同朋友補祝生日，知道佢鐘意食西餐及至愛甜品又想去啲靚靚地嘅cafe打下卡，帶佢黎‘’孖啡‘’最好不過，可以一次過滿足晒佢要求。 朋友話最近訓得唔係太好，所以叫左個玫瑰花、洋甘菊花茶，可以鬆弛神經，幫助入睡。我就要左個紅莓水果茶，其實之前已經試過覺得紅莓味道突出，非常香甜。 除左紅莓果茶外，軟殼蟹黑松露意大利粉也是可以返點之選。軟殼蟹大大隻炸到脆脆卜卜而不油膩，意粉充滿著黑松露味道，好香濃。 牛肝菌帆立貝野菌意大利飯 帆立貝同樣份量十足，有3粒，每粒都脹卜卜非常飽滿，意大利飯粒粒分明。 最值得讚係朱古力心太軟 外脆內軟，朱古力勁流心，一口熱辣辣朱古力再加上一口冰凍雲呢拿雪糕，幸福感即時飆升。芝士蛋糕亦唔差，芝士味濃郁，蛋糕軟綿綿。

今天約了朋友聚下舊，諗住揾間靜靜地的餐廳傾下計又不限時的。去了太子呢間 Owl's stage, 店內有如其名Owl, 見到好多貓頭鷹擺設好靚好特別，除左擺設之外仲有啲好特色嘅🦉畫添。打完卡一輪，見menu啲set lunch 都有好多選擇，同朋友叫咗兩個 lunch set，一個係蒜香牛油汁美國雞腿肉露筍意大利飯，雞腿肉都幾嫩滑 （吃白肉比較健康，雞肉份量就不算多，但勝在夠健康）牛油汁幾乎包滿了每粒意大利飯，帶香味又不會感覺膩。 以前食過有啲意大利飯會又硬又滯，但呢個就完全無呢個感覺。另外一個set - 燒牛肉焦糖洋蔥意大利包，呢個有驚喜喎，燒牛肉幾厚身，肉汁好juicy, 軟包有烘底好香軟，配撘得好好味，仲有配黑醋沙律好開胃健康。另外不少得一提個餐湯，椰菜花薯仔湯，薯仔味濃郁又夠熱，最怕飲啲湯係唔夠熱的，是健康之選👍🏻整體來講都坐得舒適，食得健康。

今天約了朋友聚下舊，諗住揾間靜靜地的餐廳傾下計又不限時的。去了太子呢間 Owl's stage, 店內有如其名Owl, 見到好多貓頭鷹擺設好靚好特別，除左擺設之外仲有啲好特色嘅🦉畫添。打完卡一輪，見menu啲set lunch 都有好多選擇，同朋友叫咗兩個 lunch set，一個係蒜香牛油汁美國雞腿肉露筍意大利飯，雞腿肉都幾嫩滑 （吃白肉比較健康，雞肉份量就不算多，但勝在夠健康）牛油汁幾乎包滿了每粒意大利飯，帶香味又不會感覺膩。 以前食過有啲意大利飯會又硬又滯，但呢個就完全無呢個感覺。另外一個set - 燒牛肉焦糖洋蔥意大利包，呢個有驚喜喎，燒牛肉幾厚身，肉汁好juicy, 軟包有烘底好香軟，配撘得好好味，仲有配黑醋沙律好開胃健康。另外不少得一提個餐湯，椰菜花薯仔湯，薯仔味濃郁又夠熱，最怕飲啲湯係唔夠熱的，是健康之選👍🏻整體來講都坐得舒適，食得健康。

適逢假期約朋友tea一tea，當然要搵間又靚又坐得舒服嘅餐廳relax下。知道裕民坊2樓有間叫‘I 'm not nothing" 幾有宮廷式格調嘅西餐廳好似又靚又好食可以試下。 餐廳分左indoor 同outdoor區。我哋被安排坐outdoor，今日天氣還算涼涼地都幾舒服。最開心見到menu有全日早餐，份早餐賣相鮮豔見到已胃口大開份量亦相當十足，有牛油果、蕃茄、什菌、沙律菜、煙肉、多士仲有德國白肉腸。食材夠晒新鮮，豐富嘅早餐再加上宮廷式環境感覺自己去左外國渡假一樣，好chill好有幸福感。 是日餐湯係忌廉磨菇湯，磨菇味道濃郁好creamy，又夠熱好好飲 另外點左個牛油煎廣島蠔鮮蠔汁意大利飯，有3隻好肥美蠔，煎到黃金色外脆但內裡仍嫩滑，不會過熟，蠔汁滲透意大利飯好美味，超水準

今晚約朋友食飯，我想食清清地，但朋友又想食得豐富啲，於是選擇左火鍋放題，鐘意食咩就食咩，可以各取所需。 去左佐敦倫敦廣場大鍋口海鮮火鍋店，任飲任食每位都係$228再加一，都算幾低食。火鍋店內好闊落，坐得都算舒服。 先黎個麻辣雞煲，雖然辣辣地但好香好惹味，雞肉厚嫩滑。食完雞煲就揀左個椰子雞湯底打邊爐，椰子雞湯味道香濃又夠甜。火鍋配料極多，因為我想食清啲，所以多數點菜、萵筍、茶樹菇、鮮冬菇、雞脾菇、豆腐、冬瓜、秋葵..其中萵荀好爽口好新鮮。 雖然我冇食牛，但朋友話呢個安格斯肥牛牛味重，而且見佢紋理色澤都好靚。 點左四寶丸，佢啲丸係手打，好彈牙 海蝦鮮甜，脆脘魚腩肥厚爽脆，鵝腸都一樣係爽口，總括黎講係非常抵食

臨近新年商場食肆人多等位又耐，所以選擇去工廈隱世餐廳搵食。‘’古今二‘’位於觀塘工業中心第四期，觀塘地鐵D出口步行5分鐘都唔使就到非常方便。之前已經食過覺得食物質素唔錯，價錢都合理。 龍卷風沙律$78 沙律夠新鮮又豐富有蟹籽、蟹柳絲、海草及生菜，大大碗份量十足。 鹽燒雞中翼$28 雞皮燒到又香又脆，雖然鹽燒但味道剛剛好不會太咸。 雜錦天婦羅$88 有蝦、紫薯仲有秋葵，粉漿調配得適中，絕對不會太厚。好多時食天婦羅都會好厚粉，呢個做得好好。 火山$128 下層係牛油果、青瓜壽司共6件，上層就鋪滿左三文魚籽、蟹柳叠成小火山一樣，再起鐵板周邊點起火焰，好像火山爆發一樣，好壯觀，好睇又要好食。 自家制玉子燒（6件） 蛋味好濃好香加埋啲甜甜地嘅醬汁超好味

今晚又去返呢間位於荔枝角地鐵站長沙灣廣場嘅日本居酒屋"Mata Japnese Cuisine"’。除左鐘意佢食物夠創新之外，店員服務都好窩心，好有耐性為我哋介紹 菜色又閒話家常一番，非常友善。 cocktail 好具創意用左紅、橙、黃、綠、青、藍、紫..表達。上次試左‘’青‘’，今次叫橙(一盒)有gin、marashino、iced tea、orange juice 飲落似Earl Grey 刺身沙律$138 油金魚好肥美，仲有蘿蔔絲、蕃茄仔、生菜絲及啤梨。有啤梨好清甜伴埋和風沙律醬食開胃醒神 叉燒和牛串燒$98 叉燒醬入晒味與和牛融為一體好好味。 醬油漬糖心蛋鴨湯拉麵$88 鴨胸肉好多塊厚切又夠林，麵夠彈牙湯底濃甜 茄子大阪燒$78 一般出面大阪燒都係用粉漿，但呢度只係用蛋和茄子，所以蛋香味濃烈。 食埋甜品蕨餅（抹茶+黃豆粉)$68 大滿足

甚少去荃灣覓食，朋友唔講都唔知原來荃灣楊屋道有個商場叫Plaza 88，地下有間西餐廳幾靚幾有情調。 餐廳都算大，燈光昏暗，好有氣氛和三、五知己傾下計。特別鐘意佢啲地磚好有懷舊風格。同朋友6點幾到步，仲可以趕得切happy hour時段。 尼斯沙律 $165 有意大利吞拿魚、紅薯、菜豆、鳳尾魚、橄欖、洋蔥、櫻桃蕃茄、酸豆生菜。 好多新鮮材料又豐富又健康。 香蒜雞肉意大利麵$143 用左新鮮羅勒香蒜醬，羅勒味道香氣強烈，食慾大增。雞肉好足料，仲有新鮮蕃茄仔。 聽聞呢間啲piaza唔錯，點左個黑松露磨菇芝士薄批（$175)，好巨型。黑松露加磨菇真係絕頂配搭，味道香濃，下次要試埋佢果meat lover piaza先

放工想搵間舒適嘅cafe chill下，起 openrice search 到油麻地彌敦道有間樓上cafe叫"孖啡‘’見個名幾得意再望下啲食物都好吸引，而且地點亦相當方便，油麻地地鐵站a出口再行5分鐘都唔使就到啦。 環境好有情調，無論拍拖或朋友聚會都不失為一個好地方。特別鐘意佢嘅吊燈加剪影公仔裝飾好古典味道，梳化坐位夠晒闊落，富有空間感。 打開餐牌見到啲飲品名係用左塔羅牌改的，覺得好有創意。我哋4人分別叫左女皇、月亮、審判另叫左一個熱藍莓果茶，好香藍莓味，好好飲。 軟殼蟹黑松露意大利粉 軟殼蟹好巨型，最難得係炸過後不油膩，因為食過啲油膩之餘仲有油溢味道。意粉多汁每一口都充滿住黑松露香氣。 香蒜白酒蜆意大利粉 雖然冇黑松露意粉甘creamy，但蒜香味道一樣惹美，係另一番風味。 煙三文魚意大利烘飽配著條 甜品叫左朱古力心太軟及牛角窩配雪糕 窩夫鬆脆帶牛角酥香味窩夫夾雪糕一齊食係絕配

無意中發現跑馬地黃泥涌道呢條隱蔽街道中有一間門面清幽嘅日本菜係食廚師發板。同朋友一講之下原來呢間係經常好full好難book，果然等左好耐先book到。但亦不失所望，無論食材以至服務及廚師態度都是值得的，絕對係極致享受。 店內簡潔清幽，燈光柔和，好舒服。 Dinner Menu $1880 先付(前菜） 廚話呢個係日本人過年食品，喻意身體健康。 裡面有丹波黑豆味道甜甜地， 伊達卷係日本人過年必食嘅糕點，仲有芝海老、沙甸魚仔、紅白魚蛋、栗金團、我最鐘意係脆卜卜嘅鯰魚籽 季節のスープ Seasonal Suimono 車海老、紅白蘿蔔、雞、年糕湯 湯加入柚子清甜無比，海老好大隻 刺身5點 四國天然薄切鯛魚配紫蘇花及酸汁，清新口味 北海道水八爪魚一試難忘 賣相像幅山水畫 八爪魚吸盤非常爽口 師傅仲搬條大八爪魚俾我哋睇，好壯觀 呢個廚師真係好風趣幽默，健談又細心。試過食過一間omakase師傅好cool成餐飯都好拘謹，但呢度真係食得好開懷。 富山白海老鮮甜 九洲大分關鯖魚，肉質扎實，富有彈性。 手握壽司十貫 壽司差不多尾聲才出場，已經好飽，仲驚食唔落。但飯細細口，魚生又新鮮所以越食又越想食，飽意全無🤣食返開個胃。海膽手卷極之重手，食完感覺幸福滿滿。 最後師傅問我哋最鐘邊道菜，我就最鐘意炸白海老，係用左40隻蝦仔整成，蝦味濃厚。第二就係昆布醬油燒白子，白子都係第一次食，好嫩滑。