放工想casual chill下去居酒屋食串燒飲sake最正🍶，呢間喺尖沙咀嘅居酒屋有啲隱世，坐得舒服。本來俾佢哋嘅花膠蟹海鮮鍋吸引👀，可惜嚟到先知係季節限定無得order🥲，只好叫店員推介嘅鵝肝飯！ 🍢串燒類 叫左西班牙豬腩肉($36)🐷、皮蛋芫茜豚肉卷($36)、厚切牛脷芯($36)🐮、紐西蘭羊架($36)，質素相當唔錯，尤其係荔枝豚肉卷($36)一咬落去荔枝爆汁超甜💦！ 🦀 海膽松葉蟹蓋甲羅燒 ($138) 一拎出嚟就聞到好香蟹膏味😋，居酒屋必點食物之一，即使無鵪鶉蛋都已經好香！ 🍱 香煎鵝肝野菌飯$368 其實小編唔太鐘意食鵝肝因為太油膩了🙈，不過份量真心多好有誠意，而且加埋啲菇成個飯好香👍🏻

💎總評分：7.0/10
-
舖名叫得魚🐟蝦🦐蟹🦀，明顯主打緊海鮮，標榜無味精，全自家新鮮熬製嘅湯底🍲。小店走簡約清新風格，lunch有set menu，+$20就可以轉套餐有前菜同飲品，日式擺盤好有住家feel，無加一服務費💵，店主仲話dinner好快有新野推出會多D fusion菜式呀!

1️⃣ 特大海蝦配招牌特濃鮮蝦湯麵(配溏心蛋) $168
作為menu上面最貴嘅一個麵，小編仲加左蟹肉醉🦀(+$10) ，咁就真係一碗入面有齊魚蝦蟹啦~令人期待嘅湯底果然真材實料😋，如果你食開拉麵嗰種濃味湯底可能會覺得佢偏淡，but otherwise佢有鮮味唔會太鹹，清晒成碗都唔口渴👍🏻。大蝦係新鮮嘅無雪味🦐，成隻手掌咁大爽口彈牙。魚塊都幾厚身🐟，伴隨住仲有溏心蛋、木耳、粟米。前菜嘅漬物番茄酸酸甜甜🍅，估唔到佢個炸蝦都好脆身又唔油膩👏🏻。唯一覺得可以進步嘅係個麵，如果彈牙少少就更好啦🙈~
2️⃣ 秘製酸菜魚湯米線 $78  呢個有驚喜🤩!好少會用健康嚟形容酸菜魚，但係呢度嘅湯底真係一D都唔油膩🫶🏻，純粹用香料同魚嘅鮮味熬出湯底，有酸辣味但又未去到覺得燥熱嘅感覺，balance得好好👍🏻， 真心當佢魚湯咁飲都唔會內疚😙。魚塊有6-7片厚身大片，食得出係新鮮貨， 值回票價💯。
3️⃣ 蒸魚肉燒賣配招牌特濃龍蝦汁 $28 (6粒)
店主好老實話，D燒賣都係喺出面買返嚟😂…不過特別在佢用自家熬製龍蝦汁🦞取代豉油，調味方面出色不少， 建議大家要襯熱食， 凍左就兩回事。
呢條街越開越多高質餐廳，有幾間仲出晒名好多人嚟探店，唯獨呢間小店主打無味精自家熬製湯底，有自己優勝之處！

💎總評分：7.0/10
-
最近銅鑼灣開左間裝修好靚嘅西餐 - Bochord原來喺古代英語入面嘅意思係嘅圖書館，所以裝修到成個歐陸貴族風藏書閣咁，胡桃木書架放滿古書裝飾，枱與枱之間有足夠空間感，坐窗邊嘅話仲可以飽覽海景，每晚都有人唱live，氛圍好到位！
1️⃣ Red Prawn Tartare $268
熟嘅紅蝦就食得多，tartare真係第一次食，賣相非常精緻
2️⃣ Lobster Bisque with Puff Pastry $138  
鐘意飲湯嘅一定要叫！成功掌握到酥皮同龍蝦湯兩樣高難度嘅野。新鮮焗好立即拎上枱，酥皮超脆一敲即碎，入面嘅龍蝦湯隨住熱煙傳出香味，煮得鮮甜濃郁，無可挑剔。



3️⃣ Australian Black Opal Wagyu Sirloin 250g $588
餐廳出名grill，今次叫左澳洲M6和牛medium rare，中間煎得粉嫩，牛味重，脂肪唔多唔會食到成口油，但入口無渣唔會好韌，雖然唔係steakhouse但係質素相當唔錯。



4️⃣ Spanish Seafood Paella $398
店員推介嘅main之一，半隻龍蝦訓喺上面夠晒吸睛，個人覺得水準幾高，用左蝦嘅精華煮成嘅米飯濕潤度同味道都調得剛好，其他配料仲有蠔、魷魚、三文魚，仲有淡淡肉嘅龍蝦，好豐富令人回味。



環境同服務方面都無咩好挑剔，喺呢個地段價錢算係合理，so far今次食嘅野都好滿意，要特別講下佢地嘅drinks menu幾extensive，wine list同cocktail都好多選擇，不過呢日小編唔係好舒服就無叫到，等到二訪一定會再試。

💎總評分：7.0/10
-
呢日喺太子買完寵物野，就喺附近揾間pet-friendly餐廳坐底🐶，估唔到都揾到間有裝修有格調嘅cafe喎！美式復古風，玩味的裝飾，晏晝係食日式定食同burger嗰D🍔，去到夜晚有set啲嘢食有少少fusion。 💰2 Good 2 Chill Dinner Set $428
只限於星期一至五，呢個set包1 starter + 2 main + 1 dessert + 2 drinks，只睇食物賣相都覺有心思😙，兩人份量價錢唔算貴。 1️⃣ Avocado Crab Meat Tartare
Starter另一選擇係fries platter🍤，唔係好想食炸野所以㨂左tartare～牛油果🥑配蟹肉🦀嘅tartare好難唔好食嘅，配嘅多士烤得香脆，蟹肉偏乾身，整體味道refreshing👍🏻。 2️⃣ White Miso Halibut +$28
比目魚用味噌醃好🐟，煎得香滑入味，配上saffron令賣相高檔不少😙，伴隨三色椒同薯仔，健康唔油膩👍🏻。 3️⃣ Sukiyaki Beef Fry Udon
聽落幾創新嘅一道菜，烏冬用左壽喜燒汁去炒🐮，上面舖上牛脊肉、三文魚籽同温泉蛋🥚，放左幾朵食用花賣相即刻變精緻🤭。整體調味幾特別，尤其拌入蛋黃後令味道更升華，牛肉亦比想像中好💪🏻，OK厚身又唔韌，如果温泉蛋可以更流心就好啦～ 4️⃣ 宇治抹茶牛角窩夫
呢個貌似雞蛋仔嘅其實係croffle，抺茶紅豆呢個combo好正路，可能小編放耐左，croffle少左鬆脆感🙊。 舖頭細細但坐得幾舒服，menu同賣相都睇得出有心思🫶🏻，價錢中規中矩，經過附近可以一試。
-
環境服務：⭐⭐⭐⭐
食物質數：⭐⭐⭐⭐
打卡指數：⭐⭐⭐⭐

💎總評分：7.0/10
-
長沙灣呢帶好多特色小店，之前間人氣大熱澡堂原來已經轉左做韓燒♨️，呢日小編就嚟試下~入面裝修幾特別，水晶燈襯壁畫好有70年代懷舊feel🎎，平日嚟都滿座，落單後好快就有5款韓式小菜，有好幾款食物擺盤都好有心思❣️，見唔少人都打緊卡。 1️⃣ 牛他他甜筒 $78
睇開小編食評都知我好鐘意食tartare😋~呢個賣相好得意，要自己將牛🐂、蛋黃🥚、梨🍐攪埋，不過唔係好知點配甜筒食。 2️⃣ 會長招牌套餐（2人）$498
呢個set嘅肉量好豐富，包括韓式醬汁牛五花🐂、M6澳洲和牛臀肉、美國極佳牛頸脊、西班牙黑毛豬肋條🐖、特級豬頸肉、阿根廷珍寶紅蝦兩隻🦐、飲品兩杯。個人覺得$500有齊牛豬海鮮仲包兩杯飲品🥤，都算抵食！首先蝦無雪味肉質彈牙，肉類方面牛五花同豬頸肉都唔錯，個人唔太鐘意牛臀肉同肋條。飲品叫左奶油桃桃烏龍奶茶🍑，淡淡桃香如果茶底濃D就更好。另一杯係一大筒霸王水果茶，份量十足好多果肉喺入面🍊。 3️⃣ 辣味豬五花 $58
肉本身用醬汁醃過🐷，所以食起嚟已經好入味，配生菜食就無咁油膩🥬！ 3️⃣ 韓式燒鰻魚 (4件) $148
人多的話可以選擇8件，燒5-6分鐘左右就可以🐟。本身對鰻魚唔太有興趣，但係店員大推話係店內必點❤️‍🔥，件件都好厚身，比起日式照燒鰻魚，咁樣燒法口感厚彈，加少少鹽已經好足夠👍🏻。
4️⃣ 美國牛舌芯 $78
牛舌薄切好爽口👍🏻，套餐入面無嘅item散叫的話係個唔錯嘅選擇。 本來無諗過個2人set咁多野食，到最後兩個人食唔晒，建議想試多D特色野的話可以單點。
-
環境服務：⭐⭐⭐⭐
食物質數：⭐⭐⭐⭐
打卡指數：⭐⭐⭐⭐

最近旺角開咗間有質素嘅墨西哥菜，大廚有成10年墨西哥菜烹飪經驗👨🏻‍🍳，呢日book好7點dinner但係因為落雨overbook🥲，都等半個鐘，平日都爆滿係真有實力喎❤️‍🔥！門口已經好有設計感，室內感覺光猛bling bling，有bar area睇到bartender 調酒🍸，型格摩登趁返店名！Rooftop有室外座位，大大個graffiti 打卡📸，可惜呢晚落雨otherwise飲野應該好chill~ 1️⃣ Fajitas $238 食墨西哥菜點都要叫d特色野嘅🧆~ 呢個Fajitas可以揀vegetarian/牛/雞，小編揀左後者，加埋洋蔥甜椒炒香🧅。食嘅時候用tortilla包住，都有幾多塊嫁🫓！可以慢慢試晒3款醬: salsa / guacamole / sour cream，好吃好吃😋！ 2️⃣ Calamari Bolognese $188 Menu上面3款pasta各有特式💫，見到好多人都叫beef cheek ragu因為捲麵唔係間間有得食～小編反而俾佢個bolognese吸引🍝，因為唔係普通spaghetti，而係用左墨魚肉醬嘅寬條麵🦑，成個檔次高左🤭！放上枱時冒著熱煙傳來香氣，墨魚肉本身比豬牛肉醬更彈牙👍🏻，pasta偏硬身但無影響overall 質素！ 3️⃣ Butcher Pizza $148 唔講唔知呢度出名pizza🍕~ 手工做，款式貴精不貴多，小編要咗肉食款。同平時食到嘅不一樣之處係個餅底用左兩層烤香嘅Tortilla疊成🫓，超薄超脆食落唔怕好heavy，芝士做到微微拉絲效果🧀，加埋上面d配料，確實惹味又有自家特色👏🏻！ 4️⃣ Lemon Tart $98 睇到其他食評介紹lemon tart 點知喺menu揾唔到，原來係Off Menu signature 🤩~唔喺日日都有睇你好唔好彩啦！真心大推❤️！撻皮keep到鬆脆中間仲有少少流心，檸檬味超出但又唔會過酸🍋，做飯後甜品唔會膩仲夠晒醒胃！幾飽都要食呀🤤！ 5️⃣ Green Island $138 ; Maracuya Fizz $78 飲品環節叫左一杯mocktail一杯cocktail🍹，兩杯味道都偏甜，可能就返女仔口味，cocktail酒精味唔重，反而drinks無咩驚喜～ 個人對旺角樓上bar/restro本身都唔太期望🤫，不過呢度嘅格局同食物質素又真係幾小編另眼相看👀，從裝横細節位到食材配搭都睇得出有心思，如果約人喺旺角，都會考慮二訪🤘🏻，試埋其他兩款pasta同sharing dish！ - 環境服務：⭐⭐⭐⭐ 食物質數：⭐⭐⭐⭐ 打卡指數：⭐⭐⭐

呢間上環嘅越南餐廳新開無耐，主打越法fusion，室內裝修行復古法式越南風🇻🇳，藤椅、吊燈、壁畫及植物等配搭突顯細節位🪴，內內外外都比一間普通越南餐廳來得有高級感，價錢都相應係中上，但坐得舒服，同埋店員好熱情，不停同客人推介菜式🫡。 🚗 餐廳附近好多咪錶位，weekdays晚嚟到都唔難揾位泊! 1️⃣美國安格斯生牛肉 $258 對比平時西餐食得多嘅Beef Carpaccio，餐廳選用安格斯牛🐂，厚身更有肉味，每塊都大大片，卷起嚟食更有咬口😋，完全吸收特調醬汁，上面撒上香蒜、炒香蔥、芫荽等，酸酸地好開胃👍🏻。 2️⃣ 越南春卷 $118 店員推介小食之一，炸得香脆嘅春卷皮入面除左基本嘅粉絲，蘿蔔絲之外，仲包左蟹肉🦀。用生菜夾住食配魚露，口感層次豐富🫶🏻。 3️⃣ 咖哩雞$168 ; 蒜蓉包 $30 唔好睇佢細細碗，其實好多雞肉🐔，而且咖哩調得辣同椰香味balance得剛好 ，有少量洋蔥薯仔墊底，配白飯一流🍚，不過小編就加配蒜蓉包，更加邪惡惹味🤤。 4️⃣ 越南火車頭$168 Menu上面有幾款湯粉，但係最正宗最顯功架都係火車頭😎！牛丸彈牙爆汁，生牛肉浸入熱湯後剛好熟而嫩👍🏻，不得不讚個湯底有濃濃牛味🐮，標榜無味精熬製多個小時嘅心血之作，貴但係有道理👍🏻！ 探店前都睇過下其他人嘅食評，有D話服務態度差但小編又唔覺喎🫢，店員好熱情咁同每枱客傾計，平日晚嚟到同朋友坐足2個鐘慢慢食😂。性價比喺呢個area嚟講都OK，更加適合夜晚dinner🍽️! - 環境服務：⭐⭐⭐⭐ 食物質數：⭐⭐⭐⭐ 打卡指數：⭐⭐⭐⭐

好幾間連鎖川菜館小編都試過，今次試呢間正宗得嚟🌶️又有西式cocktail嘅餐廳🍸，連續多年米芝蓮推介，招牌好大團火夠晒吸睛，室內裝修又夠中國風🧧，開喺Soho吸引好多外國客人！ 先送上分別代表麻+辣+燙嘅免費餐前小食，味道由淡到濃開始食起，先由代表「燙」嘅花生🥜，然後係「麻」「辣」嘅青豆同泡菜。 🚗 餐廳對出嘅斜坡有幾個咪錶位，但係無一次有機會泊到。 1️⃣ 紅油抄手 $118 皮薄餡靚，係店內signature之一🫶🏻，豬肉韮菜餡係經典配搭，辣油食到最後帶點麻🌶️，vegetarian可以+$30轉植物肉。 2️⃣ 酸菜桂花魚 $488 有唔少海鮮選擇，揀個大路野試下先！酸菜魚入面基本嘢有齊，幼身薯粉、芽菜酸菜等，湯底味道可能就反外國人所以偏mild，但都好好食😋，主角桂花魚厚肉大片🐟，真心做到嫩滑爽脆，portion 2-4人share都得，食完唔覺好口渴。 3️⃣ 自家製XO醬三色炒米粉 $188 餐廳嘅自家製XO醬有得買走🥡，小編無買就特登叫左呢個米粉！Mix蔬菜蛋絲，材料簡單但做得好食唔容易👨🏻‍🍳，米粉濕潤度剛好，條條分明，唔油膩，個人覺得辣d就更加好啦🌶️！ 4️⃣ Kiwi Spritz $138 純粹為左靚而叫😂，以pinot grigio 做base，Fresh kiwi🥝配lemon🍋本身已經好refreshing，再加埋mint leaf 同雪碧，多左陣薄荷味🌱，好啱好仔飲！ 暫時喺SOHO呢區都無咩川菜，難得呢間環境有特色，食物質素ok又有cocktail，喺呢個地段確實有佢優勝之處。 - 環境服務：⭐⭐⭐⭐ 食物質數：⭐⭐⭐ 打卡指數：⭐⭐⭐⭐⭐

💎總評分：7.0/10 - 餐廳前身係玩味cafe Mamaday，轉手重新裝修後繼續行鬼馬路線♣️，有心思嘅擺設同色彩繽紛嘅牆壁有唔少打卡位置📸，而且仲係pet friendly添呀🐶！ 菜名改得好幽默，淨係睇menu都富有趣味性🤭。主要食西x泰Fusion菜，同小編之前介紹過嘅the old bookstore 有d似。 🚗 位置喺正time square對面，泊商場停車場好方便。 1️⃣ 明太子手撕雞 $88 一共3隻味，truffle sauce都好吸引，不過最後揀左明太子😋，啖啖肉（比起手撕更似雞柳🐓）又多醬，非常足料。 2️⃣ 酸酸辣辣自家製粟米香煎帶子沙律嫌個名唔夠長 $158 個名都寫晒啦唔使介紹😂，值得一讚係帶子，新鮮彈牙爽口無雪味👍🏻，有酸酸但無辣辣，作為前菜好refreshing！ 3️⃣ 非常朱時的黑松露烤雞 $158 又真係幾「朱時」😆，唔好睇佢成舊都黑蚊蚊，其實係啲松露醬🫶🏻，配salad & mushroom，上枱時真心香，但係仲有個似pesto嘅sauce就太油啦小編唔太鐘意🤢。 4️⃣ 辣架傻豬豬豬頸肉泰式肉碎日本蛋包飯 $126 賣相好和風，切落去嘅時候蛋漿未做到流心效果🥲，不過使用日本進口雞蛋，所以都幾有蛋味😍。豬頸肉同肉碎有少少辣，入面真係好大舊飯🍚，食落有少許dry，如果係炒飯底就更好啦😉！ 5️⃣ 藍藍天空高掛我的夢$86 ; Banana Cocoa Milkshake $58 Weekend lunch叫反杯cocktail先🍹~成個富士山咁好吸睛，酒精味唔重，甜甜地好啱女仔飲💕！ 另一杯一睇就知好邪惡啦😈~ 香濃朱古力🍫配香蕉🍌呢個Combo無懈可擊，唔怕肥即管一試。 玩味餐廳越開越多，大家鬥有心思咁好難分高下，不過呢間可以帶狗狗嚟仲俾上沙發🐶，呢日都見好多狗狗喺度gathering，主人們快D mark底啦📌！ - 環境服務：⭐⭐⭐⭐ 食物質數：⭐⭐⭐ 打卡指數：⭐⭐⭐⭐⭐

Little Tai Hang入面有好幾間人氣餐廳，唯獨呢間充滿熱帶風情🌴，好有渡假feel，而且cocktail超靚🥰！之前嚟過坐outdoor飲野，今次嚟試最近推出嘅Weekend Brunch Menu $448🍽️，想再開心D就可以$648 free flow non alcoholic🫖或者$728 free flow 酒精飲品🥂，竟然包cocktail添！ 🚗 呢日特登早D嚟等到咪錶，雖然係酒店但係無parking嫁～ 1️⃣ Starter - 3款全包唔洗㨂😗～ Coconut Indo Fried Chicken 🐔炸雞係先浸過椰漿再炸🥥，不過炸粉厚身左D食落有D乾。 反而Spicy Fried Calamari 出色👍🏻，炸完嘅魷魚都keep到爽彈，用蒜&辣椒炒🌶️，點埋辣辣地嘅蛋黃醬超惹味😋。 Roti配Curried Chickpeas係好傳統嘅食法🍛，咖哩嘅味道調得幾好，食晒兩塊烤薄餅都幾飽肚嫁。 2️⃣ Main - Half Lombok Baby Chicken 足足半隻雞份量不容忽視🐓，唔係好嫩滑嗰種好食，而係肉質好淋加上個醬酸酸辣辣，勁有熱帶風味🫶🏻。 3️⃣ Main - Australian Rib Eye (+$95) 食肉獸一定係揀呢個啦🥩~ medium rare肉眼好大塊煎得好香，一切開見到粉紅嘅色澤🤤，以呢個價錢嚟講質素算唔錯亦幾有肉味，覺得可以俾塊扒 rest耐少少等佢唔洗咁油,。伴隨嘅芥末青醬就唔太喜歡啦🙊，因為太油淋淋，用嚟配肉更加肥膩，就咁食已經好足夠👍🏻。 4️⃣ Snacks - 一共兩款 Potato Wedges金香脆口🥔，好成功，配反starter己經出左場嘅辣蛋黃醬🌶️，不過已經好飽了真心食唔晒😂。 Steamed Rice 唔好俾佢個樣呃到~佢並不是普通的一碗飯🍚，而係用左椰子去蒸，所以食落會有淡淡嘅椰香味🥥，好特別✨！ 4️⃣ Dessert - 一人揀一款 呢度嘅Coconut Ice Cream 係食過最好吃嘅椰子雪糕🍨除左好濃椰未味之外，口感亦相當奶滑，甜度適中唔會食到好濟😋。畫龍點睛之處係餐廳撒左少少爆炸糖咁嘅糖粉喺上面🍬，頭幾啖食落去味蕾口感都超驚喜🤩，真心推介幾飽都要試💯~ Homemade Rhum Baba 係比較少見嘅甜品，小編形容佢為「索滿冧酒嘅海綿蛋糕」🥃，口感濕濕地仲好大陣酒香味，面頭D椰絲balance反酒精嘅苦澀😋，未必係your cup of tea但係都幾特別。 5️⃣ Moorea Punch $400 店員好清楚大家都想打卡嘅心態，你叫咩cocktail都可以揀自己鐘意嘅杯❤️。小編只係叫左個大貝殼🐚，另外兩隻杯只係借嚟打下卡姐😆~...呢度有好多款sharing cocktail最大嗰個可以12個人share，擔心衛生嘅話maybe打完卡分反開一杯杯先飲啦🤣。Moorea Punch係2-3人份量， vodka base，夾雜住多種水果🍎🍑🍋，refreshing & tropical嘅合體，啱晒女仔! 成個set真係好飽，snacks竟然咁多真係估你唔到😅。印象最深刻嘅都係佢地個雪糕🍨同cocktail🍹~好戲在後頭😆，而且環境好舒服，無咁熱GE 時候仲可以坐outdoor夠晒寫意⛱️! - 環境服務：⭐⭐⭐⭐ 食物質數：⭐⭐⭐⭐ 打卡指數：⭐⭐⭐