朋友好鐘意食拉麵，成日周圍去試拉麵，咁啱我地去尖沙咀行完街見到呢間就入去試試！ 霸嗎拉麵嚟自日本，裝潢都好有日式風格，樓底夠高，坐得舒服。 . . 見餐牌推出咗一款藥膳拉麵，看來幾吸引 🍜花雕雞卷藥膳雞白湯拉麵**$108 一捧來見幾大堆頭喎，係滿滿的炸牛蒡，侍應話要即食，淋左就無咁好食。真係好脆口，有牛蒡香味又覺唔油膩。湯頭係雞白湯底, 花雕藥膳香味，會有少少油。 雞卷好軟腍，滿滿花雕酒香氣，口感嫩滑。配料有大大顆紅棗,杞子, 木耳，滋補養生。 . . 🍜炙燒豚肉味玉拉麵 **$98 超濃厚豬骨湯底，厚切叉燒，油脂分佈均勻，口感軟腍，配上香葱及溏心味玉，連同掛湯的煙靭麵條同吃，惹味香濃，幸福感滿滿😋 . . 🥟🔥辛口燒餃子**$38 餃子皮薄，煎得香薄脆的餃子底皮，上面放滿辣醬和香葱，充滿辣椒香氣。 . . 🐤🔥燒汁唐揚炸雞**$38 加入調味料及炸粉嘅炸雞，雞肉嫩滑多汁，如果喜歡濃味的點燒汁款最啱，惹味香口！ . . 🫖🍨日本紅茶雪糕**加$28 好喜歡食茶味雪糕，紅茶雪糕最啱我，濃郁的茶香和奶香混合，夠香夠滑。

阿囡鐘意食炸雞，之前係旺角試過呢間韓國菜，啲炸雞💥🐔幾好食，近近地同阿囡去荃灣海之戀分店食多次先！ 餐具裝潢簡約，環境濶落，我地日頭坐近窗口位置有園林景緻，感覺幾舒適。 . . 🥗鮮蝦沙律**$118 沙律菜幾新鮮爽口，有蛋,腰果,粟米,芝士碎，日式香醋汁配上爽口大蝦，讓味蕾清新一下。 . . 🐟魚介湯鍋**$238 魚糕愛好人士必點，豐盛嘅韓國魚糕及魚板，配上鏗魚高湯，韓國年糕，蛋，金菇，冬菇，蔬菜，原煱暖住上。 . . 🐔半半炸雞**$208 **大丘辣醬,黃金蒜香 100%手工炸雞，炸粉不厚，香料味濃，炸雞口感鮮嫩！6款炸雞口味，我地揀左2款雙拼，每款有2雞胸,雞翼及雞槌。大丘辣醬款係微辣，雞皮香脆及惹味，無可抗拒要食埋雞皮。黃金蒜香有滿滿的蒜香味，加上炸蒜片同吃，配菜有醃白蘿蔔及炸蕃薯條。 . . 火炙牛**$98 用火槍即燒火炙牛，充滿蕉香，牛味香濃，肉質軟腍，加埋燒汁生蒜片及青瓜絲同吃，5片真係唔夠！ . . 巨蜂乳酸梳打**$48 草莓乳酸梳打**$48 果汁，梳打水加上微甜益力多及益力多爆珠，好味道 芒果雪冰**$88 每次食韓式甜品必點Bingsu，一捧上枱就要即刻打卡。已混合淡奶及芒果汁的刨冰棉密幼細，入口即溶，碗邊圍滿芒果及星星蒟蒻，頂部是呍呢嗱雪糕及忌廉，份量足夠2人分享！推介🌟🌟🌟

朋友好開心同我講話加左人工，佢想請我食飯慶祝下! 我去過呢間法國餐廳，環境及質素也不錯，所以建議去呢度慶祝下 Odelice 我地叫左個2人Set Dinner ，係$528 套餐包迷你法包及忌廉湯 🌟Starter揀左迷你法式拼盤，加$30 有吞拿魚他他, 煙三文魚蘸醬,迷你蛋批,炸黑松露菇球,西班牙火腿，款款香脆美味，幾有特色 🌟Main Course揀2款，盲槽魚海鮮煱 黑青口,蜆,燒薯粒,海鮮濃湯汁，魚塊厚厚，魚肉嫩滑，魚皮煎得香脆，配料豐富, 湯汁有鮮味 阿根廷安格斯肉眼牛排 +$30 配薯條及黑松露醬汁，牛排點5成熟，蘸點黑松露醬食，牛味更顯濃郁 🌟Dessert揀法式蘋果撻 配上雲呢嗱雪糕，蘋果撻餅底鬆化，微甜 我地都幾喜歡這個甜品 🍷葡萄酒有8折 汽泡酒 $70 及紅葡萄酒 $75 環境,美食俱佳，值得再去食！

今日老公生日，大家都喜歡食泰國菜，朋友係尖東返工，佢介紹呢間情調不錯又高質嘅泰國餐廳..... 🌟Namo Avant Thai Restaurant🌟 由米芝蓮星級名廚主理嘅創新泰菜餐廳，國際名廚𝐁𝐨𝐛𝐛𝐲 𝐂𝐡𝐢𝐧𝐧研發新菜式。餐廳以泰式木系嘅裝潢，座位舒適闊落，設有室外座位，邊品嚐美食邊欣賞維港景色。晚上燈光較昏暗，滿有情調的。 . 甫坐低侍應就捧上香脆蝦片 我地揀左幾款新式泰國菜 . 🍽Beef it up 燒牛肉沙律 $168 每次食泰國菜必會選沙律 燒牛肉幾入味道肉質夠淋，食得出牛肉鮮味，伴著沙律菜及微辣酸汁，胃口大開 . . 🍽Beef Satay / Chicken Satay 牛肉沙爹串 $88/2pcs 雞肉沙爹串 $78/2 pcs 牛肉跟燒牛肉沙肉一樣夠入味，燒烤後唔覺好乾，牛肉和雞肉口感都好腍，有炭香味，點埋花生沙嗲醬幾惹味 . . 🍽Bobby Chinn's Tamarind-Glazed Crab Cakes 蟹肉夾餅 $118/2pcs 這個價錢只有2塊，一定好真材實料，不會失望喔！蟹餅肉質厚實，加入韭菜花，外層煎至微脆，啖啖蟹開。配襯韭菜花，及微甜醬汁，口味幾新鮮 . . 🍽Garlic Fried Prawn 香蒜辣蝦 $168/8pcs . 微辣大蝦脆炸至金黃，蝦肉結實新鮮，點埋千島沙律醬，香口到食唔停口！ . . 🍽Bobby Chinn's Thai Crab Yellow Curry 泰式黃咖喱蟹 $268 這菜式好啱怕拆蟹又想食蟹的人士！ 整碟都是滿滿的蟹肉，應該有2隻以上的肉蟹，配埋淡淡的椰汁咖喱及蔬菜。奉送香脆法包，啖啖蟹肉的鮮味濃濃滲出。 . . 🍽King Prawn Tom Yum 大蝦冬蔭功湯 $178/Full 每次食泰菜必點冬蔭功湯，每間餐廳總有不同的風味！這裡的Tom Yum不算辣，好易入口，椰漿及香料配搭剛好，湯底很滑溜，加埋1隻開邊大虎蝦，相得益彰。 . . 到飲品🥤Refreshing Mocktails Basil Tree $58 Ginger Dragon $58 2款都係香草，鮮果，冷壓果汁 酸甜開胃，清味蕾不錯！ . . 甜品胃🍧Double-Scoop Gelato Coconut and pineapple雪糕 $88 本來想點芒果糯米飯，但實在太飽，來個手造雪糕也不錯。好香好滑，仲有混合椰子肉，菠蘿，杏仁片，口感特別，好回味這款雪糕呢… .

. . 呢排天氣都幾熱，朝早同朋友行完山，去到商場，朋友建議去🌸花斑茶社🌸買凍果茶飲下消消暑.... 我揀左新推出嘅 🍇🥤青葡萄烏龍 少甜少冰 微甜烏龍茶 滿滿的青提子果肉 果香即時提升 口味清新 吸吮每口清茶拌上果肉 口感豐盛 識揀梗係揀有果肉嘅春果好茶 . . 朋友揀左 🥭🥤芒果冰茶 水果與茶的絕配 可選四季春或綠茶茶底 我就揀左四季春茶 春茶帶淡雅花香、香氣宜人 加上少許芒果肉及芒果汁 清新消暑之選 . . 原來仲有得揀無糖嘅完熟蘋果冰茶 真係要試試🍎

囝囝好喜歡貓貓，可惜爸爸未有共識領養貓咪，唯有趁放假去貓貓Cafe玩下啦！

最近無意間發現呢間可以幫到浪浪嘅貓貓Cafe，佢地開支嘅盈餘會捐比動物慈善機構，幫助小動物，全日免入場費，又不限時，每人只需消費$100。有心有力嘅仲可以領養貓貓添 🐱
.
.
🐈貓啡 catfe 位於旺角彌敦道，有成1600呎咁大, 有高枱或仿草地位置可以坐，約30隻貓主子🐱🐈陪玩
.
.
午餐時間我同囝囝揀左
🍽招牌蒜香蟹肉明太子肉闊條麵**$128
意大利粉口感剛好，全部都夠掛上滿滿忌廉汁, 明太子及啖啖蟹肉，夠鮮味又份量十足，美味滿分! 碟上仲用紅蘿蔔蓉整左貓腳印，幾好心思💕
.
.
🍽慢煮雞胸沙律**$88
慢煮雞胸肉好嫩滑，份量幾多，厚厚一大塊，不會擔心唔飽肚。沙律菜好新鮮翠綠，沙律醬汁不會過多，健康人士之選。
.
.
飲品方面有梳打、沙冰、咖啡、茶等
選擇幾多
🍹百香果菠蘿冰沙**$48
沙冰幼滑，滿滿新鮮果香又不會過甜。
.
🍹生椰拿鐵**$58
普通的Latte就試得多，加埋椰漿/椰汁就未試過，味道幾夾，椰漿過多就會太甜，這裡份量控制得剛好，拌勻就散發淡淡椰香，口感細滑。
.
.
嘆完美食，我地就同貓咪s玩，好多主子都係浪浪，有隻好親人會走上人大肶坐😍，so sweet🥰 ! 我地仲開左罐罐比主子們🐱🐱🐱，囝囝即刻好受貓咪歡迎啊😘😘！

同朋友去完銅鑼灣Shopping，大家都想食韓國野，於是上網揾下邊間正先，搵到呢間剛新開無耐，見啲相同價錢轉抵，去試下先....... 韓大叔大排檔係銅鑼灣登龍街28號永光中心樓上，佈置還原韓國大排檔風，坐得幾舒服，枱面放滿韓國調味料。菜式幾多樣化，醬油系列、煎餅、炸雞、熱湯、炒年糕，飲品有各款真露，水果梳打，果汁等。 店員先送上韓風前菜 (辣豆芽，海帶, 泡菜)，之後向我地推介各款美食。我地款款都想食，揀左好多款啊😁！ . . 🍽阿豬媽炒年糕 $78 韓國大排檔風味，配合韓國甜辣醬 入口香辣惹味，年糕size大小剛好，口感煙韌 . . 🍽原味炸雞*半份 $98 炸雞係必點的韓國菜，半份份量足2人分享，外皮炸得好香脆，肉質夠嫩，配上甜辣及芥末醬，好滋味。 . . 🍽芝士泡菜煎餅 $78 煎餅有鮮菇、濃厚芝士，泡菜，外脆內軟，點辣味魚露，滋味倍增。 . . 🍽 泡菜海鮮豆腐湯 $98 鍋仔細細，原來好足料，熱辣辣，泡菜湯底，滿滿的海鮮食材，青口/鮮蝦/豆腐/魷魚，微辣湯底用來做泡飯也不錯。 . . 🍽韓大叔醬油拼盤$388 喜歡食醬油刺身系列係必點這菜式！1個拼盤有齊醬油鮑魚、醬油蝦及醬油蟹，及雞蛋。食材新鮮，醬油醃得夠入味，將蟹糕拌紫菜飯就最正，鮮味無窮！ . . 🍽韓大叔牛肉水冷麵 韓國冷麵係我食韓國菜必點菜。尤其喺夏天，喜歡食冰涼又煙煙靭靭嘅蕎麥冷麵，麵汁微咸，味道剛好，呢個仲有好入味嘅牛肉添！ . . 🍹飲品揀左荔枝梳打及芒果梳打 各$38 果味清新，是韓式炸物的完美配搭飲品。 . . 只要成為Storellet會員 就可以喺旗下餐廳韓大叔大排檔 享有迎新優惠*晚市$50 現金券x4 同*全單85折 真係好抵喎🤩🤩

朋友仔好鐘意打邊爐，經常捐窿捐罅去搵正野食，佢今晚興之所致話帶我去食私房菜級火煱喎。 🔸️唐坊火鍋私房菜🔸️地址係旺角嘅樓上鋪，都算易搵。地方幾寛敝，裝潢也不錯的。 叫得私房菜，食材用料一定夠高級先吸引到食客，朋友話食過呢度啲食材真係幾正幾新鮮的! 店員先瑞上一大盤火煱調味料，前菜2小碟，火煱及刺身豉油。 我地2個人揀左 二人套餐 ($788) 有4款湯底揀： 1. 煲冬瓜瑤柱美腿鍋 2. 唐泰北蝦冬陰公湯鍋 3. 極濃蝦鍋 4. 酸菜三文魚骨腩鍋 我鐘意辣辣地，揀咗👉🏻唐泰北蝦冬陰公湯鍋，，再瑞上湯鍋，用料真係好足，好多隻鮮蝦，味道鮮甜帶微辣，淡淡的冬蔭功湯味，不會搶左食材嘅鮮味!! . . 🍽二人刺身拼盤 三文魚、魷魚、希靈魚、八爪魚，用上玻璃盒子承載，擺盤好精美! 款款都係厚切刺身， 三文魚好香油脂，其餘都好優質，食得出鮮甜，質素跟日式食肆有得揮👍🏻 . . 🍽二人海鮮拼盤 重頭戲係呢個拼盤! 擺盤已經夠靚，❣️鮑魚、帶子、大頭蝦，脆鯇片、卜卜蜆。每款海鮮都大大隻，看得出的新鮮肥美。鮑魚厚肉，肉質彈牙，每人1隻真係唔夠喉啊~ . . 🍽手切特級牛(細)/ 橡果豬(細) 我哋揀咗手切牛，脂肪比例均勻，切得夠薄，滾10秒就可以即食，入口牛味香濃。高質 . . 🍽韭菜餃及蟹肉餃 自家製餃子，非一般雪到死實嘅冰餃子。餃子皮柔軟夠厚身，唔會淥到好快爛，饀料鮮味出曬嚟 . . 🍽 田園雜菜籃 幾款雜菜，新鮮爽口 . . 🍽 手打烏冬 日本手打烏冬，不用說夠曬滑身又彈牙 . . 🍽 兩杯無酒精飲品 可樂/無糖可樂/忌廉/ 椰子水/低糖果汁 我地揀左無糖可樂及低糖果汁，低糖果汁幾特別喎，蘋果香滿溢。 . . 最後送上桃膠紅棗糖水為這頓豐富晚餐劃上完美句號!!

朋友相聚，話想打邊爐。我建議去荃灣大鴻輝中心揀，呢度都幾多火煱店選擇，我就揀左之前幫襯過嘅一煱堂，食材款多優質。 我地揀左C餐-高級日本及澳洲和牛120分鐘任食套餐$308，湯底有10幾款，朋友揀左“蕃茄薯仔牛粒湯”，湯底真材實料！ 店舖偌大寬敞，坐得幾舒服。除左QR code落單嘅食材，自助區域選擇都幾豐富，多款火鍋配料、蔬菜、熟食、冷盤小食、飲品等。 自助Bar最喜歡自家製茶類：薄荷烏龍，酸甜洛神花茶及香茅檸檬茶，微糖夠健康，總要每款都試下。 🐂🐮任今必點嘅就一定係牛肉--極上安格斯牛小排, 日本產黑毛和牛, 手切牛脊肉, 花雕浸安格斯牛肉, 牛舌及牛板腱, 封門柳，款款油花分佈均勻，入口嫩滑，新鮮無雪味，與一般肥牛完全不同口味。 🐷🐑另外有黑毛豬及羊肉，丸類也不錯的，彈牙手打三寶丸及手打香辣孜然雞丸，手打墨魚滑。海鮮類也新鮮，推介珍珠貝，海蝦，花膠，墨魚仔及冰山蚌。喜歡吃魚可以揀脆鯇魚片，烏魚片及脆骨腩。 🥬🥒健康素食推介--金蟲草孢子，鮮准山，鮮萵筍，仲有手工餃子，每款都試下先得！ 食材夠多樣化，款款新鮮。是日個胃細左，甜品無食到，唯有下次再戰啦！

朋友嚟荃灣聚會，晚餐搵就腳地方邊食邊傾，我建議去綠陽坊的HeSheEat，就係地鐵站出口，西餐都幾高質又抵食.... 全店淺粉紅色裝潢💗💗 啱曬粉紅控打卡啊📸！ . . 🥗香辣大蝦柚子沙律**$88 我同朋友都係健康飲食主義者，所以總要點沙律做前菜。新鮮沙律菜, 清甜蕃茄仔, 紅蘿蔔絲, 柚子, 爽口大蝦，配上黑醋及微辣芥末籽，清新味蕾！ . . 🍝香辣鮮魷魚墨魚汁意粉** $98 墨魚汁嘅意粉或意大利飯總令人又愛又恨，每次食相頗狼狽，牙齒跟嘴唇黑黑的，要跟熟人一齊食先好點🤣這個墨魚汁意粉蒜香味濃，扁意粉好煙靭，醬汁濃度剛好，大大塊魷魚，煎香後仍好新鮮彈牙，意微辣好惹味！要Encore的菜式。 . . 🍔三重芝士大蘑菇黑松露牛肉漢堡包配田園沙律**$108 這個漢堡都幾抵食，饀料好豐富，新鮮免治牛肉大大塊, 新鮮厚蘑菇, 上中下三重芝士, 生菜及黑松露醬，咬下去肉汁與黑松露醬的爆汁感交錯，滋味無窮～ . . 🍹Homemade Strawberry Mojito*$58 身為士多啤梨控要點埋呢杯特飲，薄荷葉，梳打水，士多啤梨醬，清新甜美，夏天必點的特飲。 . . 🥐士多啤梨牛角包窩夫** $62 必點甜品！焗得香脆的窩夫弄成牛角包的彎彎形狀，中間夾上忌廉及士多啤梨，旁邊是香濃牛奶味的士多啤梨雪糕，碟上曬滿士多啤梨乾碎。先淋上新鮮士多啤梨醬，將所有食材一齊品嚐，酸與甜交錯的幸福滋味。愛士多啤梨的fans不要錯過。 . . 🍧宇治抹茶山系泡冰**$76 朋友係抹茶控，佢指定要揀呢款甜品。驟眼看以為得綿花冰, 抹茶醬, 抹茶雪糕, 紅豆, 白玉，配上一瓶抹茶醬及楓糖醬。原來內有另類食材：抹茶蕨餅及脆米，淡奶。綿花冰入口即溶，啖啖抹茶味，吃著暑氣全消。