蝦蝦燒

營業中

休息中

和家姐大約6點左右到達，當時人數還不算多，大約7點半後，整個場地變得熱鬧起來，充滿了燒烤香氣，讓人食指大動。.係未燒之前，首先先試試佢地熟食。咖喱魚蛋大大粒口感好彈牙，有點像長洲魚蛋的口感。醉蝦顏色鮮紅，不用自己夾和燒就有得食，非常符合經濟效益，哈哈，不過味道上，還是現夾的更鮮一籌。.跟我一樣喜愛澱粉的，有洽烏冬、燒日本番薯仔、格仔餅和蒜蓉包可選，全部都是容易飽肚，但所需要的燒/洽時間都不長。蒜蓉包更是2-3分鐘就食得，燒太耐反而容易燒焦。格仔餅就帶少許甜奶香，用來最後加雪糕或加煉乳做甜點都不錯。.我和家姐都不是捉蝦能手，又愛玩又雞手鴨腳的，店員見狀，主動送上好幾隻剛捉好的大蝦，讓我們可以更快開始燒，超體貼的。.除了蝦之外，還有許多其他新鮮的海鮮，如大蜆、多春魚、大魚、扇貝、燒魷魚和蠔等等。個人尤其喜愛燒蠔和魷魚，加上牛油及蒜蓉，燒完非常惹味。另外還有回本之選的鮑魚，店員細心提醒唔可以連殼一齊燒，如果唔係會爆會危險，仲會教我哋點樣剪咗鮑魚苦嘅部份，係貼心嘅。脆口雞軟骨亦係場內嘅人氣之選，入口有種脆卜卜嘅感覺。鍾意重口味嘅話，可以試下黑椒台灣腸，好多汁，同埋黑椒味好夠重。蔬菜款式也豐富，

#佐敦美食 #小蓮星呑食佐敦🔻 蝦蝦燒佐敦白加士街10-24號永富大廈1樓/🥘新鮮流水蝦加海鮮燒烤放題 $348三個鐘任飲任食BBQ😍除咗有生猛流水大頭蝦仼你夾，仲有多款新鮮海鮮、串燒任君選擇，仲有熟食、雪糕，同埋成度牆都係嘅飲品，三個鐘完全係慢慢嘆，三百幾蚊抵到爛！/🧃流水大頭蝦每一條水缸都有充足嘅流水蝦，如果唔夠嘅話，職員亦都好快就會補上，保證你想夾幾多都有。啲蝦好生猛，不斷游來游去，啲蝦medium size，隻隻都有肉食，唔少都有蝦膏，爽口彈牙！/🧃海鮮見到啲海鮮真係不得了，有鮑魚、蚌、蜆、蠔、扇貝，幾款原條魚，鮑魚仲郁吓郁吓，非常新鮮，扇貝大大粒，蠔同其他貝殼類都好有鹹香味，正。/🧃串燒雞豬牛都有，拎咗土匪雞翼同埋蒜蓉雞翼，好大隻同埋醃得好惹味。個爐有兩層可以燒上面先海鮮下面燒肉類串燒，完全唔使等！//#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

同朋友嚟蝦蝦燒呢度聚會，除咗可以現撈游水蝦，其實自助區度😍海鮮類都勁豐富。食材一啲都唔馬虎，任食各款蜆類(連平時不便宜嘅大蜆都有)、鮑魚、帶子、扇貝、生蠔等，旁邊有不同嘅醬料，我哋自製不同口味，我就最鍾意蒜蓉+牛油+辣椒，同新鮮嘅海鮮勁夾，我哋encore咗好多輪，扇貝燒完都仲好大隻，入口Juicy，鮑魚入口彈牙。肉類方面，點少得土匪雞翼，唔係咁多地方有得食到，雞翼入味又大隻，辣辣地有咸香，可以放喺爐嘅下層燒，好方便。1真係個個都捧住個肚走😁

經過之前兩次的其他燒烤（蝦）我對今次係冇太大期望， 但又 出乎意料 咁多嘢食， 仲要都幾新鮮， 係一次好好嘅燒烤經歷， 令我對室內燒烤有返d興趣。首先店完會好窩心咁樣幫我哋擺咗啲鰻魚落去個炭爐嗰度燒定先， 因為鰻魚需要燒嘅時間好長咁我哋就可以趁住呢段時間就出去攞其他嘅嘢食。同埋最欣賞佢嘅就係嘢飲夠多唔同種類嘅都有。夾蝦嗰個池都比較乾淨， 水都比較清晰唔算太混濁， 係覺得個爐比較細， 如果真係四個大人一個爐嘅話就會少少燒唔切。

香港唔多地方有得食自助燒烤，仲係有無限量嘅海鮮食添！呢間燒烤店長期都好full，除咗可以任夾游水蝦，仲可以食各類海鮮和肉串，見到好多枱都有燒大大條魚，睇住啲蝦游嚟游去真係好療癒！個人最鍾意食牛油蒜蓉扇貝，醬汁可以依照自己嘅口味調配，扇貝大大隻又多汁，入口好有鮮味，我哋食咗好多轉😁店員教我哋剪開啲鮑魚同扇貝一齊燒，可以避免個殼裂開，熟得快又容易食👍一舉兩得。我哋上層燒海鮮，下層就燒肉類和瓜串，推介翠玉瓜，加少少牛油燒，坐喺度都聞到香噴噴！我仲搵到有Anson Lo代言嘅飲品🥤勁開心🥳

本身係四個禮拜之前嘅約好咗由於有人生病，所以我哋就褪遲到而家先食本來呢係食另一間菜式泰國野無啦啦喺上網介紹，所以我哋改去食呢間試下 因為生日主角鐘意海鮮🦞🤣🤣🤣估唔到佢呢度有任飲啤酒（係喜力）唔係平時嗰啲不知名嘅啤酒真露任飲有無糖梳打水🥰🥰🥰🥰重點係我哋四個人食咗四條魚一大堆鮑魚同埋燒咗幾轉嘅蝦海鮮新鮮，四百連加一我應該番左本推介嘅係佢嘅燒鱔原來每台只係得每人一串如果要食，就要再比$20一串佢個味唔錯，同埋佢個爐有上下兩層上層就比較熱下層就慢啲所以可以喺下層燒完再搬上上面燒返窿，佢店員中間我哋左邊同右邊側面都要燒埋佢平時食開日本嘢嘅我嘅朋友，佢話如果呢串嘢平時日本餐廳要買$98一串如果佢嘅燒白鱔可以做到，每人可以有三串就最好啦，因為食完真係幾肥美🤣🤣🤣🤣由於太多品種啦，所以我哋都冇追加$20食啲任食包埋嘅嘢

整體:🥜供應量足夠嘅流水蝦🥜多選擇🥜爐可兩層燒今次係朋友揀嘅餐廳之前曾經喺其他地方食過流水蝦但係食到咁上下啲蝦會冇晒呢度就源源不絕純粹係有啲難夾因為枱與枱之間好接近成日好擔心啲水彈到其他顧客但係其實咁樣都代表啲蝦好生猛一開始第一輪職員幫手燒大約20隻蝦之後仲燒埋每人一串鱔全部食物飲品都係出去拎款式都非常多我食過嘅海鮮有蠔、魷魚、扇貝、多春魚、沙白等貝類…仲有雞軟骨、雞串、豬串、豬大腸…最特別應該係有海鹽雪糕

香港真係好多地方醫肚，就算放工即興也沒關係😋今次咁啱有位師兄即興叫食饭👏🏻👏🏻今次佢帶我去這間真係好好玩，只係搅有D D殘忍🤪選擇也很好多，又係可以任飲，見到有一枱男仕勁飲beer 🍻特別喜歡这间店个名：🦐🦐蝦蝦燒（哈哈笑🤣）

已經嚟過好多次蝦蝦燒，但係每一次都有驚喜，今次最驚喜嘅就係餐廳服務員一流嘅服務，入座嘅時候準備咗一堆蝦，幫我哋擺上爐燒。食食下仲幫我哋將新鮮夾上嚟嘅蝦，用鉸剪剪頭剪腳。再過一陣仲幫手將鮑魚去殼方便我哋燒，服務一流，又方便我哋食，確實值得一讚。燒蝦燒鮑魚等海鮮都非常新鮮，配特製泰式海鮮醬汁好好食。熟食方面，大力推介餐廳自家制辣酒煮花螺，花螺非常入味辣汁絕對好食。當然唔少得蒜蓉包，每次嚟到都食好多塊。最後食埋幾杯雪糕，非常滿足的一晚。

蝦蝦燒，自己夾自己燒，有得玩有得食，同屋企人、一大班朋友，情侶都好岩。一入座職員已經好貼心幫我地將蝦放係爐上燒，同埋會講解桌上各餐具既用途，包裝紙巾上有更加有個教學，掃一掃就可以睇到不同食物要燒既時間係幾耐，好貼心。除左生猛猛既大頭蝦可以任夾任食，餐廳仲會每人送上一串白鱔，將外皮燒得焦脆，肉質彈性，好正！另外，出面亦有各款海鮮，例如好新鮮既扇貝、生蠔、魚、蜆等等，或其他肉類，如牛、雞、煙鴨胸、漢堡扒等等、各款丸類、燒物，應有盡有！除此之外，仲有唔少調味，例如牛油同蒜蓉，放係海鮮上燒真係一流！想豐富點，可以加粉絲，或單獨煮個烏冬又得😋飲品款式都不少，超過十款以上，樣樣都想試，選擇困難症唔知點簡😆😆甜品當然唔少得，雪糕口味眾多，緊有一款岩食！蝦蝦燒環境乾淨衛生，店員都好幫忙，清理得勤快，會教我地點燒，依個價錢可以任食海鮮，同咁多款食物真係好抵！真係好推薦依間餐廳俾大家！

之前網上見到人地去蝦場食蝦好似幾得意，一直都想試，今日終於完左依個心願！蝦蝦燒位於佐敦好方便，一上到去已經見到好有幾排飲品櫃，茶、果汁、汽水、酒類任君選擇。全部位置隔離都有長長既水缸，可以隨時隨地夾新鮮生猛既大頭蝦上黎燒🦐餐廳亦會按人頭送上一串白鱔，烤過後肉質爽彈，仲有陣陣既焦香，好惹味！自助吧更加有唔少海鮮可以拎，例如鮑魚、扇貝、生蠔、魷魚等等，全部都好新鮮，店員提醒我地要加蒜蓉或牛油一起燒，唔係會痴殼，非常貼心！完全唔洗驚唔識，因為佢地都會提供適時既幫助。除左海鮮，仲有牛肉串、雞肉、玉子、丸、菠蘿等等🍍你想像到既，依到都有！燒到咁上下又可以拎熟食，例如有咖喱魚蛋、炸餃子🥟甚至連整好既蝦都有！食到最後當然以甜點劃上句號，雪糕口味都眾多，我最鐘意就係豆腐口味！清清地。三百幾蚊，咁多款海鮮、食物、飲品、甜品，任飲任食真係好抵！黎緊要同屋企人再encore!

好一段時間冇嚟，諗起食燒烤就諗起呢度。一坐低侍應就送上2件鰻魚同埋12隻蝦。但係我都急不及待出去拎冰再夾啲蝦，嚟呢度就係要食蝦㗎嘛。今次嚟到海鮮區仲有三文魚鮫。平時喺日式餐廳一件都要70-100蚊，梗係要燒嚟食吓。海鮮區嘅鮑魚店家都建議除殼燒，侍應有時間的話，仲過嚟幫你處理。仲剪埋蝦腳蝦鬚。鮑魚同大頭蝦都食咗幾轉。海鮮之外嘅推介食物係蒜蓉包！！咁多嘢食，我都選擇食咗3塊，因為真係好好食。鍾意食窩夫嘅話都要夾返幾件嚟燒，脆脆地配雪糕一流。

蝦蝦燒🦐想食新鮮好食既海鮮大餐，咁就一定唔可以錯過蝦蝦燒既新鮮流水蝦！佢哋嘅新鮮流水蝦選用左蝦膏香濃嘅大頭蝦！🦐 餐廳職員會keep住refill新嘅大頭蝦，同時幫手夾起已經冇乜活力嘅～確保我哋食到嘅每一隻都係大大隻超新鮮嘅大頭蝦！🫶🏻🫶🏻另外爐邊都有幾款唔同嘅調味料，其中我最鍾意嘅就係辣椒椒鹽，覺得佢同大頭蝦嘅味道好襯啊！🥰🥰除咗生猛大頭蝦之外，餐廳仲提供多款唔同嘅海鮮，包括多種魚類🐟、鮑魚、扇貝、生蠔🦪、魷魚🦑、花螺🐚等等，淨係揀海鮮都花多眼亂啊！試咗咁多之後特別推介嘅係鰻魚、蒜蓉燒扇貝、蒜蓉辣椒配生蠔、同埋香蒜魷魚，大家記住要跟住呢個煮法整呢幾樣海鮮呀，超級惹味保證大家食唔停口啊！😋😋😋除咗海鮮之外，呢度都仲有好多唔同嘅肉類🥩、蔬果🥬，全部都好適合燒烤㗎！想食啲咩，隨便攞隨便燒🤣🤣食飽之後仲可以揀唔同口味嘅雪糕作為結尾，我今日就揀咗阿波羅嘅朱古力同埋芒果味！🤗🤗

朋友今日帶我去佐敦食自助燒烤，星期一至四成人每位$348.-，食足3個鐘😍，有得食之餘，又可以自己捉蝦，有特色又好玩。店員服務勤快有禮，帶顧客入座時會即時開爐，再送上大約10隻蝦及鮮白鱔串(每位送白鱔1串)，可以燒住食先，始終捉蝦需要啲時間(因為好生猛有小小難搞🤣)，呢個安排幾細心👍。自助區有好多選擇，現捉大頭蝦真係非常生猛有活力🤩，其他海鮮都好新鮮，肉質緊緻有光澤。肉類質感軟腍，簡單調過味。見店員不停補貨👍，最抵讚係火爐火力猛，食物好易燒熟，3個鐘任食，真係足夠食飽😋。調味醬料：有泰式辣汁、蒜蓉、牛油、芥末及醬油等。海鮮：有大蜆、鮑魚、原條魚、大扇貝、帶子、魷魚、墨魚、乾魷魚、多春魚、生蠔等，當然唔少得新鮮生猛的大頭蝦。肉類：羊架、雞中翼、雞全翼、牛肉串、腸仔、紅腸、獅子狗卷、雞肉串、漢堡扒、煙鴨胸肉、雞皮、豬肉串及多款丸類等。素：日式蕃薯仔、菠蘿、翠玉瓜、香草牛油多士、蛋棒、鵪鶉蛋、南瓜、鮮冬菇、長青椒及窩夫等。熟食：辣酒煮花螺、咖哩魚蛋、大頭蝦、蝦仁炒西蘭花、豬紅等。雪糕：雪糕杯有多款口味。飲品：多款氣水及啤酒。

喺香港想食新鮮生猛嘅流水蝦，我即刻就諗到既餐廳當然係蝦蝦燒啦🦐🦐！晚市嚟到人均$400都唔使，就可以3小時無限任飲任食，超抵啊！🈹🈹🈹佢哋嘅新鮮大頭蝦無限量供應，隻隻爆膏、肉質彈牙，真係冇得彈啊！🥰🥰除咗大頭蝦之外，仲有多款唔同嘅海鮮可以選擇，包括唔同種類嘅魚🐟、扇貝、生蠔🦪等等，每一款嘅海鮮都新鮮鮮甜，其中我特別推介嘅就係扇貝同埋生蠔，加啲蒜蓉落去燒就更加好食啦！😍😍如果覺得淨係燒烤有啲寡嘅話，呢度都有提供各款唔同嘅肉類同埋蔬果俾大家燒🥩🍗🍖🥬🍅🫑，真係可以話係一應俱全㗎！🉐🉐仲有各款唔同口味嘅雪糕雪條飲品提供，全部都係任飲任食㗎！👍🏻👍🏻