之前睇某youtuber推介土瓜灣的一線軒 唔知鰂魚涌呢間係咪佢分店 作為米線控嘅我一場嚟到北角呢邊當然點都會試一試！ 本身好開心佢有得選擇多葱 但送到上嚟睇唔出有多到🥲 目測係同原本份量無分別 豬軟骨唔夠淋同可以再入味啲 軟骨部份都幾「銀」牙 其他包心丸個啲正常無嘜大分別 米線質地幾好，屬幼身，有煙韌口感唔會太淋易斷 湯底係酸辣湯，酸菜都幾多，鐘意酸嘅朋友應該會滿意 辣度唔算好辣，下次我應該可以叫中辣 總結係不過不失，未有驚艷到我嘅味道

今晚諗住食pizza Weekend最怕等位 於是去咗美麗華唔容易經過嘅3/F食肆 要經過停車場先去到呢一邊嘅The Chop House 今日周圍都咁爆場嘅日子 呢間竟然唔洗等位直入 叫咗蕃茄羅勒pizza，燒鱈魚加黑松露薯條 睇其他人食評portion唔係好大 原來2個人都食唔哂 要打包啲薯條走 蕃茄羅勒pizza上面個芝士波好正 Pizza底係薄脆嗰種 比較light 中間係用醃蕃茄乾做sauce 食落有天然醋酸味幾特別 鱈魚賣相唔錯 不過略嫌唔夠入味 香草味足夠 如果再加番啲咸度會更惹味！ 黑松露薯條初食時以為唔夠熱會唔好食 點知又唔錯喎 由頭到尾都keep到脆身 唔會食食下淋咗 有一點比較特別嘅係呢度外賣盒係收$5/個，比其他餐廳貴頗多😅😅

琳瑯滿目多到唔知嗌邊樣嘅menu 係令人會一再光臨嘅原因 當然每次都會有encore嘅菜式 例如呢個燒雞蝴蝶粉 Creamy得嚟又有香濃雞油味 蝴蝶粉口感滿足 3-4 個人叫一碟就啱啱好 Nachos 係上次無叫今次專登叫番嚟試 震撼嘅份量食3日都食唔哂😂 上面有3款醬料dip 唔會食極都獨孤一味咁齋 炸魷魚聽講係必叫之一 呢碟反而無想像中咁溜 可以一直掃哂全碟 由於樣樣都想食 最後飽得制 食唔落cheesecake😩 上次食過朱古力cheesecake意猶未盡本身心諗今次一定要encore 最終都係要留番下次 溫馨提示：如果想食dinner最好6點左右去攞定飛先 否則分分鐘排個幾鐘甚至無得攞飛

環境闊落，景觀非常好，帶上來港旅遊的朋友前來可飽覽香港景觀，過一個悠閑的下午 食物豐富，有齊前菜，串燒，甜品，清酒，2個人都吃不完 吞拿魚十分好食，一杯杯的芒果甜品口感清新，雞翼串燒外脆內juicy，會見客人差不多吃完第一輪才奉上第二輪，不會一開始趕住上菜令食物變凍，而且十分勤力加茶和換碟 用餐十分舒適，並不會催促客人離開，而且服務超班，由於帶上寶寶需要特別照顧，waitress們會陪伴bb玩，十分體貼窩心，值得大力推薦的一家日式居酒屋！

首先必須大讚呢度員工非常好！ 特別感謝著黑西裝褸嘅男經理 因為有bb關係 會比較多需要 但呢度員工全部都好親切對待 令我哋喺呢度渡過一頓開心嘅新年自助餐🥰 食物方面都滿足咗大部份人需求 有即開生蠔同面包蟹 新鮮多膏 有刺身同壽司 熱食都多樣化 特別一讚蒸魚好好食！新鮮得嚟蒸得啱啱好 2款湯好飲 串燒同天婦羅呢類都爽脆惹味 甜品方面亦滿意 焦糖燉蛋好好食 有pancake 甜品tart 鮮果puff 朱古力鮮橙cake必食！！ Haagan Daz 雪芭都係比較少有 食完前面主食 有時唔想再食heavy甜品 食雪芭係啱哂！ 最後亦想講 非常抵食 4人仲送一支紅酒！ 埋單$1000 包加一

同朋友慶生 諗住食咩都有嘅放題 於是揀咗呢間 一入去 環境同裝潢非常好 乾淨闊落 員工會即刻遞上小食6款+酸菜魚湯一碗俾你 跟住介紹一陣食咩 酸菜魚湯好飲 小食最好食係蝦多士！ 嘢飲方面以養生為主 每杯獨立封口 衛生又美觀！ 刺身船好靚 尙算新鮮 雞煲好好食！仲有蜆配搭埋 我䑁得係全晚最好食嘅一樣 下一round到打邊爐 我揀咗花膠濃湯 非常足料 有膠質 同好多花膠 正 煮海鮮部份都闊綽 有肉蟹、蟶子、貴妃蚌、鮑魚等等任order 新鮮好食嘅 有啲仍有少少沙影響口感 由於中間會有餃子蝦膠個啲俾埋 但我地深信食唔哂 所以叫佢地唔洗上呢類餸 唔好浪費 值得加好多分係，我地18:30 入去食到22:30 真係值得俾$450 食呢餐！ 唔會催 唔洗出去拎嘢食 調味料非常有心思 會再來！

經過數十次都排長龍 由無興趣到對佢產生好奇 再驅使到我願意賭上珍貴lunchtime嘅45分鐘嚟排隊😆 事實證明客人蜂擁而來係有原因嘅 一開始排隊頭10 分鐘，waitress已經會過嚟招呼你 簡介一下menu選擇內容 呢個時候就要揀定自己想食咩 聽講呢度嘅豚肉係必定要加多一份先滿足到 所以我都加咗一份 揀咗櫻花蝦豬骨湯底 之後就耐心等入座 入面大概10個座位左右 師傅係日文溝通 好地道 無添加味精嘅湯底勁濃郁😭😭😭 豚肉啱啱好 似好溫柔咁烹調佢 幼面掛得比較多汁 睇落雖然唔係好大碗 但絕對會捧腹出店😆 隱藏食法⭐️加昆布醋落食完拉面嘅湯底度 即刻昇華咗去第個層次 立即減去heavy感 變得light咗 微微嘅酸味飲湯底變得開胃！！ 個醋勁好味！

Lunchtime同同事路經一試 門面感覺一般 不過客人唔少 我揀咗蟹湯石鍋米線 配豬軟骨 通菜 同事揀咗蒸雞荷葉飯 上菜方面比起其他米線店相對較慢 因為佢係逐鍋逐鍋整 所以要啲時間 一上枱面時熱辣辣 啱哂呢排咁凍嘅天氣 整個湯底值得一讚 食到蟹香鮮甜 同一般食米線一定點辣嘅我好大分別 豬軟骨夠淋 湯底我都飲咗一大半 不過同事嘅荷葉飯就相對失望 蒸雞無雞味 荷葉香都較少 但飯量就好足 兩個人都夠食😂 環境方面感覺空氣不太流通 坐得唔算好舒服

米線控一定會試匀行過路過嘅米線店 呢間雖然望落骨子 但入面都坐滿客人 見到大家都埋頭密密食 睇落應該唔伏 我揀咗通菜 豬紅 豬大腸 麻辣酸辣米線 平時我係唔會隨便嗌豬紅同豬大腸 因為大部份都唔好食/有臭味 不過見呢間呢兩個餸左邊都有⭐️ 所以一試 豬紅食落軟糯 口感唔錯 豬大腸無怪味 亦都係好鬆軟 唔會好似有啲餐廳咁好靱咬唔入 值得叫♥️ 通菜份量正常 唔係多到成座山個種 米線份量都可以 唔會太少 湯底相對唔算好辣 今次我叫小辣 下次可以升lv😅

難得唔洗等位 入去坐吓 叫咗草莓大福soufflé 配草莓果醬 塊麻糬好滿足 唔係好甜 價錢稍貴 見佢話外賣有折 不過唔清楚拎完出到去第個位坐低會唔會影響口感😅 下次可以試吓呢個食法