今年母親節決定帶佢感受不一樣的生活，唔使次次都飲茶。母親大人辛苦湊大我，係時候帶佢食下fusion菜，好彩大人好滿意👍🏻 餐廳裝潢新穎，有室內和室外座位，吧枱位置，氣氛有格調👍🏻 🌟Hairy Crab Butter Udon 讚岐烏冬彈牙，蟹肉鮮甜，蟹膏濃郁，加上生蛋黃，口感和層次都非常豐富🫶🏻而且蟹肉份量很多，可以食到啖啖鮮味十足的蟹肉💗 🌟Tonkatsu 伊比利亞豚肉吉列豬扒，脂肪紋理極其豐富👍🏻扒肉口感完全不會柴口，豬扒外層炸得酥脆金黃，內部則保持了豬肉的嫩滑🫶🏻 🌟Hamachi 前菜係油甘魚，擺盤十分精緻美麗，油甘魚肉質細嫩，帶有豐富油脂✨配上蟹籽，口感更加豐富鮮味💗 🌟Pickled Tomato Salad 蕃茄已經脫皮，水份充足，好似食水果一樣☺️番茄的酸甜和忌簾非常搭配，非常不錯的前菜， 十分清新開胃✨ 🌟Caramelized Pumpkin 南瓜表面沾滿焦糖，南瓜本身的甜味和柔軟質感與焦糖的香甜焦脆，增添口感，好味😋 🌟日式芝士蛋糕 這款日式芝士蛋糕質地細膩，口感綿密，不會過於甜膩，有兩種口味，一個係原味，另個係綠茶味🍵 除了有佳餚，當然要有美酒，我哋要咗兩杯紅酒🍷口感順滑✨

朋友成日話食雞煲，特別屯門有間橋底雞煲，今次入屯門順便試下。菜單上有特別推薦的是雞煲，可揀半雞或一隻，一隻比較抵食，若中途想改食半隻，價錢會貴左好多，而且仲係無咁好食。 🌟雞煲肉質嫩滑，明顯現炒，好香好惹味，搭配蔬菜和香料的烹調，口感加豐富。 🌟牛肩脊鮮嫩多汁，入口後散發出濃郁的牛肉香氣，價錢較貴，因份量不算多，但口感不錯。 🌟豬皮爽口彈牙，嚼勁十足。 🌟芝士丸、牛丸和香菇丸，一般。同普通凍肉店的丸一樣。 🌟生菜份量足，都好新鮮爽口。 雞煲味道真係唔錯，好惹味，幾好食。其他就不過不失。

今日同朋友去咗荃灣行完Donki，就係海之戀內搵餐廳食嘢，我哋特別鍾意依間餐廳嘅黑糖包，超好食。 🌟#餐包： 黑糖包 鬆軟綿密，每一啖都係香濃的黑糖香氣，入口軟熟，好好食。 🌟#龍蝦海鮮湯2客 湯底濃郁，鮮味十足，仲有好多龍蝦肉，每一啖都係海鮮的甜味，豐富的口感。 🌟#巴馬火腿凱撒沙律 沙律菜款式多，新鮮爽脆，配上大大塊的巴馬火腿，咸香開胃🤤 🌟#波士頓龍蝦薄餅9吋 薄餅上鋪滿了豐富的波士頓龍蝦肉，搭配著香濃的醬汁和脆口的餅底，CP值高！ 🌟#龍蝦汁海鮮長通粉 芝士份量好多，濃郁的龍蝦汁，長通粉掛滿了豐富的海鮮味道，好正。 🌟#百香果冰紅茶+ 熱伯爵茶 百香果味非常開胃，熱伯爵茶帶有淡淡的花香和茶葉的風味，兩杯都解膩。 🌟#柚子海鹽蘋果金寶 柚子海鹽略帶咸，內裡是酸甜可口蘋果餡料，外層是金黃酥脆的餅皮，口感特別。 服務細心，食物水準高，值得再來。

好耐無食過點心，牙癢癢，見到餐廳自家製品牌，所有點心現場即點即做，我當然要入去試下係咪真手作點心。 🌟#蝦餃及燒賣 蝦餃皮薄餡靚，鮮蝦大大隻，鮮甜爽口，好好味。燒賣亦十分之足料，雖然得兩隻，但係份量都算唔錯，味道清甜香口。 🌟#芝士蝦春卷 必試！鬆脆的春卷皮包住滿滿的餡料，爽口彈牙，食得出很新鮮的蝦肉製成，正。原來廚師曾就職於日本東京富麗華多年，專為高管達人和明星服務，怪不得有創新fusion菜。 🌟#養生燉湯及#時令蔬菜 今日係蟲草花燉雞湯，湯濃郁清甜，養生滋補！蔬菜鮮甜爽口。 🌟#籠仔蒸飯: 蒜香石斑片蒸飯 大大的荷葉飯，石斑片好新鮮，鋪滿係飯上面，配上炸蒜好香好好味。 店員的服務十分之細心，而廚師曾在多間米芝蓮酒店及大型連鎖酒樓集團做主管，經驗豐富。怪不得食物水準不錯👍🏻

食完Uncle Siuuuuu，煩惱全部Siu。 喺一個忙碌嘅weekday，要放鬆一下。呢度晚市嘅人流幾多，侍應安排左我地坐靠窗位置。唔同角落安置嘅大電視播放嘅K-pop MV令氣氛更佳。 晚市自助餐提供嘅肉類好豐富新鮮，我尤其鍾意一下幾種肉類： 🌟#韓式牛肉 店鋪醃製嘅牛肉喺燒完之後仍然鎖到肉汁同埋保持爽滑口感。 🌟#韓式豬頸肉 肉汁嫩滑，豬肉嘅香味透過煙韌口感慢慢滲出。 🌟#霜降一口牛 我將一口牛燒到六至七成熟，發現口感外燻內軟，牛肉鮮味透過滲出黎嘅肉汁散發開，夠曬滿足。 餐廳自助區終於提供各式各樣嘅配菜，有大量生菜供客人包肉食，中和翻食太多肉嘅油膩感。甜品區更有各式蛋糕同雪糕，又有格仔餅去滿足客人「第二個胃」。食完呢餐，只能夠講：「太滿足了！」 P.S. 呢度自家研製嘅泡菜真係好高質開胃！

放假約朋友去銅鑼灣行街食飯，選擇這間以日式串燒馳名的餐廳，餐廳地點方便，空間大，仲可以有餐枱和吧枱選擇，最後我哋選擇咗吧枱坐低😃 🌟日本蔬菜頭盤、意式刺身多士 以新鮮日本蔬菜配鮮味嘅味噌醬，爽口開胃😃然後再食埋個意式刺身多士，以海膽、三文魚、油甘魚等分層鋪在香脆多士上面，配上橄欖油，非常好味👍 🌟紐西蘭羊扒、浦燒鰻魚、日本小甜薯、明太子雞翼 羊扒煎至七成熟，外脆內嫩，肉汁鮮甜😋 鰻魚經過反覆燒製，油脂和醬汁融合在一起，咬落鮮甜可口🤩 日本小甜薯燒至金黃色，咬落甘甜綿軟👍 明太子雞翼火候控制恰到好處，能夠鎖住鮮嫩肉質，讚😘 🌟鹽燒大虎蝦、汁燒脆豬耳 燒製好嘅大蝦和鹽的配搭恰到好處，咬落爽口彈牙，唔會太鹹🥰豬耳亦都燒得非常爽脆，食落唔會太油膩，好正👍 🌟清酒煮大蜆 以清酒和乾蔥烹煮嘅大蜆，結合蜆本身嘅鹽味，食落肉質柔軟鮮嫩，湯汁仲帶有陣陣嘅酒香，非常好味😋 🌟墨魚汁炒烏冬 以彈牙嘅魷魚、金菇、墨魚汁，把烏冬炒至煙靭有嚼口，食落也很飽肚，很有滿足感😊 🌟三文魚燒飯團、明太子燒飯團 外脆內軟的燒飯團包裹着三文魚及明太子魚子，食落仲有陣陣嘅飯焦香味，內裡嘅米飯也非常柔軟，好味👍 餐廳位於銅鑼灣地鐵站上蓋，地點非常方便，餐廳樓面坐得舒服，職員服務態度友善，食材新鮮高質，烹調美味，非常讚🤩👍

今日入屯門同好朋友聚舊，發現屯門市中心行街真係好方便，食嘢選擇好多！佢話想食d特式野，我哋揀呢間餐廳，環境好寬敞舒適，光線好明亮。 🌟#泰國風味爽脆沙律(半份) 配料好豐富，多款蔬菜，顔色好繽紛，滿滿食慾感。雞胸肉質嫩滑，份量足，味道佳。 🌟#秘製鮮蘑菇、辣肉腸、肉腸薄餅 望住後方的pizza師傅用心製作餅皮，即叫即整，好有誠意！口感煙靭，香口酥脆餅皮配上豐富材料，十分滋味！重要份量十足，兩個人完全食唔晒！ 🌟#桃子檸檬水特飲 清香桃子配上檸檬的可口， 十分解膩，大大杯，正。 🌟MOCKTAILS 精製特色飲品:#菠蘿飄香 菠蘿的香甜味道十分開胃，無咩酒精味，內裡仲有椰香味雪糕，香滑可口，好飲！ 下次一定要試吓其他菜式，見好多人都叫牛油果沙律十分之吸引，值得推薦！

今次超驚喜！去荔枝角睇戲之後搵到一間性價比高的泰國餐廳，食物水準不錯，重點真係超大份勁足料！環境舒適，座位寬敞，傾計好地方。 我哋選了招牌2人套餐$358，真係好抵！ 🌟#泰式金鑽鮮蒞蘿沙律 香甜可口，解渴開胃，配上酥脆魚干仔，口感十足！可以encore❤️ 🌟#泰式火山骨 激讚！超巨型的火山骨，啖啖肉，配上秘制醬汁，好正。見到每枱食客都叫，證明性價比好高。 🌟#沙嗲豬及雞串燒 肉質嫩滑，醬香入味，炭香味撲鼻，滿滿的沙嗲汁，好juicy ！ 🌟#雞絲肉丸船河 配料一樣好有誠意！肉丸新鮮彈牙，大大份！用豬骨湯配搭多種香料熬煮的湯汁，好飲！ 🌟#椰皇三重羹 必試！面層桂花甘香鋪面，中間係奶香味十足的燉蛋白，滋陰潤肺同時養顏，底層清甜椰青水羹，清熱解毒，養生美味🤤 🌟 #青檸檬薏米水（熱及凍） 微甜解膩，大大杯，滿滿的維他命c，岩晒想美顔排毒的朋友。 餐廳雖在工廈，位置鄰近地鐵站，附近有不少市集和商店，經過此區的朋友，可以一試！

今日天氣麻麻哋，好想飲杯好咖啡振奮心情，呢間咖啡黎自中東。環境優雅，決定入去食個lunch 飲杯咖啡 叫咗以下食品： 🥢開心果鮮奶咖啡 ☕️-嚟到要試吓佢嘅招牌咖啡，飲落好濃香嘅咖啡味道，咖啡唔會酸，啡味濃郁，配埋鮮奶，口感又滑👍🏻 🥢珍珠麵哈羅米芝士沙律- 第一次食呢個沙律，呢個應該係中東嘅美食之一，配料非常多，有珍珠麵，哈罪米，芝士，洋蔥，西蘭花，非常清新，一啲都唔會heavy,portion 比起睇落嘅大好多,好飽肚👍🏻 見到呢度都有好多本地人同外國人喺度享受佢哋嘅愉快午餐時間，呢度啱晒同三五知己嚟傾偈🍀

要坐得舒服，又方便傾計，原來都好多選擇！今次約左好耐無見的朋友聚餐，當然想舒服食餐好！我哋揀左海鮮套餐: 🌟小食: #涼拍青瓜 秘制醬汁，蒜香味足，十分有食慾。份量多，抵食！ 我哋揀左星斑孖寶套餐，可配搭十多種海鮮，也非常推薦。 🌟#清蒸星斑仔+#美極煎大虎蝦 星斑仔非常新鮮，意料之外的大條，蒸得剛剛好，保持了魚肉的鮮甜和彈性，鮮美十足！必試～ 虎蝦金黃酥脆，十分入味，配上蒜茸的香氣，口感豐富。8隻份量，香鮮惹味，配白飯一流，好好食！ 仲有香滑紅豆沙送。 食材新鮮，味道出色，性價比高，服務員熱情友好，大滿足。