難得過嚟睇完迪士尼展覽 見好耐無黎，就過黎食下車仔麵 用QR code落單，非常方便 永年車仔麵嘅配料選擇一向多到有選擇困難症 所以有好多款人氣配搭嘅車仔麵唔洗自己揀 永年大碗麵 有豬大腸，魚蛋，蘿蔔，豬紅，雞翼，雞翼尖，魷魚，紅腸 湯底加咗微辣，辣得過癮 滷水雞翼飽滿厚肉，肉質嫩滑 男神麵 配料有牛柏葉，牛肚，豬腸，牛丸，牛腩，蘿蔔，時菜，每一種配料份量都不少 牛筋炆煮腍滑富骨膠原，牛腩牛味濃郁 同樣出色 屋企人叫左個鐵板燒，仲有配搭炸麵 美國安格斯封門柳 肉質軟淋，肉味濃 的確不錯 酥皮湯都夠哂鬆化 每次嚟到都會飲佢個奶茶紅豆冰 茶味好濃，又唔會過

上星期黎食完嘢之後，就發現左呢間車仔麵 呢日係附近收工就同朋友食埋嘢先屋企 門口有個車仔麵檔嘅打卡位 裡面座位唔多，裝潢簡約 車仔麵以外，提供港式及潮洲特色小食 自選車仔麵 可加減蔥，湯及汁 我就叫左豪華九真大雜麵 包括牛腩、特級瀨尿牛筋丸、瑞士汁雞翼、魷魚、魷魚丸、豬紅、豬皮、蘿蔔、紅腸和時菜 啱晒樣樣都想試嘅我，配淮山麵，幾吸湯 魷魚丸，口感彈牙，又有咬口 特級瀨尿牛筋丸，果然名不虛傳 非常彈牙多汁 牛味相當濃郁 朋友叫左杯龍蝦麵，半隻上 賣相吸睛，炸得香口 面就揀咗油面，佢話不錯 瑞士汁雞中翼 瑞士汁超級入味 炸椒鹽魚片頭都好正，熱辣辣 椒絲腐乳通菜 通菜鮮嫩，加入腐乳為絕佳配搭

上星期帶小毛孩去西九散步，所以先去一間位於尖沙咀的寵物友善餐廳午膳。 餐廳主要用QR下單，但餐廳也有人手製作小餐牌，頗有心機。 餐廳主打健康輕食為主，但有時我都會忍唔住點一些邪惡食物中和一些，所以點了炸雞和我最愛的番薯條，酥脆可口。 我地選了輕營之選，裡面有大量新鮮的刺身三文魚、蕃茄、青瓜配上蜜糖香醋汁，估唔到蜜糖香醋汁與壽司飯相當之夾，入口帶微酸，滿開胃的。 另外選了一份自選風味碗雙拼，當中選了豆腐、青瓜、雜錦香菇、慢煮雞胸肉、紫洋蔥等配上果仁芝麻醬等，再加上壽司飯加沙律菜，份量十足，健康之餘，飽肚感十足，小毛孩也很喜歡。 美式咖啡和熱的玫瑰茉莉花茶，不錯。

朋友上網見到《滾得棧》舉辦左成立20週年嘅活動，即日起至4月30日，只要提早1日係Whatsapp或致電訂座，可享折扣優惠，係時候同朋友仔慶祝一下。 點了一些餐前小吃，炸豆腐，外脆內軟，正。 先食活魚刺身，肉質嫰滑鮮甜，份量十足，食完刺身還可以魚頭重新烹調，煮成酥炸魚肉，入口有另一份滋味。 火焰雞煲裡有大量豬膶、蝦、雞肉等菜式，裡面醬汁有超過40度酒精，所以之前有相機食先嘅點火儀式環節，待酒精揮發，配菜吸盡醬汁精華，味道更加香濃。 吃火鍋少不了手切牛、牛丸、水餃、響鈴等食材，而佢地最出名就係手切牛和手打牛丸，手切牛味道濃，口感細嫰，牛丸爽彈多汁。

呢間拉麵一直係旺角都算出名，知道喺荃灣開咗分店，呢日整完嘢就特登過嚟試吓 白雞湯拉麵 奶白嘅湯底好吸引，味道夠哂濃郁，配幼身拉麵 雞肉好嫩滑，薄切叉燒都唔錯，仲有全隻溏心蛋 另加椰菜，最鍾意佢另外分開上，成件事好健康 特濃豚骨沾麵，另加紫菜 麵可以揀熱麵或者凍麵，麵條嘅囗感唔錯幾彈牙，掛汁力強 特濃豚骨湯頭很濃但不會過鹹 叉燒焦香口感配上肉的油脂香氣 煎餃子 煎得香口，好juicy 飲品都幾有特色，叫左桂花鳥龍冷泡茶 同蜜桃紅茶有氣茶，清爽又解渴

原來大圍都有台灣嘢食 唔係朋友介紹都唔知，簡單嘅裝修 食物種類唔算太多 奮起湖排骨飯 兩塊大大塊排骨，加上魯肉飯 都幾夠味，好啱送飯 紅燒牛肉麵，刀削麵 牛肉肉質鮮嫩入味，湯汁濃郁滑順 如果濃味啲仲更加好 煙燻豬耳朵 爽口又彈牙，淡淡煙燻味，幾有特色 台式油豆腐 吸哂魯肉汁，超入味，必叫 剝皮辣椒雞湯 湯頭入味，帶點少辣，解油膩一流 台灣腸 炸得香口，仲配埋啲蒜片，真係好難唔好食 炭焙烏龍茶 茶底香濃，夠解渴 日式烤奶加波霸珍珠 珍珠非常彈牙，甜度可以自選

唔係朋友介紹，都唔知大圍 有間咁舒服嘅越南餐廳 裝修幾型格 一入黎就見到大大幅壁畫 大叻薄餅 餅底係用紙米做，非常脆口 配上豬肉醬、雞蛋、芝士醬、肉鬆 香口不油膩，非常特別 順化扎肉牛尾湯米線 大大碗，個湯幾香幾越南風味，牛尾夠哂淋 再加上越式扎肉同彈牙米線，滿足！ 魚露炸雞翼 雞翼大大隻，炸得好脆口，唔會乾爭爭 豬腩蝦肉米紙卷 傅統越式米紙卷，有豬肉、大蝦同生菜 米紙卷口感煙韌，再配搭魚露甜酸汁 好開胃！ 青檸梳打，凍latte 解喝又好飲

啱啱同主子整完嘢 搵間寵物友善餐廳食埋飯，天氣炎熱 嚟呢度一定冇錯，帶主子只能座外面 但都係商場內，有冷氣 White wine mussels 青口唔係好大果種，但份量都唔少，白酒汁甜中帶酒香，唔會太油膩，仲有2塊蒜蓉包 新鮮海膽，香煎帶子&蟹肉海膽忌廉汁意粉 意粉掛汁力強，好creamy，帶子大粒又鮮嫩 燒肉汁慢煮牛面頰肉意大利飯 牛面頰肉肉汁滿滿，牛肉味濃 意大利飯較乾身同偏硬身，但味道還算不錯 嚟到呢度點能夠唔食Pancake Banoffee Cream Bruelee Pancake 好厚好大份，Pancake口感鬆軟，充滿蛋味， 個人最鍾意佢上面果層脆焦糖，再配埋香蕉，拖肥醬，邪惡又好食

復活節假期黎過一次食下午茶，喺沙田嚟講價錢唔貴，而且性價比高 呢日買完嘢又過黎食，鍾意佢環境夠大 燒原隻魷魚 餐牌有唔少串燒揀，魷魚燒得剛剛好，而且幾厚身，唔會韌 再配上佢啲酸辣汁，不錯 安格斯牛肉船麵 材料極豐富 安格斯牛 牛筋牛腩 牛丸等等 湯底牛味濃郁 揀左微辣更惹味 最鐘意煮到勁淋嘅牛筋 海鮮炒闊河粉 勁足料 有好多種海鮮 炒得乾身香口，而且好入味 但份量真係略少 泰式椰奶咖啡 叫左少甜，咖啡味都幾突出 朋友個杯青檸沙冰 一睇就知勁解渴

上星期相約好友去一間使用本地優質食材的fine dining ,位置位於灣仔嘉薈軒。 餐廳環境滿有格調，職員也相當細心有禮，每上一道菜都會用心介紹。 每款菜式以中西合璧元素為主，部份前菜製作和擺盤極為細緻，餐前小吃還有我最近幾鍾意食嘅酸種麵包，不錯。 牛肉他他，肉質鮮嫰，醬汁用上流浮山蠔調配，沾一點提鮮不少，再配上potato chips,口感更豐富。 基圍蝦千層酥配蝦米蛋黃醬 薄薄嘅炸粉令基圍蝦炸得非常酥脆可口，配上蝦米蛋黃醬，更為滋味。 自家製虎蝦意大利麵，虎蝦煎得幾香口，蝦肉肉質爽彈。 平原三黃雞 餐廳用上香港本地雞肉，不含激素，雞皮烤得金黃香脆，肉質嫰滑多汁，雞肉裡面內藏用上大嶼山種植的［二澳米］，炒得粒粒分明，夠乾身，配上羊肚菌及黑皮雞樅菌，味道更豐富。 最後來幾款特色的甜品作結尾。