📌 喬居酒屋 - 太子花園街239號嘉慶苑地下C號舖
🗓(24/4) 星期三 ⏰ 晚上7點左右


💈特式：好彩收工剛好無落雨，即刻約左friend出太子食下串燒，飲下酒，吹下水。


🥩🍔🌭🌮🥗🥯🥘🍲🍝🍣🥟🍤🍱
食物：餐廳位於太子酒吧街附近後街，環境都比較清幽寧靜，唔會太嘈吵，而家等我同大家講下🍢味道先。


🐮👅牛舌心 $6️⃣8️⃣ - 勁厚身，爽口又多汁。

🐮蒜香牛肉蔥卷 $5️⃣8️⃣ - 牛肉有肉汁，肉質柔軟，蔥香味濃，墊底有蘋果片中和油膩。

🐥芝麻雞翼 $4️⃣8️⃣ - 即炸夠熱辣，唔會好油，香口肉嫩。

京都炸豆腐 $4️⃣8️⃣ - 好大粒，外脆內軟，表面仲有紫菜碎/木魚碎/櫻花蝦，個組合幾match。

🐥❤️雞心 $3️⃣2️⃣ - 大部份串燒店都會將雞心切開再燒，貪會快熟同望落會大粒d，但呢間餐廳會貫徹成粒雞心燒，食落會特別juicy。

🐥🥚免治雞肉棒配日本初生蛋 $4️⃣2️⃣ - 呢款免治雞肉棒配蛋係而家每間串燒舖都會有，呢間個size都幾粗大，肉質實淨密度高。

🐥雞頸肉 $3️⃣8️⃣ - 雞頸肉唔係好多串燒舖會有，因為比較矜貴，食落肉質亦比其他雞肉部位嫩滑爽口。

🍍黑糖燒菠蘿 $3️⃣8️⃣ - 燒菠蘿見到廚師用新鮮菠蘿，即切上糖再用火槍燒，全程一絲不苟，菠蘿微酸帶甜，極之juicy。

🫑日本青椒仔 $2️⃣8️⃣ - 見到呢個幾特別所以叫，青椒係係細細條，輕微燒香再加上牆油同木魚絲，味道介乎青椒同青尖椒之間。

帶子 $6️⃣8️⃣ - 帶子size圓大，厚身，加埋秘製醬汁一齊燒，認真唔錯。

🍨甜品 - 餐廳都會為每位顧客送上免費甜品，而且定期會變，今日就係抹茶慕絲布丁，味道都幾足，抺茶味香濃。


☕️🍵🥤🧋🍺🍷🥃🍹🧉🍾🍶🥛
飲品 : 食串燒就梗係要配啤酒，餐廳除左常見啤酒種類，仲有多款手工啤提供，如果唔飲啤酒，餐廳亦有不少清酒選擇。我就揀左個非常特別嘅咖啡/朱古力手工啤，飲落有少少似黑啤，但真係飲到好香咖啡同黑朱古力味，好新奇。


🍽環境：餐廳雖然係太子旺區，但坐落於比較僻靜的後巷，環境比較清靜，加上日系裝修，成個感覺有d似日本橫丁居酒屋feel，不過坐位就唔多，但坐吧枱位都幾好感覺。


🤵🏻🤵🏻‍♀️🤵🏻‍♂️服務：職員好友善，對客人態度好似朋友咁，感覺好放鬆，我見有日本人都嚟幫襯，老細都同佢交流好多飲食心得。


💰💸價錢：以食串燒/居酒屋嚟講，價錢都係合理範圍，叫左超過10款食物，仲有啤酒，連埋加一埋單都係$5️⃣0️⃣0️⃣多。


🐲💬總結：今晚食得幾開心，臨走見到餐廳仲有提供深夜套餐，價錢仲更加抵食，如果下次撞啱時間會再去食。


推薦指數：❤️❤️❤️❤️🤍

📌 Seoulmate - 將軍澳澳南海岸唐俊街23號MONTEREY Place 地下G25B-G26A號舖 🗓(20/4) 星期六 ⏰ 下午1點左右
💈特式：蘇眉唔係魚，係一間環境一流，食物有創意，混合中西日韓文化的cafe，今日放假去到將軍澳行下，見到呢間門面同店內裝修都好精緻嘅cafe，就係佢度食個brunch。 🥩🍔🌭🌮🥗🥯🥘🍲🍝🍣🥟🍤🍱 食物：雖然餐廳係韓式cafe，但食物種類好多，而且外型十分有創意，不少食物仲蘊含多國元素，而家等我同大家講下🇰🇷味道先。 😠🗻煙霧瀰漫烏卒卒火山章魚蟹肉明太子炒飯 $1️⃣6️⃣8️⃣ - 打開menu見到呢個烏卒卒憤怒樣火山，真係好可愛，但係落order就有d困難，因為佢個名真係好長🤣。 上枱時係會有個煙燻罩冚住，焗住d煙燻味係入面，一打開真係同個名一樣咁「煙霧彌漫」，個憤怒火身身係用蛋白焗製，上面有隻日本生雞蛋，火山內部就係章魚蟹肉明太子炒製嘅炒飯，飯底都幾乾身同炒得香，幾款材料之間嘅配搭亦都幾夾，推薦。 🐱👂香煎北海道帶子海鮮龍蝦汁貓耳朵 $1️⃣6️⃣8️⃣ - 另一個主菜就揀咗呢個龍蝦汁貓耳朵，平時貓耳朵意粉都唔多地方有得食，所以就係眾多選擇中揀左佢，佢地個海鮮龍蝦汁非常香濃，貓耳朵質地煙靭之外亦剛剛好做到掛汁作用，兩者相得益彰，除左厚肉又新鮮嘅北海道帶子，仲有蝦/蜆/魷魚，整體好高質。 🥚五味玉子燒 $9️⃣8️⃣ - 仲叫左個小食玉子燒，共有五串唔同口味，望上menu就話有芝士/煙蘋果醬/明太子醬/青芥末酸奶醬/神秘醬共五種口味，但有一兩條我都搞唔清係咩味道，不過每款都同玉子燒好夾，唔通玉子燒真係可以咁百搭？歡迎大家自己嚟挑戰下自己個味蕾。 🍰馬卡龍甜品拼盤 $1️⃣4️⃣8️⃣ - 個甜品拼盤真係應有盡有，除咗馬卡龍之外，仲有雲呢拿雪糕/焦糖香蕉/朱古力榛子蛋糕/韓國米酒制提拉米蘇，再加上生果及棉花伴碟，一次過可以食到多款不同嘅出色甜品，而且視覺效果十分靚，色彩繽紛，好似欣賞緊一件藝術品感嘅感覺。 ☕️🍵🥤🧋🍺🍷🥃🍹🧉🍾🍶🥛 飲品 : 話明係韓式Cafe，咁飲品方面一定係勁多選擇，仲有米酒/燒酒/啤酒等等，而且款款都有心思同創意，我地揀左，洛神花冰極熊西柚白桃梳打同蝶豆花冰極熊柑桔梳打，兩款都有隻冰熊浮係面，除左可愛之餘仲係一流打卡位，慢慢睇住佢溶化仲好治癒，味道方面都唔錯，唔會太甜，仲好有夏日消暑feel。 🍽環境：餐廳坐落近海旁，戶外景觀唔錯，而且仲係Pet Friendly嘅餐廳，室內位置都幾多，而且寬敞，除左大廳有兩個特式嘅鞦韆設計卡位，仲有兩間透明玻璃間隔類似廂房嘅坐位，增加一點點私隱度，環境亦十分明亮乾淨。 🤵🏻🤵🏻‍♀️🤵🏻‍♂️服務：職員態度好親切，入坐時極之細心同客人介紹餐牌，另外因為餐廳用QR Code落單，店員亦會提醒系統內會有餐廳外的期間限定食物，可能主要客人都係來自將軍澳區住宅，所以見職員同大部分客人關係都好好，有傾有講。 💰💸價錢：價錢雖然唔可以話好平好抵食，但食物質素真心唔錯，又有心思，而且仲好有特式，餐廳環境又靚，所以佢都值得收呢個價位。 🐲💬總結：我真係好少去到將軍澳，但如果下次仲有機會，都想同朋友再嚟幫襯，因為佢menu內仲有好多好吸引嘅菜式我都好想試。 推薦指數：❤️❤️❤️❤️❣️

📌 黯然燒魂 - 大坑施弼街4號地舖 🗓(9/4) 星期二 ⏰ 晚上6點左右
💈特式：今日係北角收工，經朋友介紹去左大坑食串燒，佢雖然係串燒店，但估唔到最出色竟然係海鮮砂鍋粥。 🥩🍔🌭🌮🥗🥯🥘🍲🍝🍣🥟🍤🍱 食物：餐廳主打食串燒同燒物，種類超過70款，仲有推介嘅招牌海鮮砂鍋粥，而家等我同大家講下🍢味道先。 🍲日式海鮮砂鍋粥 $1️⃣0️⃣8️⃣ - 呢個砂鍋粥係落單即做，所以需要等一陣，上枱十分之熱，份量大約有4~5碗，粥面灑左少少海苔粉。 粥底綿滑有米香，仲吸收左不同海鮮嘅鮮甜味，材料有蜆肉/帶子/鮑魚等，仲有少少好甘香嘅蟹膏。 🐥雞六盛 $1️⃣8️⃣8️⃣ - 雞六盛包左有6️⃣款不同雞部位的串燒，有香蔥雞肉串/明太子雞肉串/火雞腎串/免治雞肉棒各1️⃣串，雞軟骨串/雞皮串各2️⃣串，總共8️⃣串。 每款唔同味道嘅雞肉串入面嘅雞肉都好juicy，雞皮香脆，雞腎就爽口而且一d都唔韌，但我最鐘意都係配日本蛋嘅免治雞肉棒，同我係日本食到嘅有得揮。 🍄爆醬芝士大啡菇 $6️⃣8️⃣ - 燒啡菇我最鐘意嘅燒烤食物之一，而且佢仲係即叫即燒，一份有兩隻，隻菇好厚肉，食落好juicy，簡簡單單加芝士焗已經好好味，又唔會搶左啡菇嘅香濃味道。 🐔❤️日本雞心串 $2️⃣8️⃣ - 仲叫左串我最鐘意食嘅雞心串，雖然朋友唔食內臟所以唔識欣賞，但影響唔到雞心串係我心目中串燒之王嘅地位，佢地加左蜜糖去燒，帶有甜甜的口味。 🐮👅安格斯汁燒牛舌 $4️⃣8️⃣ - 牛舌又係串燒必點之一，牛舌極之厚身，質地爽口又有牛脂香味，加埋自家製燒汁，味道更加惹味。 🐷五花腩串 $2️⃣8️⃣ - 最後再叫多左個五花腩串，個五花腩串做法都幾獨特，唔係成舊五花腩，而係係切左薄片再卷住嚟燒，口感比一般做法為好，加埋上面舖左蔥蒜，勁香口。 ☕️🍵🥤🧋🍺🍷🥃🍹🧉🍾🍶🥛 飲品 : 因為朋友唔飲酒，而餐廳又有茶水提供，所以就無再特別叫到飲品。 🍽環境：餐廳坐位唔算好多，但環境都唔錯，比一般串燒店乾淨同無乜油煙味，坐得都幾舒適。 🤵🏻🤵🏻‍♀️🤵🏻‍♂️服務：職員態度好親切，上食物時會同客人介紹返每款串燒，落單時亦有提醒客人有咩食物需要多d時間處理。 💰💸價錢：係香港食串燒一向都係偏貴，但呢間質素幾好，而價錢都只係正常價位，叫左咁多野埋單計加一都只係$5️⃣0️⃣0️⃣蚊，價錢都算抵食。 🐲💬總結：我同朋友都好鐘意食串燒，而且亦都成日去食，呢間算係香港串燒店嚟講係高質個班。 推薦指數：❤️❤️❤️❤️❤️

📌 鉄火堂 (厚福街) - 尖沙咀厚福街10號地舖
🗓(29/3) 星期五 ⏰ 晚上5點左右


💈特式：復活節假期首日就梗係瞓到有咁晏得咁晏，然後出去搵下食啦，出左尖沙咀行左陣街街，經過厚福街搵左呢間鉄火堂食個靚靚dinner。


🥩🍔🌭🌮🥗🥯🥘🍲🍝🍣🥟🍤🍱
食物：餐廳主打食丼飯/刺身/壽司，仲有其他日式小食/沙律/紫菜杯，餐廳仲有2人套餐，方便晒我呢d唔鍾意用腦嘅食客，而家等我同大家講下🇯🇵味道先。


2️⃣人前套餐 $3️⃣9️⃣8️⃣ - 呢個套餐包左2碗麵豉湯，2份迷你蟹子沙律，一個超豐富嘅豐盛刺身丼，一個炸物盛合，2份是日甜品：

🦀迷你蟹子沙律 - 蟹子沙律味道正常，我本人幾鍾意佢個沙律醬唔係好酸，但食落感覺都令人開胃。

🍣豐盛刺身丼 - 呢個丼真係應該用豐盛嚟形容，材料有三文魚腩/油甘魚腩/厚切赤身/厚切劍魚腩/八爪魚/烏賊/北寄貝/馬刀貝/帆立貝/芝士蟹籽/海膽魷魚/帝王蟹棒/中華沙律/飛魚籽/碎蔥吞拿魚/珍寶赤蝦共16款食材，d材料多到完全見唔到個飯底，而且每款食落都新鮮。

🥟炸物盛合 - 盛合有芝麻雞翼/墨魚咀/餃子，每樣都係即炸，上枱十分熱辣辣而且炸得好香。尤其是個雞翼，入面d肉仲食到好juicy，再值得一讚仲有佢地個京蔥餃子汁，唔記得問店員係咪自家制，但味道認真出色。

🍓是日甜品 - 甜品有一件迷你士多啤梨雪葩同一件吉士餡嘅團子，個士多啤梨雪葩好甜，一d都唔酸。


鉄丼家 - 因為今日全日都無食野，所以太餓之下再叫多左個丼飯，佢地個丼飯餐都幾多選擇，有5種飯底+沙律菜底，再配一款藍鰭吞拿及4款自選刺身/配料，我就揀左冬菇壽司飯底+藍鰭厚切大拖羅+厚切油甘魚+穴子+火炙左口魚邊+希靈魚，無論份量同質素都對得住個價錢。


☕️🍵🥤🧋🍺🍷🥃🍹🧉🍾🍶🥛
飲品 : 因為餐廳有茶水提供，個餐又有麵豉湯，所以就無再特別叫飲品。


🍽環境：餐廳位置唔算多，裝修偏向日式居酒屋風格，坐位同枱面都算闊落，整體都坐得幾舒適。


🤵🏻🤵🏻‍♀️🤵🏻‍♂️服務：職員態度幾好，全程都好有禮貌同埋有保持笑容，上菜速度都幾快，菜品擺盤亦算精美。


💰💸價錢：佢地個2人套餐咁多食物種類，食材又豐富，我再另外再加多左個丼飯，埋單都只係$5️⃣0️⃣0️⃣左右，係尖沙咀食丼飯嚟講都算幾抵食。


🐲💬總結：我早排先去完日本，當時都有食刺身/丼飯等等，但呢間嘅質素都做得唔錯，除左價錢外都拍等住日本嘅質素，真心推介。


推薦指數：❤️❤️❤️❤️❣️

📌 小龍焱老火鍋 - 北角英皇道395號僑冠大廈地下28-31號舖
🗓(27/3) 星期三 ⏰ 晚上7點左右


💈特式：都好一段時間無出街搵好野食，今日收工就同朋友去左北角搵左間裝修相當有宮庭風格嘅餐廳，食四川成都麻辣火鍋。


🥩🍔🌭🌮🥗🥯🥘🍲🍝🍣🥟🍤🍱
食物：食麻辣火鍋主力都係食佢地個麻辣紅鍋，所以係必點。另外，佢地大部分火鍋配料都可以揀大/小份量，方便可以食多d唔同種類。


🍲湯底 - 湯底選擇唔算多，只有5款，包括牛油紅鍋/清油紅鍋/蕃茄濃湯/菌湯鍋/養生高湯鍋。
我就揀左龍分天下鴛鴦鍋$1️⃣1️⃣6️⃣，蕃茄濃湯拼少辣程度嘅清油火鍋，雖然兩個都係紅色，但口味就大大不同。清油火鍋就香麻惹味，叫左最少辣度唔會太辣；蕃茄濃湯就好濃郁蕃茄味，亦唔會太酸，直頭可以當湯飲。


火鍋配料 - 配料有牛/豬/雞/羊/鴨/鵝/海鮮/丸/菇菜類，總共都有8~90款，以下就介紹下值得推介嘅食材啦：


九仙宮$1️⃣8️⃣6️⃣ - 我覺得呢個九宮格拼盤係必叫，因為每款推介食材都有d，2個人嚟食叫呢個就可以一人試多d唔同種類嘅食物。
9種食材分別有珊瑚蚌/鮮鴨血/鵝腸/毛肚/黃喉/沙巴魚/海蝦/爆汁牛丸/海帶苗，每款都各有特式，珊瑚蚌/鮮鴨血/海蝦就夠新鮮，鵝腸/毛肚/黃喉配麻辣湯底就超夾。


🦆無骨鴨掌$7️⃣6️⃣ - 鴨掌係我至愛，佢仲要無骨，就更加分，叫左小份量都有6隻，放麻辣湯底或蕃茄湯底都好適合，如果唔係想試埋佢其他食材，我一定會再order。


🐷功夫腰片$5️⃣6️⃣ - 豬腰係我其中一樣好推介嘅火鍋食物，因為佢唔易處理，所以自己平時都唔會買嚟打邊爐，小份就有7~8片，淥一淥就食得，口感爽脆得嚟又滑溜。


🐮雪花肥牛舌$5️⃣3️⃣ - 我開頭仲諗，雪花肥牛就聽得多，牛舌都有？但上枱見到d牛舌真係有少少雪花紋，食落亦都比較淋滑唔靭，仲有少少油脂香。


🫓手工豆皮$2️⃣0️⃣ - 呢個手工豆皮我食火鍋好鍾意叫，好覺得好過叫麵食，淥完之後食落感覺就少少似厚身腐竹，仲有陣陣豆香。


🥬皇帝菜$2️⃣6️⃣ - 皇帝菜都係其中一樣，我火鍋必食嘅食材之一，出邊通常都係會賣得比其他蔬菜貴d，但呢個價錢份量都多，而且新鮮。


🧱紅糖糍粑 $2️⃣8️⃣ - 仲叫左個紅糖糍粑做甜品，佢地應該係即叫即做，一份有5條，上枱熱辣辣，表面香脆，入口軟糯，糍粑個心又煮得夠透，係非常高質嘅紅糖糍粑，超推⭐️。


☕️🍵🥤🧋🍺🍷🥃🍹🧉🍾🍶🥛
飲品 : 因為餐廳個茶壺好靚，而且壺茶茶味都好香，所以我掛住飲茶都冇嗌其他飲品。


🍽環境：餐廳似係新裝修無耐，地方仲係非常新淨企理，整體設計就用上宮廷風格，擺設同其他設計都好精緻，而且座位都坐得ok舒服。


🤵🏻🤵🏻‍♀️🤵🏻‍♂️服務：餐廳職員好nice，會同客人好詳細咁解釋餐牌，係上菜時亦會同客人講解食材，例如要淥幾耐之類，適當時亦會主動詢問客人需唔需要加湯之類。


💰💸價錢：今日呢餐叫左咁多種野食，埋單都係$6️⃣0️⃣0️⃣左右，價錢真係唔算貴，而且食物比出面其他火鍋店有特色，質素亦更有水準，尤其是個湯底，直頭高好多班。


🐲💬總結：我覺得呢間麻辣火鍋都做得唔錯，環境亦舒服，雖然價錢唔講得話特別平，但勝左質素取勝，期待下次有特別慶祝/節日帶朋友嚟再食過。


推薦指數：❤️❤️❤️❤️❣️

📌 高麗軒韓國餐廳 - 北角和富道20-36號明暉大廈1樓 🗓(2/3) 星期六 ⏰ 中午12:30左右 💈特式：呢間韓式係北角都有好多年歷史，住當區嘅人都應該無人唔識，我之前都有食過幾次，今日就特登帶埋朋友過嚟食。 🥩🍔🌭🌮🥗🥯🥘🍲🍝🍣🥟🍤🍱 食物：佢地經營模式類似韓和苑之類，放題只係一個價錢任食，無話分級數收費，平日就$1️⃣9️⃣8️⃣，星期六日就$2️⃣1️⃣8️⃣，而家等我同大家講下🇰🇷🔥味道先。 食物種類大約有4~50款，包括燒烤嘅牛/豬/雞/海鮮/蔬菜，仲有唔少熟食/湯鍋/前菜等等。 因為咁多選擇，等我主力同大家講下我最推介或者抵食嘅回本位啦： 🐮牛肉方面首推特級牛頸脊，以呢個價錢，肉質算十分好，另外牛舌同醃牛肉都係正常韓燒質素，中規中矩。 🐷豬肉我就試過豬頸肉/辣汁五花腩，兩款水準都正常，可以一試。 🐔雞類我淨係試左雞翼，但估唔到醃得相當好，係眾多肉類之中最好食嘅野，真心推介。 🦐海鮮就一定係要狂食蒜蓉帆立貝同海虎蝦，帆立貝非常新鮮，我地一人差唔多食左10隻，不過有幾隻偏大隻嘅就有沙，呢度扣左少少分；海虎蝦就正正常常，不過上菜時大隻時細隻，質素唔係好同一。 熟食就反而係我食得最多嘅野，因為真心每款都做得好出色，例如蛋包蝦/辣炒五花肉/什菜炒牛肉/豆腐辣湯/牛肋骨湯都係佳作，尤其是個豆腐辣湯，我地叫左4鍋都清晒。 🍧甜品就有雪榚任食，不過就係我唔鐘意食嘅coco berry，但我見到食lunch set嘅客人有跟餐啫喱，我問職員攞佢地都好樂意比。 ☕️🍵🥤🧋🍺🍷🥃🍹🧉🍾🍶🥛 飲品 : 跟餐就係出面雪櫃自取，有普通罐裝汽水同茶，而且仲有雀巢蜂蜜雪梨茶，我主力都係飲呢個。 🍽環境：餐廳因為都有一定程度歷史，所以並唔係話好新淨，不過都係可接受程度，但燈光就偏暗，當日咁啱比左窗口卡位，可以望下街景都唔錯。 🤵🏻🤵🏻‍♀️🤵🏻‍♂️服務：餐廳服務就真係幾好，d樓面姐姐好有人情味，會走過來撩吓你講嘢，同埋換燒烤網都主動，上菜速度都算快。 💰💸價錢：佢兩個價位我都有去食過，平日就$1️⃣9️⃣8️⃣，假日就$2️⃣1️⃣8️⃣，兩個價錢都要再收加一服務費。 🐲💬總結：我覺得呢間韓燒有得咁耐歷史，一定有佢可取嘅地方，雖然就並唔係咩十分出色，但都算係三五知已聚腳嘅好地方。 推薦指數：❤️❤️❤️❤️🤍

📌 會長之家烤肉 - 長沙灣福榮街506-510號榮發閣地下A1號舖 🗓(19/2) 星期一 ⏰ 晚上7點左右 💈特式：今日晚飯時間經過長沙灣，行過一條平平無奇嘅後巷，竟然見到一間門面好獨特，行70年代懷舊風格嘅韓式烤肉餐廳，就同朋友決定去試下佢。 🥩🍔🌭🌮🥗🥯🥘🍲🍝🍣🥟🍤🍱 食物：都有一段時間無食過韓式烤肉，今日呢間都有幾多唔同價位嘅set比客人選擇，方便晒我呢d唔鐘意用腦嘅食客，而家等我同大家講下🇰🇷🔥味道先。 🍆前菜 - 免費前菜有5小碟，分別係茄子/泡菜/芽菜/醃蘿蔔/醃青瓜，我個人最鐘意係個茄子，超好味，仲有得refill，真心爽。 🇰🇷🔥會長招牌套餐(2人) $4️⃣9️⃣8️⃣ - 呢個套餐有5款不同種類各100g份量的肉，仲有2隻阿根廷珍寶紅蝦，生菜杯同包兩杯自選手搖飲品，都幾豐富。 🐮韓式醬汁牛五花 100g - 呢個牛五花肥瘦均勻，輕輕燒一燒就食得，肉質軟滑有肉味。 🐮M6和牛臀肉 100g - 牛臀肉脂肪比較少，食落唔會好重油香，但肉味就最濃。 🐮美國極佳牛頸脊 100g - 牛頸脊脂肪問你紋理非常靚，食落油香同牛味平均，而且係咁多款當中最多肉汁的。 🐷西班牙豬肋條 100g - 呢個豬肋條有驚喜，燒完唔韌之餘，口感仲好爽脆，好似食緊豬頸肉咁。 🐷特級豬頸肉 100g - 呢個豬頸肉反而無豬肋條咁爽脆，但油香就比較濃。 🦐阿根廷珍寶紅蝦 - 呢兩隻紅蝦上枱時已經開左邊同清晒蝦腸，一路燒都會聞到蝦油香，呢種蝦口感淋滑，唔係行爽口路線。 🐮美國牛舌芯 100g $7️⃣8️⃣ - 牛舌芯只需輕輕一燒就已經聞到好香，再夾埋蔥絲一齊食，味道更好，不過如果可以厚身少少就更好喇。 🐟紅豆鯛魚燒4個 $4️⃣8️⃣ - 呢個鯛魚燒唔係即食，都係要燒一燒先食，用細火慢烤，睇住佢地個表皮慢慢變到金黃香脆，入面個紅豆餡亦唔會太甜。 ☕️🍵🥤🧋🍺🍷🥃🍹🧉🍾🍶🥛 飲品 : 跟餐飲品除左可以揀汽水，金桔檸檬/水果茶，仲可以揀韓國Cass啤酒，食燒肉襯埋啤酒，一流。 🍽環境：餐廳似係新開無耐，地方仲係非常新淨企理，整體設計就用上70年代韓國懷舊復古風格，尤其是d擺設，牆身設計同埋水晶燈，真係一絲不苟，而且座位都坐得舒服。 🤵🏻🤵🏻‍♀️🤵🏻‍♂️服務：餐廳服務都幾貼心，每個位都已經安排左圍巾比食客，見職員亦會幫客人處理一d比較難燒嘅食物，燒甜品前，店員都會主動幫我換燒烤板。 💰💸價錢：呢餐晚市烤肉，叫左一個2人set，再加左牛舌同甜品，食到飽飽埋單連加一都係$6️⃣百多，以餐廳環境同食物質素嚟講唔算貴，都值得收呢個價錢。 🐲💬總結：我覺得佢地個用餐環境亦非常好，食物質素都做得出色，我相信我會再嚟試埋佢地其他食物。 推薦指數：❤️❤️❤️❤️🤍

📌 The Jungle - 佐敦廟街273-275號寶發大廈地下3號舖 🗓(27/1) 星期六 ⏰ 晚上5點左右 💈特式：呢兩日天氣回暖返少少，終於有意欲出街搵下好野食，成個星期無出街食野，所以今日特登搵咗間比較少食嘅尼泊爾菜去試一試。 🥩🍔🌭🌮🥗🥯🥘🍲🍝🍣🥟🍤🍱 食物：尼泊爾菜我雖然唔係第一次食，但以前都係由尼泊爾朋友帶我去食，今次就係第一次我自己去搵嚟食，而家等我同大家講下🇳🇵味道先。 🥟Momo尼泊爾餃子 $8️⃣8️⃣ - 餃子可以揀煎或蒸，每份有9隻，餡料可以揀雞肉/豬肉/Paneer芝士，我揀左最common嘅豬肉，入面有好多豬肉餡同洋蔥等香料，口味香濃，同一般食到嘅中式蒸餃子好唔同，配埋個尼泊爾辣椒醬就更加惹味。 🍷🧀葡萄酒黃油醬青口 $1️⃣2️⃣8️⃣ - 青口都有9~10隻，而且用左紅酒/牛油同煙肉一齊炒香，感覺有啲似酒煮青口同牛油青口嘅混合體，仲配上兩片又香又脆嘅蒜蓉包，用嚟沾埋咁香濃嘅醬汁食，一流。 🌮"THE JUNGLE" TACOS $1️⃣4️⃣8️⃣ - 呢個係餐廳招牌Tacos，口味可以揀雞肉/烤牛肉/煎蝦，我就揀左烤牛肉，個墨西哥粟米餅係軟身質地，餡料有蔬菜絲/芝士碎/烤牛肉，醬料就有蕃茄莎莎/牛油果醬/凱撒沙律醬，口味都口感都極之豐富。 🔥🐷BBQ Pork烤豬腩肉 $1️⃣0️⃣8️⃣ - 烤豬腩肉係用鐵板上菜，所以可以keep到熱辣辣，腩肉係帶皮個隻，豬皮烤到煙煙韌韌，味道相對其他菜式比較無咁重，主要係配返尼泊爾辣醬，或者清清地用檸檬點綴下已經好好食。 🍚🍮KHEER尼泊爾米布甸 $6️⃣8️⃣ - 甜品當然就揀出面冇乜機會食到嘅尼泊爾米布甸，之前食過尼泊爾嘅湯圓甜品，甜到漏。但今次呢個完全唔同，甜品嚟講，佢比較清淡，有d似米糊，充滿米香同奶香味，仲食到少少nuts顆粒。 ☕️🍵🥤🧋🍺🍷🥃🍹🧉🍾🍶🥛 飲品 : 餐廳有bar枱位置，所有飲品調配都可以睇住店員即時幫你製作，我地就叫左一個Cocktail "Welcome To The Jungle"同一個Mocktail "Healthy Yak"，外觀同味道都唔錯。 🍽環境：餐廳環境真係令人感覺置身於森林一樣，心情都覺得好放鬆同舒服，餐廳坐位雖然唔多，但就算2人枱嘅空間都唔算細，放左3個菜同2杯飲品都唔會好迫。 🤵🏻🤵🏻‍♀️🤵🏻‍♂️服務：店員態度好好，主力係用英文溝通，但店員都可以用到簡單嘅廣東話溝通，而且好有禮貌，比人感覺熱情得嚟都幾舒服。 💰💸價錢：今日叫左2個前菜，2個主菜，仲有甜品及飲品，埋單連加一$6️⃣0️⃣0️⃣都唔洗，以特色嘅尼泊爾菜，再加上高分嘅味道，都確實係抵食。 🐲💬總結：我對今晚呢餐尼泊爾菜十分滿意，包括食物質素/環境/服務都唔錯，而且個環境都幾靚，完全適合鐘意一邊食好野一邊打卡嘅朋友。 推薦指數：❤️❤️❤️❤️❤️

📌 RUE DU LIBAN - 尖沙咀山林道22-26號地下A號舖 🗓(10/1) 星期三 ⏰ 晚上7點左右
💈特式：今日同朋友出尖沙咀食飯，佢問我有無試過黎巴嫩菜，我就完全未接觸過，但知道黎巴嫩菜屬於中東菜系，講求「純凈」為主，所有烹調的材料和調味料都以新鮮為前提，所以我都抱住呢個新鮮嘅感覺去試一試。 🥩🍔🌭🌮🥗🥯🥘🍲🍝🍣🥟🍤🍱 食物：黎巴嫩菜除左主打蔬菜外，肉類則首選羊肉，因為羊是素食動物，而且只吃乾凈的青草，所以黎巴嫩人認為羊是最潔凈的動物，而家等我同大家講下🇱🇧🐐味道先。 🐐Kibben羊肉炸球 $1️⃣1️⃣8️⃣ - 呢個炸球外型好可愛，尖頭尖尾成粒番薯咁，外層炸得好脆但唔油，切開仲有肉汁流出，入面就係碎羊肉同大量香料，口味香濃，配埋個清新微酸嘅醬汁，正好同d香料好好中和。 🐐Lamb Kofta烤羊肉串 $1️⃣9️⃣8️⃣ - 佢地嘅阿拉伯烤羊肉串有兩款，一款係用羊肉粒，另一款就係用免治羊肉條，店員推介可以試下免治羊肉條，因為餐廳會係羊肉加入香料，味道會更加豐富。上枱會有半塊薄餅皮係底，配料就有青紅椒同洋蔥，將所有野卷埋一齊嚟食，感覺好夾，如果鐘意的話仲可以加埋芝麻醬嚟食。 🐥Lebanese Style Chicken Roll黎巴嫩雞肉卷 $1️⃣8️⃣8️⃣ - 呢個雞肉卷同個名一樣，真係好嫩，雞卷內包住大米，鷹嘴豆同其他香料，感覺有d似中式嘅八寶鴨，醬汁就配以蕃茄他他，整體感覺豐富又唔油膩。 🍞Lebanese French Toast with Brioche黎巴嫩法式多士 $9️⃣8️⃣ - 估唔到黎巴嫩都有西多士，不過佢呢個西多士真係非常之特別，佢用兩片極厚多士，中間夾住奶酪醬，表面再有一層紅豆蓉同開心果碎，口感豐富之餘又互補。紅豆蓉嘅香甜；奶酪醬嘅咸香；厚多士嘅鬆軟；開心果碎嘅脆口；全部集於一身。 ☕️🍵🥤🧋🍺🍷🥃🍹🧉🍾🍶🥛 飲品 : 因為餐廳有一個bar枱位，所以飲品有好大量嘅酒類選擇，如果唔飲酒仲會有特飲/奶昔/果汁/花茶等選擇，我地就叫左一壼花茶，飲落好香薄荷味，比較清新開胃同消滯，使用嘅器皿亦好典雅。 🍽環境：餐廳環境真係令人眼前一亮，餐廳裝潢以黃藍做主色，天花倒掛了大量五彩繽紛嘅花草，恍如置身花海森林一樣，令人心情都覺得好放鬆舒服。 🤵🏻🤵🏻‍♀️🤵🏻‍♂️服務：店員態度非常好，十分有禮貌，見我地未食過黎巴嫩菜，都十分細心介紹餐廳食物嘅特色，而且職員仲話餐廳不定時(通常星期五六)會有傳統肚皮舞表演。 💰💸價錢：今日叫左1個前菜，2個主菜，仲有甜品及飲品，埋單都係$6️⃣0️⃣0️⃣左右，以第一次食黎巴嫩菜，再加上咁無敵嘅環境，價錢都實係抵食。 🐲💬總結：我對今晚呢餐黎巴嫩菜十分滿意，包括食物質素/環境/服務都唔錯，尤其是個環境，真係好靚，完全適合鐘意打卡嘅朋友。 推薦指數：❤️❤️❤️❤️❤️

📌 Milu Thai มิลู่ไทย (亞士厘道) - 尖沙咀亞士厘道24-38號天星大廈4樓 🗓(8/1) 星期一 ⏰ 晚上7:15左右
💈特式：呢間我之前食過銅鑼灣店，我當時都覺得好唔錯，今日我同2個朋友一行3人去試佢尖沙咀間新分店。 🥩🍔🌭🌮🥗🥯🥘🍲🍝🍣🥟🍤🍱 食物：呢間餐廳都唔少出色嘅推介食物，當中人氣最高就一定係佢地個火山排骨，而家等我同大家講下🇨🇷味道先。 🌋🦴火山排骨$2️⃣2️⃣8️⃣ - 呢個係餐廳重點推介菜式，差唔多每枱客都有叫，呢個火山排骨上枱真係成座山咁，視覺效果極佳，d排骨都好多肉，唔會淨係得舊骨，肉質亦都煮到好淋身，好易就可以用手撕開，個酸辣醬汁更加起到畫龍點睛嘅效果，酸酸辣辣咁，對味蕾好有衝擊，但如果有同行朋友怕辣嘅話，就可以係落單時揀醬汁另上，另外上排骨前店員仲會提供埋膠手套同濕紙巾方便客人食用。 🔥🐟鹽燒鰂魚$1️⃣8️⃣8️⃣ - 通常燒魚都會比較乾身或偏柴，但呢度個燒鰂魚就冇呢個問題，外皮燒到脆卜卜，但魚肉仲保持到雪白，口感嫩滑唔乾身，食落仲有淡淡泰式香料香味，再加埋佢地個泰式酸辣汁，零舍開胃。 🦐大頭蝦冬蔭公湯$1️⃣2️⃣8️⃣ - 因為驚食唔晒，所以冬蔭公都係叫左個小size就算，雖然只係小size，但原來份量都唔小，大約可以分到4碗多d，辣度就中等，酸度就唔會好酸，大頭蝦除左size大之外仲有膏。 🥬馬拉盞椰菜苗$9️⃣8️⃣ - 本身我想叫通菜，但朋友見到佢有椰菜苗，因為出面唔係間間有，所以就叫左佢再，食法就可以揀馬拉盞/清炒/蒜蓉/飛天，不過我就鐘意馬拉盞炒會加d蝦米/蝦乾之類，食落香d有陣咸香味。 🥭🍚芒果糯米飯$8️⃣8️⃣ - 話呢個係泰國人氣榜首甜品，相信都冇人唔同意，糯米飯上枱時仲微微熱，淋上香濃椰醬，口感煙靭軟糯，芒果份量多，而且味道鮮甜，十分高質。 ☕️🍵🥤🧋🍺🍷🥃🍹🧉🍾🍶🥛 飲品 : 飲品就叫左1個椰青，1個青檸茶同1支泰國象啤，椰青又大個又清甜，配泰式濃味食物一流。 🍽環境：餐廳裝修十分有心思，全場都五彩繽紛，再配上幾幅塗鴉牆身，不乏打卡位，坐位都好多同鬆動，整體乾淨企理，比人感覺舒服。 🤵🏻🤵🏻‍♀️🤵🏻‍♂️服務：店員態度很好，會關心客人食辣程度去推介菜式，亦會提議辣醬汁另上去方便唔食辣嘅客人，上火山排骨時會主動提供膠手套濕紙巾比客人，各方便都體現到店員嘅細心。 💰💸價錢：因為樣樣都想食，所以越叫越多，3個人真係完全食唔晒，埋單就連加一都係$9️⃣0️⃣0️⃣左右，係尖沙咀食咁高質素嘅泰菜，價錢都算合理，分分鐘比去九龍城食仲要平。 🐲💬總結：我地都好滿意今晚呢餐泰菜，食物水準高，又有特色，期待下次嚟試埋佢其他餐廳推介食物，例如咖哩三重奏同生蝦刺身等等。 推薦指數：❤️❤️❤️❤️❣️