霸嗎拉麵 (金巴利道)

營業中

休息中

今日經過霸嗎拉麵唔洗排隊, 就同朋友入左去食飯原隻炙燒魷魚墨汁雞白湯拉麵, 一上枱就見到, 超大隻炙燒魷魚係面, 咬落好爽脆, 配撘墨汁, 成碗拉麵都係黑色, 湯底除左有海鮮嘅鮮味, 雞白湯飲落順滑, 自家製既拉麵口感彈牙, 掛滿湯汁炙燒豚肉味玉拉麵上枱熱辣辣, 湯底有濃厚既豬骨味, 非常濃郁, 配撘拉麵, 咸香適中, 豚肉脂肪比例平均, 炙燒後肥肉部份入口即溶, 肉質腍身😋沙拉唐揚炸雞炸雞外層炸香左,入面保留左嫩滑嘅肉質, 配撘沙拉醬幾香口照燒餃子面頭既照燒汁好香甜, 羽根餃子燒香後, 底部有層薄薄嘅脆皮, 增加咗餃子嘅脆香感

上次我去尖沙咀食霸嗎拉麵，但感覺味道唔好似之前咁好食。我今次揀咗鷄湯拉麵同唐揚炸雞雞叉燒味道還算唔錯。至於鷄湯底，味道普普通通，無咩驚喜。湯底嘅鷄味唔夠濃郁，有啲淡淡嘅感覺。我期望鷄湯底可以更濃厚，更有層次感，咁就會令拉麵更加出色拉麵嘅軟硬度，我覺得掌握得唔錯。麵條彈牙有嚼勁，唔會太軟亦都唔會太硬。個人嚟講，拉麵嘅質地還算合格，係整體評價中比較滿意嘅部分不過，講到唐揚炸雞，真係有啲失望。佢嘅口感比較乾燥，唔夠多汁，而且缺乏雞肉本身嘅鮮味。我希望炸雞可以更嫩滑多汁，令味道更出眾

呢間來自日本廣島既拉麵店，嚟咗香港好多年都未有機會食，前牌天氣咁熱見到佢新出左個期間限定口味，分別有檸檬炙燒雞叉燒拉麵和酸辣檸檬雞叉燒拉麵，淨係聽個名都夠晒特別同清新。限定湯底使用雞湯，加上三大片檸檬，飲落去個湯底有檸檬清香，岀奇地清新，而且一啲都唔油膩，兩者配合得好夾。燒雞同叉燒口感嫩滑，肥瘦均勻，配料都唔少，木耳、櫻花蝦、西蘭花，仲可以自選面嘅口感，夠晒甜心。而另一款酸辣味，整體又唔會太過辣，啱晒鍾意少少刺激嘅口味。另外點咗小食羽根燒餃子，煎到底部有一大塊薄脆，餃子皮薄餡靚，外脆內軟，超好食🤤另外都推介佢嘅唐楊炸雞，炸雞有五大舊，咬落去充滿肉汁，又唔會太厚粉，雞肉仲保持嫩滑，整體味道高質。

未有假去日本，唯有係香港食碗拉麵止止癮。霸嗎拉麵開左咁多年都水準依然，今次點左雞叉燒雞白湯拉麵，雞叉燒嫩滑可口，麵條有咬勁，雞白湯濃厚的味道，成個配搭都相當出色，就算飲哂成碗湯都好舒服！

而家香港人好似對拉麵越嚟越講究，今日去開尖沙咀，就試下都幾多人排嘅霸嗎！見到餐牌期間限定嘅款式幾得意，近排咁熱好似檸檬都幾啱feel，一於就叫咗檸檬灸燒雞叉燒拉麵！🍋講講拉麵先啦，啲湯底香濃，唔會太濃郁，啲麵條有質感，雞肉同叉燒都好嫩滑，個叉燒仲有啲脆脆嘅外皮，夠香口。以開咗幾間分店嘅規模，又會出下gimmick款式嚟講都幾不錯。✨另外，亦試咗佢嘅辛口燒餃子，個皮煎到好脆，帶微微嘅焦香味，入口有口感有肉汁，唔會太膩。唔知大家食餃子會唔會點醋食，我就prefer梅花間竹地點嚟食。🦓平時食拉麵飲冰水已經好滿足，今次厚待自己少少叫埋靜岡蜜瓜梳打，圓咗今餐幾創新口味嘅路線😂個人嚟講幾中意創新口味，大路口味食得多都可以refresh下，滿足一下獵奇嘅癮，又畢竟幾好食，同埋期間限定嘅款式往往都有種好多一試究竟、錯過咗就無嘅感覺🥹唔知大家覺唔覺

尖沙咀實在有太多嘢食，經過咗好多次，終於有機會嚟食。坐喺吧枱位，座位方面都算寬敞，同其他食客唔會手踭碰手踭。不過張凳有啲細同硬咗少少，唔係咁好坐。食咗個特盛灸燒豚肉拉麵，個湯底真係超級濃，另外嗰燒豚肉真係好厚同好肥美。麵質就普通。可以掛到少汁。有碗話碗，呢碗嘢唔係個個人都啱食。不過我個人就覺得唔錯，不過如果唔係咁鍾意食油膩嘢嘅朋友就可以諗諗先再去。味道 7/10環境 7/10飽肚 9/10CP值 8/10回頭率8/10

今日心血來潮嗌外賣，見到附近呢間以前食過都唔錯嘅拉麵舖，咁啱有款期間限定嘅檸檬炙燒雞叉燒拉麵就心思思叫咗嚟試。一打開外賣盒，雖然其貌不揚，但都聞到好濃好fresh嘅檸檬味。配料有極厚嘅雞叉燒、櫻花蝦、木耳絲同西蘭花。點知一放啖麵入口，我呆咗！個檸檬酸味同碗湯底嘅鹹味係撞到炒晒車，完全0夾！！好似倒瀉杯檸茶入個湯再溝埋一齊食咁。比例錯得好勁，如果減走多啲鹹味，個base多少少甜同清啲嘅話會易啲接受同清新好多。失望！

今晚收工後和朋友去了尖沙咀行街, 行完後大家決定去了這間拉麵店吃晚餐.剛巧餐廳在做期間限定,有一些檸檬的拉麵, 很像很吸引, 於是便決定點了其中一款.照燒餃子 (5件)  $38:照燒汁好香濃惹味, 挺特別, 幾好食. 餃子餡料豐富多汁好juicy.檸檬灸燒雞叉燒拉麵: $93這拉麵非常特別, 我還是第一次吃有放檸檬的拉麵, 漡酸酸的, 吃到很濃的檸檬味. 我覺得喜歡檸檬的朋友可以去吃這拉麵. 酸酸地又幾開胃, 一點都不會溜.灸燒雞叉燒我覺得都很香滑, 幾好吃,一點都不會覺得韌.拉麵入面仲有放埋櫻花蝦, 好香口, 好好食.雞叉燒味玉辛辣雞白湯拉麵 ($98):辣度適中,雞湯味好香濃, 雞叉燒又好香滑好吃, 不錯. 追加灸燒厚切豚肉 ($20):真的很厚身很大件, 豚肉口感很好,燒得很香口, 不錯.埋單都係$269, 一點都不貴, 幾抵食, 不錯.

係the one行左陣一門口就見到霸嗎，好想食拉麵見條人龍無之前咁長，結果排左15分鐘入得☑️羽根燒餃子好佩服佢地d餃子煎得咁靚，個底又薄又脆，但個面同餡就仲係肉汁豐富。檸檬酸辣雞叉燒拉麵期間限定，有新鮮檸檬令味道清爽左，好岩夏天食，老實講食唔出辣味，但櫻花蝦帶出咸香鮮味,炙燒雞肉都好嫩。唐揚炸雞即炸夠哂香口，外脆內嫩。炙燒豚肉味玉拉麵最愛都係哩款王牌，厚厚豚肉入口軟腍充滿油香，肥瘦得宜。濃旭湯底配硬身拉麵，一流❤️

尖沙嘴食肆眾多，相信好多人都知道有間好出名嘅霸嗎拉麵。誤打唔撞之下見到佢哋竟然有檸檬拉麵，之前係日本食過幾次都好好味，今次當然要試試啦。一開波當然要講「檸檬炙燒雞叉燒拉麵」！🍋🍗🍜個湯底嘅獨特之處，係添加咗瀨戶內海檸檬汁，為味道注入檸檬酸味。加上麵上有三片檸檬，每啖都能感受到檸檬帶酸嘅滋味。瀨戶內海檸檬汁的微酸，平衡咗湯底咸味，營造出酸酸咸咸嘅美味。而雞肉叉燒，雞肉嫩滑，肉質鮮美。自家製嘅拉麵就有特別彈牙口感，值得加分。🍜🍋朋友就叫咗灸燒豚肉味玉拉麵，湯底的食材相當豐富，包括豬背骨、雞骨架、雞腳以及調味蔬菜等多種食材，有好豐富嘅層次。拉麵一樣係自家製嘅彈牙拉麵。經過灸燒處理的豚肉，保持住肉質的鮮嫩，有淡淡的炭燒香氣同少少肥，口感唔錯。味玉就正常流心。仲有小食🥟🥟燒汁羽根燒餃子同沙律醬唐揚炸雞，「羽根燒餃子」的獨特之處就係餃子在煎至底部金黃酥脆，但上部仍然保持著柔軟口感，令餃子同時擁有了酥脆和軟嫩。而入面少少蔬菜同肉唔會太多唔會太膩。👍🏻唐揚炸雞外皮金黃酥脆，但入面肉質鮮嫩多汁，加上搭配的沙律醬，更是讓口感更加豐富多樣。飲品方面，全餐以檸檬拉麵做主題，所以叫咗罐檸檬茶飲作尾，結束呢場檸檬

每次係尖沙咀行過都好想食既一間拉面餐廳，但係每次都勁多人排曬長龍，今日未到食飯高峰時間，而又唔多人排隊，終於入到去食啦！！😋入到去雖然唔算好大，不過位置都算寬躺，而且仲好有去佐日本感覺🤣平時食得多正常普通既拉麵，今次想試下特別d，所以叫佐個檸檬炙燒雞叉燒拉麵同埋一個特盛炙燒豚肉拉麵👍🏻👍🏻兩碗面都黎得好快，份量都唔少！檸檬炙燒雞叉燒拉麵本身加佐3片檸檬係面，中意既可唧落個湯底到，怕酸既亦都可以當裝飾🤣🤣我就當然唧曬3塊落個湯底度！食落感覺好得意，好fresh同埋又出奇地夾炙燒雞，有少少似日式西檸雞咁😂兩塊厚切雞塊肉質好冧，亦都好入味，拉麵湯底既味浸曬入去d肉度。而特盛炙燒豚肉拉麵味道比較濃，加上4大塊係真係4大塊既豚肉，絕對岩曬一眾食肉獸😂😂順帶一提，餐廳冷氣唔知係咪壞佐定唔夠凍，愈食愈熱，所都叫佐罐和梨啤酒降降溫，不過又幾好飲，好有梨味😋總結，中意食拉麵既朋友一定要黎試！

《大排長龍拉麵店🍜》霸嗎拉麵香港有好多間分店，成日都會見到，今次終於一試，不過就好多人排咗30分鐘隊。1. 特勝炙燒豚肉拉麵 ($128)不愧係特勝，有4大塊炙燒豚肉，豚肉偏硬少少，因為湯底味道濃郁，所以豚肉都好入味，麵條屬於幼麵，軟硬度適中，整體來講幾好食！ 🌟 評分: 7/102. 炙燒味豚肉拉麵 ($95)另外叫咗一款招牌嘅炙燒味豚肉拉麵，相比特勝呢會嘅豚肉同普通拉麵店一樣都會提供一兩塊，肉質偏硬，湯底好濃味，非常開胃！🌟 評分: 7/10🎖️整體評分🎖️❤️ 味道: 7/10🧡 環境: 7/10💛 服務: 7/10💙 性價比: 6/10✨霸嗎拉麵 (金巴利道) (尖沙咀)📍尖沙咀金巴利道26號地舖#hkoverfood_尖沙咀

次次尖沙咀諗唔到食咩，都會去霸嗎食😋😋不過d 冷氣唔夠，有少少熱🔥⭐️灸燒豚肉拉麵 $88豚肉笑得好香，肥瘦分佈大約係6:4，幾好食😋湯底亦都濃郁，抵食拉麵之選⭐️辛辣灸燒豚肉拉麵 $98辣味都有少少嗆口，係可以接受嘅辣度，食落去比較惹味，其他同上邊嗰個一樣🤓佢仲有個餐係$108，加餃子同可樂，不過我覺得啲餃子就一般，滿滿既沙律醬，炸到有d硬🥲之前試過其他小食都一般，都係拉麵比較值得食👍🏻

#20230720 🤍 📍 霸嗎拉麵 @bariumahk尖沙咀金巴利道26號地舖 🍽️屯門｜赤鱲角｜中環均有分店➖➖➖➖➖➖➖➖➖➖➖➖➖➖➖➖➖➖#檸檬酸辣雞叉燒拉麵 $98💭 完全係因為呢個期間限定既檸檬拉麵吸引🐷尼食，舊檸檬要好似篤檸茶咁篤佢個湯先會有味🍋變到有啲似酸辣湯，係可以解到少少膩既🤏🏼但個湯實在超級油，有檸檬都幫唔到幾多😅雞叉燒好似幾少有，食落彈牙滑身🐔配料放西蘭花同櫻花蝦一樣少見🥦.#雞又燒辛辣雞白湯拉麵 #蔥另上 $93#味玉 +$12#味筍 +$10💭 非常欣賞有蔥另上呢個option揀🤭雞叉燒同檸檬酸辣拉麵一樣，不過配料明顯少啲，所以🐷加錢要左筍同蛋，雖然加錢有啲貴，但係一見到個份量即刻覺得抵返晒🤑啲筍係有整整一碗，倒落碗拉麵度都夠舖滿面頭喇👍🏼 湯底唔算好辣但一樣油膩，食到尾段懷疑膩到食滯左😐.#唐揚炸雞 #5件 $35#羽根燒餃子 $35💭 炸雞仲保留到有汁幾juicy，唔會乾晒，羽根直譯既意思係翅膀，原來就係煮果陣落啲加左麵粉既水就做到呢個效果🪽兩個味道都正常，不過不失咁啦.#白米雪糕 $28💭 勁奇怪既雪糕，唯一後悔叫左既野食😨基本上就係一個雲尼拿雪糕，

今天Happy Friday 放半天假，跟正在放暑假的表妹來到了尖沙咀逛街。表妹說想吃拉麵，於是我找了這間人氣十足的霸嗎拉麵。因為我們比較早去，不用排隊就可以馬上入座，但店內已經有不少人了😆餐廳推出了兩款期間限定的檸檬拉麵，我和表妹看到覺得很特別，大家不約而同都想試一試。我們share吃，表妹不能吃辣，所以點了檸檬炙雞叉燒拉麵。湯底淡淡的檸檬味，非常清新，很適合現在夏日的天氣吃😋 如果覺得不夠酸，還有三塊檸檬可以增加味道。兩塊大片的炙燒過的雞叉燒，肉質很嫩滑，不肥膩。拉麵彈牙，又配有大量櫻花蝦和木耳絲，整碗麵味道配搭得宜，令人很有驚喜！我們另外點了一款味道較濃郁的濃厚醬油豚角拉麵。豚角份量多又厚身，肥瘦適中，肉質軟腍😝 醬油湯底濃醇，不會過鹹。除了拉麵，我們追加了兩件燒汁唐揚炸雞。炸雞外皮酥脆香口，內裡肉嫩不乾身，加上燒汁很滋味！吃拉麵當然少不了餃子，我們點了一份羽根燒餃子。餃子外層是一層薄脆，餃皮軟薄，肉餡味道尚可，有點像淡味版的韮菜餃，但沒有預期中好吃🙈 至於飲料方面，選擇都頗多，有蘇打、生啤和各款酒等。我們點了青森縣富士蘋果酒，酸酸甜甜，好喝！吃過這頓拉麵，表妹表示很滿意，想多來