大埔有好多拮腸粉、魚蛋的檔仔。
我認為呢間花慕山都值得介紹一下。
呢檔小食開左起碼十幾廿年，以前仲有銀星戲院的時候o的人最鍾意o係度拮兩串魚蛋，買碌蔗咬下入跟住入場睇戲。
而我就最鍾意放學黎呢度買下野食。除左去位於同一個廣場有好多人食o個間車仔麵之外，呢間都係我經常幫襯的舖頭。

除了一般的魚蛋、燒賣，仲有唔係度度有的潮州粉果，加埋佢o的辣油都幾好味的。辣得滯頂唔順的話，整杯呢度的鮮搾果汁 (芒果汁、木瓜鮮奶)就非常好o勒。

看了雜誌介紹，所以趁星期日來試試。
6:45pm 已經滿座了，要等位，果然好生意。
等待期間發覺有很多也是日本人，心想這間拉麵店應該是信心保證。
等了三十分鐘左右有位。店內裝潢很有風味，像是日本的居酒屋。
我和朋友四人點了四碗拉麵和一些小食，全部都很有水準 =)

叉燒拉麵、雜錦豬骨拉麵
這兩款拉麵是用豬骨湯底。雜錦豬骨拉麵比較豐富，有很多料，包括叉燒、腩肉，還有一隻溏心蛋。奶白色的豬骨湯又香又濃，十分足料，而且不油膩。怪不得是這裡的招牌拉麵！

豉油拉麵
味道剛剛好，夠味而不咸。麵很入味，不喝湯只吃一條麵或芽菜也可嚐到那陣豉油香。

咖喱拉麵
十分惹味，一點點辣，喜歡味濃的可以吃這個。

基本上款款拉麵我也覺得好吃，湯底好，麵煙韌彈口。所以各式其式，視乎你喜歡什麼湯底。

汁燒牛舌
麵店的推介小食。個人認為一般，不是因為味道差，只是覺得它像牛肉多於牛舌。

串燒盛合 (自選6串)
雞翼、帶子、雞皮、煙肉露筍、
串燒快、靚、正。可以散叫或叫個盛合自由配搭6串。這樣叫比較化算。

日式燒餅
有些腩肉、椰菜和薯仔。喜歡它熱呼呼和鋪得滿滿的木魚絲，是款十分有特色的小吃。

上次話要試蛋撻，所以趁星期六放工買黎當下午茶同屋企人試下。

新鮮熱辣三點出爐的蛋撻十分之吸引，不少人於等紅綠燈期間都聞香而至買撻一試。
一心買蛋撻，但見其他懷舊糕餅都十分精緻，所以也買了兩件椰撻及兩件牛油曲奇，件件四蚊。店員收錢收到無停手。其間有人買了一盒非常大的東西，原來她買了陳列在門口玻璃櫃的洋娃娃蛋糕，還要是巨大版那個。之前見到洋娃娃蛋糕覺得好得意，不過一直懷疑有無人買，原來真係有客路的~ 唔知味道又會如何呢？朋友笑說肯定唔方好吃 =="

買完餅飛車返屋企，一路上都感覺到蛋撻的熱力從盒裡傳到我的膝蓋，非常之燙，令我很心急想快些吃掉它們~~~

可愛的蛋撻回到家時還是熱的
一口咬下，十分鬆化，和預期一樣美味。最喜歡它的皮一點也不油，中間的蛋又十分滑流~

至於椰撻也是不錯呢，甜度適中，而且大大個、厚厚的，非常「豐盈」，咬下去很滿足 =\

比較之下，那兩塊曲奇就沒有那麼突出了。普通牛油曲奇，中間夾了少許朱古力，食落有點兒乾，需要大量灌水。

要在這裡吃餅的話，首選蛋撻、椰撻啦。

去開長沙環做野，好朋友熱烈推介我去新華茶餐廳。
我同朋友一樣叫了 $25 茶餐，有
火腿奄列
沙爹牛麵 <--- 轉粉絲
熱飲一杯

朋友話沙爹牛麵可以轉粉絲，索曬o的汁會好好味，我見平時好少可以o係茶餐廳叫沙爹牛配粉絲，所以點都要試一試！

個沙爹汁好好味，牛肉唔韌，不錯
可惜唔夠多汁，如果多o的沙爹汁，o的粉絲會更吸引。
令我喜出望外的是那份火腿奄列。本身不是太好雞蛋的我覺得這個奄列很好吃。蛋煎得很香，但一點也不油膩，火腿味道又剛剛好，本人非常喜歡

結帳離開時看見剛出爐的糕餅，朋友說這裡最出名的其實是蛋撻。
看見那些香噴噴、熱騰騰的蛋撻、椰撻還有紙包蛋糕，愛吃零食多於正餐的我決定下次一定要試試它們

食 All-Day Breakfast，主題當然是 蛋、蛋 同蛋啦~
第二次食Flying Pan，因為上次朋友帶我去完之後覺得幾好。姨甥仔由細到大都超愛食蛋，所以今次特登帶佢黎。

平日的黃昏到達，同上次公眾假期的中午比無 o甘多人，有好多位。
一坐低，睇餐牌，姨甥已經異常興奮，因為全部都係蛋。
同行的友人都因為有太多選擇而心大心細，擾攘了一輪才落單。

我地點了三份餐：
我叫了 Monterey 奄列 (有蝦、菠菜同 Gouda 芝士，另外加埋蘑菇)
朋友食煙三文魚炒蛋
姨甥叫左個大份 Combo 4x4x4 Monster Pan (樣樣都有四份，四隻蛋、四條腸、四塊煙肉、四件多士、四份 side dishes 同一杯大果汁)
我地o的 side dishes 要了 spiced apple, fresh fruit, garden salad, baked beans, lyonnaise potato

整體黎講o的野食都 okay，蛋fans姨甥讚不絕口，非常滿足。
我同朋友都食得開心，因為坐得舒服，同埋鍾意揀食物時可以有不同配搭，如 toast 可以 white bread/ wheat bread，又可以轉 english muffin 或 bagel；雞蛋可以 over easy/over hard，奄列又可以加錢加 extra配料如洋蔥、蘑菇、芝士等。嫌一個 set 唔夠，加幾蚊又有雪糕、waffle (不過通常都唔會唔夠飽，因為o的食物好大份) ，完全可以滿足我呢o的貪心麻煩人

除非你討厭食蛋啦，否則呢度都非常值得一試的。