感和香氣。廣島蠔味噌鍋:廣島蠔味噌鍋是一道豐富而濃郁的湯鍋料理。湯底以蠔和味噌熬煮而成，散發出誘人的香氣。湯裡還加入了各種新鮮的海鮮、蔬菜和豆腐等，使湯鍋更加豐富多樣。每一口湯底都充滿了蠔的鮮甜風味，令人回味無窮。Overall, 品嚐這些美食，不僅讓

><天氣凍凍地嚟食啱晒 每碟都熱騰騰上枱 小心燙口鐵板豆腐(58)好香蒜蓉味 木魚絲舞動 鐵板咋咋聲 很有食慾明太子煎蛋(68)一夾起蛋卷 中間嘅明太子擠咗出嚟🤣八爪魚薯仔(80)較西式嘅做法以羅勒香料調味炸蠔(48)酥脆炸漿唔易分離蠔肉creamy 鷄白湯拉麵(98)泡沫口感增加咗湯頭厚度但飲落唔太膩唔知唔覺飲多咗雞肉食落有股薑蔥味細醬油豚骨拉麵(55)Mini size個碗會細d 份量都ok 湯底較濃味但唔會死鹹柚子檸檬蜜(18)/津輕蘋果汁(28)><><><><><><><><><><麵屋一平安尖沙咀彌敦道132號美麗華廣場1期2樓203號舖

一間很多年前已經來過的拉麵店，一平安，過了這樣多年不如去看看這食市和之前有沒有什麼分別。今次要了個豉油拉麵和燒牛舌。無想過這個拉麵好似是日本人眼中的港式的麵，有香港人食慣了雲吞麵的蹤影，但個湯底又好日式，好似食緊fusion 菜一樣。又有幾分熟悉但又陌生的感覺。而牛舌應該是用來送酒的，我便不覺得它有什麼值得一提的地方，可以是夠薄anyway, 在繁忙的尖沙咀中，找到一個靜靜地的地方慢慢來打食評，不錯不錯彩蛋時間: 次次來，我都看這報紙，好有一個community feel

🍲🥩🍱餐廳名: 麵屋一平安地區: 尖沙咀評語:牛肉鍋仔 HK$99 - 牛肉太肥 睇相就知咩料 小型gas爐係賣點 叫做熱住食 配料正常蔥花牛舌 HK$70 - 唔抵又唔好食 牛舌太薄 份量太少 好似食緊薄牛肉 唔係牛舌 味道上咸左啲鰻魚牛肉虎蝦天婦羅丼 HK$89 - 鰻魚太細條 少少醒 唔肥美 牛肉好乾 炸蝦普通唔算吸引 蛋過熟 唔知佢係咪想整溫泉蛋 醃瓜不能接受結論: 食物味道同質素都唔合格 只好在侍應雖然係外國人但好有禮貌同識少少廣東話 中英文落單都唔大問題 環境少少嘈#麵屋一平安#尖沙咀美食 #尖沙咀#牛肉鍋 #蔥花牛舌 #丼飯#香港 #餐廳 #情侶餐廳 #情侶飲食 #幫你食 #coupleeat #helpyoueat #eatanddrink #hongkong #hkfoodie

#MC帶你去尖沙咀.麵屋一平安喺首間進駐香港嘅正宗日本拉麵店，尖東總店於1984年開業至今已有27年。.✨ 麵屋一平安拉麵店都貫徹一般的日本風格，簡約風格配以木材設計。假期嚟講都要排一排隊先有位，話曬都係香港元祖級拉麵，所以真係有日本人都會過嚟食。✨ 細熊本豬骨湯拉麵 $92拉麵豚骨湯底幾濃郁，食到尾略為有少少鹹。麵線比普通拉麵粗身，食落口感彈牙煙韌。配料仲有有筍、紫菜、菠菜、木耳絲、豚肉，食落口感好豐富👍🏻份量方面，依個細拉麵算係迷你版，份量很適合女仔👍。✨ 迷你滑蛋豬扒飯 👍🏻雖然係迷你飯但豬扒數量都幾多，上枱前豬扒已經切好一嚿嚿，厚薄適中，而且炸得十分香脆。✨ 鰻魚牛肉丼 + 雞皮餃子（3個）$105 🧄 👍🏻鰻魚牛肉丼就唔太推薦，鰻魚口感淋身，饅魚汁偏甜，食到尾有啲啲甜膩。溏心蛋略為過熟，少咗啲流心效果。.✨ 雞皮餃子煎得好香脆，餡料都十分足料、飽滿，但餃子皮較厚身，略為失色。.⭐整體︰7.5/10⭐食物︰7.0/10⭐環境︰8.5/10⭐價錢︰7.5/10.==============================📍 麵屋一平安 (尖沙咀)地址：尖沙咀彌敦道132號美麗華廣

Lunch set 好抵，唔使一百蚊有一個非常足料嘅拉麵，小食連飲品，我諗妹仔大過主人婆可以用黎形容呢碗麵嘅狀態，佢嘅配料好多味道亦好好味，豬骨湯亦算濃香，可惜拉麵...很普通，明白呢個價錢已經好唔錯，係我大想頭左🙈

去到美味華商場，不算好肚餓，但又不知道食咩好，便決定食拉麵🍜！由於6時多，不算人多時間，所以貪佢不用排隊便與友人一同底入座！見到餐牌寫住「限定期間」的一款拉麵，於是友人要這款。我不想同佢一樣，試吓別的，於是在menu 後部分見到「沾面」，心諗好耐沒食過，便試下呢間吧！（我第一次食沾面是在中環-九如坊，某一間日本店食，個間都幾好食😋，所以想睇下呢間味道如何，想比較下）。第一碗上台是友人的限定拉麵，湯底都十分之濃味，都幾咸。但兩隻糖心蛋便好靚，有雞肉有叉燒，拉麵🍜軟硬適中，不過我便自己食到有淡淡的鹼水味，我不太喜歡！之後到我點的沾面，湯一來，當然先試湯，一飲，「嘩」，好咸呀！所以我便試把面放入湯，但這個沾面的面，又很特別，偏向比較扁身，便面身好似緊緊熟，所以成條面咬落好硬，我叫友人幫我試一口，佢都話好硬！我只能每條面都咬耐d, 因為不想我會食到胃不舒服。後來，食左一陣，我真係不得啦！我向職員要求俾一碗熱水給我，我想加落湯底沖淡d 咸味。職員比左一碗白色「雞湯」比我，個雞湯是好淡味的，我便自己用自己喜歡的比例（沾面湯加雞湯）去調教個湯，不過友人提醒我，趁個雞湯仲熱辣辣時，叫我快快把面放入湯中

今次叫咗醬油拉麵，蝦湯拉麵，雞皮餃子，章魚燒，再配多個細牛脷飯。一入門口就覺得間餐廳個感覺好舒服，侍應服務非常之好，雖然係外籍人士，但係你同佢講廣東話佢哋都聽得明，同埋識講少少。所以今次我決定用廣東話落order。侍應全程都聽得明我講咩，食物亦都好快送到上枱面，呢度主打就係拉麵，今次就試咗佢個醬油拉麵，比我想像中好食好多倍，雞皮餃子，煎得好脆口，章魚燒亦都好好味。整體上佢嘅服務+食物。係非常之好嘅

自從2019年到九州旅遊，在長崎豪斯登堡吃過一碗長崎ちゃんぽん(長崎強棒麵)之後就深深愛上😍。回到香港也念念不忘，於是上網搜尋在香港那裡可以吃到？結果發現麵屋一平安有供應。***開始進入今日食評之前，先介紹一下什麼是長崎拉麵🍜。據網上資料：「長崎拉麵與一般拉麵最大分別在於材料配搭以及煮法，普通拉麵通常放上一至兩塊叉燒，而長崎拉麵用上蝦、蜆等海鮮加上豬肉的配搭。日本人稱長崎拉麵ちゃんぽん為什錦麵，意思是材料混合在一起。拉麵的豬骨湯底是用上大豬頭、接近60至70斤的豬骨加上背脂熬製24小時，長崎拉麵比普通拉麵粗身，口感較煙韌。廚師的烹調方式是先爆香洋葱，再炒香豬肉鎖死肉汁，加入湯底與拉麵一起炒，最後加入大量椰菜等配料，有別於一般拉麵，煮法像炒湯麵。」***我在長崎的豪斯登堡第一次吃長崎ちゃんぽん🍜，感覺相當新鮮，而且有海鮮和大量椰菜更感健康，海鮮和豬肉雖然炒過，𨚫一點油膩的感覺也沒有，而且湯頭鮮味，令這碗拉麵更香更好吃👍。自從在九州吃過，我就把長崎ちゃんぽん加入了我的喜愛食物之列😍，今天終於可以在「麵屋一平安」嚐到😋。中午一時多來到「麵屋一平安」門前，已見門外有七八人在等候， 中午是放飯時