喫茶ちょうぼ

營業中

休息中

年三十晚食團年飯，選擇來這餐廳食，之前成日經過都無入去試，就一心抱住同屋企人嚟試下也無妨，餐廳嘅氣氛燈光比較暗淡，感覺令人覺得有點神秘，我哋一行4人被安排咗於門口入少少位置，menu 比較精緻，細細本紙質好特別。我哋叫咗1個推介～鰻魚玉子蓋飯，2個新年限定～大蝦波菜汁扁意粉同和牛漢堡蛋包飯（名字可能有少少記錯，但大致上都係咁），食物一到，我哋比蛋包飯吸引哂，真係好出隻，一𠝹開個蛋，裡面就流哂出嚟，雖然飯比較少（因為漢堡關係）但好味道，鰻魚就有少少失色，可能我鍾意入口即溶化嘅鰻魚，感覺呢條比較需要咬口，但都好味道，最後就係大蝦扁意粉，呢個對比起前面我覺得有少許失色，味道好味嘅，但我略嫌個汁比較多，令到食落去時醬汁多過頭，但整體來說，食物質素係好味的，會再嚟幫襯

今日下午去咗大埔一田，經過喫茶，見到餐廳門口擺咗棵樹，餐廳裝修好靚，菜單有蛋包飯等日式菜，見幾吸引就入去食。餐廳裡面座位都幾多，環境闊落，坐得好舒服。菜單有好多款式可以選擇，有厚切多士、刨冰、甜品、漢堡、炙燒、前菜小食、意粉、定食、蛋包飯。我點咗壽喜燒牛肉蛋包飯，加$28升級套餐配咖啡及是日涼拌菜。飲品點咗抹茶牛乳。蛋包飯賣相好靚，店員有幫手切開個蛋再喺上面淋汁，蛋煎得啱啱好，切開係半熟狀態，食物賣相非常吸引，味道亦唔錯。壽喜燒牛肉蛋包飯 $98抹茶牛乳及是日涼拌菜 +$28整體嚟講，呢間餐廳無論係食物同環境都好適合影相打卡，但價錢略貴。

打卡必到既日系西式Cafe!!❤️明太子蛋包意粉 一切開見到未熟透既蛋汁慢慢流向兩邊，超療癒!! 蛋味濃郁，同明太子醬汁超夾!! 仲有磨菇等等配料，加埋煙煙韌韌有咬口既意粉，又好味又滿足!!🧡咖喱牛肋肉蛋包飯 咖喱+蛋包飯真係好match，香濃既日式咖喱，味道濃郁但唔辣，牛💛肋肉燴到好軟嫩又入味，再加埋軟嫩滑蛋同炒飯，啖啖都好幸福!! 💚雞皮包住好香既韭菜餡，再點少少月見醬汁，又香又惹味🩵雪人布甸與牛奶大福盛 牛奶大福外面麻薯質地又軟綿Q彈，牛奶餡又滑又creamy!! 再加埋動L動L既滑滑布甸，好完滿既一餐飯～💙紅豆牛奶 粒粒紅豆又香又綿又sweet sweet，冬天飲暖笠笠就岩晒💜抹茶牛奶 濃厚順滑，抹茶味又香又濃郁

一試難忘、回味無窮的蛋包飯😋😋😋店內環境優美，有舊日式高級餐廳的感覺，餐具精美，環境十分舒適。一踏進店內，便看到擺放着各式各樣made in japan的餐具或小擺設，吸引不少目光。店員會在顧客面前切開蛋包飯，蛋汁的稀稠程度剛剛好，一切開，蛋液慢慢流出覆蓋整個炒飯壽喜燒蛋包飯的份量十足，飯底是洋蔥🧅和胡蘿蔔🥕的炒飯，單是炒飯也十分吸引。壽喜燒的味道亦相當出色，配上新鮮沙律，一道美食呈現眼前。軟殼蟹非常鬆脆，原隻size非常大，佔了整碟意粉1/2的比例，有視覺效果。意粉醬汁稍為濃味了一點，不過意粉軟硬度適中，配搭起來相得益彰。

我相信個個都係俾佢門面幾靚而呃到入去。點知就係災難嘅開始。餐牌有蛋包飯，好自然叫咗一個和牛漢堡蛋包飯。心諗日本西式餐廳和牛漢堡，應該唔差得太遠，點知和牛漢堡一啲肉汁都冇，個飯仲要係硬梆梆。世界級難食，完全浪費quota。蛋又冇蛋味。我另外叫咗一杯草莓沙冰，完全冇草莓味，好稀。另外再叫咗個鰻魚玉子蓋飯，玉子實的的完全不是那回事。中哂伏，好耐無試過食餐飯食得好唔開心。真係好難食食咗都冇一半就閃人，實在太難食，最後去咗食碗車仔麵先夠飽。

再次到訪呢間位於大埔嘅日式洋食店，今次係假日比較早食晚飯嘅時間，冇咁多人可以靜靜地食嘢傾偈~🔘咖喱牛肋肉蛋包飯 每次嚟到必點蛋包飯，fluffy口感有蛋香，店員即場切開再淋上醬汁，牛肋肉入味得來又夠腍~🔘明太子蛋包意粉 朋友想試多一款有蛋嘅菜式，蛋包意粉印象中第一次食，個蛋一樣鬆軟，醬汁味道濃厚偏杰身，配意粉有另一種風味~🔘和牛漢堡扒定食漢堡扒份量十足，非常有厚度，肉質鬆軟，一貫日式漢堡扒嘅味道，啱我口味，有齊薯條、薯仔沙律、意粉同沙律菜作為配菜，好多嘢食好豐富~🔘月見雞皮餃子 餃子望落脹卜卜，雞皮燒得香脆，點埋月見汁一齊食更加分~🔘雪人布甸與牛奶大福盛非常可愛，冬季限定嘅雪人造型，好啱打卡，布甸不嬲係招牌菜，今次保持水準，加埋Q彈大福同士多啤梨，口感更豐富~🔘草莓沙冰酸甜度啱啱好，草莓味道唔假，幾好飲~🔘焙茶牛乳呢杯朋友點嘅，佢話焙茶味幾香，味道唔錯~

🚩喫茶ちょうぼ餐廳位於大埔超級城，有行開嗰頭嘅一定會知道😎門口已經有一種好吸引你入去😌雖然裝修大多數都係用深色嘅木，但係唔覺得有一種好古舊唔舒服嘅感覺，反而你會好想瘋狂打卡🤭〰️〰️〰️〰️〰️〰️〰️〰️〰️〰️〰️〰️〰️〰️🌈明太子蛋包意粉 $96以前成日睇到一個日本老爺爺好出名整呢個蛋包依家唔使去到日本都食到‼️蛋包入面嘅蛋液仲keep住好嫩滑而且份量好多，應該有成四五隻蛋半生熟嘅蛋液撈埋落明太子意粉，好似有種食緊卡邦尼嘅感覺🤭意粉份量都好多足夠三個人share🌈咖喱牛肋肉蛋包飯 $115微微甜嘅蔬菜炒飯底配上炆得超級淋嘅牛肋肉，巨好吃🥹🌈月見雞皮餃子 $62一份兩串雞皮炸得好香脆，淨係保留左少許油分入面嘅餃子餡就好正式嘅日式餃子餡🤭🌈雪人布甸與牛奶大福盛 $68超可愛！仲有個崩壞版哈哈笑😃布甸係好吃個款，比較紮實得來好香蛋味🌈焙茶牛乳 $45🌈紅豆牛乳 $38兩款牛乳都熱辣辣上台，唔會過甜

放假唔知食咩好👀👀👀👀去超級城行下行到食飯時候～都係食返喫茶之前食過一次～覺得性價比各方面都好高👍🏻👍🏻👍🏻👍🏻👍🏻👍🏻👍🏻🧡環境舒服🧡價錢相宜🧡味道都好好份量又夠所以唔知食乜，我都係食返呢間今次就嗌咗啲唔一樣嘅嘢明太子蛋包意粉 $96咖喱牛肋肉蛋包飯 $130月見雞皮餃子（2串） $77雪人布甸與牛奶大福盛 $68紅粉絆緋花環拿鐵（凍） $48焙茶麻囍沙冰 $52食咗咁多買單都唔過$600心滿意足☺️

喫茶ちょうぼ 📍大埔安邦路8&10號大埔超級城B區2樓276號舖📍尖沙咀 銅鑼灣有分店━━━━━━━━━━━━━━━━━━━━━━━━━━━━數不清第幾訪這間昭和風Cafe了 每次去都有新菜品 亦有新驚喜 怪不得人氣一直不減! 這間的蛋包飯水準一直很高 這次看到了蛋包意粉超級新奇就進來一試 沒在其他地方見過所以應該是全港首創!?ps 悄悄說這裡的焦糖布甸真的很不錯 是我心目中的全港top!━━━━━━━━━━━━━━━━━━━━━━━━━━━━🍝 明太子蛋包意粉 $96 +10%▶︎ 若想吃動L的蛋包飯但不想吃米飯 這個蛋包意粉最適合! 意粉以明太子忌廉調味 表面蓋上超軟滑蛋!▶︎ 明太子調味奶中帶微鹹微微辣 醬汁很夠多 因為比較稀所以不會很膩口▶︎ 滑蛋亦是奶味香濃~ 與醬汁交融後裹上意粉原來也很好吃!好味指數:●●●●◐━━━━━━━━━━━━━━━━━━━━━━━━━━━━🍚 咖喱牛肋肉蛋包飯 $115 +10%▶︎ 上檯時超級!震撼! 牛肋肉分量多得誇張~ 而蛋包飯下的炒飯也很有水平▶︎ 咖喱是經典日式咖喱 濃郁而不刺激 而牛肋肉肉塊大又多 軟嫩又保留纖維感 抵到爆!▶︎ 蛋包飯的蛋依舊熟

喫茶店成日都好想去 上次去日本又無去😢😢香港咁岩又有間🇭🇰🇯🇵就頂住檔去下先係門口已經感受到日式喫茶店個份感覺主打都係木系為主 啡啡的🪵要稱讚佢地嘅服務🤵🏻🤵🏻‍♂️真心一流佢地服務已經戰勝好多頂級餐廳🥹*不論係咖哩嘅蛋包飯又好✨明太子嘅蛋包意粉都好✨個蛋包切出黎都係滑蛋成個蛋好有日本嘅蛋包感覺🥚❣️咖喱牛肋肉蛋包飯 $115咖哩汁會係分開上同日本咖哩一樣 都係甜辣😋😋唔食開辣嘅話呢到嘅咖哩好岩😎而牛肋肉舊舊都軟🐂食落嘅每一啖都好易咬開加入咖哩一齊食好香口💕❣️明太子蛋包意粉 $96明太子醬多多 意粉完全吸收到啲汁汁🍝啖啖帶有明太子香味 係完美同意粉結合左再加上魚子🐟更加有口感❣️月見雞皮餃子 $62 一串有3件餃子🥟外皮香脆就算炸左都仲係可以保持到外皮嘅彈性餡料滿滿 咬嘅第一啖已經感覺到想爆開🤤❣️雪人布甸與牛奶大福 $68布甸貌似普通 但食落好重同好香蛋香味🍮仲要好滑身 好似食滑蛋般嘅感覺牛奶大福口感會偏似雪糕糯米糍🍨外皮軟棉棉 內裏冰涼🍑 白桃梳打 $45🍵 抹茶麻薯沙冰 $52

上次👧🏻👦🏻去過銅鑼灣分店覺得呢間日式Fusion餐廳幾有驚喜，行完大埔超級城時就同👩🏻去醫下肚仔先！🌟咖喱牛肋肉蛋包飯之後食過佢地既蛋包飯超正，今次就試下咖喱牛肋肉蛋包飯！蛋皮依舊滑捋捋，一刀切開時就如瀑布般流！而咖喱牛肋肉份量頗多，咖哩汁🍛就偏日式，唔辣甜甜地，但就比平時食既日式咖哩較重香料味👍🏻。牛肋肉肥瘦均衡，瘦既部分又幾鬆化，一啲都唔覺得韌。🌟明太子蛋包意粉既然蛋包飯咁正，就叫埋明太子蛋包意粉🍝！明太子汁就比較稀，尚算掛汁。醬汁充滿明太子既咸香，配埋少量雜菌，唔會覺得單調👍🏻。🌟月見雞皮餃子（2串）日式煎餃子🥟可能食得多，用雞皮包住餃子內餡就比較少見。雞皮燒得香脆，包裹著韭菜豬肉等內餡，再沾上雞蛋燒汁，夠曬惹味！🌟雪人布甸與牛奶大福盛成餐嚟講👧🏻👩🏻就最鐘意呢個甜品！用上大量士多啤梨🍓作裝飾，外貌整到一隻雪人咁！底層有焦糖布丁🍮，質感係較Creamy，唔係走好滑嫩富有蛋香既Style，👧🏻👩🏻就好鐘意呢種口感。而上層就有牛奶大福，味道同由細食到大既雪米糍味道相近，糯米皮夠煙韌，內餡就有啲吉士醬+朱古力醬🍫，令人食到好滿足！🌟白桃梳打白桃梳打同平時飲既幾相似，不過就有粒酒味車厘

🍝明太子蛋包意粉蛋包飯食得多，今次試吓蛋包意粉，一上檯店員就會幫手切開雞蛋，慢慢流出半熟嫩滑的蛋汁，蛋的味道非常濃郁而且好滑嫩，意粉口感彈牙，雖然每條都掛滿醬汁，但食落又唔太膩，不過意粉份量頗多🫢🍛咖喱牛肋肉蛋包飯同蛋包意粉一樣，店員會幫手切開雞蛋，等蛋汁滲入炒飯入面，再加入咖喱汁，炒飯粒粒分明，牛肋肉份量多，咖喱味道剛剛好。🥟月見雞皮餃子一上檯就聞到好香嘅燒雞味道，以雞皮取代傳統餃子皮，煎到外皮金黃香脆，咬落內餡多汁爽脆，口感豐富。🍮雪人布甸與牛奶大福盛造型超可愛嘅雪人甜品。🧊夏日海洋梳打非常漂亮的藍色，加上杯頂上的雪糕，望落就好似海洋咁，將雪糕拌勻跟波子水梳打一齊飲，飲落非常清涼。🧊青森蘋果梳打淡淡的蘋果香味，飲落清新，唔太甜。

早前去咗大埔呢間喫茶店，試咗佢哋一啲聖誕系列，包括聖誕庭園大蝦菠菜扁意粉、誕辰和牛漢堡蛋包飯、噹噹金賞唐揚炸雞、雪人布甸與牛奶大福盛同紅粉緋緋花環拿鐵。首先，講返聖誕庭園大蝦菠菜扁意粉，賣相好似一棵聖誕樹🎄意粉粗粗地幾有口感，配上新鮮嘅大蝦同菠菜，味道清新。再試咗誕辰和牛漢堡蛋包飯。個和牛漢堡好juicy同多汁，配上蛋包飯，味道非常濃郁。蛋非常嫩滑。然後，噹噹金賞唐揚炸雞🍗個炸雞外脆內嫩，每一塊都好多汁。甜品揀咗雪人布甸與牛奶大福盛，賣相可愛。最後，飲咗杯紅粉緋緋花環拿鐵。個拿鐵有著濃郁嘅咖啡味道。

喫茶ちょうぼ係一間以日式咖啡店為主的地方，提供各式各樣嘅咖啡同埋輕食。呢度嘅裝潢非常簡潔而舒適。入到去，你會感受到一種溫馨嘅氛圍，佢哋嘅木質桌椅同埋柔和嘅燈光，令人感到放鬆同埋舒服。而且，佢哋嘅音樂選擇都好合適，令你可以好好享受食物同埋放鬆心情。但同真正日本Cafe唔同嘅地方就係地方唔大。。。喫茶ちょうぼ嘅咖啡幾出色。咖啡都帶有濃郁嘅香味同埋順滑嘅口感。我特別推薦佢哋嘅拿鐵咖啡。佢哋嘅奶泡非常細緻同埋豐富，去配合咖啡嘅苦甜味道。⭐️ 日式紅酒燉牛面肉蛋包飯⭐️ 和牛漢堡扒意粉拼薯條沙律

🍽️ 睇住個蛋包飯上桌，心諗：「今晚梗係正！」特大海老就喺度閃閃發光，蛋嘛？輕輕𠝹開，流心黃金一流出，滲入飯粒之中，真係口感同味道都掂晒。🤤 炸七味雞軟骨脆到出聲，每一啖都似在講「一試難忘」噉嘅響。話晒啱晒軟磨磨嘅牛肉芝士漢堡，啖啖肉感，芝士又緊貼牛肉，仲有啲番茄爆漿嘅濕潤；呢刻我都覺得個世界好美好。嗌咗杯焙茶麻糬沙冰，解解膩，入口涼快，麻糬QQ跳舞，焙茶沙冰厚味，一啖一啖都心情都靚晒。呢啲香甜既細節，真係令人忍唔住多嗌一客小倉紅豆牛乳，紅豆同牛奶嘅故事，講咗又講，飲落總係咁滑咁暖心。最後，不得唔提個南瓜芝士蛋糕，外層南瓜嘅清甜，中間係滿分嘅芝士香，層次分明到令人心花怒放。😌大埔嘅美食旅程，今次梗係無得頂，滿分推介！過嚟味道同感覺兼得，寫住都嬲喎，快啲嚟試，食個過癮！