今日陪FD到SOGO買嘢，睇到哩間烤魚銅鑼灣有分店，咁一定要encore啦。哩間分店裝修得幾型格，好似酒吧咁。晚上都幾full下，差唔多坐滿八成，menu同尖沙咀分店有少少唔同。有得解冬瓜茶同可樂，食開辣嘢要叫定啲嘢飲。冬瓜茶係熱飲，入口好清香，唔甜。鹽燒鵪鶉蛋同燒羊肉串，揀咗孜然燒法。串燒火候掌握得啱啱好，用少少孜然調味，可以食出食材原味。羊肉外表焦香，內裡好juice，唔會覺得膻。蒜香牛油燒娃娃菜，蒜蓉鋪滿成個碗，勁香。娃娃菜好新鮮，食落鮮甜蒜香，好味。老壇酸菜魚鍋，哩個鍋分量真係勁大。魚肉片得好薄身，軟嫩冇骨入口即化。仲伴有大量配菜，有青瓜，芽菜，青筍等，勁豐富。青筍同酸菜，酸脆可口。薯粉軟嫩Q彈，嗦曬湯底鮮美，好食。避風塘澳洲龍蝦，今日主菜。龍蝦有兩隻巴掌咁大，已經斬件方便食用。龍蝦肉好夠鑊氣，食落彈牙鮮甜，加埋避風塘蒜蓉，好惹味。

小曼谷一直係九龍城人氣泰國餐廳，新分店環境幾好，晚市仲有live band，好有氣氛。椰青同西瓜冰沙，椰青冰鎮過，飲落清甜爽口。西瓜冰沙，飲得出用新鮮西瓜製作，好甜好啱泰國嘢。泰式醃粉絲海鮮沙律，海鮮有魷魚同大蝦，好新鮮鮮甜。泰式酸辣汁同粉絲好夾好惹味，開胃前菜唔錯。串燒拼盤，有雞全翼，雞腎，牛肉等6款。其中泰式臘腸好得意，食落好似廣式臘腸，係偏甜果款。搭配埋泰式沙爹醬，花生味好香濃，食落更加惹味。曼谷夜市火山骨，哩份排骨用鍋裝上來，勁大一份。排骨煮到軟嫩好易脫骨，搭配埋酸辣泰式汁，食完勁飽！

之前試過旺角分店，今日行過油麻地，睇到佢開咗新分店，餐牌仲轉咗，咁一定要試試啦。餐廳好大，裝修得幾靚，晚市full咗8成，好旺下。 芬達同話梅金桔檸檬熱飲，熱飲入口淡淡檸檬香，後味會有少少話梅味，成杯飲品唔會好甜。 涼拌青瓜雲耳，前菜好大一份，青瓜同雲耳都鋪滿咗。醬汁偏酸甜，加咗蒜蓉辣椒，食落酸甜香辣好惹味。 五花肉串同章魚須，串燒火候掌握得啱啱好，五花肉少少焦香唔會覺得油膩，章魚須爽口彈牙唔會覺得韌。少少辣椒孜然粉調味已經足夠，好正宗嘅內地燒烤味道。 蒜蓉粉絲燒海蝦，海蝦大大隻有6隻，上面鋪咗秘制蒜蓉醬，同下面粉絲娃娃菜撈埋一齊，勁好味。海蝦好新鮮，蝦肉鮮甜彈牙，全部食曬已經好飽。 石窩米線，今次揀咗六個餸同香濃番茄湯。米線用石頭窩送上來，可以一直keep到溫度。米線係雲南直送嘅手工米線，食得再耐都唔易斷，好彈牙TIM。六個餸最鐘意食封門柳，牛肉好薄切，透過石頭窩熱度煮熟佢，牛肉好軟嫩好好味。

今日到黃大仙開會，睇到黃大仙中心開咗上海婆婆，咁一定要試試啦。哩間餐廳晚市好full，睇落大部分都係街坊幫襯。Menu同isquare果間有少少分別，有蟹粉限定menu，唔錯。不過FD宜家飲緊中藥，唔可以食蟹，唯有下次再試。泡椒鳳爪，估唔到好大一份。鳳爪肉好緊致，入口Q彈。稍微做了少麻少辣處理，適合香港哩邊口味。秘制醒胃豬手粒，豬手切開咗一口大小，食落好似燒味店分蹄，不過要更加彈牙。搭配嘅酸甜汁同豬手好夾，作為開胃菜唔錯。淮揚軟篼響油鱔糊跟夾餅，用上海家常菜手法燒制鱔糊，食落香甜軟嫩，同埋醬香味十足。夾餅送上來仲熱笠笠，夾埋鱔糊一齊食，又係另一種風味。重慶麻辣小餛飩（8粒），小混沌皮薄肉鮮，每一顆餡料都好飽滿，搭配埋麻辣湯底，食落香辣鮮甜。

同FD行尖沙咀，行到好肚餓，睇到哩間韓燒都有尖沙咀分店，咁一定要encore啦。晚上好full，唔想等位一定要提早book台。 餐廳裝修得好韓風，除咗QR code落單，仲可以任食韓式前菜。韓式前菜有數款任食，最鐘意食辣椒仔同酸蘿蔔，酸辣脆口，做為開胃前菜唔錯。 芒果蘇打，落咗好多芒果果汁，飲落芒果味好濃，唔會好甜，好飲。 辣韓豚五花肉，五花肉預先用韓式辣醬醃制過，唔洗點醬都夠味。五花肉大大一件，同埋都算厚切，要燒耐少少。食落好香口同埋唔油膩，加埋生菜蒜片一齊食，超好味。 調味牛排骨，牛排骨都用秘制醬料調味過，不過口味會比五花肉偏甜少少。牛肉食落好軟嫩，唔會覺得韌。調味好出色，食到停唔落口。 食完烤肉，仲可以食爐邊蛋TIM，一邊加咗芝士，一邊加咗泡菜。芝士果邊，仲可以拉絲，好好味

FD話想食麻辣火鍋，揀咗哩間古香古色嘅火鍋店。晚上唔算特別full，2個人都可以安排大台，唔錯。店鋪提供小料同水果，乜都有，啱曬所有人。經典鴛鴦湯底（高湯+麻辣），麻辣揀咗小辣，唔會特別辣，入口好溫和，食完唔會覺得辣嗓子。高湯落咗大量豬骨煲制，加埋白蘿蔔一齊，飲落好清甜。百香果檸檬茶，落咗數款檸檬，其中香水檸檬香味特別出眾，加埋百香果，味道層次更加豐富。雪花肥牛，睇到都O曬嘴，有成1米咁長。每件牛肉都勁大塊同厚身，最特別係牛肉帶埋少少脆骨，食落好特別。凍豆腐，每次食火鍋必叫。豆腐放落辣湯煮，嗦曬湯底辣味，食到停唔落口。鮮藕片同土豆片，都係微微涮下可以食，口感都係偏脆，可以食出本身甜味。特製魚皮餃，魚皮彈牙魚肉鮮甜，內餡好似落咗少少馬蹄，豐富咗口感。農家筍片王同幹貢菜，比較少見嘅配菜，兩個配菜點煮都係好脆。嫩玉米，玉米品種好好，食落爆曬汁水又好軟糯。皇帝菜，麻辣中和咗皇帝菜獨特味道，食落新鮮鮮甜。

今日到尖東開會，睇到哩間日本嘢係尖東都有分店，咁試試啦。哩間餐廳較難揾，如果搭直達lift要按1字，扶手梯要落2層樓。凍奶茶，估唔到日本店鋪啲奶茶都幾正，茶味入口溫和，唔會好甜，好飲。 酒煮蜆，好大一份，清酒烹煮完啲蜆肉特別鮮甜，蜆肉冇沙，開胃菜黎講唔錯。 明太子煎蛋，煎蛋好有水準。煎蛋嫩滑，中間落咗少少明太子調味，食落香甜中伴有少少鹹鮮，勁推薦。 火炙醋鯖魚，用火炙方法炙燒出魚皮油脂，鯖魚微酸口味中和咗魚油油香，好食到停唔落口。 串燒盛盒（5串），有雞翼，豬肉等5款串燒。其中大蔥雞肉，帶子為醬烤，大蔥燒完好多汁，加入日式香濃醬汁好惹味。 特製低溫叉燒拉麵，拉麵屬於較硬身果款，日式湯底飲得出落咗大量豬骨煲制，拉麵嗦曬豬骨湯底，好好味。低溫叉燒果然好特別，唔會食到豬肉柴柴口感，簡直入口即化。

今日行過煙廠街，睇到哩間餐廳提供晚市雙人套餐，平平地300幾已經有數款小菜，咁試試啦。餐廳裝修得古香古色，兩人都能安排4人位，唔錯。 熱奶茶同熱鴛鴦，入口茶味好香，飲落有少少回甘唔會覺得苦，落咗少少糖更加好味。 鹽水鴨，香港好少見嘅冷盤。鹽水鴨要做得好很花功夫，哩間餐廳做得唔錯。鴨肉緊實，鹽落得啱啱好，食落唔會好鹹。 湖南花菜炒臘肉，話係臘肉，其實似回鍋肉多D。哩碟餸好夠鑊氣，大火逼出豬肉油脂，再加入辣椒爆炒，花菜脆口得來又好惹味。 酸菜魚，分量都幾大下，唔單止有魚片，仲有大量薯粉，萵筍片，黑木耳等配菜。魚片嫩滑冇骨，入口即化，搭配鹹香酸菜，食到停唔落口。 自選幹鍋，揀咗孜然鍋底同牛肉片，墨魚丸同午餐肉三款餸。鍋底醬香味十足，小辣都唔會好辣。其中牛肉片同鍋底最夾，嗦曬鍋底醬香味，食落好惹味。套餐仲會搭配兩碗白飯，兩人套餐分量十足，食完勁飽，最後都唔食白飯啦。

FD帶我去一家太子居酒屋，話佢地啲嘢食好特別，咁一定要試試。店鋪裝修得好靚，氛圍好清幽，唔錯。每日都會提供日替menu，可以食到當季最時令菜品。宜家仲做咁3周年特價，9點前埋單有8折優惠。日本果酒（山梨蜜桃），飲落淡淡酒味，不過好重蜜桃味，唔會好甜，唔錯。白桃果汁，桃味好重，仲有粒粒蜜桃果肉，飲落好清爽。漬物盛（龍蝦沙律&山葵八爪魚），一定要叫個前菜比FD送酒。龍蝦切得好大粒，同土豆泥沙拉撈埋一齊，食落口感好特別。八爪魚好脆口，加入少少山葵沙律汁，有少少辣TIM。刺身，叫咗帶子，牡丹蝦同左口魚裙邊。刺身全部都好新鮮，帶子厚切仲好大一件，食落勁鮮甜。左口魚用火槍炙燒，逼出魚油油脂，入口即化又伴有少少焦香，勁like。燒白鰻串，火候啱啱好，鰻魚魚皮焦脆魚肉爽滑，好食。黑豚肉包溏心蛋，好有心機啲串燒，豚肉包裹溏心蛋，可以燒到外面豚肉焦香，裡面蛋仲要流心。一口落去，豚肉油脂給溏心蛋增加咗特別風味，勁推薦LOL。豚肉紫蘇串，豚肉串本身已經落咗少少海鹽調味，之後再加埋紫蘇醬同紫蘇葉增加香味。鐘意食紫蘇香味啲，一定唔好錯過哩款串燒。邪惡雞肉棒，醬烤完雞肉棒，再落咗大量芝士。食落唔會覺得滯，反而醬香十足，帶出濃濃芝士味。壽喜燒，哩個鍋配料好豐富，有數款菌菇蔬菜同魚糕豆腐等。湯底偏關東風味，唔會好甜，飲落清甜伴有回甘。牛肉肥瘦均勻，微微涮下已經可以食。撈埋無菌蛋一齊食，簡直人家美味！

放假前FD話要食好嘢，即刻book咗牛站火鍋。牛站晚市真喺好full，唔想排隊一定要預先定位。今次試下298HKD嘅美國極黑和牛片SRF套餐，湯底揀咗香濃番茄豬骨湯。番茄湯底飲落好鮮甜，真係落咗大量番茄同埋豬骨煲制，好飲。珍珠奶茶，黎牛站一定推薦珍珠奶茶，唔會好甜，奶味好純珍珠Q彈。可以拎D前菜一邊食一邊落order，麻辣小龍蝦必食，蝦肉鮮甜，醬汁香辣惹味，食到停唔落口。美國極黑和牛片SRF，牛肉肥瘦均勻，差唔多有巴掌大一片，食落牛味好香。美國安格斯牛板腱，相對美國極黑和牛片會瘦少少，不過牛肉略帶筋膜，食落好彈牙。西班牙豬五花片，睇落就好肥，其實肥膏部分食落好爽口，仲會有少少奶香，食幾多都唔會滯。海鮮，品種好豐富，order咗沙白，海蝦同鯇魚片，魚片好緊致爽口，沙白食落冇沙，海蝦都好新鮮鮮甜。乳鴿王一定係必試，乳鴿皮脆肉嫩，暴曬汁水，我同FD一人食咗一隻TIM。雪糕同生果，食得再飽，飯後甜品一定唔可以少。牛站甜品都幾豐富，有10數款雪糕蛋糕任食。其中哈根達斯同木糠布丁一定要食，木糠布丁入口綿密，唔會好甜。哈根達斯今次揀咗兩個唔同口味，真係食多幾盒已經回本啦！